إقتباس الرسالة الأصلية كتبت بواسطة FAISAL AL7RBY عيب عيب عيب عندما تختفي كلـمة عيـب راح نشوف جميع السعوديين يشتغلون في جميع المهـن انا لو احصل وظيفة عامل نظافه وراتبها 4 الالف ما اشتغلتها لان لدي عقدها اسمهـا عيـب و اخاف من نظرة المجتمع لي

الظاهر انك مافهمت دقه اخوي دوق فيلد

كلنا يعرف الشغل مو عيب بس كم الدخل الشهري بمثل هذه الموظائف الف ريال والا الف وخمسمائة بالكثير

انا اعرف واحد كان يشتغل بقص المفاتيح يدوام باليوم من الساعة 8.30 الصبح حتى 12 الظهر وبعدين من 4 العصر

حتى 10.30 الصبح وبراتب الف ومائتين ريال

تقدر تقول وش الفائدة من هالوظيفة بس يضيع عمره على شيء فاضي الحين زمن علم يعني ادخل معهد دورة حاسب
دورة لغة انجليزية ابرك بالف مرة من مثل هالوظائف الي اذا كبر الانسان يعرف انه كان يضيع وقته

وبعدين ما يقدر لا يتوظف ولا يعمل باي شيء

عمر ماكان الشغل عيب وهذي تجاره وش يدريك يمكن يكون دخله الصافي اليومي فوق 300 ريال يعني بمعدل 9000 ريال شهريا

راتب موظف في المرتبه السابعه ...... !!!

عمر ماكان الشغل عيب والتجاره احلى شي بلا وظيفه تجبرك وبلا مديرك يذلك خلك انت وبكيفك

الشغل صحيح مهب عيب و ما يقلل من أي شخص ،،

بس السؤال الاهم ليه شاب من دولة بترولية كبيرة يضطر يشتغل بمطعم او ما شابه عشان يوفر لقمة عيشه؟

أما أن الشباب السعودي كسول فهذي نظرة خاطئة جدا و القطاع الخاص مليء بالشباب السعودي اللي يوم اعطي الفرصة يعمل عمل ما يقدمه كثير من الاجانب و اللي اشتغل بالقطاع الخاص اكيد شاف هالشي

إقتباس الرسالة الأصلية كتبت بواسطة LIVERPOOL666;18582114[SIZE=5 ]ههههههههه حلوه تصريفتك لسؤالي الواضح جدا جدا[/SIZE] مسأله انه يشتغل زبال ويطلع درجه درجه على قولتك مره اعجبتني معاليش اختي بس انتي في اي قرن او عالم عايش وش مشروعه الي يقدر زبال او بياع بليله يفتح ماشاء الله؟ وقولتك يطق باب بابين ثلاث الين يحصل رزقه ذي انا اتفق معك بس برضو معاليش وبقوه كيف شخص دخله مايتعدى يمكن 2000 ريال يقدر يعيش هو وزوجته حياه كريمه خاليه من مد يديهم للناس؟؟ مايحتاج اجلس اذكر لك وش متطلبات الحياه والاسعار والايجار والسياره والمصاريف الخاصه ووووالخ. ومثل ماقال احد الاعضاء حنا نشتغل عشان نوفر لكم يالبنات حياه كريمه واذا انتي ترضين لنفسك بعض الكماليات مثل الجوال والنت والتلفزيون والاسواق انا ارضاها واتمنها لكل بنت سعوديه تستاهلها ليش يعني البعض لزم تكون هي الي ترضى بزبال او بياع وانتي بما انك معجبه ماترضين فيهم ليش انتي ماتوافقين على البياع وتاخذين اجره ولا على حسب فهمك انك مو من البيوت الي راح توافق لهم بعد طق الباب كم مره ومسـاله تقولين الاخلاق والدين شي جميل طيب يمكن البياعين والزبالين اخلاقهم ودينهم عال لعال الحمدالله يعني لو تقدم لك بياع واخلاقه تمام التمام وتقدم لك واحد ماش بس الرجال $$ اكيد الجواب معروف ودمتي بحفظ الله

أسمهم عمال نظافة اللي لولا اللهم ثم هم كان عشعشت بوساختك
ومحد جاب طاري عمال النظافة أنا احكي شرق وانت غرب.

,.

إقتباس الرسالة الأصلية كتبت بواسطة دوق فليد ما شاء الله تبارك الله عقبال ما نشوف الشباب السعودي كلهم زبالين وكناسين وبياعين بليلة والمهندسين والفلوس كلها بيد اللبنانيين والهنود وبقية أخواننا الأجانب شكراً لك

وشفيها لو تشتغل هذي الشغلات تراك ما درست إلى 16 سنة أو أكثر و تكفى يا الشهادات تراها شعادة جامعي و لا تنسى أنك في بلد فقير


بعض الناس تلقى أبوه عنده مليارات (( و طبعاً تكون من ضمن المشاريع الي فيها أكل واجد ))

و يجي ولده و يقول و شفيها لو تشتغل زبال , أهم شيء لقمت العيش , أأأأأخ وش أقول

الشاب السعودي ليس كسول وإتكالي
المشكله في بعض الوظائف أوقات العمل فيها طويله وقد تكون على فترتيـن
ولكن المدخـول زهيـد جداً

لكِ ->

إقتباس الرسالة الأصلية كتبت بواسطة علك باطوق أسمهم عمال نظافة اللي لولا اللهم ثم هم كان عشعشت بوساختك ومحد جاب طاري عمال النظافة أنا احكي شرق وانت غرب.

جزاك الله خير اول

ثانيا عمال نظافه او زبال كل المعنيين تفسر بنفس المقصد

الموهيم

مازلت ابحث عن اجوبه لاسألتي!!

والشي الثاني

مسأله ان نظرتك تغيرت عن الشباب السعودي الكسول على قولتك هذا شي طيب الحمدالله الشباب كانوا خايفين انكم ماتغيرون النظره لهم

بحكم انهم فسقانين فلوس الحمدالله والوظيف سهله وتكب كب عليهم

اما الرواتب الحمدالله حدث ولاحرج يمديهم يتزوجون ويبنون فيها فلل ويجيب للمدام (شغاله) ويوديها للسوق كل يوم تعرفين التسدح ذبح بنات الناس النشيطات

بس المشكله تدرين ايش

ان الشباب من كثر ماهو لقي شغل براتب زين ولا ينكرف كل اليوم

قالوا خل نشتغل بياعين ايسكريم يمكن نكبر بعدها بعين البنات ثم اتقدم لاحد البنات واكون فارس الايسكريم اقصد فارس احلامه

وكل يوم اطلعها بسياره الايسكريم واعطيها ايسكريم وبليله وهذي سنه الحياه

الشباب الكسول الي انتي تعرفين وشباب التسدح والكسل ذولا اما انهم تحطموا من الناس خاصه مثل ماقلتي يشوف له وحده تقبل فيه بما انه طفران تعرفين انتم ماتقبلون طفرانين بس فئه من الطبقه الفقيره هم الي ياخذون النوعيه هذي من الشباب

قبل ماتتكلمين وتتبهرجين هل فكرتي يوم من الايام بسؤال عن حال الشباب

او هل فكرتي هذا الشباب ذو الراتب 3000 ريال كيف بيكون نفسه ويطلع درجه درجه على قولتك

او هل فكرتي يوم من الايام ال3000 ريال كيف راح يتم تقسيم مصاريفها او او الخ!


كان الله في عون الشباب بس هم يلقونها من مين ولا مين

نحسبها حسبه بسيطه فقط 6 سنوات ابتدائى+6 متوسط وثانوي+6جامعي=18 سنه كرف وبالاخير اقرب سياره ايسكريم عشان تثير اعجاب البعض

وين فيه بالمملكه العربية السعوديه

قالوا ايش قالوا شباب كسول

تدرين عاد لاحظن دايم الي ينتقد الشباب ويرضى لهم بالوظايف الدنيئه هم الطبقه العليا عندنا في المملكه

ما اقول الا الله لايحدك مثل ماحد راعي الايسكريم بها الشغله

عمر الشغل مو عيب بس للحياه متطلباتها

تحياتي

إقتباس الرسالة الأصلية كتبت بواسطة ولد الشيوخ ,,, وشفيها لو تشتغل هذي الشغلات تراك ما درست إلى 16 سنة أو أكثر و تكفى يا الشهادات تراها شعادة جامعي و لا تنسى أنك في بلد فقير بعض الناس تلقى أبوه عنده مليارات (( و طبعاً تكون من ضمن المشاريع الي فيها أكل واجد )) و يجي ولده و يقول و شفيها لو تشتغل زبال , أهم شيء لقمت العيش , أأأأأخ وش أقول

صحيح ..يمدحون البكاء على الأطلال

إقتباس الرسالة الأصلية كتبت بواسطة ][ هلـآلي للـآبد ][ الشاب السعودي ليس كسول وإتكالي المشكله في بعض الوظائف أوقات العمل فيها طويله وقد تكون على فترتيـن ولكن المدخـول زهيـد جداً لكِ ->

أنا قلت بعض ياأخي مش كل .

إقتباس الرسالة الأصلية كتبت بواسطة LIVERPOOL666 جزاك الله خير اول وإياك ثانيا عمال نظافه او زبال كل المعنيين تفسر بنفس المقصد لأ مش صحيح لو الله حاطك في هالشغله ترضى حد يحط من قدرك ويناديك يازبال ؟بل حنا اللي اسمنا زبالين لأان حنا اللي ننثر الزبالة وهم المنظفين داري ولا لأ؟باليابان مايرضي شعبهم تسميته زبال بل يسمونه مهندس نظافة أحترموا كل مهنة ياشعب الله المختار. الموهيم مازلت ابحث عن اجوبه لاسألتي!! وشهي أسألتك اللي ماجاوبتك عليها هاتها ؟ والشي الثاني مسأله ان نظرتك تغيرت عن الشباب السعودي الكسول على قولتك هذا شي طيب الحمدالله الشباب كانوا خايفين انكم ماتغيرون النظره لهم بحكم انهم فسقانين فلوس الحمدالله والوظيف سهله وتكب كب عليهم اما الرواتب الحمدالله حدث ولاحرج يمديهم يتزوجون ويبنون فيها فلل ويجيب للمدام (شغاله) ويوديها للسوق كل يوم تعرفين التسدح ذبح بنات الناس النشيطات لاتعليق ماتبطلوا سخرية واستظراف بس المشكله تدرين ايش ان الشباب من كثر ماهو لقي شغل براتب زين ولا ينكرف كل اليوم قالوا خل نشتغل بياعين ايسكريم يمكن نكبر بعدها بعين البنات ثم اتقدم لاحد البنات واكون فارس الايسكريم اقصد فارس احلامه وكل يوم اطلعها بسياره الايسكريم واعطيها ايسكريم وبليله وهذي سنه الحياه علامك قاضبلي على سالفة بياع الأسكريم مافي مشروع أو فكرة الا هي ؟ ماهو عاجبكم ولا يناسب برستيجكم وتطلعاتكم اللي بعده دوروا على غيره ياأخي فيه ألف مشروع ومشروع وفكرة لكن أنتم الله يهديكم تدورون الأعذار إذا أنت جاد سيّر هنا قسم مشاريع وأفكار وهنا تنمية المواهب وتطوير الذات الشباب الكسول الي انتي تعرفين وشباب التسدح والكسل ذولا اما انهم تحطموا من الناس خاصه مثل ماقلتي يشوف له وحده تقبل فيه بما انه طفران تعرفين انتم ماتقبلون طفرانين بس فئه من الطبقه الفقيره هم الي ياخذون النوعيه هذي من الشباب هذي قصة واقعية مش من محض خيال لعلها تلين روسكم اليابسه حنا نعرف شخص من عيال الجيران حتى من درجة ماكان لهلوب ويحب التجارة والحركة والشطارة أهلي كانوا يقولون أكيد فيه عرق حضرمي وهذا الشيء يقهرني يعني السعوديين مافي راسهم تجارة وفكر استثماري أبدا بس حكر ع الاخوة الحضارم واليمنيين المهم هو من أبناء المدينة كنا نشوفه كل مارحنا السوق الفلاني كان يبيع فصفص وبساكيت وووو طبعا أختار المكان المنااااااااااااااسب المكتظ بالزباين ومن غير رأس مال كبير كانوا الزباين عليه زي النمل ماأخذ وقت كبير ماأذكر بالظبط لحد مافتح محل تموينات وحلويات وجابله عمال يساعدوه وبرضه عليه سوق ماشاء الله يعني الولد ماجلس على حاله توسع وفتحله محل والحين ماشاء الله تزوج لا مو كذا وبس تزوج بعد شروط تعجيزيه من قبله الزبدة من القصة هذي لاتحقروا اية شغله وماقلت خلاص يستمروا عليها أو مايتوسعوا لو ربي وفقهم ورزقهم فتأمل قبل ماتتكلمين وتتبهرجين هل فكرتي يوم من الايام بسؤال عن حال الشباب او هل فكرتي هذا الشباب ذو الراتب 3000 ريال كيف بيكون نفسه ويطلع درجه درجه على قولتك او هل فكرتي يوم من الايام ال3000 ريال كيف راح يتم تقسيم مصاريفها او او الخ! مين قال ألفين ولا 3 آلاف ريال مشاء الله تبارك الله ع هالإقبال اللي عليه أظمن لك يدخل بالشهر مايقل عن 15 ألف ريال بالراحة كان الله في عون الشباب بس هم يلقونها من مين ولا مين الله يكون بعونا وعونكم نحسبها حسبه بسيطه فقط 6 سنوات ابتدائى+6 متوسط وثانوي+6جامعي=18 سنه كرف وبالاخير اقرب سياره ايسكريم عشان تثير اعجاب البعض وين فيه بالمملكه العربية السعوديه قالوا ايش قالوا شباب كسول برضه يمدحون البكاء على الأطلال ..أبكوا أبكوا ياأخي أدري أننا جامعيين ودارسين وهرمنا وبلدنا أغنى بلد واحنا أحسن ناس .. كأن مافي حاجة اسمها تعامل مع معطيات الواقع ..أدري انه واقع مرير وتعيس لكن الذكي اللي يتكيف مع الظروف والامكانيات.. تدرين عاد لاحظن دايم الي ينتقد الشباب ويرضى لهم بالوظايف الدنيئه هم الطبقه العليا عندنا في المملكه غير صحيح . ما اقول الا الله لايحدك مثل ماحد راعي الايسكريم بها الشغله وش فيها هالشغلة بالعكس واضح أنه راضي وفخور بنفسه وبعدين وش دراك عنه يمكن هذا المشروع مصدر رزق ثاني له ..حتى أنتم يالشباب بنفسكم تقومون بدور الحط من شان الشغلات هذي بدل من تعزيزها واحترام وتغيير نظرة الناس لها بالتدريج. عمر الشغل مو عيب بس للحياه متطلباتها معاك ..لكن بسألك سؤال وأبغى إجابة واضحة وحاسمة أيه أفضل وأكرم وأشرف تشتغلك شغلة تتحرك وفي الحركة بركة وتكسب رزق من عرق جبينك وتكسب خبرة وتعامل مع الناس وتكسر حاجز ثقافة العيب تحسن أن لك دور مش أنت والجدار واحد وووالخ ولا تجلس بالبيت عطالي بطالي يكدون عليك أهلك بانتظار اللحظة التاريخية الوظيفة الحكومية اللي يمكن تجي او ماتجي؟ولو بشكل مؤقت تحياتي

المشكلة لا جاء واحد يتكلم عن العلم وهو ساقط ....

إقتباس الرسالة الأصلية كتبت بواسطة LIVERPOOL666 نحسبها حسبه بسيطه فقط 6 سنوات ابتدائى+6 متوسط وثانوي+6جامعي=18 سنه كرف وبالاخير اقرب سياره ايسكريم عشان تثير اعجاب البعض

ههههه الحين انت مكروف بالدراسة ... ؟؟

المشكلة لا جاك واحد له 10 سنين بالابتدائية وبمدرسة اهلية بعد بعدين يقول كرف وش كرفة ذا !!!

مو تثير اعجاب بس على حسب مستواك الدراسي يعني وظيفتك اذا راتبك تحت 2000 ريال ازين لك تشتغل ...



واحد يقول مستحي احد يشوفن ...



والثاني عيب

والثالث كرف


والرابع ادخل دورة وهو نسبتة تحت ال75 ..

المفروض ينقل الموضوع لركن النقاش الجاد ..