|
الاداره بذلة كل مابوسعها من قوه بس بااااقي .... السلام عليكم اسعد الله مسائكم الاداره ماقصرو عملو كل مابوسعهم :ba: بس كل الايام الي راحت والله كانت المواضيع تنرفزني وبعض الردود ماتعجبني وهي تقلل من الادراه وتأخيرها بالتعاقدات وكأننا نبي اي لاعب واي مدرب ينضمون للهلال والاداره تختار افضل الاختيارات ولكن صدقوني من عمل كل هذا واعطاء الجماهير الهلاليه بأن الهلال راح يتعاقد مع مارتن اونيل او المدربين الكبار الي صعب يجون للشرق الاوسط وهم من رفضو مجرد التفاوض الصحافه هي من فعلة هذا بالجماهير ووهمتنا بأن الهلال راح يتعاقد معاهم ولكم بالاسماء الي عرضوها امثال سواريز وفورلان ودروقبا اجل بالله سواريز بالعمر هذا وبأفضل مستوياته يجي للهلال ويترك لفربول :s2: ومشكله بعض الاعضاء يصدقون كل شي وبس الهلال يتعاقد مع احد مايعرفونه يعتبرون الصفقه فاشله وكأننا بالأعوام السابقه كنا نعرف كل مامر على الهلال من منكم كان يعرف ويلي الا القليل ومن منكم كان يعرف نيفيز او رادوي او حتى قريتس الا القليل مو شرط اي واحد مانعرفه يعني خلاص مايعرف يلعب او لاعب مغمور ممكن تكون المشكله مننا اننا مو متابعين دوريات العالم وهذا صعب نتابعها كلها اما التعاقدات المحليه فإنتضروها لان الاداره همها التعاقدات الاجنبيه والمحليه ان شاء الله راح تكون مرضيه وقد الطموحات واتمنى التعاقد مع ظهير ايمن بجوار سلطان البيشي ونامي لتنافس بالمركز والتعاقد مع قلب دفاع المهم الي ابيه منكم ياجماهير الزعيم انننا نكون مع الهلال بكل شي خلاص الاداره ووقعت مع المدرب والاعبين يعني خلونا نعطيهم حقهم ونساندهم بكل شيي حتى يقدمو مابوسعهم ومثل مايقول الامير عبدالرحمن بن مساعد كل سنه حاسبوننا بأخر الموسم يعني المطلوب مننا نساند الاداره والاعبين ومانحاول نقلل من احد الا لما نشوف عملهم بالمستطيل الاخضر وعدم الحكم عليهم من اول مباراه الاداره تعمل ووتسهر وتتعب وتصرف من الاموال وحنا بس هنا وجالسين ننتقد قبل مانشوف عمل من تعاقدنا معهم انا وجهة نظري كل التعاقدات ممتازه وحتى لو كانت مو عاجبتني راح اقول كفيت ووفيت ياشبيه الريح ووننتظر الموسم ونحكم على التعاقدات بآخر الموسم لان الكلام بالوقت هذا يضرنا اكثر من انه ينفعنا لان التعاقدات وصارت ماراح نغير شي هذا اذا صار فيه شي مع شبيه الريح ماتقدر تلقى عليه شي تحيتي :rose: |
كلآم سليم اخوي :rose: يجب الوقوف مع الإدآرة وترك الانتقآدآت الي مهوب في وقتها :) والحمدلله خلصنآ امور الاجآنب بقي فقط المحليين واول شي الي المفروض تفكر فيه الادآرة هو ظهير ايمن لأنو محتآجين هالمركز في الموسم القآدم :) يعطيك الف عـآفية :rose: . |
تحيااتي لك ... وهذا الاهم ... لازم نوقف مع اي لاعب يجي ............. شطحه انا ابي اودع الاعبين والمطار ماشالله كبيررر يعني مكان مغادرة الاعبين مدري وينهااا ومهتم كثيرر اني اودعهم واحد واحد |
معك في نقطة اللاعبين الكبار وانتقالهم لـ نادي الهلال وين اللاعبين دروجبا وخبر التعاقد مع كيكي فلوريس الحمدلله على تعاقدات ابو فيصل تبشر بموسم بإذن الله هلالي يكفي الكوري هداف الدوري الكوري بـ 22هدف ويوسف العربي ثاني هداف او الثالث بـ 17 هدف وأعمار اللاعبين صغار هرماش 24 سنة العربي 24 سنة يو بيونغ سو 23 سنة إن شاء الله متفائل بـ هلال 2011-2012 يعطيك العافية اخوي وبإذن الله الجمهور الهلالي راح يغير كلامه مع المدرب واللاعبين |
الي ابيه منكم ياجماهير الزعيم انننا نكون مع الهلال بكل شي خلاص الاداره ووقعت مع المدرب والاعبين يعني خلونا نعطيهم حقهم ونساندهم بكل شيي حتى يقدمو مابوسعهم ومثل مايقول الامير عبدالرحمن بن مساعد كل سنه حاسبوننا بأخر الموسم كلام جميل جدا |
يعطيك العاااااافيه ع الموضوع الجميل فعلا لازم نقف مع اللعيبه وندعمهم حتى يبذلو مابوسعهم لاسعاد الجماهير الهلاليه بالبطولات |
الاداره ، مشكـوره مافعلته .. ومشكور ع الموضوع :$ |
الوقوف مع الإداره وااااااااااااجب وليس طلب أو إستجداء !!! الوقوف مع الكيان هو الإخلاص بعينه حتى لو كان في أسوء ظروفه فمابالكم وإدارتنا بقيادة شبيه الريح تقدم لنا أقوى الصفقات وأفضل التعاقدات والتي يحلم باقي الأنديه بنصفها!!! أنا وبكل صراحه أكره النظره السطحيه من بعض الجماهير وأقول لهم لو مشت الإداره على رأي الجمهور لرأيتم نادينا في وضع أسوء من نادي النصر الذي ضاعت إداراته خلف مطالب الجماهير المختلفه فقسم يطالب بتنسيق اللاعب الفلاني وقسم يطالب ببقائه وقسم يريد هو أن يختار اللاعبين الأجانب والمدرب وكل شيئ ولاإداره ماعليها إلا أن تدفع فقط وهذا الأسلوب لا أجد له إسماً إلا المسخره بصراحه . الجمهور له الحق في المطالبه بتحقيق الإنجازات والبطولات وظهور فريقه بمظهر يليق به وبسمعته والواجب عليه تجاه ناديه هو المؤازره والحظور القوي في الملاعب لدعم الفريق وتحفيزه لتقديم الأفضل والإداره هي من تحدد الطريقه المناسبه لتحقيق هذه المطالب لذالك يجب أن يلتزم كل جانب بالمهام الموكله ويعرف ماله وماعليه حتى تسير سفينة هلالنا لبر الأمان والحساب والتقييم كما قال شبيه الريح يكون نهاية الموسم. يارب ياكريم وفق الزعيم |
كلام سليم وعين العقل ....! |
الادارة ماقصرت ,, ويعطيهم الف عافية !! ولكن باقي مشكلة الظهير الايمن لازم تحل قبل ما يبداء الموسم ,, صحيح ان سلطان البيشي و السبيعي ما اخذوا فرصتهم بالكامل !! ولكن يجب عدم المجازفة و الضغط عليهم لسد الخانة |
خلاااص انتهت التعاقدات ولاداره ادرى بعملها وبالتووفيق للجدد مع الفريق |
| الوقت المعتمد في المنتدى بتوقيت جرينتش +3.
الوقت الان » 03:04 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd