|
حمله نريد دخول الجامعه بسم الله الرحمن الرحيم والصلاة والسلام على اشرف الانبياء واشرف المرسلين اما بعد.... فنحن طلاب سعودين تخرجنا من الثانويه العامه بتقدير امتياز وتفاجانا بعدم قبلونا في الجامعات السعوديه فنحن تعبنا 12 سنه واحنا شادين حيلنا وفي الاخير يقولون مافيه الواسطه لها دووووور كبير ولاكن نحن لم يكن معنا واسطه ... وواسطتها هو الله عز وجل فقررنا بعد ذلك باان نسوي حمله في الفيس بوك وكانت بعنوان نريد دخول الجامعه والله مايقصر ملكنا الملك عبدالله بن عبدالعزيز بس الناس الذين حطهم خذلوه وهذا رابط الحمله حمله نريد دخول الجامعه Welcome to Facebook - Log In, Sign Up or Learn More الف تحيه لقايدنا ووالدنا الملك عبدالله |
والله دامك معزم تبي تسوي حمله خلها عً سنع :D وخلها حمله ودونآ ندرس برى يعني من زين الدرآسه هنآ :d يعني والله من جرفره لدحديره لـ حفره :d <~ المثل شي زي كذا :dاحس فيه شي زآيد :D يعني وآلله نصيحه اخ لـ صديقه :s2: رح برى والله بتعيش وجيه تفتح النفس وآجوآء تفتح النفس :s2: وافلقني اذا غبت :s2: |
اللي شاد حيلهـ وجاب درجات حلوة رآآح يدخل الجامعة واللي يقول واسطة إذا أنت ماقبلت بدون واسطة المفروض مايصير لك وجهـ تدخل الجامعة موفق كاتب الموضوع (ورده) |
لاتحطمني السنة الجاية بتخرج 12 سنة تعب ودراسة ودرجات اتوقع اذا ما انقبلت بنتحر :( ان شاء الله يوسعون الجامعات ولا يبنون جامعات جديدة بالتوفيق |
إقتباس:
|
^^ انا ادرس برى يامستر يقطينه:d |
^^ يا مستر جزرة احترم نفسك ض1 |
ماش ما تعرفون تسوون حملات المفروض دامها خربانه تطالبون تدخلون الجامعة كلية الطب ومدة الدراسة سنتين الله يادنيا من سنوات كان مجرد ان الواحد يشوف الجامعة من بعيد يغمى عليه واللحين صارة الدعوة لدخول الجامعات مضاربات بنات وحملات شباب عز الله استفدنا من جيل المستقبل اذا كان تفكيرهم كذا . المصيبة كلها ترم ويجيهم انذار ويطلعون من الجامعة للمعاهد والكليات ويضيع عمر الواحد وهو من تسجيل لتسجيل واخر شي وظيفة حارس أمن . القضية ما هي دخول الجامعة العبره هي الاستمرارية حتى التخرج . |
موفقين باذن الله .. ولكن سؤالي لكاتب الموضوع .. ما هي اسباب عدم قبولك بالرغم من تقديرك ممتاز .؟ - |
الله يكون بالعون .. أول كنا نشكي من قلّة الوظائف والحين قلّة وظائف وقلّة مقاعد جامعات :( |
والله صدق اخوي ولا اختي ولا انا انقبلنا في الجامعه جد قهر انا واختي عاااادي ماعليه ان شاء الله مو مقصر ابوي بشي بس اخوي |
يَ عزيزي , أنت تقول نسبتك تقديرهآ ممتآز شي حلو , عطنآ آلأسبآب آلي خلتك مآتنقبل وتقديرك ممتآز ,؟ |
شكرآ لك ويعطيك آلعآفيه وجزاك الله خير الله يوفقكم يارب |
انا اخوي الصغير متخرج هالسنه نسبته 94 < حقت ثاني وثالث طبعاً علمي قدرات 75 تحصيلي 62 ما تركـ مكان ماسجل فيه قبل بسعود مسار انساني وقبل بالامام مسار انساني راح الامام ارسل ملفه بالبريد طلع لهم الجامعه طلب تحويل لمسار علمي مدري تطبيقي << :s5s: قالوا إن شاء الله خير نرد لكـ خبر برمضان يوم 9 مدري 10 وهو اول ماتخرج كـان معشم نفسه بالتخصصات الصحيه :d:razz: الأمور كل مالها تصعب تصعب تصعب الله يكون بالعون ... |
يا أخي ,سالفة الواسطة هذي مُبالغ فيها شوي ترا --" لكل مجتهد نصيب وهذا مايعني إن الواحد يستسلم للواسطة ولا يدرس ولايذاكر بس مفهّي طول السنة ولين جا الجد ماتدري وين الله حاطه ! الواحد يجدّ ويجتهد ويبذل كل عرق جبينه عشان يجيب أعلى الدرجات - مو درجة تدخله جامعة - ويدخل اللي يبيه أبد بس يتخيّر :d بتوفيق من الله ثم من درجاته اللي من حصايل يدينه .. وإن ما انقبل يقدم على الثانية وإن مانقبل بالثانية فيه أكثر منها , لا يأس مع الحياة أبدًا .. واللي شاري العلم ماهو متهاون فيه أبد :) بعدين مايحتاج حملات ودنيا وحساب بالفيس وتجمّع الناس وأنا أختك, سوينا حملات لين طلعت من روسنا ولا أحد درا عنا . والله يوفقك ويسهل أمورك . |
| الوقت المعتمد في المنتدى بتوقيت جرينتش +3.
الوقت الان » 09:54 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd