بسم الله الرحمن الرحيم
كل عام والجميع بخير. وتقبل الله منا ومنكم الصيام والقيام
بصراحه تابعت موضوع صفقة اللاعب الكاميروني إيمانا ،، بدون مبالغة انصدمت من حجم و طريقة متابعة الصفقه و بديت أشك انه ميسي !
ياااساااتر حجم متابعه غير طبيعي لهذه الصفقه !!

ياجماعة الخير هدوا اللعب شوي مو للدرجه هذي ،، أوكي اللاعب مطلوب و بقوه و وجوده مهم ماقلنا شي

لكن لا توصل السالفه لدرجة المبالغة و الهوس واللي يقولك أنا على أعصابي و اللي يقولك ماقدرت أنام و اللي يقولك ماسك القرآن باليسار واتابع اخبار الصفقه و اشوف الجديد !! ردود عجيبه غربيه !! انت بس ادخل الموضوع الخاص باللاعب للاخ العزيز كبير الهلاليين وشوف الكم الكبير و حجم المتابعه الغير طبيعية !!
أنا متحمس معاكم و ابي الاعب اليوم قبل بكره بس بصراحه اللي صاير شي مو طبيعي !!
و بهالاسلوب الجمهور يضغط على الادارة بطريقه مالها داعي !!
اركدوا يالربع وخلوا الإدارة تطبخ الصفقه على نار هاديه واذا مكتوب ان اللاعب هلالي راح يجي غصب
واذا مو مكتوب لكم والله لو تدفع فيه مال قارون مايجيك
وبالاخير انتشرت ظاهرة التشكيك بعمل الادارة بعد تصريح سامي للعربية وبعد ماطولت الصفقة على بعض الجمهور ..
كل هذا بسبب صفقه !!
اجل وش يقولون جمهور الاتحاد بعد صفقات البلوي الوهميه " فيجو ..نيفيز .. الخ
الاداره ماقصرت سواء حضر الاعب ام لم يحضر
و يجب دعمها و الوقوف معها .
بالتوفيق لابو فيصل و ادارته بكل أمورهم

ادري ان الصفقه طولت .. لكن الامور تحتاج الى وقت .

إِي وَاللَّه , وُأَنَآ قُلْتُهَآ الصَفِقِه أَخَذَت أَكْبَر مِن حِجُمُهَآ
وَإِذَآ م جَآِء بْيِجِي غَيْرِه
شُشْكُرَا

الحمدلله ماوصلنا درجة الجنون
لكن انت تعرف وش راح يكون هجوم الهلال لو جاء
طبعاً هو راح يكون مكمل لعقد الألماس الذي نظمه أميرنا الغالي

الحمدلله ماوصلنا درجة الجنون
لكن انت تعرف وش راح يكون هجوم الهلال لو جاء
طبعاً هو راح يكون مكمل لعقد الألماس الذي نظمه أميرنا الغالي

اخي العزيز صدقت واحسنت الكلام

ولكننا جمهور الزعيم اللذي يعشق كل ما هو مميز وايمانا بالتأكيد انه مميز جدا ليكمل عقد الالماس كما قال احد الزعماء

ننتظر توقيع ايمانا بحول الله وقوته

تحيتي للجميع

لاننا متفائليين فيه كثير شي طبيعي نتحمس للصفقه

كلاامك عين العقل ...!

بعدين لو ماجا .. في لاعب مكانه ابدااا موقليل .. في ويلي الي شال الفريق الموسم الماضي ...!

وكان مع العتيبي افضل لاعبين الفريق ...!

الله يعطيك العافيه

صحيح كلنا متعلقين بأيمانا لأننا حاسين انه بيسوي شي غير طبيعي مع زعيمنا

يعطيك الف عافية والله يوفق الجميع


جمهور الهلال يبي يطمأن فقط على الهلال في الوسم القادم

يالغالي صدقني انه صفقة ايمانا هي اللي يقولون عليها ال.... قصمة ظهر البعير لو ما يوقعون معه
لأن الفريق بحاجة لاعب نص بحجم ايمانا بعد روحة نيفيز ورادوي
الهلال اللي شفته في السنتين الاخيره والابداع من اللاعبين المحليين سببه الاثنين المذكورين نيفيز ورادوي
ولو تركنا عادل هرماش لحاله في النص راح نثقل عليه المهمه ونظلمه وصدقوني انكم بتحكمون عليه بالفشل من البداية
ياجماعة نص الفريق هو القلب النابض له وهو المحرك الحقيقي للإنتصارات والبطولات
ياليت تفهم هالشي يالغالي

يعطيكم العافيه ع تواصلكم الجميل وأرائكم الأجمل
و مو غريب حرصكم ع الزعيم
و هالخال يهديه الله ويجي ان شاءالله .. حاس انه جاي بالطريق بس شكلها ولاده متعسره
و قريب ان شاءالله نشوفه لابس الازرق