31/07/2011, 02:02 AM
|
| زعيــم فعــال | | تاريخ التسجيل: 06/09/2010 المكان: الخفجي الان وسابقا الرياض
مشاركات: 249
| |
|
الاداره واللاعبين الجمهور مهم جداااااااااااااااااا
بسم الله الرحمن الرحيم
اولا -
من لايشكر الناس لايشكر الله الادارة الحالية ماقصرت في مواسمها السابقة وحتى الموسم القادم -جلبت افضل اللعيبة الاجانب بالدوري بشهادة الجميع جلبت مدربين عالميين جريتس كالديرون والان توماس دول التعاقدات الجديده مع اللعيبه الاجانب مميزه ونتمنى ان يكونوا اضافه ممتازه -- الادارة الجديده من تسع بطولات لو استثنينا بطولة الامير فيصل للاولمبي في الثلاث مواسم حققت 5بطولات من اصل 9 بطولات يعني اكثر من النصف و3 مرات وصيف 1 المركز الثالث- الادارة من بدايتها تعمل بخطط استراتيجيه بعيدة المدى وليست وقتيه مثل احترافية الكوادر الادارية وجعلهم موظفيين رسميين متفرغين للنادي برواتب جيده وليس هواه بمكافئات مثل باقي الانديه - بناء المعسكر الداخلي وترميم النادي والعمل على ملاعب رديفه بشراء الارض المجاورة للنادي- الشراكة الاستراتيجية مع موبايلي -المتجر والان حسب علمي سيعمل متجر في الدمام والاخر في جده- ملعب الهلال القادم باذن الله وماسيدر على الهلال من مبالغ ماليه كبيره تجعل الاداره في وضع جيد بالنسبه لعقود الاحتراف المقبله مع الاجانب والمحليين - بعض الافكار القادمه والتي تدر على النادي مبالغ جيده مثل التصوير مع نجوم الهلال بمبالغ رمزيه والاستفاده من ملاعب الهلال الرديفه كتئجيرها للدوريات الحواري - اسثمار اللعيبة المحليين والاجانب وبداءت ملامحها في الاجانب نيفيز ورادوي والان ويلي اذا تمت الصفقه وتعتبر بدايه مشجعه للاستثمار وغير ذلك فنقول لهم شكرا شكرا للاداره واعضاء الشرف وما اراه من بعض الجماهير اذا خسر الهلال مباراة او بطوله حطوا على الادارة جام غضبهم ياخي اذا انت زعلان لانك محب للهلال ولم تدفع شي فما بالك من ادارة الهلال واعضاء الشرف المحبين للهلال واللي يحبون الهلال مثلك ودافعين اموال طائله وجهد وقت واكبر دليل توقيع عقد المدرب كانت الاميره سارة مع ابوها الامير عبدالرحمن في المجلس يعني في وقت اجازته وقته الخاص باسرته قضاه في صفقات وعقود وعمل ونجي نحن الجمهور نقلل من عملهم اختيار اللعيبه مهم واذا جاء لاعب غير جيد فتذكر رادوي ويلي لي يونق نفيز التايب وغيرهم فتجد ان واحد من عشرة ماخدم الفريق المهم الوقوف مع رجالات النادي ونقول ماقصرتوا حتى لو خسرنا بطوله البطوله الجايه نجيبها
ثانيا-
اللعيبه الماده مطلب وبدون المال لايمكن تامين مستقبلك ولكن هل اديت ماعليك مقابل هذا المال راجع حسابتك هل انت منضبط في التمارين منضبط في مايطلبه منك المدرب اثناء اللعب منضبط في سلوكك ومرتب والنوم مبكر والتغذيه صحيه هل تلعب وانت في الملعب قاعد تفكر في ظروفك الشخصيه وغير مركز مع المباراة تتسبب في خسارة الفريق والمشكله اذا كانت مباراة مصيريه او خروج المغلوب وبالتالي ضيعت 250 مليون في السنه واحرقت اعصاب ملايين المشجعين اللي جايين من جميع المناطق عشان حضرتك غير مركز يجب عليك ان تأقلم نفسك واسرتك وزوجتك وكل اقاربك اللي انت ملزم فيهم بوضعك قبل تحترف ومثل ما انت تاخذ ملايين تعطي وقت ولعب وانضباط والانضباط قبل اي شي وعزيز مثال حي لكم ما شفع لعبه عند الجمهور والاداره حتى اللي عشموه بالنقل لناديهم رفضوه وعلى الهواء مباشره واعتقد والله واعلم واتمنى ان يكون ظني غير صحيح ان هوساوي بيلحقه لان محمد نور قاعد يزن على راسه في معسكر المنتخب واللاعب شبع واقول لهوساوي ايه نحبك لكن نحب الهلال اكثر منك ومن اللعيبه كلهم مجتمعين انت ما انشهرت الا في الهلال وخروجك منه نهايتك اتمنى منك ومن عزيز واي لاعب اخر يتذكر ماحصل لخميس والدوخي والغشيان بعد خروجهم من الهلال تمنوا ربع العقد اللي وقعوه مع انديتهم وجلسوا في الهلال وتعرفون القصه كامله اما احتراف في هولندا السمسار اللي وكلته عشان يسوق عقدك برا قال ما احد يرغب باللاعب السعودي وان سمعة اللاعب السعودي سيئه الهلال احسن لك ونصيحه من مشجع محب لك لاتخرج من الهلال انت اللي محتاج الهلال ولاراح يتوقف عليك اوعلى اي لاعب ما اختفى الهلال يوم اعتزلوا النجوم الكبار في الدفاع النعيمه البيشي اشرف المصري ليتانا الشريده تفاريس وغيرهم راجع حساباتك انت اول الخاسرين وبتشووووووووووووووووف تذكر كلامي وارجوا من الادارة الكريمه تطبيق بيت المتنبي (------ ) في اللعيبه اللي تشتري عقودهم
ثالثا-
ياااااااااااااااااااااااااسر ياخوان ليس عنصريه او عشان احبه ما اشوف عيوبه ياسر في هذا الموسم كسر حاجز ال10 اهداف في الدوري وسجل 11 هدف وهو هداف الهلال ب 17 هدف في جميع المسابقات رغم انه ماشارك في بطولة كاس الملك والدوري مالعب المباريات كلها العيب مو من ياسر العيب في صناع اللعب وخطط المدربين والاصابة جيب في الهلال لاعب يحط الكوره للمهاجم مثل التايب وطيب الذكر ابو يعقوب وجريتس كانت خططه قايمه على ان اللي يسجلون هم الوسط المتقدم بحيث ياسر يفتح لهم المجال بتحركاته ولو راجعت اهداف الهلال موسم جريتس تلاقي من خلف الصندوق الى الباب مفتوح مافيه مدافع وتلاقي ياسر ساحب مدافعين او ثلاثة والوسط يسجل ولكن هذا لايعني اننا لانطالب ياسر بالمزيد لانه لاعب اسطوره ناس قالو انه ماسجل الافي الانديه المتوسطه او الضعيفه غيره ماسجل قارنتوه بمالك وبسعد الحارثي وهم ماسجلو ولاهدف في الدوري مع ان العيب مو فيهم في مدربينهم اللي ماعرفوا يوظفونهم قلتوا ماسجل في اسياء كل اللعيبه ماسجلوا الاهدف تيسير بالقوه يعني مو من جمله تكتيكيه غير كذا جمهور الهلال ولاول مره ينقاد وراء كلام الجرايد والمنتديات اللي يهمهم ان نجوم الهلال يفقدون الثقه في انفسهم كثر الزن فك اللحام قعدوا يقولون ياسر ماعاد يلعب ياسر ماسجل ياسر لحق الحارثي ومالك الى ان صدقنا كلنا حتى الاداره ان ياسر خلاص راح هبط مستواه والمشكله ان ياسر بداء يصدق حتى هو انه ماعاد مثل اول وانا بعين الناقد وليس المحب ان ياسر مازال مثل اول وبيكون احسن وراح ندعمه كلنا جماهير الهلال وراه ولاننسى ان ياسر سجل اهداف يبطون مهاجمين الانديه كلهم يجيبون زيها كما لاننسى مافعله ياسر وقت توقيع عقد انتقاله من القادسيه الى الهلال والتنازلات اللي تنازلها عشان يلعب للهلال يعني شاري الهلال واللي يشري الهلال نشريه وياسر هوالمهاجم الاول في السعوديه الان مع احترامي للبقيه وهذا الكلام لجميع لاعبي الهلال مو ياسر بس شدوا حيلكم والله يوفقكم واللي مع الهلال مايخسر
رابعا-
اخصائي نفسي كل الانديه الكبيره في العالم عندها اخصائين نفسيين بعض اللعيبه يمر بظروف عائليه اومع زملائه او من الجماهير ال--------------خ يحتاج الى طبيب نفسي يجب على الاداره احضار طبيب نفسي وسابقه اولى في ملاعبنا ان فريق يحضر طبيب نفسي دائم في النادي هو الهلال فكر احترافي
خامسا -
المحياني ونامي اشوف فيه ناس متمسكه بالمحياني وغير مقتنعه بنامي وانا شايف العكس وبدون محابه اذا بالمحبه والله احب المحياني اكثر من نامي المحياني يقول مااخذ فرصته لانه ماقدر يفرض نفسه على الفريق ولو فرض نفسه على المدرب والفريق كان اساسي وما احتجنا اي لاعب من براء والدليل جاء مع جريتس وفي وقت جريتس تعاقدنا وهو موجود مع الجيزاني والجمعان لو انك فارض نفسك كان بعد ماراح نيفيز مافكر كالديرون يجب مهاجم وجابوا احمد علي معليش ياعيسى الهلال مو الوحده انت ثقيل وماعندك مهارات انت هداف من الصندوق بس انا من المحبين لك ومعجب باخلاقك العاليه وادبك الرفيع فلا تزعل من نقدي وقرارك الذهاب من الهلال يعود لك لكن اذا تبغى راي محب خليك واثبت نفسك على الاقل يلعبك في دوري ولي العهد اساسي
اما نامي فلاعب جيد لكن عنده هو والفريدي مشكلة السرحان في المباريات فاحيانا تحصله سرحان ويمكن يطلع من الملعب من سرحانه والمشكله غلطته بهدف فارجوا منك يانامي الثقه بنفسك ومتابعة التمارين والتركيز والتركيز ازكن على التركيز انت تملك مواهب كثيرة السرعه القدم القويه المهارات بس مشكلتك التركيز بالتوفيق
سادسا-
الجمهور بدون زعل كثره وملي المدرجات بدون فاعليه مثلا الاتحاد او الاهلي لو جاء 200 من جماهيرهم غطوا على 10000 من جمهور الهلال وهذا يرجع الى الرابطه مع احترامي لرئيس الرابطه ماينوع وصوته واطي ولك عليه مامن زين اصلا لو رفعه يمكن يجيه تمزق في الاربطه او تطلع روحه من صغر جسمه وليس احتقار لا سمح الله على الاداره جلب رئيس رابطه برابطته محترفين بمرتبات شهريه يبتكرون اهازيج منوعه وجديده وياليت قبل بداية الدوري عشان احلى ثانيا الجمهور الهلالي مايرحم وهذا المعروف عن الهلالين من بدايته لكن يجب علينا الدعم وتوزيع الجهد في المبارة حتى نستطيع مؤازرة الفريق طول ال90 دقيقه - كما يجب علينا رفع معنويات لاعبينا دائما والوقوف معهم في الملعب وهم خاسرين او فائزين و في المنتدى معهم وعدم السماح لاي احد بالمساس بهم من صحفين او نقاد اومكلمنجيه امثال الهريفي والصرامي والدغيثر والدويش وجستنيه يعني بالكلام العربي نهاجمهم مثل ماهاجموا اللعيبه اما الناقد المؤدب الناقد اللي يبي اللاعب ينصلح حاله نشكره وعلى روسنا
قبل الختام للاستاذ عبدالكريم الجاسر نحبك ونعزك كثيرا ونعرف انك هلالي صميم ومثقف لكن خفف الظهور في البرامج واكتفي بالرد عبر المركز الاعلامي اوفي برنامج واحد كل شهر حتى لاتكون جستنية الهلال وشكرا
اخيرا اسف على الاطاله ودمتم
( اذا ماطلع الموضوع في المنتدى وطلع في الردود ارجو من الاخوة الاعضاء اللي يعرف ينسخه ويطلعه في المنتدى مع تحيات ابو عبدالله2028 ) |
الوضع المتطور
