ياعالم هذي اسمها مباريات وديه تجريبيه .. والمدرب يبي يجرب
كل مايخطر في باله ويوقف على عطاء كل لاعب ومستواه وفي اي
خانه ممكن يعطي اكثر ..

مثلا الدوسري اليوم ظهير لو نفع كان بها ولو مانفع خانته معروفه .. لاتنسون
في يوم من الايام الشلهوب لعب ظهير اعتقد لظروف الطرد او اصابه

والمدرب مهو مدرب حواري حتى نبدا نقد من اليوم ..

بذمتكم لو بدا الدوري وبدا يجرب لاعبين في غير خاناتهم او لاعبين
من الأولمبي او الرديف وش اول شي بنقول ؟؟؟

بنقول ليه ماخلى التجارب في مباريات وديه وفي المعسكر .

عموما الله يوفق زعيمنا وخلوكم متفائلين اقولها للبعض !!!

على فكره وجود العربي والكوري في صفوف الهلال اكبر
داعم لعودة القناص ياسر والمبدع المحياني وتذكروا كلامي جيدا
والله المستعان