نادي الهلال السعودي - شبكة الزعيم - الموقع الرسمي

بسم الله الرحمن الرحيم
السلام عليكم ورحمة الله وبركاته ~ كييييفكم اخباركم :ga:

مدخل ..{
دار حوار لطيف بين العلم والعقل ابدى فيه كل منهما فضله على الاخر :

علم العليم وعقل العاقل اختلفا
من ذا الذي منهما قد احرز الشرفا ؟
فالعلم قال : انا احرزت غايته
والعقل قال : انا الرحمن بي عرفا
فأفصح العلم افصاحا وقال له :
بأينا الله في فرقانه اتصفا ؟
فبان للعقل ان العلم سيده
فقبل العقل رأس العلم وانصرفا !!

اليوم حاب اتكلم عن موضوع الذكاء وعلاقته بالدراسة !!

يعني هل الذكاء مطلب ضروري عشان الدرجات ؟؟ :surprised:

بمعنى هل كل " دافور " ذكي ؟؟

صراحة الموضوع مدري كيف جا ببالي بس حبيت اتناقش فيه :to:

عشان كذا سميته .. انت ذكي ولا دافوور .. ؟؟ :)

اولا .. ماهو الذكاء ..

وما هو المقياس كي نحدد ان احدهم ذكي؟؟ .. او متوسط الذكاء او حتى من يُطلق عليهم ضعاف العقول عشان نكون طيبين ومانسميه شي ثاني .. :s2:

ومعروف ان الذكاء نِسب في الانسان .. يعني اذا حصل وانك واجهت موقف حسيت فيه بغباء الشخص الواقف امامك :s2:.. هنا ردد وقول .. الذكاء نسب في البني آدم .. اتذكر فلم لأحمد حلمي .. كان ماشي بالسيارة ويدور موقف

..وكانت المواقف زحمة الى حد مالقى موقف ضيق بالقوة دخل فييه !!:to: ولما جا يوقف طبعا اللي كان يوجهه ويقله يسار شوي .. لا لا يمين شوي..:s2: هو حارس العمارة .. وبعد ما وقف بعد طلعة الروح .. مافي مساحة كافية انه يفك الباب وينزل !!!

وقال للحارس .. انزل إزاي انا بقى ؟؟ .... فرد عليه وقاله : مهو الذكاء نسب في البني آدم .. كان المفروض الاول تنزل وبعدين توقف :s2: :s3s:

ما تحسون اني شطحت شوي .. >>> شوي بس !! :s2::

المهم ما علينا ..

الذكاء .. مصطلح كبيير .. وله تعاريف كثيرة .. لكن يظل التعريف الاشهر هو

الذكاء مصطلح يتضمن عادة الكثير من القدرات العقلية المتعلقة بالقدرة على التحليل، والتخطيط، وحل المشاكل ، وسرعة المحاكمات العقلية، كما يشمل القدرة على التفكير المجرد، وجمع وتنسيق الأفكار، والتقاط اللغات، وسرعة التعلم. كما يتضمن أيضا حسب بعض العلماء القدرة على الإحساس و إبداء المشاعر و فهم مشاعر الآخرين.

وطبعا لازم تعرفون .. ان الذكاء انواع .. يعني لما نحكم على شخص بأنه ذكي .. يعني هو ذكي في جانب معين .. عشان اقرب لكم الصورة ..

شوفوا الامثلة ..

أنواع الذكاء :

 الذكاء اللغوي : والذي يمكن من يمتلكه من الإبداع في الكتابة والحديث والخطابة، الذكي لغويا سيكون أكثر قدرة على تعلم اللغات واستخدام اللغة في الوصول لأهداف معينة، وهنا نذكر نجيب محفوظ.

 الذكاء المنطقي- الرياضي : الذي يتضمن القدرة على حل مشكلات منطقية أو معادلات رياضية، الذي منطقيا-رياضيا سيكون أقدر من غير على التعامل مع المعضلات العلمية وفي فهمها, وهنا نذكر ألبرت أينشتاين

 الذكاء الموسيقي : المتضمن للمهارة في الأداء الموسيقي وفي تأليف الموسيقى وتقديرها واستيعابها، وهنا نذكر بيتهوفن

 الذكاء الجسدي-الحركي : الخاص بإمكانية استعمال الجسم لحل مشكلات معينة، الرياضيون المتميزون هم من أمثلة هذا النوع، وهنا نذكر مارادونا

 الذكاء الفراغي : الذي يمكن من يمتلكه من التعرف على أنماط وأشكال مختلفة، أي يعطيه القدرة على فهم المعضلات البصرية وحلها, وهنا نذكر بيكاسو

 الذكاء العاطفي أو الاجتماعي : الذي يخص العلاقة مع الآخرين، من يمتلك هذا النوع ستكون له القدرة على فهم نوايا ودوافع ورغبات الآخرين مما ينكته من التعاون مع غيره, وهنا نذكر غاندي

 الذكاء الشخصي-الداخلي : الذي يمكن الشخص من فهم قدراته هو ويمكنه من تقدير أفكاره ومشاعره ويمكنه بالتالي من تنظيم حياته بشكل ناجح. وهنا نذكر أفلاطون

إذا لاعبوا الشطرنج أذكياء في نوعين محددين فقط من أنواع الذكاء، المنطقي الرياضي، والذكاء الفراغي،

فهؤلاء سيجدون صعوبة في العزف على آلة موسيقية مثلا ولن تكون من صفاتهم الرئيسية القدرة على التواصل مع الآخرين ومن ثم التعاون معهم بشكل متميز.

الان بعد ما اخذنا نبذة عن الذكاء .. راح اتكلم عن علاقته بالدراسة . يعني هل كل واحد شاطر ودافوور واللي دايم 99 واذا خربها 98 :s4s:

هل هؤلاء الاشخاص .. " اذكياء" ؟؟ :wub:

الجواب من وجهة نظري المتواضعة ... مو شرط !!!

يعي انا بحياتي الدراسية .. شفت نااس درجاتهم عالية .. لكن مستوى الـIQ عنده .. مو عالي !!
والعكس صحيح .:yes:

وعشان اثبت لكم .. عندي مثالين ~

اتذكر لما كنت بالثانوي كان عندنا تسميع قصيدة في مادة الادب .. قصيدة من عشر ابيات ..

وكان يومها علينا كويز فيزيا الحصة الثالثة :s5s:.. والادب علينا الحصة الثانية !!! يعني داااااخل عرض .. ومو وقته ... وافتكرر كلنا جالسين نحفظ في نفس الحصة !!

والمدرس غثيث .. كل شي عنده الا الحفظ .. مع اني اشك انه حافظها :s2: .. المهم

كان في واحد من اصحابي سوري .. اسمه احمد :ba1: .. هذا ما شاء الله علييه .. يعجبني تفكييره .. احسه ذكي .. مع انه مو من الاوائل !!

وقتها احمد يقلي انه ما فتح الفيزيا اصلا !! .. والادب مو فايقله .. وقلت له عاد اش تسوي .. حيل الله اقوى :(... وقام سوى حرركة خطييرة .. وراح سمّع عند المدرس:.. الابيات كاملة وبدون ولا غلط :surprised:!!!!

وانا عااارف انه مو حافظها !! ... والمدرس يقول ياليت تشوفوا كييف احمد شاطر ويذاكر اول بأول !!

انا استغربت !!! وجا احمد وهو يضحك s121s .. وانا قلت له .. تسووقها علينا ما ذكرت ومدري اييش ...

قال لي والله العظيم مو حافظها الى الان !!! قال ركّز عالاستاذ شوف كييف يسمع :pirate: .. طالعت قلت له اش فييه:s5s: ؟؟ قال لي شوف كييف يمسك الكتاب .. الاستاذ كان وقتها يسمع لكل طالب من كتاب الطالب نفسه .. يعني تروح عنده .. ياخذ كتابك ويسمع لك ..:s2:

المهم لما دققت لقيت ان الاستاذ يثني الكتاب من وراs121s .. بحيث انه يخلي الصفحة الابيات في وجهه .. والصفحة الثانية خلف الكتاب !! .. فهمتو ولا اعييد :wub: ...

المهم .. احمد السوري :) كان كاتب الابيات العشر كل ابوها في الصفحة المقابلة .. اللي ما يقراها الاستاذ .. واللي اذا ثنى الكتاب ولفه تصير تقدر تقراها s121s

والاستاذ يكون مو داااري عنك .. ولا هو يمك !! .. طبعا احمد يسمع له وييسوي انه يتذكر الابيات وكذا !!! تعرفون لازم الواحد يزبط الخرشه تمااام s121s.

عاد ما قصر معاي ذاك اليوم ورحت انا وسويت نفس الشي :s2:.. وجالسين نضحك على اللي في الفصل ... مساكين يبغون يذاكرون فيزياء .. ومو قادرين ... المشكلة انهم بعد ما يسمعّون .. الاستاذ يقلهم .. روحوا احفظو زي الناس :ranting:وتعالو .. :naughty:

موقف زي هذا بصراحة يدل على ذكاء .. :naughty:

موقف ثاني شفته في فلم هندي :s2: .. كان فيه طالب ذكي .. خطيير .. جالس اول يوم في الجامعه في الكلاس .. طبعا هو في كلية الهندسة ..

وجا الدكتور وكتب على السبورة كلمة machine اللي هي المكينة ..
وطبعا هي مصطلح مهم في علم الهندسة

وقال للطلاب ميين يعرّف لي المكيينة ؟؟ ..

وبعدين لفت نظره طالب مبسوط والكشررة شاقه وجهه :s2: .. طالع فيه الدكتور وهو قاافل يقله .. خيير اش اللي مخلييك منشكح ؟؟ :mad:...

قال له يحق لي لاني من زمان احلم بأني ادرس هندسة واليوم اول يوم لي هنا في الكلية عشان كذا مبسوط :wub:.. المهم قال بلا بربرة زايدة وقلي ماذا تعرف عن الماكينة ؟؟ ..

قال له الطالب .. اوك .. المكينة كتعريف بسيط .. هي اي شي يسهل عمل الانسان .. يعني المروحة مكينة .. والسيارة مكينة وووو .. يعني اي آلـة تساعدنا في توفير الوقت والجهد هي مكيينة !! :yes:

قال له الدكتور .. لا ياشيخ !! .. صارلنا سنين نبحث وندرس وبالنهاية تقلي كذا !! .. :mad: الجواب ما عجب الدكتور المعقد .. وقال مين يقلي التعريف العلمي .. وقام طالب ثاني وقال تعريييف شكله 8 سطور !!

تعريف صامه صم وحافظه حفظ !! هي عبارة عن كذا وكذا .. وتنقسم الى كذا وكذا ووووووووو إلخ ... :to:

قام صاحبنا الذكي رفع يده مررة ثانية .. وقال يا دكتور .. انا قلت الشي نفسه بس بدون تعقيد !! .. وشي ينفهم مو كلام كثيير بدون ما تفهم اش معناه !! ... :yes:

رد الدكتور وعصب وقال:ranting: .. ميين انت عشان تصحح مفاهيم ؟؟ هذي نتيجة بحوث ودراسات وجاي انت ووجهك تعلمني !!

هذا هو اللي في الكتاب واذا تبغى تنجح لازم تحفظ اللي بالكتاب >> طبعا هذا مفهوم خاطئ اللي هو " ذاكر الكتاب بحذافيره !! عشان تنجح .. ويدل ايضا على الاستهانة بالعقل ... يعني بالعربي لا تفكرر !!

ويرد عليه الطالب قال بس التعقيد هذا ماله داعي !! الدكتور عصب وقال بررررررررا .. ولا اشوف وجهك !! :ranting:

خرج صاحبنا من الفصل ... وشوي الا وهو رااجع !!!

الكتور قال له خيير !! .. توني طاردك ... اش تبغى راجع لي انت ووجهك !!

الطالب : نسييت شي وراجع آخذه .

الدكتور : اش نسييت ؟؟

الطالب : نسيت .. مجموعة من الاوراق مرتبة بالارقام مصنوعة من .... ويحيط بها غلاف مصنوع من .... وتحتوي على كلمات كثيرة الهدف منها إثراء العقل البشري وتنويره مرتبة بطريقة ..... تختلف احجامها .. منها الصغير ومنها الكبير وووووو
ويرص له ذااااك التعرييييف اللي تقريبا 6 سطور !!

الدكتور : اخلص .. اش تبغى تقول ؟؟ لا تضيع وقتنا !

الطالب: بإختصار نسييت الكتاب !!!

الدكتور : طيب من اول قول كتاب وفكنا !!

الطالب : مو انت تحب التعقيد .. والتعريف العلمي !! ..
و تكره التفسير البسيط !! :s4s:
عاد الدكتور وجهه راح الوااان!! :s3s:

طبعا في امثلة غيييييييييرها كثير وقصص .. اغلب العلماء والمبدعين لهم قصص مشابهه .. وابرزها مثال العالم الفيزيائي نيلز بور لما كان طالب .. قصته طويلة ابحثوا عنها اذا عندكم حب للاستطلاع ~ :yes:

نستنج من كل هالامثلة والقصص .. ان الذاكاء غير مرتبط بالمدارس .. بل ان بعض العلماء اعتبر ان المدارس مقبرة الاذكياء !!! :s5s:

اتذكر في السمستر اللي راح بالجامعه كان عندنا اختبار لمادة معينة .. وكان مكتوب في ورقة الاختبار في اعلى الصفحة :
"الإجابة حسب المرجع المقرر " !!!!

يعني بالعربي .. لا تفكّر !!! ... اذا حافظ جاوب .. مو حافظ .. شوفلك حل !!

انا انقهرت .. وكلمت الدكتور المحاضرة اللي بعدها ... وقلت له : يا دكتور .. انا الان جامعي .. وكونك تقلي جاوب من الكتاب الفلاني !! هذي فيها استهانة بعقلي !!

.. قلت له انت يهمك يكون الجواب صح ..وبس ... وانا لي حرية الاختيار من اي مرجع !!

وقلت له كذا انتو بتميزون بين الطالب الحافظ للكتاب صم .. وبين الطالب اللي مو حافظ كتابكم !!

وليس بين الطالب الفاهم .. والغير فااهم !!!!

عاد قال لي .. احنا عارفين بس حابين نريحكم من مرجع واحد ومدري ايش ..

وفي نقطة كمان ... حاب اتكلم عنها .. الي هي .. هل النجاح في الحياة ومستوى فكر الانسان مرتبطة بمستواه الدراسي ؟؟ :wub:

الجواب من وجهة نظري ... لا ومو شرط برضو وكمان هي تعتمد .. اذكر لكم مثالين << عاد انا مااااسك امثلة اليوم :s2::s2:

واحد اعرفه من اصحابي .. هذا الانسان ما شاء الله عليه ... ذكي ومهتم بالكمبيوتر والتقنية بصفة عامة ... وخاص في مجال الـHacking وحماية الشبكات .

الولد ذكي في اي شي يتعلق بالكمبيوتر ... لكن يكررررره الدرااسة :ranting: وما يطيقها :s4s:... حتى بالدف نجح في الثانوي !! وفي الجامعه معدله منخفض جدا !!

طبعا الان هوترك الجامعه هنا وسافر لامريكا يدرس كمبيوتر وحماية شبكات ما شاء الله ... اتكلمت معاه وقال لي مرتااح لاني ادرس شي احبه وابدع فييه:ba1:

بصراحة اعتبر هذا الولد اذكى وبكثييير من ناس جابو 99 ودرجات عاليةودخلوا تخصص ما يرغبونه ! :yes:

دايما الناس لما تقابلهم يسألونك .. اش تدرس ؟؟

مفروض السؤال يُستبدل .. ويكون ... هل تحب التخصص اللي تدرسه ؟؟ :smilie47:

ومثال ثاني ~
كـم من الناس من كبار السن .. مو متعلم او حتى لا يقرأ ولا يكتب . بس ماشاء الله ... تلقى عنده حكمة وادب وعقل كبيير :ba1:

عموما هذا كان موضوعي اليوم .. وآسف عالإطاله:s2: .. تحمست اليوم واخذتني السوالف :s3s:

... اتمنى يكون وصل الشي اللي بقوله :laugh:

.. وياليت تذكر اي موقف مشابه :wub:

.. وتقولون رايكم .. بموضوع هل الذكاء مرتبط بالدراسة او لا ؟؟

مخرج ..{

يقول المثل الصيني:

العقول الصغيرة تناقش الاشخاص،
والعقول المتوسطة تناقش الاشياء،
والعقول الكبيرة تناقش المبادئ.

تحيــــــآآتي .. وودّي ~ :smilie47: