BARCELONISTA


بحل يا ساهي حي ميت الله يذكرك بالخير
توي ادري اني ظالمك

إقتباس فيصل على الكرسي .. مع انك زلابة و ما تستاهل احد يسألك لكن وش نسوي !

شكرا
كيفني وانا اخلاق

بعدين تعال وش تبي تعرف بالظبط ؟ هذي اسئله بالله !
ولا تبي ترجع مره ثانيه




س1 .. ليه العالم صارت نظرتها سوداوية ضد برشلونة و التحكيم ؟ ابي تفسير مقنع تكفى .. و لا مانع من قلب الخيمة لـ سوالف كورة ؛ على الاقل اصرف من سوالف المجلس اللي ما نفهم فيها شي ( +1 يا رائد خخ ) !


انت ادرى

صدقني مافيه شي يجي من فراغ
ولا هو اي ناجح محارب
شف ميلان كابيلو ما اتهمو هالاتهامات رغم انهم كانو افضل منكم
ولاتنسى يوم بالنهائي يرصونكم 4
ولا حتى مدريد ديل بوسكي

الشي اذا زاد عن المألوف والمتعارف عليه اللي هو الاخطاء العاديه الغير متعمده
اكيد الناس بتتكلم
لنا عيون ولنا عقول ونشوف ونفهم

وانت ادرى

هالفقره يبيلها جلسه باول استديو لليغا


س2 .. برشلونة إلى وين ؟ يعني وين تشوفه بعد 6-7 سنين ؟ و وش ينقصه عشان يصير أفضل فريق في العالم ؟

اذا واصل على نفس هالطريقه راح ينتهي كلياً ويبقى على اجتهادات ميسي
لكن اذا استمر بيب بشرط ايجاد حلول اضافيه وطرق اخرى ماراح يوقف
مازلت اشوف البرسا يحتاج لـ نوعية ابرا وحتى ولو كان احتياطي
بـ كلاسكو 1-0 هدف ابرا هنا يبين لك حاجة البرسا للاعب زي كذا
وكلاسكو نهائي الكاس
فيه لعيبة تحطه لك انت وضميرك لاعب صندوق حاجه ضروريه للبرسا

اتوقع بعد خروج بيب بسنه او سنيتن راح يرجع البرسا لما كان عليه
مو تقليل باللعيبه المتواجدين لاكن البرسا وبيب زي مايقولون حق ولقى غطاه

والعيال كبرت يابندر


س3 .. هل تتفق معي أن مونديال 98 هو أفضل مونديال شفته في حياتي ؟


اكييييييييد , وبدون اي جدال


س4 .. فالدانو أوت ؛ السبب موري ؛ بيريز موافق .. من المتضرر في هالموضوع ؟ و ما تحس أن مالها سنع يطلع فالدانو بهالطريقة و بعد كل السنوات اللي خدم فيها !


كلنا نعرف خلافات مورينهو وفالدانو من ايام ماكان المو بتشلسي
والوحيد اللي كان معارض قدوم مورينهو هو فالدانو

اتفق معك أن طريقة خروجه مخجله
لاكن اذا كان هالشي بياقف بطريق الريال
يمكن انا لو كنت بهالموقف الشكو لله راح اتخذ هالقرار الصعب



س5 .. أعظم منتخب شفته ؛ و ليه ؟

فرنسا 98 وامتداده يورو 2000


س6 .. دايم يقولون أن افضل منتخب ما توج بـ بطولة هو برازيل 82 .. لكن ما تتفق معي أن فرنسا 06 كانت عظيمة !

لاتقلب المواجع , كرهت نفسي بعد هالنهائي
للحين وانا اذكر المشاهد الدراماتيكيه اللي حصلت بذاك النهائي
هذا هو اقسى شي بكرة القدم
ناس كان المفروض يتوجون باغلى من كاس العالم خصوصا وانهم باخر مشوراهم الرياضي

اتفق معك يابندر وبقووه



س7 .. فرنسا ( ياخي لا تلومني فرنسا ذبحتني ) وش ينقصها عشان ترجع مُرعبة ؟ و كيف تشوف حظوظها بـ يورو 12 ؟


صراحه ظلمتك لو كنت داري ان اسئلتك عن فرنسا كان مزلب سعد خخخخ

حالياً بقيادة بلان ومع هالمواهب الخورافيه من لوريس الى بنزيما
قاعده تمشي بالطريق الصحيح خطوه خطوه
كل مباراة تشوف الانسجام والاجواء الحلوه (اللي من زمان ماشفناها) تزيد تدريجياً

لو تفتك من العلام الفرنسي الوسخ اظمن انها راح تكون بنهائي يورو 12


س8 .. سانشيز ؛ كيف تشوفه ؟

افضل موهبه بالعالم حالياً
اللي يتابعون الكالتشيو يعرفون قيمة هالاعب زين


س9 .. ذابحك ذابحك بالأسئلة .. art + الشوتايم + ابو ظبي حالياً .. كلها نقلت البريمير ف السنوات الأخيرة .. وش افضل تغطيةة شفتها ؟ وليه ؟

حبيت الـ ART لها ذكريات ممتازه

اما البريمير ليغ ثقافتي فيه معدومه


س10 .. الجزيرة و ظلم المعلقين .. الكعبي + رؤوف ما نشوفهم يعلقون بأستمرار على مباريات كبيرة .. ليه ؟

شايفني مسؤول بالجزيره
صحيح شي مستغرب لكن ترا مالي دخل والله خخخخخ

يطربوني هالثنين هم المعلقين الوحيدين اللي يستاهل انك ماتحول للقناه الانقليزيه
اتمنى يحتكرون المباريات الكبيره


س11 .. السير يخسر مرتين من برشلونة على نهائيين ؛ اترك مني نهائي روما .. قبل نهائي ويمبلي طلع تصريح من السير انه تابع برشلونة وانهم جاهزين و طلعت تصاريح من لاعبينهم أنهم تابعو النهائي الف مررة و الأغلاط ما راح تتكرر .. بس اللي شفناه في المطش غير ؛ شي قريب من الأستسلام " إلا روني " .. وش الغلط اللي طاح فيه السير في وجهة نظرك ؟ مع ان برشلونة كان مكشوف " تذكرت غورديولا المكشوف هههههههههههههههههههههه " ..

ههههههههههههههههههههه على تبن

السير حاول يقلد طريقة لعب برشلونه لاكن بطريقه دفاعيه اكثر
وعلى هالاساس اللعيبه انخفض معدل لياقتهم بشكل واضح

ماوفق باختياره لبعض اللعيبه
تبديلاته عقيمه

السير قدم شوط اول كويس
بعض اختياراته حولت مجرى المباراة


س12 .. الليغا بتبدأ بعد شهر إلا ايام ؛ و بترجع الأستديوهات اكيد .. وش تبي ؟ اقصد يعني اقتراحاتك و أمنياتك ؟ وش الزين و وش الشين بمآ انك ليغاوي !


الحساسيه الزايده من بعض الاخوان سواء كان مدريدي او برشلوني
اتمنى يكون مثل استديو الكالتشيو حيث أن الاجواء جداً حميميه

الليقا فقدت بريقها ياخوك لاتحاول


س13 مدري بس أحسك بتبكي خخخ .. اخر سؤال .. فرصة ثانية vs بو كريم الخ .. وش الأفضل في اول ثلاث حلقات ؟

ما اتابع دراما خليجيه او عربيه
فيه حاجات اقضي وقتي فيها اهم منهم
وحتى لو أني فاضي اتابع لي فلم اصرف
المسلسلات الخليجيه صايره مواضيعه وسخه تكرمون


س8 .. التويتر vs الفيس ؛ وش الافضل بالنسبة لك ؟


الفيس بوك نُقل لنا بمفهوم ثاني وعلشان كذا صاير سخيف
وفكرته من الاساس ما اعجبتني

عكس التويتر فكرته رووعه وسلس وسهل
وحتى ياخي فيه امكانيه الواحد يطور من نفسه من خلاله
ويسهل لك اهتماماتك بشكل خورافي

التويتر بدون منازع





منور بندر
< فاهم الاسئله غلط يابو الشباب , لو حنا ببرنامج كان قعدنا ثلاث حلقات ماخلصنا اسئلتك
فارق بس خخخخخخخخخخخ