الرسالة الأصلية كتبت بواسطة أيطالي (مشاركة 18485881)

أما عزيز لاعب عظيم :D
يارجال كيف الحال بس
من طلع عزيز والهلال من جرف لدحديره
ماعرفنا هزايم الاتحاد في الاستاد كل سنه الا وهال(عزيز) يلعب لاعب ماعنده لا كنترول ولا فكر ماغير يطامر بوسط الملعب
وقوة الهلال صنعة له اسم ولا لو هو مع فريق ثاني ما يلعب مثله مثل لاعبين كثار
الهلال يصنعهم وللاسف نتورط فيهم بوقت الجد
اسيا ما لامسناها والسبه عزيز ..
يالغالي .. ارجع لبطولات جميع اندية العالم وكؤوس العالم وشاهد كل فريق كان لديره محور ارتكاز ذو شان عظيم في الملعب يحقق البطوله .. وانت تقول خالد عزيز لاعب عظيم
ليش عشانه في مباراه مسك محمد نور ؟! الله يالدنيا والله اللي صار نور افضل لاعب في الملاعب السعوديه بعد ما كان يطارد الثنيان والتمياط وهو يتمنى بس يلمس الكوره لمس وصار اليوم هو اللاعب اللي ما بعده ؟!!
من الاخر
بعد الثنيان لاعب وسط ماجا الا اثنين في الجيل السابق
قهوجي والتمياط .. وبعدها صار المترديه والنطيحه يطامرو في الملاعب مثل امين ونور وشقير .. لين طلعو عيال عطيف وبعدهم الفريدي غيره مافيه لاعبين وسط
اما المحاور من عقب فيصل ابو ثنين وخميس ماجا الا رادوي على مستوى الكوره السعودية .. لاعب يساند الدفاع ويصنع لعب ويعرف يرفع رتم الفريق وينزله .. ماهوب مثل السيد بربسه يدور في محله ويناقز .. صار ارنب موب لاعب
..
طبعا لاتزعل من كلامي هو رأي شخصي واتمنى تتقبله بصدر رحب ويكون له متسع في موضوعك :)
...
اما ياسر القحطاني اتمنى ان يجلس مع نفسه ويلتفت للجمهور بس ويفكر لاعب لديه جميع الامكانيات بس مادري ليش يكون في الملعب سلبي فهو يملك كنترول عالي ... وايضا مهارة عاليه.. وايضا خلفه صناع لعب ليش بهذا التوهان الله اعلم ؟!!
اتمنى بس يثق بقدراته ويعرف انه يستطيع ان يكون افضل مهاجم لثلاث سنوات قادمه .. فالعمر ليس له مكان والدليل ديجو فورلان .. كل ما كبر بالعمر زاد جمالا في لعبه ..
بما ان اللعب سليم ومعافى ..وهناك رغبة وتحدي اعتقد انه سوف يكون افضل مما كان سابق
.. وهذا الكلام اتمناه يصل الي ياسر . فلا يوجد مهاجم يملك ما يملكه يسار من قدرات فنيه ..خاصة وايضا فكر

ياكريم ياقدر على كل شي .. سهل امر ياسر واعنه