|
استفسار لاهل الخبرة بخصوص الايفون السلام عليكم ورحمة الله وبركاته .. اخواني انا ابي اشتري ايفوون وسالت لي وحدة تعرف قالت بريطاني احسن شيء ورحت لمحلات المرسلات معظمها امريكي موبايلي .. وانا رجعت ولا معي شيء .. ابي احد يفيدني هل الامريكي .. وموبايلي يمشوون واي محل اشتري منه مضمون << طبعا في الرياض .. انا سمعت ان حتى لوخرب ورجعته لموبايلي يماطلوون .. وفي اجهزة تشتغل شوي وتطفى كل دقيقتين .. ابي احد يفيدني الله لايهينه .. |
عليكم السلام .... الايفون .. جهاز الكثير منا يجهل او بالاصح يقارنه ببعض الاجهزه الاخرى .. الايفون بالنسبة لي هو حاسب صغير .. يدعم اجراء المكالمات الهاتفيه ,, به مميزات كثيره جدا يصعب عدها ..فكل ماتعمقت في الجهاز تستطيع تمييز جهازك عن الاخرى ببرامجه ومميزاته .. ومن اروع التقنيات هي تقنية الفيس تايم التي تسمح لك باجراء مكالمة فيديو مجانا بينك وبين شخص اخر يملك ايفون.. عبر الواير لس جميع اجهزه الايفون في العالم متشابهه .. الفرق فقط ان الايفون الموجود في موبايلي يتفقد لخاصيه الفيس تايم .. والى الان لم يعرف السبب لماذا ابل حجبت هذه الخاصيه عن الشرق الاوسط لذلك عند تسويق الايفون في المحلات يتم الترويج للبريطانيا لانه به خاصية الفيس تايم والنقطه الاخيره لا يوجد شيء اسمه يشتغل دقيقتين ويطفي ... هذي خزعبلات ناس تحب بس تتفلسف وللاسف موجودين عندنا في السعوديه ... والمرمطه في موبايلي اعتقد انها في كل مكان وكل قطاع للاسف المرمطه موجوده .. بنوك شركات اي مراجعه لازم من الواسطه |
مشكوور اخوي ع الافادة ..ربي يعطيك العفيه .. ماقصرت .. سوال اخيير <<معلييش اتنح بهالاشياء كييف اعرف انه مفتووح .. ابي طريقة اعرف بها وانا بالمحل.. |
وعليكم السلام اختي ريحي راسك وخوذيه من موبايلي أو إس تي سي ارخص ومضمون ومفتوح رسمي أما بالنسبه للفيس تايم تقدرين تظيفينه بكل سهوله عن طريق الجيل بريك أما بالنسبه للموبايلي والمماطله حقيقه أول مره اسمع بهاشي إذا كان الجهاز فيه عيب مصنعي راح يصلحونه غصب لأنهم وكلاء لأبل نصيحتي ابعدي عن المحلات |
آخذيية من موبآيلي مآفي مششآكل |
انصحك تاخذينه من موبايلي والفيس تايم ماراح تستفيدين منها فيه برامج عندي افضل مثل الفايبر والتانجو وغيرها ومجانيه بعد |
طبعا انتي بتشترين الجهاز بفاتورة ويكون فيها رقم السيريال .. اذا رحتي البيت وصار مو مفتوح رجعي الجهاز للمحل بسيطه والحق بيكون معك مستحيل صاحب المحل يقولك انه مفتوح ومايطلع مفتوح ... اقولك من الاخر انسي احد يضحك عليك خصوصا بسالفة المفتوح وانا بحكم خبرتي انصحك تشترين البريطاني بدل جهاز موبايلي وبالنسبة للي يقول يوجد برامج بديله للفيس تايم !! استغرب هذا الكلام ...!! لايمكن المقارنه ابدا الفيس تايم هي خاصيه تاتي مع السوفتوير مثلها مثل النغمات مثلها مثل المنبه ..... تخيل جهازين احدهم بدون منبه والاخر بمنبه ... وياتي شخص ويقول غير ضروري يوجد برامج تنبه !!!! فرق جداا بين الفايبر والسكايبي وغيرها من البرامج .. هي في كفه والفيس تايم في كفه اخرى |
ربي يعافيكم ويرزقكم ع قد نيياتكم .. ماتقصررون كلكم ... افدتوني ... |
انا عندي ايفون 4 امريكي والفيس تايم شغال فيه نزلي الجيلبريك وبتشتغل خاصية الفيس تايم حتى البرامج تنزليها بلاش مع الجيلبريك بس اذا اخذتيه من موبايلي او الاتصالات ونزلتي الجيلبريك كذا راح تكسرين الحمايه واذا خرب الجهاز الشركه ماراح تصلحه اذا بتاخذيه من الاتصالات قبل لاتستلمين الجهاز قولي هات الشريحه اللي معاه < لأن الايفون يجي معاه شريحه بأشتراك 6 اشهر يعني مو لازم وايرلس اذا انتي مشتركه موظفي الاتصالات يبيعون الاجهزه وياخذون الشريحه اللي معاه اذا ماطلبها المشتري خذي امريكي وتوكلي على الله وكلها نفس الشي مع البريطاني ^_* |
^ ^ ^ ^ حتى لو سوت جلبريك .... واحتاجت للضمان بكل بساطه تعيد تحميل السوفت وير ويرجع الضمان |
إقتباس:
صــح نسيت اذكر هالنقطه تعديل : جهازي اليوم اكتشفت انه بريطاني :s2: |
| الوقت المعتمد في المنتدى بتوقيت جرينتش +3.
الوقت الان » 12:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd