|
البارحة شاهدت شاب سعودي غير نظرتي في بعض الشباب السعودي الكسول الإتكالي الخامل السلام عليكم ورحمة الله وبركاته ذهبت البارحة لمنتزة جديد بقراطيسه في جنوب الرياض طلبت من أمي نذهب لشراء فشار وماء وتسالي وآيسكريم <<بتمسك خط وجدنا أقرب شيء لنا سيارة آيسكريم توجهنا لها تفاجأت بشاب سعودي أصلي من شكله ومن كلامه يعني لاتقولوا يمني متسعود أو أو وواضح اهتمامه بمظهرة الخارجي أيضا إلا أن ذلك لم يمنعه من أقتحام مهنة البيع هذه اللتي عادة مايبيع فيها الاخوة من الجنسية الهندية كبر في عيني كثييييييرا حاولت أشجعه بكلامي ونشد من أزره لا أن أحتقره أو ابين أني مستغربه حاولت أن أبين اننا فخورين به كثيييييرا حتى يستمر ياأخواني الشباب إلى متى الكسل والخمول والإتكالية وانتظار الوظيفة سبشل مصممة على المزاج والمقاس بمكتب ومكيف وكرسي دوار أنا لاأتهم الجميع وأقول كلهم خامل وأتكالي ولكن صدقوني لو كنتوا حركين ولاتحبوا جلسة البيت والخمول والإتكال على مصروف الأهل لكنتم أستغليتم أية شغلة شريفة وشيئا فشيئا صدوقني سستتغير النظرة الدونية من قبل المجتمع مع التوعية والتثقيف وشيئا فشيئا سيفرض أبناء الوطن أنفسهم وتتوسع تجارتهم أبدؤا ولو من أقل القليل لاتنتظروا الوظيفة الحكومية تأتيكم على طبق من ذهب يعني أنا وانا بنت مستحية على وجهي اني بالبيت أحس أن لادور لي بالمجتمع فقط آكل وأشري يعني عنصر مستهلك فقط لا أستثمار ولا أي دور أسهم فيه بالمجتمع فكيف بكم انتم معقولة راضين بالدوران في الشوارع ولا بجلسة البيت أمام القنوات الفضائية وشاشة الكومبيتور ووو ألم يداهمكم الملل الشعور بأحتقار النفس الخاملة الغير عاملة لو ع الأقل بشكل مؤقت لو ع الأقل في العطلة لو ع الاقل كسر حاجز الخجل والوجل بمثل هالشغلات لو ع الأقل لحد مايحصل وظيفة تناسب طموحه ووجهة نظره صدقوني مع الكفاج والعمل الدؤوب ستدخلون أضعاف أضعاف راتب الوظيفة الحكومية المهم حسن الأختيار حسب متطلبات وحاجيات سوق العمل يعني مثلا ماتروح تفتح محل ليس عليه طلب كبير وفي مكان مهجور او جوا حارات نايمة أو تتكلف مصاريف كثيرة في ديكور المحل يعني الشاب الذي ذكرت ذكي جدا وعرف فعلا من أين تؤكل الكتف المنتزة يغص بالمرتادين وطبيعي يكونوا بحاجة للموية والفشار والتسالي والايسكريم والذرة رأس مالي بسيط مصاريف بسيطة قياسا بالإيرادات والله يزيده ويوفقه ووالله انه في نظري أفضل وأكبر من شاب يعتمد على اهله بحجة أنوا الشغلة هذي مو برستيجي وأكبر وأفضل حتى من اللي وظيفته بمرتب مرتفع جدا جاءته ع الجاهز أحترم الشباب الطموح المكافح العصاااامي انا ماأقول لا تتوظفوا وظايف مرموقة مهندس ولا طيار ولا ظابط ولا في مكتب مكيف ولا أي وظيفة تناسب رغبتكم لكن أقول استغلوا قدراتكم وجهودكم والفراااغ ووقتكم والسنين العجاف اللي بتمر من غير وظيفة ع الكيف فيما ينفع أحيانا أقول البلد هذي مالها حل أجانب كل مالهم يكثروا ووظايف بالواسطات وبلاوي لكن ليه مانصنع من المحنة منحة ليه ؟؟؟ تذكروا الحركة بركة وانتوا شباب تقدروا تطلعوا وتتصرفوا يعني المجال أمامكم مفتوووووح ع الآخر والواحد بدون طموح وعقل يشغله حياته بتصير ملل وكآبه وروتين وكلامي للي يبي يترزق الله وماتوظف بعد ,واللي يبي يزيد دخله السماء مارح تمطر ذهب لمتى والإنتظار أو التردد أو تضييع الوقت والفرص مارح يأكلك عيش هذا كله أعقلوها وتوكلوا ياأخوان وتذكروا أن التجارة فيها تسعة أعشار الرزق ولاتزعلوا من كلامي لأاني أكتبه بدافع الحرقة والغيره على أبناء وطني أسأل الله أن يوفقه ويوفقنا ويوفقكم |
ما شاء الله تبارك الله عقبال ما نشوف الشباب السعودي كلهم زبالين وكناسين وبياعين بليلة والمهندسين والفلوس كلها بيد اللبنانيين والهنود وبقية أخواننا الأجانب شكراً لك |
الشغل ماهو عيب ............. |
المشكـلة مو في طبيعـة العمـل .. ولآ في نظرة المجتمـع لــك .. ! ولآ في الضغـوط والمتآعب الي تحصل لك من ورآ العمل.؟ المصيبـه الكبـرى المبلـغ الزهيـد الي تجنيـه من عملــك ..؟ رغم أنك تضع نفسك في موضـع العمآله الوافـده وتنسـى حقوقك في بلـدك ..! ومع ذلك ماتحصل مبلغ يكفــيــك ويسـد حآجتــك .. يعني رضينـا بالهم والهم ما رضـآ فينــآ ..؟! << للسعوديين فقـط>>عبآرة أشاهدها في كل مكآن ولآ أجد لهـآ صدى في ارض الوآقع ..؟ في كل مكآن تجد آعلآنات ووظائف وحشو كلآم الى ما لآ نهآيـه .. ولمأ تجيهم تجد الشـروط ماتنطبق الآ على الأجنبي .؟! مثلآ : يجب أن تكون عملت خآرج المملكه في نفس هالقطـآع عشان تطلعنا على طبيعه العمل في الخآرج وتفيدنــأ .؟! ولآ تستغرب لو قدمت على شركـة و طلبوا عليك شهآدة خبره 20 سنه بهآ المجآل وأنت عمرك 24 سنه ..؟! :s5s: الوظآئف والله آصعب وآكبر تعقيـد ممآ تتصورنهــآ ..! :cry: :s5s: |
مشكووووره ااختي هو صحيح الشغل مو عيب بس المشكله نظره بعض الشعب السعودي لشاب اذا مو وظيفه رسميه بعضهم مستحيل يزوج بنته اذا مو المتقدم وظيفته رسميه"" |
الشغل مو عيب وشكرا ع الموضوع تقبل مروري |
إقتباس:
حسيت ردك استهزءا مدري ليه زبال او مهندس كلهم واحد المهم انه يطلع لقمة عيشه بالحلال وان شاء الله السعوديين يكونون بكل مكان ونفتك من هالاجانب صراحه هالشاب يبي له حبة راس احترام وتقدير:rose: |
إقتباس:
كلام مقنع و منطق سليم العمل أياً كانت الشهادة فهي مجرد (ورقة) تقدير لا أكثر و لا أقل و إن إظطر الرجل للعمل بعيداُ عن تخصصه أو بعيدا عن (برجه العاجي) فلا يهم أي شيء أهم شي العمل الشريف و البعد عن الدين (القروض) تحياتي،،، |
إقتباس:
أنا ماجبت طاري كناس ولا زبال مع أحترامي لهم ..هم تاج روسنا ولولا الله ثم هم كان غرقنا في أوساخنا وقمامتنا والأمراض أنا يمكن يكون كلامي مثالي بزيادة حاليا لكن ومع الوقت والتوعيه أكيد ستتغير النظره كفخر أشوف أمثال هالشاب كبير عقلا وفكرا جريء طموح عصامي عارف دوره كمواطن تمام مش ديكور ياكل ويشرب وينام تحدى نفسه والمجتمع برضه أكيد بيتوسع في شغلته أو ممكن تكون هـ الشغله إضافيه للوظيفة الصباحية مش أساسيه المهم أنا أنبسط لما أشوف شاب من ابناء وطني لهلوب مايقول برتاح في العطلة ولا باخذ إجازة والله احسن من الجسلة في البيت عطالي بطالي ينتظر الرزق يجيله لحد باب الملحق سنين راحت عجاااااف تدوروا بحلقة مفرغة مش تستفيدوا منها بأية مشروع حتى لو بسيط أحسن لحد ماتلاقوا الوظيفة اللي تناسب مؤهلكم وتخصصكم؟ ماعلينا من المجتمع واللي المفروض يصير ونظرتهم وان احنا ببلد المفروض مانشتغل أيسكريم ووووصدقني كلها ماتوكل عيش والله اللي بينتظر ويهتم بكلام الناس ونظرتهم بيتعب ومارح يستفيد عليك من حالك ومصلحتك الدولة من مبطيييييييي وهذا هو الحال ماعليهم مننا ومن زمان هذا الكلام كل مايهمه الا مصلحته ولهط الفلوس و بالعكس الأجانب كل مالهم يزيدوا وينعطون رواتب خرافية ومميزات ولا في الأحلام لكن أنتم وينكم من هذا كله صدقوني ماحد بينفعكم لا تشوفوا الجانب الفارغ من الكاس شوفوا المليان وابحثوا عن مصلحتكم من أصغرها فرصة وفكرة مااحلى وأطعم النجاح من عنق الزجاجة إذا حتى أحنا طالما مافيهم فايده برضه ماعلينا منهم ولا من نظرة المجتمع شق طريقك برجلك وماعليك من حد أرمي كل الكلام اللي قلتوا ورا ظهركم والله محد بينفعكم وانا ماقلت أشتغلوا بسيارة آيسكريم أنا كتبت الموضوع كفكرة كألهام كتشجيع اللي انتوا تبوا المهم أبغى أوصل أن التجارة مشروع مفيد للي لسا بقائمة انتظار الوظايف او اللي يبغى يزيد مصدر دخله وأن الشغل مش عيب أمثلة الراجحي عبدالرحمن الجريسي عارفين كيف كانت بداياتهم ومن وش بدؤا وكيف صاروا الآن والقائمة تطوووول <!-- / message --> |
من يريد أن يترزق الله ولايحقر من العمل شيء أستعن بالله وأول شيء تفكر فيه أنك تختار المكان والوقت والمشروع المناسب يعني مثلا مثلا مش تفتح مشروع كشك لبيع عطور وبخور ولا تفتح محل كومبيتور زي هذي مشاريع ميته وإذا فشل المشروع نقول عطونا عين أو حظنا نايم أو ربنا ماوفقنا طيب الواحد موب مفروض يفعل السبب ؟ خطط واختار الوقت والمكان المناسب وأستشر أهل الخبرة واعمل دراسة جدوى أقتصادية ابحث عن مشاريع عليها أستهلاك بشري يومي ولايستغنى عنها الناس وبمكان فيه كثافة عددية يعني بحديقة بسوق بمنتزة أضمن للنجاح وأكبر ربح وخصوصي بالويك إنك بتشوف الإقبال على أصوله عندك مثلا من المشاريع اللي أشوفها مرشحة للنجاح بعد توفيق الله وبرأس مال يكاد لايذكر عربة ذرة وبطاطس طباعة البحوث راس مالها طابعة وورق وكمبيوتر تسديد وتجديد الرخص دلاّل مدرس خصوصي نقل معلمات أو غيرها كلن بحسب قدرته وراس ماله |
الشغل مو عيب ولا الواحد يستعر من الزبال وهم اللي جالسين ينظفون أوساخنا الله يخليهم إلى بقية الكلام الفاضي هذا اللي ما في أحد أعترض عليه الاعتراض أنه نظرتنا في أن السعودة تبدأ من تحت مو من فوق يعني البلد كلها تساعد الأجنبي وتقدم له التسهيلات والشاب السعودي كل ما جاء يقدم على وظيفة أو يحاول يسوي مشروع تعال يا تعجيز وش لك والشغل الكبير خل هذه الأشياء للأجانب حفظهم الله لنا واشتغل زبال وبياع بليلة..!! اللهم إني صائم بعد ساعة..!! |
علك : اتمنى لك صباحاً يعمه الحب ويكتنفه الهدوء صباحاً عاطراً كعطر قلمك |
وعليكم السلآم ورحمة الله وبركآته مآشاء الله عليه طمووووح الله يكون بعونه ويرزقه من حيث لآيحتسب عادي اصلاً شبابنا ولله الحمد اغلبهم تفتحوا من هالناحيه الله يرزقهم بمايسرهم |
ياما غنات الذيب والا فقره...! نص الشركات ماسكينها اجانب السعوديه من اغنى الدول بالعالم هذا اذا ماكانت اغنى دوله الشعب السعودي لو تشخلهم بشيبانهم وشبابهم وورعانهم ماجاو 20 مليون والا الجامعات ماغير كم جامعه مسوين زحمه لا ومقلعه باخر الدنيا وياليت شهادتها زي الناس لو بنفتح مواضيع ماراح نخلص المهم تقبلي مروري....................... |
الشغل مو عيب العيب الجلوس نفس المره بلبيت شكرأ لكي اختي الغاااليه وبنتضااار جديدك |
| الوقت المعتمد في المنتدى بتوقيت جرينتش +3.
الوقت الان » 07:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd