|
افضل نادي في اسيا = لايملك نشيد رسمي ولا ملعب خاص بالنادي !!! السلام عليكم ورحمة الله وبركاته .. كعادتي احب ان اعالج السلبية بالاجابية .. نادي الهلال اقوى واكبر نوادي اسيا صاحب ال50 سنة وال50 بطولة والتاريخ العريض والطويل .. 1- لايملك ملعب اساسي للنادي !! والله مشكلة كبيرة جدا اذا الهلال نادي القرن ماعنده ملعب اساسي يلعب فيه , فيه الملز والملز اشوف انتهى اجلة يعني كم لنا وحنا نلعب فيه وجددوه لاكن مافيه فايدة .. وملعب صغييير وفآآشل ! اذا كان على المادية فأنا متاكد مانقدر نوقف عشان الفلوس ومستعد ابصم بالعشرة وعندنا اعضاء شرف ييشرفون وبيساعدون الادارة .. انا ماقول ابغى الملعب الحين سووه لي لا انا اقول ولو بعد 10 سنين بس تعاقدو من الحين وابدو من الحين اذا 2011 ومانملك ملعب اساسي لنادي الهلال متى راح نمملك ؟ فيه احد بيجيني ويقول طيب وين راح استاذ الملك استاذ الملك موجود نلعب عليه المباريات الكبيرة في اسيا او اي مبارة كبيرة ولاكن مباريات الدوري والمباريات المتوسطة بملعبنا ( ان شاء الله ) وهذي صورة صممتها قعدت اتخيل ملعب نادي الهلال .: http://dc08.arabsh.com/i/03212/oq5fzuuc8nuy.png 2- النشيد الرسمي اللي الاندية الصغيره بدت تسوي نشيد رسمي للنادي وحنا مو فاضين نألف كلمات .. مايبغالها شي نروح لأكبر شعار المملكة ونقوله الوزن وزي كذا ونبدا نعدل فيه وانتهت المسألة .. السنة قبل الماضية اسس بعض الجمهور نشيد رسمي واغلب الهلالين حفظوه لاكن في الاخير فجأه اختفى النشيد .. اتمنى ياشباب النشيد الرسمي مهم جدا للنادي وتحس انه يبعث الروح والحماس للاعبين .. الموضوعين هذي مانتغافلها ونحاول نعدلها في اقرب وقت ممكن .. يعطيكم العافيه |
رفع يامشرفين -------------- |
يتم دراسة ملف انشاء ملعب من زمان ولا شفنا شي واما النشيد ما ادري ليه للحين ما عندنا نشيد رسمي ورئيسنا شاعر ومو اي شاعر بعد |
ياخي اسمح لي احيانآ اضحك على بعض المواضيع وبعض النقاط موضوعك مميز بأستثناء هالنقطه إقتباس:
هههههههههههههههههههههههههه مصيبه اجل الهلال ما يملك نشيد ياحبكم للنقد على الشي اللي يستاهل واللي مايستاهل |
ولا نادي عنده ملعب رسمي اصلاً .. لا اكبر نادي ولا غيره بعد الخصخصه يمكن نشوف الملعب .. .. والنشيد الرسمي للأندية / ما أشوفه الا تقليد للاهلي والاتحاد ماله اي دااعي . والأهلي بعد يأخرون بداية المباراة بسبته // << ولا أحد كلمهم عشان التأخير الف شكر |
نشيد هههههههههههههههههههههههههههههه والله انك فاضي بالله النشيد وش نريدبوه بيجيبلك بطوله اسيا مثلا |
سالفة الملعب اتفق معك لكن النشيد , هل الاندية الكبار امثال برشلونه او ريال مدريد لديها نشيد ؟؟ الهلال كبير وسالفة النشيد طالعة من مخي ومالها داعي اتمنى ان تقبل وجهة نظري بصدر رحب |
اي خلصتواا من الاعبين الأجانب وطلباتكم وفتحتوا موضوع جديد وطالبون الأدواه مره ثانيه خلالاص خلالاص خلو الاداره بخالهاا خلوهاا تشتغل ع الراحه |
الشباب ردو عليك ملعب تمام عليك اما نشيد ..!! اتعجب منك |
تاريخ التسجيل: 22/08/2009 المكان: نادي الهلال مشاركات: 244 سالفة الملعب اتفق معك لكن النشيد , هل الاندية الكبار امثال برشلونه او ريال مدريد لديها نشيد ؟؟ الهلال كبير وسالفة النشيد طالعة من مخي ومالها داعي اتمنى ان تقبل وجهة نظري بصدر رحب |
إقتباس:
انا ما اهتميت بالنشيد بس ابغى اصححك |
ياشباب موضوع النشيد مو من اهتمامات الادارة الان بدل النشيد ركزو علي الرابطة نبي رابطة مثل الي نشوفة في اليابان واسبانيا ناس تهز الملعب هز شي يحمس الاعبين طوال الوقت مو فرقة طقاقات (اولايلااااة او لايلاااااة .....الخ ) |
قضينا من الانتقالات والاجانب وبديتوا بالنشيد وهالخرابيط اللي ماله داعي اما من ناحيه الملعب اتفق معك |
مشكور الله يعطيك العافيـه مآ قصرت كفيت ووفيت لا خلا ولا عدم |
احترم وجهة نظركم لاكن النشيد يبقى مهم ومحفز للاعبين .. |
| الوقت المعتمد في المنتدى بتوقيت جرينتش +3.
الوقت الان » 11:32 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd