نادي الهلال السعودي - شبكة الزعيم - الموقع الرسمي - أنا بو فيـصـل و أقولك إلا السويدي يا بو فيصل ..

- منتدى الجمهور الهلالي (http://vb.alhilal.com/f28/)

أنا بو فيـصـل و أقولك إلا السويدي يا بو فيصل ..

بسم الله الرحمن الرحيم ..

بدخل في الموضوع على طول ..

ويلهامسون .. الجمهور الهلالي ينقسم إلى قسمين اتجاهه ..

القسم الأول : يقولون ما نبيه و نبي بداله صانع لعب مميز يعطيك الكورة انت و ضميرك ..

و يقولون بعد .. ويلي طريقته مكشوفة و الأندية صارت تقفل عليه ..

و اللاعب أصبح غير مفيد و ما نحتاجه ........................................ إلخ

القسم الثاني : يرون إن اللاعب مهم في الخارطة الزرقاء و لاعب له وزنه في الفريق .. و من الصعب التفريق فيه

طيب أنا وش أقول ( و مين انت ياخوي هههههه ) :

أنا أقول إن جمهور الهلال ما راح يعرف قيمة ويلي إلا إذا ترك الفريق ..

اللي يقولون نبي صانع لعب مكان ويلي .. على فكرة الآن في الكرة الحديثة الفريق ما يعتمد على لاعب واحد ..

أو صانع لعب واحد كما تذكرون ..

بالعكس الآن الفرق الكبيرة أصبحت تعتمد على الغزو من الأطراف و تفعيل الأجنحة .. أكثر من اعتمادها على صانع لعب واحد ..

هذا بالنسبة للي يقولون نبي صانع لعب ..

أما بالنسبة للي يقولون طريقته مكشوفة .. أقولهم ويلي كان أميز لاعب في الفريق .. و الأندية اللي نلعب معها كانت تحط له لاعبين .. و هذا دليل على كفاءة اللاعب و أهميته في الفريق ..

أما اللي جعل طريقته مكشوفة هو غياب الحلول الهجومية الأخرى بتواجد ياسر القحطاني اللي كان يستسلم للرقابة ..

لكن الآن الوضع اختلف مع تواجد مهاجمين أجنبيين على مستوى عالي ..

بقى أحد ما رديت عليه بعد ..

إيه نقطة أخرى : تدرون إن ما عندنا لاعب يلعب بالقدم اليمنى إلا ويلي و الفريدي .. و تبون نتخلى عنه ..

تدرون إن الدوري السعودي كله .. ما فيه جناح يمين عليه الكلام ..

تدرون إن مركز الجناح من أهم المراكز في الفريق ..

بعدين هل تضمنون إن يجيكم لاعب بمستوى ويلي .. من الصعب جدا يجينا لاعب بمستواه ..

و مثل ما ذكرت .. الأجنحة هم صناع اللعب في الكرة الحديثة ..

و بالتالي تشكيلتنا تكون الموسم القادم :

العتيبي

الزوري المرشدي هوساوي ظهير محلي

هرمــــاش

الفــــــــريـــــــــــــــــــــــدي:smilie47:

العابد ............................................................... ويلي

العربي

يو بيونغ سوو ( حسب آخر الأخبار )

من التشكيلة يتضح إننا بنلعب بجناحين على أعلى مستوى .. يتميزون بالسرعة و المهارة و المساندة الدفاعية ..

و الفريدي يقوم بمهمته كمحور متقدم و من خلفه المحور الدفاعي هرماش .. ( ما بقى إلا تصير المدرب ههههههه )

الاحتياط : الشمري - خيرات - الغنام - شلهوب - الدوسري عزوز - عيسى ( إذا بقى ) - ياسر

بالإضافة إلى شافي الدوسري و محمد القرني و رضوان الموسى فهد الجهني و غيرهم من اللاعبين المميزن الصاعدين ..

آسف على الإطالة .. و بانتظار وجهات نظركم حول رأيي ..

شكرًا ..

رهيب قلت الي انا ابيه فعلا ويلي لو فرطنا فيه والله نوصل للسماء ماجبنا لاعب مثله سرعه مهارة تسجيل كل شي في ويلي حلو والتشكيلة الي انت قلتها ولا احلى

ويلي لاعب يخاف على نفسة من الاصابات ويتجنب الالتحامات دائماً يعني لاعب لايبذل كل ماعنده لاجل الفريق ومشاكلة الشخصية كثير ..! يعني لاعب غير مستقر نفسياً , اما من ناحية التشكيل فخانة ولي هناك من هو قادر على سدها .. الشلهوب , الفريدي , الدوسري , االعابد ..
((لكن اطمنك هناك من هو اعلم مني ومنك ادارة نحسد عليها بقيادة شبية الريح ومدير كرة زي سامي الجابر ..!

يا اخ ويلي صار لاعب يخاف من الاصابات والالتحامات ويغيب في المباريات الحاسمة وش استفيد من لاعب كذا ؟

اضافة الى ان الهلال يحتاج كل خانة اجنبية وفي اللي افضل منه

بعدين صار له 3 سنوات يكفي خلاص

رادوي قال الافضل لكل فريق ان يجدد الدماء بعد 3 سنوات

أتــفــق مـعك تـمـآمآ خــصـوصآ بـ وجود العربي ويو يونغ سوو

اتفق معك ويلي صعب التفريط فيه

كلآآم سلييييييييييم ..
ويلي مفتآآح مهم بالخارطه الزرقآء

وبخصوص كلام اخوي اللي فوق ..
يعني اي شي رادوي يقوله يصير صح .؟؟؟؟

آنآ معك وضدك بنفس الوقت

محتآر

ويلي لو رااح .. بيتعب الهجوووووووم
..
لازززم يبقى .. / وبإذن الله اللاعب بيبدع هالموسم ..
ويكفي انه يعرف قيمة آسيا اللي يبيها الجمهور
يعرف وش نبي / ماله داعي تجيب لاعب جديد ونفهمة وش نبي :)
غير انه مبدع في الدوري وباقي البطولات
..

لاززم يبقى ويلي
ويلي اهم لاعب اجنبي في الدوري السعودي
هالموسم المفروض يآخذ احست لاعب بعد ..
بس قالوها تكريم لنور :)
وهو مالعب الا مباراة وحده اللي ضد الزعيم بآسيا للأسف
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
................

الف شكر لك بو فيصل

إقتباس:

رادوي قال الافضل لكل فريق ان يجدد الدماء بعد 3 سنوات

شف قيقز كم له من سنه محترف في مانشسنر
وشف لعيبة كثار كم جلسوا محترفين مع انديه اجنبيه
............
لازم نتقتنع باللي قاله زورو ..؟؟؟؟

اموت اعرف كيف طريقه مكشوفه من بدايه الموسم الا نهايه ممحد قدر يوقفه تقولون مباراه الاتحاد كاس اسيا هذا يسمونه انخفاض مستوى

مباراه الاتحاد الي برياض لاعب ماتمرن الا تمرين واحد كيف تبغاه يبدع ؟

باذن الله ولي يستمر معنا كمان موسم

اتفق معك على كل حرف قلته سواء بقاء ويلي أوالتشكيلة

كلام جميل و الأجمل التشكيلة و ويلي لاعب كبير و نحتاجه الموسم القادم و بكل تاكيد مع الهجوم الناري بنستفيد منه أكثر

بالنسبة للي يقولون يخاف على نفسه من الإصابة .. و يخاف من الالتحامات .. طبيعي هالشيء ..

عندنا بعض اللاعبين يدخل عليك بدون تفكير و بتهور .. و بالعكس ذي ميزة إنه يتحاشى الإصابات ..

أما إن الدوسري و الشلهوب و الفريدي و العابد يحلون محله ..

العابد أساسي في الجناح الأيسر ..

و الفريدي ما ينفع يكون جناح أبد .. و الشلهوب و الدوسري كلهم يلعبون بالقدم اليسرى ..

عالعموم كل الشكر لكم على الآراء سواء متفقين أو معارضين ..

كلامك منطقي
بس اللي يرفع ضغطي لا قريت بعض الردود
عن ويلي وخلاص قدم اللي عليه

للمعلومية الجهة اليمنى الهلالية اقوى جهة بالفريق لوجود ويلي + لي يونغ سابق و كانت الهجمات بالهبل
وقبل لي يونغ يوم نامي موجود كان ويلي يغطي الكانة بشكل كبير حتى يغطي كل الثغرات ولكن لراح ويلي
موجود نامي بيكون هناك طريق فاااااااضي لليبي يخش وخذ اهداف وهزايم

ناس ما تقدر والله اللي يسويه ويلي تحسب إذا طلع كل مهارات خلاص شوفوا يا ناس التكتيك شوفوا كم يلعب مركز بالملعب.!!!!!!!!!