اهلاً وسهلاً ابو ناصر زعيم قحطان

عوداً حميداً ,, وموضوع فريد ويكفي انك اعطيتنا الصوره الجميله للمدينه الاقتصاديه ,,
نسمع بها ونقرا عنها ومافكرت بيوم كيف تكون هذي المدينه الضخمه , ,

اشكرك على هذا الطرح ,, والتصوير الاحترافي
وتقبل احترامي وتقديري ,, دمت بخير

حمستوني ادز على المدينه واصور مره ثانيه خخخخخخخخ
لان للافس هالصور ما تجي 1% من المدينه
التفلت بين الشقق روّح علينا اليوم..
المدينه فيها الميناء+منطقه تعليميه+منطقه سكنيه+منطقه صناعيه+مركز المدينه
هذا غير الكورنيش والشواطئ
اثناء ردي على الردود راح ادف معلومات زياده كل ما تذكرت
لاني ما اجمع هالايام مضبوط..

إقتباس الرسالة الأصلية كتبت بواسطة اُمنيه زمآن عن مواضيعك يابو ناصر .. بالنسبة للمدينه شيء جميل ياليت من سكن هناك بس للأفس زي ماتقول مهيب حاصلة .. الحين ذكرت معلومات وماخليت شيء بس هي بأي مدينه ؟ سلاآآآآآآآآآآآآآآآم نسيت حاجه التنسيق لم ينل على اعجابي فالك التثبيت

والله زمان يا هوى زمان ..
حياك الله امنيه..<---خذي الـ بس اذا للحين مجلسنا محافظ ورجعي..
موقعها يا طويلة العمر والسلامه في جنوب رابغ ..وللي ما يعرف رابغ
تقع شمال جده بحدود 100كم على ما اعتقد

اما لم ينل اعجابك؟..جامليني طيب....حصل خير..اشبي انا اللي نسقته..؟

إقتباس الرسالة الأصلية كتبت بواسطة رجل من عالم آخر مشكور على التغطية لكني ملاحظ انك كتبت مرتين " للافس " هل في مشكلة عندك مع هالكلمة بالذات

العفو وحياك الله..عاده ياخوي.. نسأل الله ان يعافيك مما ابتلاني..

إقتباس الرسالة الأصلية كتبت بواسطة مستر بيسو للـآفس " يعطيك العآفيه موضوع رآئع " ,, < جبر خآطر

الله يجبر بخاطرك وخاطر اخوياك ومن يعز عليك..

إقتباس الرسالة الأصلية كتبت بواسطة MILITO HAIL مانبي مدينة الملك عبدالله نبي ملعب الملك عبدالله

ابشر..ما طلبت شيء..

إقتباس الرسالة الأصلية كتبت بواسطة ســـــ SMN2002 ـليمان وعليكم السلام ورحمة الله وبركاتة والله حي الغالي ابوناصر ومن طول الغيبات جاب الغنائم ماشاءالله تبارك الله موضوع متعوب علية وتنسيق في غاية الروعة وصراحة اسلوووبك المميز هو اللي زاد موضوعك بريقا اخوووي اللي هذا اوله ينعااااف تالية أذان وأغاني وش ترجي صراحة المدينة عملاقة وتحس فعلا انك بدولة غنية بس اللي بعص مزاجي سالفة هالمطاعم والأغاني وقت الأذان ابوناصر سلمت على هالتصوير الرائع وونقل بعض من هذة المدينة الهائلة للافس <<<كلمة استخدمها بكثرة واحب اللعب بحروف الكلمات مثلا القيصومة اقول لها القيموصة وعرعر اقول لها رع رع والقريات اقول لها قرقر والمجمعة اقوول لها المجعمة والجووف اقوول له الجلوف يعني جربوا والعبوا بالحرروف تحياااااتي لك

ارحب ارحب ..هلا وغلا اخوي سليمان..
كلامك احرجني ..خصوصا لما اثنيت على التنسيق جبرت بخاطري بعد ما كسرته الاخت امنيه..
<--وقت المدح يكون تنسيقي..
الي شفته بالمدينه يا اخوي..تقدر تقول دبي ثانيه ..لان كل شيء فيها مختلف عن الموجود في المملكه
لما اشوف تصاميم المدينه ..وصور الإعلانات ..والعمل على ارض الواقع
احس اني برا السعوديه ...ما ظنيت ياخوي انها راح توقف على الصلاه والأغاني

حياك الله اخوي سليمان..شرفتني بطلتك..

إقتباس الرسالة الأصلية كتبت بواسطة الحجازيه بنت حرب يســــــــــــــــــــلموا اخوي ع التغطيـــــــــــه جونـــــــــــــــــــــــــان رووووووووعــــــــــــه ماشاء الله نفســــــــــي اتقهوا هـــــــــــــــونيك ان شاء الله ازورهــــــــــا عن قريـــــــــــــــب الله عليـــــــــــــــــــيكي ياثووووول

بس قهوه؟..لا تكلفين على نفسك وتعنيها..
بالفعل هي جونان..
حياك..

إقتباس الرسالة الأصلية كتبت بواسطة داق لطمة مآآش فيه صور ما طلعت عندي على قولتك لأفس ض1 بس شكلها رحلة ممتعة جدا ً ،، ينطيك العااافية يا زلمة وعلى فكرة لو فيه رأي حول موضوعك بقوله لك غصبن عنك رضيت ولا ما رضيت ض1 بالتوفيق ابو ناصر

خخخخخخخخخخخخخخخخخخخخخخخخخخ
زين ان الصور ما طلعت..عشان لا تمتحني بأرائك..
حياك الله خيوو..

إقتباس الرسالة الأصلية كتبت بواسطة الهنوووف وعليكم السلام ورحمه الله وبركاته هلا والله بـ ابوناصر التحيف ( زمان عن هالكلمه ) زين شفنا منك موضوع الدنيا صاير فيها شي اليوم ماشاء الله شكل هالمدينه راقيه ومتعوب عليها بس من جدهم الشقق بالملايين غرفتين وصاله ؟.... او انا فاهمه غلط حتى لو مكانها استراتيجي اعتقد مبالغين ياكثر الفلبينين الي قابلتهم كاني قريت بالبدايه يقولون سعوده وتوفير كوادر عمل واغلب الي يشتغلون شكلهم اجانب \ / يعطيك العافيه تغطيه مميزه منك واعتبره انجاز ومثل ماقالوا الي قبلي تعليقاتك كانت اضافه جميله لـ التقرير الهنوووف كانت هنا ورحلت

هلا والله ومرحبا بـ هنووو..
ما بغى ينكتب حرف يا بنت الحلال..كم صوره جلست عليها 8 اشهر..

انا استغربت لما قالي الفلبيني ..بس تأكدت لما رجعت.. اتصلنا من العمل على مركز معلومات المدينه واكدوا هالشيء
وعلى كلام الموظف ان البيع فيها بدا

ما اقدر احكم على السعوده هناك..لان اليوم اللي رحنا فيه كان ويك اند
حتى الاجانب ما شفنا كثير منهم

حياك الله هنوووو...لكن للأمانه كنت انتظر رايك في التنسيق؟خخخخخ

إقتباس الرسالة الأصلية كتبت بواسطة زعيم البلد احبك موت صرآآآحة روووعة التغطية .. وقهررر ان البطآآرية خلصت صووور حلووة شكرآآآ على الموضوووع الرآآئع ..

حياك الله اخوي ..ولا تنقهر ولا تحقد..ان شاءالله اصورها لك مره ثانيه بعد سنه ان الله احيانا..

إقتباس الرسالة الأصلية كتبت بواسطة هلالي من ارض اليمن أخيرا موضوع يا ابو ناصر .. استطيع الآن ان اغمض عيني بسلام ! تريد الصدق يا ابو ناصر .. لقد فاجئتني وسلمت يمناك على هذا الموضوع المميز وصراحة ان الموضوع اعطانا تصور مبدئي عن ماذا تعني : مدينة الملك عبدالله ؟ نقرأ في اخبار المجلس ( مدينة الملك عبدالله ) .. موضوعات للاعضاء عن ( مدينة الملك عبدالله ) .. وتعليقات وشد وجذب .. ونحن لا ندري ماذا تكون هذه المدينة ؟ فكان الفرج علي يديك بعد ثمانية شهور ! .. سامحك الله حتى اللحظة .. يبدو اننا على مشارف مثلث المدن الاقتصادية بالجزيرة العربية ( دبي - الدوحة - مدينة الملك عبدالله ) وهي نماذج يبدو لي انها مشاريع ( هونج كونج ) مصغرة .. حيث تكون هذه المدن عالمية ولها انظمتها وقوانينها الخاصة بعيدا عن الانظمة والقوانين المحلية .. هذا والله أعلم ،،، شكرا جزيلا ابو ناصر كن بالقرب دائما مع تحيات الهلالي دائما

الله يرحم من مات خخخخخخخخ
مرحبا ويامرحبا بـ طارق..
الله يلوم اللي يلومك ..ما تدري قد ايش ترددت اكتب الموضوع والا لا؟

اختصرت الكثير يا صاحبي..
وهذا الواضح لكل واحد بيروح يشوف المدينه على الواقع ..وكمان لما يشوف تصاميم المدينه المنتشره بكل حته

نورت يا ريس..

إقتباس الرسالة الأصلية كتبت بواسطة A L 7 Z N صرآآحه شي حلوو خصوصا الكوفيات وشكل البحر نظيف عكس العاده يعطيك العافيه عالتغطيه

البحر او مكان طبيعي اذا سلم من الانسان وقربعته اكيد بيكون نظيف ..
حياك الله ..وعقبال ما تتكي فيها..

إقتباس الرسالة الأصلية كتبت بواسطة @@almoreb@@ آآه بس .. والله ما أظن حيصير لاقتصادهم شئ لو رسموا الطابع الاسلامي السليم في هذه المدينة !! ومثل ما قال أخوي طارق .. المدينة هذي والله أعلم .. هي عبارة عن هونج كونج مصغرة والله يستر بس !! والله كان خاطري انها تكون أكبر مدينة اقتصادية في العالم مع التحفظ الكامل على الدين الاسلامي لسببين مهمين 1- نشر الدين الاسلامي عبر الاقتصاد ... 2- ازدهار هذه المدينة ورقيها ورفعتها وربما تصبح من أول دول العالم الاقتصادية ولكن اذا تمسكت وازدهرت بالدين الاسلامي ومعالمه السمحة ... تنسيق رااااااااااااااائع يا ابو ناصر وعسى الله يصلح الحال ... لأن الحال والله أعلم مدحدر !! ولا أعلم الى أين !! لك ودي

الحال مدحدر وانا اخوك ..مدحدر لا محاله
الدحدره ليست بالمدينه الاقتصاديه بس..احنا مدحدرين حتى اجتماعيا ..ولا اقول الا الله يستر علينا

حياك الله اخوي..

إقتباس الرسالة الأصلية كتبت بواسطة الهلالي دائماً مش مصدق عيوني ابو ناصر بشحمه ولحمه >> القلب للحم من جد موضوع تحيف جدا جدا بس وش ها المدينة اللي كلهم فلبينين بديت اشك فيك يا صديقي تسلم اخوي فلاح على الموضوع والتعليقات الحلوه والصور المعبره ولا تحرمنا من هيك طلات حلوه يا تحفونة المجلس العام وأهنيك على التنسيق تحياتي لكم دائماُ .

نعم نعم بشحمه ولحمه..وترا لحمته طيبه..
لا تشك وانا اخوك واحسن النيه خخخخخ
اللي قابلتهم كأنهم مشرفين على بناء المباني ..هذا والله اعلم..

حياك الله يابومقبل دائماً..

إقتباس الرسالة الأصلية كتبت بواسطة HooO 20OooH ماشاء االله أخوي ع التغطيه المميزه الله يعافيك

ويعافيك اخوي..نورت الحته..

" يعطيك العآفيه موضوع رآئع " ,,


لا خلا ولا عدم

إقتباس الرسالة الأصلية كتبت بواسطة هـــ الشماسيةـــلالي أهلاً هلابكـ يابوناصر ,, عاشت أيامكـ , وعاش من شافكـ وسمع علومك ,, أود البوح وإفشاء سر لا يعلمه الجميع هنا ,, أن الشاب التحيف بوناصر مقبل على خطوة مفصلية في حياته وأول خطواتها النظرة الشرعية التي ستكون هاليومين عسى الله لا يفجعه . وواضح أن الرجل ماكث على الإعداد النفسي لتلك الخطوة وأثرها باين على تنسيق الموضوع الذي لم نعهده عن بوناصر . أسأل الله لكـ التوفيق ياصديقي

الله يبشرك بالجنة
والله يتمم على خير
والله يوفقة في هذة الخطوووة

وانا اقوول وش هالحلا والتنسيق
اثريه من كذا
أكيد قال في السي في
انه كاتب مشهووور والجميع ينتظر مواضيعة
علشان كذا اجل الموضوع كل هذا الوووقت ههههه
تحياتي لك

الف شكر لك على هـ الصور ..

بصراحة المدينة ما دخلت مزاجي ولن تدخل مزاجي ما دام ان المحلات ما تسكر بوقت الصلاة ! واغاني !

ما اقول الا الله يستر من القادم .

شكراً لك . **

شي حلو والله
والأحلى أن شي من مشاريع الملك تم أنجازه
لأانه غالباً نسمع جعجعة هالمشاريع والأرقام الفلكيه ولانرى طحيناً

ولـــو ,, فيه تطورات هذي السنه
شفنا طريق الملك عبدالله وبأنتظار أكتماله وأنشاء القطار
وبرضو المركز المالي بانت معالمه والشغل فيه على قدم وساق

يالله عقبال م تنجز كافة مشاريعه
وإن شاء الله يكون فيها خيرلأبناء البلد ونفع لهم

ع كلٍ عوافي بوناصرتقرير مميّز
وبأنتظار تقارير وزيارات أخرى

اووووووووووووووخس فلاح منزل موضوع
لا وتقرير بعد
وفيه صور

أنا اشهد ان السودان يوم انها انفصلت سوت فينا خير
متى باض الديتس على قولتهم ؟

صراحه انا شفتها قبل اسبوعين مدري كم
بس من برى مادخلت

مدينه هالشكل ! وقريبه من جده !
لا بالله كدينا خير

لكن صراحه شغل راقي جداً ونظيف

بس تدري عاد وش الشيء الي صدمني
وخلّى عيوني كذا :| ؟
يوم قريت المقدمه
ع بالي انت كاتبها بغيت من جد انصرع
قلت دوام الصيف جاب فيه خير وطلع الكلام المصفف هذا

بس اشوى ماطولت صدمتي

الماريه اني ابي لي شقة من حقات الفلبيني الاول الاجودي
دامها مأثثه وجاهزه وفلبينيها اجودي خلاك تصور كود انه يصير معي اجودي ويشتغل لي سواق < تتمصلح مع الفلبينيين دايم وبالاخير تقول تصير سواقنا

صدز دبرني بشقه ع البحر وموقعها تمام التمام
ووعد مني اعطيك اياها اول ليلتين من زواجك ببلاش
لزوم العيش والملح الي بيننا يعني اذا صدق خبر عبدالله الي يبدو لي صحيح

الله يعطيك العافيه على التغطيه الاكثر من رائعه