|
[[ رحلتي الى النمسا 2011م ]] تقرير + صور حيـــــــــاكم اسعد الله اوقاتكم بكل خير هذا تقرير مبسط لرحلتي الى جمهورية النمسا .. اتمنى يكون خفيف وممتع لكم والبداية كانت من مقر السفارة النمساوية بالرياض.. ورحلة التعقيد :s5s: تفاجأت حقيقة بكمية الطلبات والشروط.. حسيت نفسي مقدم طلب هجرة :d ولازم تقدم الطلب قبل السفر باسبوعين على اقل تقدير موظف السفارة يعطيني الاوراق.. وانا اقول ترى كلها 8 ايام يالحبيب :cry: أبليكيشن من صفحتين لكل مسافر يتم تعبئته باللغة الانجليزية ( وبخط اليد ) مايقبلونه مطبوع :s5s: + تعريفين بالراتب من العمل ( واحد عربي وواحد انجليزي ) وكشف حساب 6 شهور من البنك + تذاكر السفر ( لاحظ التذاكر وليس الحجز يعني تكون دفعت قيمتها كاملة ) + مايقبلون حجز فنادق من مكتب سياحي ولازم تجيب لهم خطاب بالفاكس من كل فندق هناك بالنمسا ولازم كل فندق يؤكد انك حاجز عندهم ودافع القيمة مقدماً + ورقة تأمين للسفر من التعاونية يغطي مدة السفر لكل فرد.. انا كلفني 450 ريـال + صور شخصية خاصة بتأشيرة الشينغن وتكون مكشوف الراس وطبعاً بعد ماتقص التذاكر وتحاسب الفنادق وتدفع للتعاونية وتجمع اوراقك كلها تقدم اوراقك وتدفع لهم ايضاً قيمة التأشيرات ( كلفتني تقريباً الف ومائتي ريـال ) ولاحظ انه احتمال طلبك يرفض :cry: وفلوسك اللي دفعتها لهم غير مستردة :s5s: وكذلك اذا رحت ترجع التذاكر راح ينخصم عليك مبلغ وماترجع لك فلوسك كاملة :cry: علشان كذا لا تقدم الا اذا كنت ضامن الموافقة على الطلب وهالشيء ممكن يفيدك فيه موظف السفارة رافقني في هذه الرحلة ثلاثة اعضاء من شبكة الزعيم وهم مدريدي ازرق الزعيم عبدالله @ MEETO << عضو ثالث لم يتم تفعيله بعد :d البداية كانت في اختيار الحجز المناسب للفنادق وحجزتها من موقع رائع اسمه travgate ومكتبهم في جدة عندهم ارخص الاسعار وافضل خدمة وتعاملهم مميز ومن ناحية الخطوط طبعاً تبقى طيران الامارات في المقدمة كان امامي احد خيارين : إمًا الحجز من مطار الرياض او من مطار الملك فهد بالدمام وطبعاً اذا اخترت الرياض فسوف تدفع 700 ريـال زيادة لكل تذكرة :s5s: لذلك حجزت للرحلة من الدمام .. وحركت من الرياض بالسيارة يوم السبت بعد صلاة المغرب بعد الوصول للشرقية تعشينا ثم توجهنا للمطار في تمام الساعة الواحدة ليلاً اقلعت الطائرة من مطار الدمام في تمام الرابعة فجراً وهبطت في دبي عند الخامسة والنصف وقضينا في مطار دبي حوالي اربع ساعات بانتظار الاقلاع الى فيينا عند العاشرة صباحاً وصلنا الى مطار فيينا عند الواحدة والنصف ظهراً بتوقيت النمسا واحب التنبيه على شيء مهم جداً لأي واحد يحب يسافر للنمسا : احذر بعد وصولك من المطار ان تركب مع سائق تاكسي عربي وبالذات ( مصري ) طول طريقه الى الفندق راح يقلب راسك ويحسسك انك من غيره راح تضيع بالبلد وفلوسك كلها بتروح خسارة وراح يقول لك انا اسوي لك برنامج سياحي تحفظ فيه فلوسك ومايضيع وقتك في اللف والدوران انا طحت بمصري وقال لي كل هالكلام وسالته كم بياخذ مني للبرنامج حقه ؟ قال : 500 يورو لليوم الواحد !! ( 2700 ريـال ) طبعاً قلت له انقلع لابوك لابو من جابك :d هو الظاهر يحسب اننا من العصر الحجري ولا عندنا نت ولا ندخل منتدى المسافرون العرب ولا نقرأ شي وللمعلومية لفيت النمسا كلها تقريباً ورحت كل الاماكن اللي مفروض اشوفها والمصروف اليومي 150 يورو ( اقل من 800 ريـال ) اول يومين في فيينا : نقاط سريعة موجزة - الطقس رائع جداً ودرجة الحرارة 17 - الشعب متعاون وخلوق يحترم السائح - عدد كبير من العوائل الخليجية والشيء اللي يثلج الصدر كثرة الملتزمات بالعباءة والنقاب والمنظر مألوف هنا - كل شيء مكلف وبالاخص سيارات التاكسي والمطاعم ( لازم تضبط امورك ) - للتنقل يوجد باصات تلف المدينة بالكامل بمبلغ زهيد واللي معاه عائلة فيها اكثر من طفلين اسهل له ياخذ تاكسي والله يعينه على الصرف - السياحة في فيينا تعتمد عموماً على ( برج الدانوب + النهر + ميدان ستيفنز وسط المدينة + ملاهي براتر ) فقط رحنا لساحة ستيفنز وسط البلد وفيها زحمة غير طبيعية.. عالم رايحة وجاية :d ناس تتسوق وناس تتفرج وناس مش فاهمة حاجة وناس بتاكل كل حاجة :d وحنا نتمشى وقفني شايب مصري مد ايده وهو يقول : تفضل هدية ! يوم مديت ايدي واخذتها لقيتها كتاب الانجيل وسي دي عن يسوع :s5s: قلت له : وش هذا ؟؟ قال لي : مافيهاش حاجة.. اقرأ وشوف الرأي الآخر بيقول إيه !! قلت له : آسف.. هديتك غير مقبولة وخذها لو سمحت :yes: قال لي : خذها وحاول تقراها ولو مش عاوزها ممكن ترميها !! قلت له : لا ياحبيبي حنا المسلمين نحترم الكتب السماوية وما نرميها بالزبايل ولا نهينها مثلكم المصري انكتم وعطاني ظهره وراح.. وانا بلشت بالانجيل والسي دي لكني بعد ما مشيت مسافة غلفتهن بكيس ولفزتهن بمكان بين الشجر ما احد يقدر يشوفه ومافيه اهانة بإذن الله تعبنا من المشي وجلسنا بمطعم ايطالي وسط الساحة واكلنا بيتزا ومكرونة على كيف الكيف :smilie47: ثاني يوم رحنا لبرج الدانوب ورقينا فوق وجلسنا نتفرج على المدينة وضربنا كم صحن آيس كريم معتبر :smilie47::d ثم نزلنا نتمشى على ضفاف النهر وقطعنا مسافة حتى وصلنا للجسر اللي يعبر النهر ثم جلسنا بمقهى نمتع النظر بالجو الخيالي والجلسة المريحة ثم رحنا لملاهي براتر بالباص تروح هناك تتفرج فقط لأن اغلب الالعاب مخيفة وماتصلح ابداً للاطفال.. للبالغين فقط واللي قلبه جامد سالزبورغ : غادرنا بواسطة القطار والمسافة ثلاث ساعات ونصف تقريباً وصلنا الى سالزبورغ المدينة الجميلة والهادئة والمريحة هي اصغر بكثير من فيينا لكنها في نظري اوسع صدر واكثر راحة لي انا شخصياً يقسمها نهر السالزاك ويحاذي النهر شارع التسوق الشهير وميدان موزارت رحنا لوسط البلد او المدينة القديمة كما تسمى فيها شارع التسوق او سوق المشاة.. وفيها قصر وميدان موزارت اخذنا فيها كم لفة وشفنا عدد ضخم من السياح وشفنا ساحر نصاب :d المدينة بصفة عامة يكفيها يوم واحد لأنها ممكن تكون مملة لقلة الأماكن السياحية فيها فيها قلعة تطلع لها مشي ومرهقة جداً.. وماهنا شي يستاهل التعب :s5s: زيل ام سي : وتبعد عن سالزبورغ 80 كيلو فقط.. انا رحت لها بالتاكسي واكثر الناس يروحون بالقطار مدينة صغيرة جداً وسكانها لايتجاوزون 3 الاف نسمة فيها بحيرة جميلة جداً وقمم جبال وشلالات .. يقصدها السياح الخليجيون سنوياً آخر احصائية قرأتها هناك ان عدد السياح الى هذه المدينة يبلغ عشرون الف سنوياً جلسنا فيها ثلاث ايام اليوم الاول رحنا لشلالات كريمل بواسطة القطار.. رائعة جداً وممتعة ينزلك القطار وياخذك باص الى مدخل الشلالات ثم تمشي مسافة 400 متر حتى تصل للشلال وحنا راجعين فيه واحد يبيع دجاج شواية عند المدخل.. ضربنا لنا حبتين شواية طعمها بالراس :smilie47: قلت آآآخ بس مع هالدجيجات ياحلالات الرز البخاري والجرجير :smilie47::d يوم رجعنا للفندق وجينا نبي نشحن الكاميرا لقينا الفيش مايطابق الشاحن للاسف :cry: حاولنا يمين ويسار ندوّر فيش للشاحن مالقينا نهائياً :cry: ثاني يوم رحنا لقمة جبل كابرون بدون كاميرا وركبنا التلفريك على ثلاث مراحل حتى وصلنا للجليد ثالث يوم كنا ناوين نروح للزحليقة الصيفية في بلدة سالفلدين القريبة من زيل ام سي لكن بسبب الامطار ما أراد الله اننا نروح لأنهم يغلقون الزحليقة في المطر اكتفينا بالتمشية داخل زيل ام سي حول البحيرة ورحنا لمطعم جيد اسمه ( انطونيوس بسمتي ) صاحب المطعم باكستاني يحمل الجنسية النمساوية وعنده برياني وشغلات تفتح النفس :smilie47: اليوم الاخير ورحلة العودة : قمة الارهاق والتعب :cry: اولاً / العودة من زيل ام سي الى سالزبورغ بالقطار ظهراً ثلاث ساعات ونص ثانياً / تبديل القطار في سالزبورغ وركوب قطار متجه الى فيينا عصراً ساعة ونص ثالثاً / التوجه للمطار واستخراج البوردنق من كاونتر طيران الامارت المزدحم جداً ( اكثر من ساعتين وقوف ) رابعاً / اقلاع الطائرة من فيينا تمام الحادية عشر مساءً والوصول لدبي السابعة صباحاً بتوقيت دبي بعد خمس ساعات ونصف طيران خامساً / طائرة العودة من دبي للدمام تقلع عند الرابعة عصراً.. بعد 9 ساعات :cry: دخلنا دبي ورحنا لدبي مول واخذنا لنا فطور وتمشينا وشفنا الحديقة المائية قبل الساعة 2 كنا بالمطار وركبنا الطائرة في الموعد المحدد وصلنا الدمام بالسلامة عند الخامسة والنصف عصراً بتوقيت المملكة ركبنا السيارة ومسكنا الخط الساعة 7 باتجاه الرياض الساعة 11 بالضبط كل واحد منجلط بفراشه بعد رحلة العناء والتعب :cry::d مشاهدات متفرقة : - الشعب النمساوي طيب جداً.. متعاون لأبعد حد - الشاورما عندهم يسمونها كباب :d وتلقى خارج المطعم مكتوب ( kebab ) طعمها سيّء جداً الله يكرم النعمة :s3s: الدجاج لونه احمر والخبز مدور زي حق البرجر بس كبير وسعر الساندوتش الواحد ثلاثة ونص يورو ( تقريباً عشرين ريـال ) :s5s: - البيبسي هناك غالي ايضاً.. العلبة الواحدة في السوبر ماركت بـ اثنين يورو وربع ( 13 ريـال تقريباً ) اللي بيروح احسن له ياخذ معه كرتون بيبسي من هنا ( قيمة الكرتون تعادل قيمة علبتين هناك ) - الماء هناك نوعين.. عادي وغاز العادي ارخص من الغاز.. العادي يسمونه هناك ( ستيل ) - جميع الفنادق تقريباً فيها فطور صباحي مجاني على حساب الغرفة اذا كان حجزك بالفطور وفي كل فطور تلقى واحد من طباخين الفندق يقلي بيض ويعطيك بالصحن وتلقى عنده اضافات يحطها على الطلب ( طماطم - بصل - فلفل - شرائح لحم ) واللحم طبعاً لحم خنزير هنا احب احذر الجميع ( انتبه تاخذ بيض مقلي وخذ بيض مسلوق ) لأن المقلاة يقلي فيها لحم خنزير ثم يرجع ويقلي فيها بيض دون تنظيف او تغيير - ايضاً في ثلاجة المعروضات الباردة تلقى اجبان وزبادي وسلطات وغيرها وتلقى تشكلية مارتديلا ولحوم باردة هذي كلها لحوم خنزير ايضاً وما فيها اي شي بقري - ماكدونالدز ايضاً فيه لحوم خنزير للساندوتشات اللي على شكل رول وكذلك للبرجر اللي تلقى فيه شريحة لحم بقر وفوقها شريحة لحم مدخن حمراء ( هذي بورك ايضاً ) - من ناحية الشوكولاته ايضاً اقرا مكونات كل علبة قبل شرائها.. تلقى بعضها فيها كحول - مواقيت الصلاة هناك الفجر الساعة 6 والظهر الساعة 2 والعصر الساعة 5 والمغرب 9 والعشاء 11 - اتجاه القبلة على أي بوصلة جنوب شرق من أي مكان بالنمسا - قبل السفر للنمسا جهز نفسك بملابس شتوية ثقيلة.. لا يغرك جوّنا :d - ايضاً جهز نفسك بجزمة ( تكرمون ) رياضية مريحة ( اديداس او نايك ) وانتبه تتوهق بالجزم الرسمية :s5s: لأنك راح تمشي مشي غير طبيعي ومفترض تكون مستعد لهالشيء - دائماً حاول تترك اثر طيب لك ولأهل بلدك ودينك.. ابتسم للجميع وخلك بشوش نظف أي مكان بعدك سواء في مطعم او غيره انت هناك تمثل شعب بأكمله ولا تمثل نفسك في نظرهم :yes: تمنياتي للجميع بالتوفيق ومبارك عليكم شهر الخير مقدماً :smilie47: الصور : http://www.m5zn.com/uploads2/2011/7/...581cwdaqc6.jpg طبعاً لازم حبتين هسترة في مطار دبي قبل المغادرة :d http://www.m5zn.com/uploads2/2011/7/...buv7rt8lbg.jpg متابعة دقيقة لمواعيد الرحلات تحسباً لأي طاريء :d http://www.m5zn.com/uploads2/2011/7/...dkbtj98i75.jpg وهنا ايضاً متابعة دقيقة للمجرم متعب بواسطة الكوماندوز صلوح :d http://www.m5zn.com/uploads2/2011/7/...58olp7y9b4.jpg قبل المغادرة ولقطة وداعية :smilie47: http://www.m5zn.com/uploads2/2011/7/...fc9fups5k0.jpg غرفة الشباب في فندق إيفينت هوتيل بيرامايد http://www.m5zn.com/uploads2/2011/7/...ipi7k3migc.jpg فندق ممتاز جداً http://www.m5zn.com/uploads2/2011/7/...7qdmwfsk1m.jpg ساحة ستيفنز وقبل بداية النزهة http://www.m5zn.com/uploads2/2011/7/...p66fwp5i4w.jpg البيتزا الايطالية في ساحة ستيفنز :smilie47: وتلاحظون قلة كمية الجبن ( اللحم بيف ) :d http://www.m5zn.com/uploads2/2011/7/...8rp288g8p7.jpg يارجال اترك عنك التصوير وخذ قطعة هالبيتزا :d http://www.m5zn.com/uploads2/2011/7/...u7zip3c7d8.jpg يابن الحلال خلنا نعرف نتغدى :d http://www.m5zn.com/uploads2/2011/7/...3rqq8g5hi6.jpg إهيء إهيء .. وين البيتزا حقتي :tm: http://www.m5zn.com/uploads2/2011/7/...7587jzd1lz.jpg منظر لفيينا من اعلى برج الدانوب http://www.m5zn.com/uploads2/2011/7/...dpmm14f0l2.jpg امممممم ودي اطب من فوق البرج :d http://www.m5zn.com/uploads2/2011/7/...nfcxrh1wav.jpg آيس كريم البرج :smilie47: http://www.m5zn.com/uploads2/2011/7/...d9tnn6sfuh.jpg ساحة برج الدانوب وصورة للذكرى :smilie47: http://www.m5zn.com/uploads2/2011/7/...zqr51vn85e.jpg الجسر الواصل بين ضفتي الدانوب.. وتلاحظون كيف متعب استغل الفرصة وفقع من مكانه :s2: http://www.m5zn.com/uploads2/2011/7/...p7uul1lsbl.jpg نهر الدانوب :smilie47: http://www.m5zn.com/uploads2/2011/7/...hz7lpvxx4a.jpg جلسة خاثره يبي لها شاهي خادر ومعسل زغلول :d http://www.m5zn.com/uploads2/2011/7/...jxjrv803d6.jpg صورة اخرى للنهر http://www.m5zn.com/uploads2/2011/7/...39dvjw6dey.jpg والجسر http://www.m5zn.com/uploads2/2011/7/...7391c5goco.jpg s60s http://www.m5zn.com/uploads2/2011/7/...mufe4r0nn5.jpg نوم الظالم عبادة :d http://www.m5zn.com/uploads2/2011/7/...392yzseqlu.jpg في سوق المشاة بسالزبورغ :smilie47: http://www.m5zn.com/uploads2/2011/7/...twt161yw3c.jpg ميدان قصر موزارت http://www.m5zn.com/uploads2/2011/7/...rnzpekrb7h.jpg الساحر النصاب :d تراه جالس على كرسي معلق بماصورة متصلة ومغطيها بيده اليسرى :d http://www.m5zn.com/uploads2/2011/7/...olp19v8wte.jpg ضفاف نهر سالزاك http://www.m5zn.com/uploads2/2011/7/...7397nvb4tw.jpg في الطريق لشلال كريمل http://www.m5zn.com/uploads2/2011/7/...abo2fgp3ab.jpg :d http://www.m5zn.com/uploads2/2011/7/...jzfwmisznw.jpg غرقان بالماء :d http://www.m5zn.com/uploads2/2011/7/...dagrtc51ve.jpg انا واخويا سعد :s2: http://www.m5zn.com/uploads2/2011/7/...nkp45cgag6.jpg اخلص علانا بالعسكريم يالماخوذ :d http://www.m5zn.com/uploads2/2011/7/...5svutulpga.jpg :d http://www.m5zn.com/uploads2/2011/7/...n17sf9cww2.jpg شبعان نوم :d http://www.m5zn.com/uploads2/2011/7/...dofdsheujt.jpg الحديقة المائية في دبي :smilie47: http://www.m5zn.com/uploads2/2011/7/...sbbaajfx7s.jpg الصراحة مافيه فرق :s2: http://www.m5zn.com/uploads2/2011/7/...ep9h5ha9mz.jpg خلاص :d |
هلا والله ابو صالح .. :smilie47: ما شاء الله تبارك الله رحلة ولا اروع , :ga: و8 ايام اتوقع كافية بالنمسا لحالها حتى ما تملون .. :yes:<< ما دريت انها 8 ايام الا من رد اللي بعدي .. :d الجو خيااااااال والطبيعة ولا افلام كرتووون .. :s5s::smilie47: على قولة صديقي تتمنى انك عنز هناك .. :d التعامل راقي جدا من السكان , بس اكثر شئ يستفزك لما تلاقي العرب اللي مفروض يخدمونك يحاولون استغلالك .. :( والتكاسي مثل ما قلت عندهم مكلفة جدا مشوار من المطار للفندق للمطار كلف تقريبا 1000 ريال .. :to: / </B> <?xml:namespace prefix = o ns = "urn:schemas-microsoft-comhttp://vb.alhilal.com/ /><o:p><B><FO...><o:p><A href=http://www.m5zn.com/uploads2/2011/7/...39dvjw6dey.jpg</o:p><o:p></o:p> <o:p></o:p> <o:p>وش موقع كوكاكولا من الاعراب .. :to:</o:p> <o:p>هي كذا والا الجسر طاح تحتها ولا وش السالفة ..؟! s118s</o:p> <o:p>/</o:p> <o:p></o:p> <o:p><o:p>http://www.m5zn.com/uploads2/2011/7/...sbbaajfx7s.jpg</o:p></o:p> <o:p><o:p></o:p></o:p> <o:p><o:p></o:p>مدري ليه احس انه شيطان ومطلع ريحتكم هنااااك .. :d / http://www.m5zn.com/uploads2/2011/7/...dagrtc51ve.jpg اتقطع انا على الرومنسية ,, s51s:s2: ماشاء الله على عيالك كبروا الله يخليهم لك , وعقبال ماتزفهم عرسان يارب .. :ba1: / <o:p></o:p> </o:p><o:p></o:p>يعطيك ربي ألف عافية ,, :smilie47: |
والله تقرير ابداع ، وعرفت من خلاله كل حاقه سويتها .. 8 ايام ياخي مايمديك تمدد ع كيفك :D أشوف انها شويه خاصه انك كل يوم تتنقل من مكان لمكان ماتطب مكان الا أنت رايحن منه .. الله يعافيك يامشرفنا القميل .. ماتوقعت انك شايب لها الدرجه عيالك يبي من يزوجهم الحين :D التكلفه الإجماليه كم تقريبا ؟شامل لكل شي تأمينات وحجز ومصاريف الخ .. ؟ |
ما شاء الله سفرة ممتعه وأن شاء الله نشوف لكم رحلات وتقارير لدول أخرى الله يعطيك العافيه على المعلومــات لك -> :rose: |
الواحد لازم ينتبه لا سافر برا ، خصوصا بالمطاعم اللي بعص الاكلات يحطون عليها ( كحول ) عشان يضيف طعم على الاكل :s3s: الحمدالله على السلامة ، انا كنت افكر اسافر النمسا بس بعد ماشفت موضوعك غيرت رأيي :s2: <------ بعد ماشاف الحوسة بالحجز والقلق غير رايه :s3s: رحلة ممتعة |
ماشاء الله عليك ياذيبان انت احسن مني انا رحت لمصر وليتني مارحت والله سفرتك حلوه وممتعه صحيح فيها مرمطه وقروشه بس بالاخير اشوف ان سفرتك ممتعه مره لو دريت عنك كان ضبطت لك على الخطوط السعوديه احلى حجز ع كيف كيفك لاهنت يالغالي والحمد لله ع السلامه |
ماشاء الله الله يخليلك عياللك وآهم شى انكم استنستووا شكلك السنة الجايه في ألمانيا يعطيك العافية خششتنا جووو في الشرح والصور ...||| |
يعطيك ربي ألف عافية .. رحله موفقه ماشاء الله اهم شيء انكم رجعتوا بالسلامه النمسا حلوة جدا |
اهلا و سهلا مشرفنا العزيز .. :smilie47: مشاء الله وش ذا الوناسة والفلة رحلة جميلة الله يخليلك عيالك ويتربونفي عزك :rose: لك > :rose: |
مآشآءآلله تبىرك رحله رائعه وممتعه جدأَ آجوآء مذهله حقيقه . |
ما شاء الله عليه الصغير شكله بثرر وحركته واجده بس ينوم يعبي بنزين ويقوم بثر ! بس ياليتكم تتركون تشجيع الريال وتحويل المواضيع الى ردود |
والله النمسا خقق شكلها :D http://www.m5zn.com/uploads2/2011/7/...7587jzd1lz.jpg ماشاء الله منظر عجيب :d يازين شوارعهم وبيوتهم :D سؤال بسيط ومهم / كم تكلف هالرحله ؟ :d |
رحلة ممتعة الله يصلح عيالنا وعيالك ان شاء الله ... |
قمّة التهور أنت و مرسال ! واحد بمصر و الثاني بالنمسا و أنا بين ضلعان حايل :d يأخي دقوا علينا قولوا خاونا :d أبي أرفض طبعاً بس يأخي حسسوني أني مهم شوي :d قسم بالله ناس ماتقدر :d رحلة رائعة جميلة و أنيقة و باين الترتيب في كل شئ ماشاء الله تبارك الله .. ربي يستر عليكم ! بس سؤال صغيّر : ألحين ( مدريدي أزرق + الزعيم عبدالله@ ) هم الصغار اللي بالصور ؟ |
بآآك بعد رحلتي من المطبخ :d هلا ومرحبا بشيخنا ابوصالح >> :s2: قصصم طووووولت منذو مبطي عنك وعن مواضيعك لكن مادامك بالنمسا مانقول شين :d الحمدلله على السلامه اولا ورحله منتازه قدا قدا .. :naughty: >> الا ماكدونالدز عندهم دجاج ؟ :wub: والا كل شغلهم لحم خخخخخخخخ >> مايحبش اللحمه بتاعت المصاروه :d ماشاء الله رحلتن مزركشه.. خصوصا بتواجد الثلاثي المرح شكلهم فوووله شمعه منورة ماشاء الله .. ربنا يحفظهم .. :) http://www.m5zn.com/uploads2/2011/7/...d9tnn6sfuh.jpg اطلدز قدعاان .. http://www.m5zn.com/uploads2/2011/7/...dagrtc51ve.jpg >> جازتله الحركه توم وقيري :d الله يخليهم جميع وامتعتنا صراحه :wub: حسيت اني مسافر معكم >> حتسي المنتديات :s5s: تحياتي صخصخ ماتحرمناش من قديدك .. :wub: :rose: |
| الوقت المعتمد في المنتدى بتوقيت جرينتش +3.
الوقت الان » 01:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd