اعتزل خالد الرشيد واصبحت قضية قضايا جماهير الهلال الظهير الايسر ثم انتقل الدخوي فصارت مشكلتنا كجمهور وادارة الظهير الأيمن.....ولدي تساؤلات

من هو الظهير المميز ؟؟ هو الظهير اللي يدافع ويهاجم بنفس المستوى ..

طيب كم ظهير في المملكة يهاجم ويدافع بنفس المستوى يكاد لايوجد الا شهيل قبل الملايين ومعاذ نوعا ما ام بقية الانديه فلا ....... حتى على مستوى العالم لايوجد الكثير منهم ..

سؤال اخر ... هناك احد عشر خانة بالفريق هل يجب ان يكون في كل خانه نجم سوبر ستار ؟؟
الجواب اكيد لا ..اذا اي لاعب جيد يمكن يسد الخانه
ياسر الياس حقق مع الهلال خمس بطولات
طارق العوضي ما ادري تعرفونه والا لا حقق مع الهلال بطولة اسيا اللي تسمونها المستعصيه ..


السؤال الاهم حتى نصل لنتيجه كم عدد المرات التي توغل بها الكوري لي يونق(( اللي انتم متحسفين عليه )) داخل منطقة الخصم ليحول الكورة للمهاجمين ؟؟؟
لعب سنتين وهو اكثر لاعب لعب مباريات اذا هناك واحد منكم يحضر لي انه توغل داخل منطقة الخصم اكثر من 10 مرات فله مايريد...

الخلاصه::
ان الظهير ام يكون متميز ( يهاجم ويدافع بنفس المستوى

او يكون في الجانب الدفاعي افضل منه في الجانب الهجومي

او العكس يكون الجانب الهجومي افضل من الجانب الدفاعي لديه

وحبيبكم لي يونق كان جالس في مكانه لايهاجم ابدا فقط يستلم الكرة من هوساوي ويسلمها رادوي وهذه شغلته كل السنتين بس انت عاطفيين ......

اطلبوا من نامي او البيشي او حتى حطو خشبة وقولوا لها لاتغادرين خط المنتصف واذا استلمتي الكرة من هوساوي عطيها هرماش عنده تحل المشكلة اللي انتم صنعتموها

يازعيم في المملكه عدد كبير من لاعبي الجهه اليمنى مميزين والكوري من افضل من يلعب ظهير وتقدمه قليل صح ولكن هناك معاذ مميز وصالح القميزي من الشباب ايضا مميز وعبدالرحمن الحسن من الطائي مميز وبالذات الاوفرات والسرعه وعبدالله السمران من شباب الاتفاق وغيرهم كثير وشف المنتخبات السنيه انا استطيع التاكيد على ان الحسن لو جا الهلال راح يكون منافس لمعاذ بس متى تتحرك الاداره
اما اي واحد ظهير حنا شفنا كيف مستوى نامي في الظهير وهو لاعب وسط اصلا وهناك من اكد لي ان فهد السبيعي كان لاعب وسط ايضا ولكن انا تابعت محمد الجيزاني في درجة الشباب كان ظهير والان محور مدري ليه؟ لك احترامي

لو دوروا بيلفون ظهير احسن من معاذ

عندنا 154 نادي بالمملكه

إقتباس طيب كم ظهير في المملكة يهاجم ويدافع بنفس المستوى يكاد لايوجد الا شهيل قبل الملايين ومعاذ

لاتنسى راشد الرهيب

إقتباس وحبيبكم لي يونق كان جالس في مكانه لايهاجم ابدا فقط يستلم الكرة من هوساوي ويسلمها رادوي وهذه شغلته كل السنتين بس انت عاطفيين ......

سنتين ساد الخانه ومريح راسنا من صداع الأيمن
ارجع لجميع مباريات محمد نامي وشف الخصم وين يهاجم ووين يخترق كلها من جهته
محمد نامي لاعب اقل من انه يسد هالخانه حتى ابجديات الظهير ماهي عنده لا مسانده هجوميه ولادفاعيه ولا سرعه ولامهاره بس فنيله في الملعب
الهلال اذا ماتحرك واحضر ظهير بنشوف مزمزه واختراقات من الفرق الثانيه من هالناحيه ولو ابقينا على نامي المشكله بتصير مشكلتين
انت قدمت حلول وكأنها رجل تدين مبلغ فرجع وسدد المبلغ بدين يعني حل المشكله بمشكله

لايجي راشد الرهيــب الوقح الجميع شاهد الحركه الي سواها مع ياسر ضد الاتحاد بنهاية الدوري العام

يازعمـــــــــــــاااااااااااااء اتمنى من الاداره الهلاليه التعاقد مع الظهير الايمن الذي يلعب فب نادي الوحدهـ الاماراتي ماشاءالله عليه يدافع ويهاجم وبنيته الجسميه اكثر من ممتااااااااااازه ارجو التعااااااقد معاااااااااااااااه

ايــــــــــــه >> لدينا مشكله كبيره وعويصه بالجهة اليمنى :::


..

ارق تحياتي

اخووي اسمحلي اخالفك الرايمحمد نامي لاعب اقل من العاديولا يعرفيقطع كورهويرتبك اما المهاجم وجه بوجهولا يعرفيلعب اوفراتيمكن ميزته الوحيده السرعه مع الاختراق بنسبة قليله

الحين انا فهمت من كلامك ان الكوري مايعجبك ههههههههههههه وربي عجبا

الحين ابي اعرف وش هي وظيفة الظهير الأساسيه وهي الدفاع عن المرمى ومن ثم الهجوم واللي شفناه من لي يونق انه

من افضل الاعبين قطع للكوره وايضا من افضل الاعبين تسليم للكورة وافضل الاعبين مشي بالكورة لي يونق من

افضل الاعبين ايضا من يتعامل بكشف التسلل لكن في الغالب ترى المدرب يرى ان يكون لي يونق يقوم بمهمته الدفاعية

اكثر من الهجومية وهذا تكتيك من الدرب


انا تفلسفت كثير لكن مادري وش اللي مو عاجبك في لي يونق حتى اقدر افهمك اجل لي يونق مو عاجبك غررررررررررررررريبه

آنت جعلت آلهلآليين لآيفهموآ شيئ بآلكورة

آنت مآذآ تريد من آلظهير :

يدآفع ويسآند آلوسط

نآمي يقوم بتلك آلمتطلبآت آم لآ , بعدين لمآذآ آضع ظهير وآقول له لآ تققدم عن خط آلمنتصف

لي يونغ كآن آفضل من آلنآحية آلدفآعية
لي يونغ :
-
حسم لك مبآرآة آلآهلي و آلهلآل 2-3
-
في مبآرآة آلسد بكم لآعب توغل وآهدر آلفرصة
-
كم عرضية آتقنهآ , وكم تمريرة لويليهمسون متقنه


آرجو آن لآ تتفلس مرة آخرى

لن تجد ظهير أفضل من سلطان البيشي

ولك مني كل الشكر




.

ههههههههههههه شكلك محمد نامي انت او واحد يقرب له

اسمح لي اقول لك لي يونق بيو لاعب ممتاز كنتروله رائع وتمريراته اروع وتغطيته الدفاعية ممتازه ويعاب عليه المساندة الهجومية

فقط مع الهلال ربما يكون تكتيك من المدربين لكن مع منتخبه نراه يهاجم اما تقول لي محمد نامي ظهير اسمح لي دائما يتراجع

وينظم للعمق الدفاعي في حالة الهجمه على الهلال وخصوصاً في المرتدات يعني يدخل لمكان هوساوي ويترك خانته لو قلت ان

سلطان البيشي نعم كلام معقول الأفضل انك تصعد لاعب بهالخانه من درجة الأولمبي او الشباب والأنسب هو سلطان البيشي نامي

اتمنى التخلص منه او ارجاعه لخانته وهي الوسط الأيمن واعتقد انه ظلم هو والعنقري في هذه الخانه وهم في خانة الوسط الأيمن

مع احترامي الشديد لشخصك .. ولكن لست قريباً من الحقيقة


الحقيقة أن الظهير الأيمن قبل مجيئ الكوري كانت نقطة ضعف وحط تحتها ست خطوط

في كل مباراة أو مباراتين لازم هدف أو أكثر بسبب الأخطاء في الظهير ..


ما يحتاج أجيب لك أمثلة على عرضيات لي يونج لأنه بكل بساطة كان جيرتس وكالديرون يوكلون له مهمة دفاعية..
بسبب وجود ويلي على الطرف الأيمن ، لكن مع ذلك لو بتجمع أربع مباريات للهلال وتشوفها كامله بتلاقي أكثر من 10 عرضيات للي يونج

وخاصة في السنة الأولى .. قبل ما يجي كالديرون الي أنهى مهمت لي يونج الهجومية تماماً

أيضاً لازم تعرف ان مهمة الهجوم لا تكون لكلا الظهيرين فأحدهم يهاجم والثاني يبقى مدافع ،
فإذا لعب الزوري يكون هو المتقدم ، ولي متأخر وفي حال غياب الزوري ولعب الكوري في الجهة اليسرى نراه يتقدم أيضاً
والسبب : قوة الهجوم في الجناح الأيمن بوجود ويليهامسون ولا يحتاج إلى انطلاقات ظهير.

ولكن مع غياب ويلي ... يتقدم لي يونج كثيراً .. وارجع للمباريات وسترى ما أقوله

في ما يخص .. أننا جعلناها مشكلة من لا مشكلة فأعتقد أنك سريع النسيان ..
فقد اتفق الهلاليون وغير الهلاليين من محلليل ومشجعين ومدربين على حاجة الهلال للاعب في الظهير قبل مجيء الكوري

وعليه لا أعتقد بأنك اكتشفت شيئا جديداً لم نراه في مامضى

أبداً ،، يعني الأظهره السته الي مرو على الهلآل بعد الدوخي كآنو جيدين بس الإداره والمدرب مآيفهمون ؟ أكيد لآ
ي عزيز عندنآ ضعف بـ هالخآنة و لو فيه ظهير دفآعي مآعندنآآ مشكلة لكن نآمي أقرب للهجومي ولآ له بـ قطع الكور أبد كله فآولآت بنص الملعب تحيآآتي

لي يونق سجل هدف مو بس توغل للمنطقة ههههههه

لـكن بغض النظر عن هي مشكلة ولا لا

الظهير الايمن < نقطة ضعف هلآلية يستغلهآ النآدي المنآفس

ولزوم نقول للشيخ بالسآلفة