|
ياسبحـان الله ياجمهور الهـــــلال أنتم استفزازيين !! السلام عليكم ورحمة الله وبركاته مساكم (( صبحكم )) الله بالخير والصحة والعافية أدخل بموضوعي اخواني واخواتي جمهور الهلال الكبير ليه التناقض في متطلباتكم وطموحكم بالبداية أولا ببداية التعاقدات قمتوا تطالبوا الاداراة بأشياء خيالية وغير طبيعية (( اقويرو .... درقبا .... الخ الخ ....)) ياجماعه الخير اللأعبين الكبار عقودهم خياليه ولاننسى ان اسيا والخليج تعتبر مقبره لهم واللاعب مايجي الا اخر مشواره بعد سن ال 33 وتعوفه الاندية الأوروبية والهلال يدار بفكر استثماري وفني عالي لو جبت لاعب كبير كم بيعطيك موسم ؟ اثنين ؟ وبعدين؟ هرماش + العربي + الكوري = عمرهم 24 استثمار حقيقي لأكثر من 4 سنوات بالاضافه لتقاربهم العمري مع لاعبين الفريق الفريدي الدوسري العابد نامي هوساوي الزوري هذا يساعدهم على الانسجام اكثر بالاضافه لقيمتهم الفنية واقعيا هجوم الهلال اصلا مستواااه = صفر العربي ثالث هدافين فرنسا والكوري هداف كوريا وهرماش كابتن فريقه لو جبت لاعبين كبار هل تضمن اصلا نجاحهم ؟ وانسجامهم مع الفريق مثلا ؟ المسأله مو تجيب اسم كبير وخلاص او اسم علشان تهايط فيه عند اخوياك بالاستراحة والكلية والمدرسة انت هايط فيه على كيفك عقب ماتشوف مستواه مو تهايط بأسمه فقط ثانيا دائما تتهمون إدارات نادي الهلال بأنها إدارة واسطات وماتعطي الوجوه الشابة والأولمبي وجه وانه المفروض مايهتم باللاعبين من خارج النادي لأنهم مكلفين ماديا وبنفس الوقت اعطاء ابناء النادي فرصه وأن لديهم امكانيات كبيرة والعام اللى راح كالديرون قال ان الاولمبي والشباب كافيين لتغطية النقص وش المانع اذا ؟؟؟ القرني ماشاء الله تبارك الله مستواه بارتفاع وبالنسبة لى اشوفه بيغطي على المستهتر اللى يحسب النادي واقف عليه وهو والغنام وهرماش والفريدي اللى اساس خانته محور يكفووون يسدون المحور والظهير الايمن مو ذيك المعضله حنا مشكلتنا بسيطه بقلب الدفاع انه مافي بديل حاليا الا خيرات ولو فيه بالاولمبي شباب اثنين خير وبركه والحمدلله المهم ادخالهم بالتدريج بالمباريات الغير تنافسيه نجران القادسيه الرائد التعاون الخ الخ الخ بعدها خلهم ينافسون الاساسي بالمباريات القويه يعني بأختصار اذا مافي تعاقدات محليه ماهي مصيبه مثل مايصورها البعض النادي بخير وبأيدي امينه والحمدلله من عام 1410 نشجع الزعيم وكل رئيس يحاول ينافس اللى قبله وغيرتهم بين بعض محموده لمصلحة النادي وكلامى لجمهور 2005 الجمهور اللى شجع الهلال مع انتقال ياسر القحطاني اكبروا شوي يكفي مهزلة النادي لاوقف على ياسر ولا على عزيز ولا على الف مثلهم اعتزل الثنيان وابو ثنين والتيماوي والتمياط والدعيع وووسامي الخ الخ الخ ؟ شفتوا ناديكم وقف بطولات ؟ بالعكس زاد دلعكم صارت البطولة اذا ماهي اسياء ماتعجبكم صارت ووووع شوفوا غيركم من الاندية يدور حتى لو بطولة تنشيطيه يسجلها بأسم ناديه تحياتي لكم اخوكم ابو باسل |
أخــي أنــا معــك في هذه النقطــة .. الجماهيــر الهلاليــة تبالغ في مطالبهــا وقد كتبت موضـــوع ويشرفنــي مـــرورك http://vb.alhilal.com/t1033802.html تحياتي . |
ان شآء الله توصل الرسآلة لكـآفة الجمهور الهلآلي :yes: واحمد الله على هالفريق الي الواحد من الصعب يلآقي مثله هنا :smilie47: يعطيك العـآفية :rose: |
أخــي أنــا معــك في هذه النقطــة .. الجماهيــر الهلاليــة تبالغ في مطالبهــا لازم من العقلانية لا خلا ولا عدم |
حلووووووو ياااااحلو يسلموا ابو بااااااسل ودعوا القياده للادااااره |
يعطيك العااافيه ابو باسل كلام جميل..فعلا الجماهير الهلاليه دااايما تبالغ.. اتركو الاداره تعمل بصمت ..والموسم القادم باءذن الله نشوف النتائج.. |
ياسلام عليك والله قلت اللي بخاطري وزياده من جد بعض الجمهور صار مثل الطفل المدلل اللي يبي ابوه يحقق له كل شي ومهما قدمت الاداره ماراح يرضون صرنا نقرا ان الهلال ماعنده احتياط وان علة الهلال بالوسط حسسوني اننا الحزم مو الهلال :to: والله العظيم اني ادخل منتديات كل الانديه الكبيره وكلهم يتكلمون عن شغل ادارتنا الصح وان اداراتهم نايمه بالعسل ( باستثناء الشباب للامانه ) الاداره سوت اللي عليها وزياده ونسأل الله لها التوفيق ولجميع الاعبين هم اجتهدوا وماقصروا مابقى الا التوفيق من رب العالمين يارب |
كنت ماشي صح لكن خربتها لا تقارن عزيز بياسر فياسر منضبط طوال الموسم قد ترى أن مستواه منخفض لكن هذا ليس معناه تنسيقه أو اعارته أو انتقاله __ مشكلة بعض الجماهير كرهت ياسر بسبب جمهور ياسر |
يعطيك العافيه ع الطرح ,, وانا ما طالبت بالمستحيل كوني احد عشاق هالكيان ,, ولكن مليت من انتظار الاسيويه كون النادي مبدع اول الموسم واخر يترنح ,, انا لم اكون وراه هتافت درقبا وغيرها ,, بس كنت اهتف نحو امثال العربي والكوري وهرماش لانهم هم الاستثمار الحقيقي ,, وانا متفق معك الى الان ,, ولكن اختلف بمعك بمقارنة ياسر بعزيز فشتان بين الاول والاخر ,, ,, |
يالبى قلبك ، والله يعطيك الف عافية ع الموضووووع الرائع .. :smilie47::rose: |
اولا ياطويل العمر انا لما اجيك واقول باجيب لك امتياز ,, ثم اقول لك جبت جيد لكن تراني نجحت وتجي الناس تلومك ليه تتكلم على الطالب هذا ,, على اعتبار انه ولدك او اخوك ,, ليه ماهو ناجح بالصلاه على النبي طيب ناجح ,, هرماش زين ومانقول شي في التعاقدات ,, لكن من اللي قال روغبا الجمهور والا الادارة ؟ بتقول لي طلع لي تصريح واحد صريح بقول لك مو دايم يكون الشي صريح عشان نقول فيه مفاوضات يعني الكل يعرف ان كان فيه مفاوضات لدروقبا ,, وياصاحبي فيه لاعبين اقل من درقبا سعر ومع ذلك مافاوضهم النادي مانقول الي جابوهم الان سيئئن بس فيه احسن منهم وباسعارهم ويمكن اقل ويمكن اعلى شوي بس تجيب لاعبين ثقه بالنسبة للمدرب ,, فيه مدربين كثير فاضين الان وتقدر تجيبهم ,, من كارلو انشيلوتي ,, الى شوستر مدرب مدريد 2008 الى انتيتش مدرب صربيا له سنه ما يدرب احد ,, مثل بيلتش مدرب كرواتيا اللي عشمونا فيه واخر شي دول طيب اذا دول 4 مليون يورو يعني تبي تقنعني ان كرواتيا تدفع لمدربها اكثر ؟؟؟ مدرب ممتاز وناجح لو يبغى 8 مليون في 3 سنوات يستاهلها ,, وهذا المدرب المناسب للمرحله هذي ,, بلا جائع بلا هم ,, صدقني يا ان دول يذكرني ببيسيرو يوم قالوا احسن مدرب بالبرتغال ووصل نص نهائي كاس اوروبا اتمنى يكون يملك الفكر والقدره ,, بس كلام سامي مايبشر بخير ,, جبناه عشان لقيناه جوعان للبطولات هذا النصر جوعان بطولات لو تمر من جنب واحد منهم يمكن يعضك ,, يحبسك بطوله يا طويل العمر مدربين زي لافولبي ,, مدرب كوستاريكا مدرب ممتاز ,, زي بيكرمان ,, دونقا برضو مدرب فنان وتكتيكي وصارم اذن دامك تدفع ملايين فلا توقف عند رقم معين وتقول مابزيد ,, جيب اللي يستاهل لان بكره لما تقيل هذا وتجيب غيره بتتندم على انك مازدت شوي بالمبلغ وجبت اللاعب الفلاني او المدرب العلاني ,, نيفيز لاعب منتخب البرازيل وجبناه ورادوي كبتن رومانيا وولهامسون لاعب اساسي بمنتخب السويد ,, فرق ياخي عن هالتعاقدات الحاليه بصراحه ,, لاتلوم العالم لا خافوا |
أخــي أنــا معــك في هذه النقطــة .. الجماهيــر الهلاليــة تبالغ في مطالبهــا |
إقتباس:
حياك الله ونورت الموضوع يالغالي نقظة انى اقارن ياسر بعزيز مستحيل ياسر قمة بالانضباط بالمواعيد والتمرينات والمعسكرات انا اقول انه ياسر كان يطقها اساسي بينما كان المحيانى اولى منه بالفرصه مليون مره ياسر علاجة ليس التنسيق او البيع وانما الدكة لأن اللاعب استهلك بشكل كبير من النادي والمنتخب واذا نزل المحياني يكون برا الصندوق وياسر داخله بينما ياسر افضل منه بصناعه اللعب وشكرا لك |
وربي صدقت يسلمو يآلغآلي ابداع وتألق كالعاده |
إقتباس:
بالنسبة للملل من اسيا غلط اولا الهلال جابها قبل مع لاعبين اجانب عادييين جدا وكان فيه محليين مميزين ولكن شرق اسيا تغيرت وتطورت وحنا بقينا مكاننا وان شاء الله انها جاية والغلط اللى تتبعه الادارة هي تشتيت الذهن على 4 بطولات وارهاق الفريق اول الموسم بحيث ينخفض عطاء اللاعبين اخره نقظة انى اقارن ياسر بعزيز مستحيل ياسر قمة بالانضباط بالمواعيد والتمرينات والمعسكرات انا اقول انه ياسر كان يطقها اساسي بينما كان المحيانى اولى منه بالفرصه مليون مره ياسر علاجة ليس التنسيق او البيع وانما الدكة لأن اللاعب استهلك بشكل كبير من النادي والمنتخب واذا نزل المحياني يكون برا الصندوق وياسر داخله بينما ياسر افضل منه بصناعه اللعب |
| الوقت المعتمد في المنتدى بتوقيت جرينتش +3.
الوقت الان » 01:28 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd