|
إمام المسجد الـ فاصل ,, و [ سالفة الـ Action ] بسم الله الرحمن الرحيم السلام عليكم ورحمة الله وبركاته ... وبعد " http://files.shabab.ps/vb/images_cas...171638bUs7.jpg قبل اسبوعين تقريبا ً وقتها كنت في ابها :smilie47: البهية ... في ذاك اليوم صليت الظهر في مسجد << وين بتصليها يعني :s5s: المهم انا جيت المسجد بدري وصليت السنة ,, الإمام برضو كان يصلي السنة بس هو كان يصليها في زاوية المسجد حتى ما حد انتبه له ,, والمعروف دائما ً ان الإمام يصليها في نص الصف الأول :yes: الزبدة ان المؤذن ما انتبه للإمام وما شافه واقام الصلاة والإمام وقتها كان يصلي السنة .. وبعد ما اقام ,, صلى فينا المؤذن وكبر ,, المهم وحن تو نصلي إلا والإمام شكله خلص السنة إلا ويجيك طاير < بدأ الـ Action :s5s: يقول بصوت عالي : " انتو ما تحترمون الإمام :mad: ,, ويجب عليكم إعادة الصلاة .. وانا ما عادني بصلي في هذا المسجد " ويطلع من المسجد ,,الزبدة حنا يالمصلين والمؤذن ما عرفنا وش نسوي :s2: .. قطع الصلاة واحد من المصلين ولحق الإمام .. حاول فيه لكن الإمام وقتها كان "فاصل" :d المهم كملنا الصلاة وانتهينا ,, ويبدأ بعدها الهرج والمرج بين المصلين وكأنك في قاعة مؤتمرات :s5s: عاد انا قلت ابي اضمن الصلاة ,, واعيدها مرة ثانية :d ... وبعدها رجعت البيت وسألت الوالد,, وبما ان ابوي له في الأمور الشرعية ,, قال ان كلام الإمام صحيح والصلاة يجب ان تعاد ... وش رايكم في تصرف الإمام و تصرف المؤذن ؟ ,, :wub: |
يآخي أنت تقول ما أنتبه له المؤذن لأنه كان يصلي بالزاويه يعني ما عليه شيء أما اللي سوآه الأمام مالي علم به وعن حكمه < |
قل للإمام W T F ؟ :d تصرفه ماله داعي حركات حقاتي واشيائي وخرو عنهن :s2: المؤذن مثل ما قلت ما شاف الامام يعني كأنه مو موجود ,, والمفروض على الامام دائما انه اذا دخل يسلم بصوت يسمعه المؤذن ويتسنن اذا فيه وقت .. لأن اصلا فيه وقت محدد معروف عند المؤذن والامام الا اذا جاء الامام وانتبه له المؤذن ما يقيم الا اذا قاله الامام .. الخطأ على الامام و المؤذن سوا اللي عليه ,, اكثر من مرهـ امام مسجدنا يصلي مع الجماعه وغالبا يلحق على الركعه الاولى اذا تأخر .. ولا عمره قال شي ولا زعل ياحبيله :s2: المهم تقبل الله يا بعدي :wub: |
من معرفة بمثل هذي الامور تأكد بنسبة 99% ان المؤذن شايف الامام وداري انه موجود اجزم انه هذا هو سبب خروجه عن طوره ,خاصة ان الامام او المؤذن لهم مكان معروف او معتاد للجلوس او لاداء السنة او غيره والواحد يعرف وجود الثاني من عدمه, لكن النفوس فيها شيء والا ماسبب الزعل؟!, واضحه يعني! . والعرف يجري انه اذا تأخر الامام يؤم المؤذن بدون اشكال الامور هذي تحصل بين المؤذن والامام اذا كان هناك عدم التزام بالمواعيد بينهم او ان احدهم شايل عبء المسجد لحاله والثاني بس كاشخ وتوقعي ان الامام لا يلتزم بأداء كل الفروض او دائم التأخر لظروف العمل او السكن او بسبب موقف سابق او خلاف مثلا فيقوم المؤذن بالاذان والاقامة والامامة وذلك لارسال رسالة لامام المسجد بأنني قادر على كل التعب و وجودك مثل عدمه :cb: وهذه مناكفات عشتها بين امام مسجدنا ومؤذنه ايام بيتنا القديم:ca: ,, المشكلة انهم يدخلون الخلافات الشخصية في هذه العبادة :ab: فيؤثرون على روحانية المسجد وخشوع المصلين |
والله شئ يضحك !! طيب نفترض ان المؤذن شافه وصلى .؟! وش حيصير طيب !! خلاص يكمل الصلاه معهم ويرجع ينصح المؤذن بانفراد !! يعني عالم بتصلي ؟ وانت رافع صوتك وليش ما خليتوني أأم فيكم !! حركات أطفال والله ! الله يهدي الجميع .. |
ممكن يكون المؤذن عارف أن الإمام موجود مثل ماقال الأخ هلالي بلحالي ! لكن أبي أعرف وش المشكلة الشرعية اللي تخلي الواحد يعيد صلاته إذا الإمام و المؤذن تهاوشوا .. وش دخّل الجماعة بمشاكلهم ! أنا شخصياً لو تمر علي مثل هالحالة راح أصلي مع المؤذن ! و اللي قاهرني أكثر اللي قطع صلاته عشان يروح يهدّي الإمام :ranting: وش عليك أنت منه تقطع الصلة اللي بينك وبين الله عشان واحد ماقدر خشوع المصلين و لا أحترم المكان اللي هو فيه ؟ لإن الإمام معروف أن مكان سنته بالصف الأول ( بالروضة ) أو بالصف الثاني بالمنتصف كذلك .. و لا أدري وش اللي خلى الإمام يروح هناك ! على العموم مشاكل الأئمة و المؤذنين كثير و ياليت تكون بس على ليش تصلي أو ليش تقيم ؟ موفق خير أخوي ~ |
يابويا اذا هذا حالهم كيف صاروا واحد امام والثاني مؤذن والله ضاعوا المصلين مع ضعفاء الدين شكرا لك ياكرستيانوا العرب ياللي تحب ميسى وتسب في كرستيانوا أتمنى لك التوفيق تحيتي قبل مودتي |
أول شيء : حنى مانعلم الغيب لذلك ما أقدر أقول الإمام مخطي أو المؤذن ، بعدين عشان الإمام ماصلى بكم لازم تعيدون الصلاة ، الله أعلم صار الكل يفتي .. |
- اجل إعادة الصلاة ! .. صارت لعبه هي وانا مدري ! مثل اللي يهاوش ولده ويقوله ليش تسوق السيارة :/ هو فيه حديث يقول " الصلاة لا يصليها الا الامام المعيّن " ؟! .. حسبنا ونعم الوكيل على مثل هذه الأشكال ! لا ادري كيف عيّن هذا الشخص في الأصل .. |
مع المؤذن أنا .............! بالنسبة للأمر الشرعي فما أقدر أفتي فيه |
زِيْزُو المَسْعُودِي شوف يا زيدان :smilie47: هو انتبه له ولا ما انتبه له ما ادري المهم ان الإمام تسنن في طرف المسجد .. ^_^ F A W W A Z ^_^ يا مرحبا فوآز :rose: ,, بس الإختصار هو اختصار [ وش تحس فيه ] :d ,, ولا الثانية., الي مني بقايل ؟؟ s121s بخصوص .. الإمام صراحة حنا استغربنا خصوصا ً وانه امام مسجد ومفروض يكون قدوة لكن وش تقول ؟ ممكن الإمام معه حق ويعتقد بأن المؤذن شافه ,, الله لا يشغلنا إلا على طاعته :yes: ـهلالــــي ـهذا حالي هلا والله يالي , يالبى بيتهم القديم.. :s5s: خخخ .. هذا الي اعتقد اخوي ان السالفة فيها شيء كبير ,, مستحيل الإمام يسوي زي كذا والسالفة كلها من لا شيء @@almoreb@@ اهلين بالألمان :smilie47: < ع فكرة في منتدى الجمهور الهلالي مفروض تعطينا نبذة عن ابن جلدتكم توماس دول ,, s121s المشكلة ياخوي في البلبلة هذي كلها .. هي ردة فعل الإمام الي مفروض تكون ارقى من كذا |
صارت في مسجدنا وعادي صلى معنا الامام وبعد الصلاة ما قال شئ مجرد ابتسامه خفيفه لاكن امامكم فاصل مثل ماقلت والمؤذن ماله اي ذنب |
والله ماادري بالظبط . لكن فيه موقف للرسول . ان الرسول تأخر مره عن الصلاة . ووصلى ابو بكر بداله ويوم كبر دخل الرسول تراجع ابو بكر وكمل الصلاة الرسوول . وماني متااكد من هالكلام . قد سمعته لكن ناسي وين .. تـحـيــآتــي :smilie47::rose: |
تركي السلماني يا مسهلا ابو تريكه :smilie47: :d ,, بس ترى الحكم الشرعي الظاهر انه صحيح ,, ان الصلاة يجب ان تعاد والله ياخي مصيبة تكون فيه مشاكل بين إمام ومؤذن ,, سبب كثرتها ,, اتوقع التكليف المشي حال . :cry: الز؏يم الـهﬠلي يا الزعيم تراك لحست مخي ,, كيف عرفت اني احب ميسي :smilie47: رغم ان النك يقول كرستيانو ؟ :s2: نفس ما قلت انا لتركي ,, المشكلة في التكليف .. .yousef شوف يا يوسف ,, انا ماراح اجزم لك ان الحكم صحيح ,, لكن الكلام هذا من الوالد وانا اعتقد انه كلامه صحيح .. لأن فاهم في هذي الأمور,, ونورت الموضوع يا يوسف :wub: .. سلطان الصولي نفس ما قلت انا لـ يوسف ,, الله يتقبل منا بس ... :wub: الزعيييييييييييييييم إذا الأأمر كذا ,, اكيييييد كلنا مع المؤذن ,, بس إذا كان فيه شيء احنا ما نعرفه بينهم فأكييييد ان ألأمر حيكون شيء ثاني .. رغم اني اقول ان فيه شيء بين الإمام والمؤذن احنا مانعرفه |
ايه اختصاروش تحس فيه :d بس وشي الثانيه ؟؟:s5s: |
| الوقت المعتمد في المنتدى بتوقيت جرينتش +3.
الوقت الان » 07:27 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd