سلام عليكم

الموضوع باين من عنوانه انا افضى انسان ع وجه الكرة الارضية من خلق الله الدنيا وانتظروا النسخة الجديدة من كتاب غينيس بتشوفوني فيها من ناحية الفضاوة

ولاحد يلوموني ياناس انا شكلي برووح ايران ممكن فجاة اكون عالم نووي او ممكن اصير عقيد بالجيش الثوري حقهم <<<<<<يبي ابو ريناد يطق له تحية

قسم بالله ياناس اني من كثر الفضااوة احس اني مشغوول مدري ليه

يعني ولد جارنا يحاول فيني من شهر اسافر وياه وانا اقول له لا مشغوول ياولد طفشت من السفرر والروحة والجيية
الا تعالوا ع طاري ولد جيراننا
تصدقون لنا سنة وشهرين بالضبط من يوم نقلنا لبيتنا الجديد بحارتنا الجديدة وولد جارنا ماطلعت معه الا مررة وحدة بس مع انه درس معي المتوسط والثانوي ومعي بالبي بي والايميل
اسولف معه ع البي بي اكثر من شوفتي له

طبعا والله ماعندي بهالعطلة الا الشبكة الحلوووة ذي هي الوحيدة اللي تونس الصدر مع ان في ناس واجد مختفية ولهم وحشة

وربي ان في هالشبكة ناس انهم اغلى من الذهب
طبعا اتذكر منهم ماجد مقبل اللي ع مااظن اسمه صار الهلالي دائما
وهلالي من ارض اليمن وقهوة الثلوث يعجبني تفكيره ورعة فلسفته
والصخرة اللي من صار مشرف وهو مختفي
اوما الملازم اول ابو ريناد هذا شي ثاني لبى قلبه تعبته معي وسوا لي شي ماسواها لي جماعتي فديتك والله يااحمد
طبعا قبل لاانسى ابارك للاخت ام متعب التميمي المولود وجعله من مواليد السعادة ويخلي لكم
والحمدلله ع سلامة الغالي وليد القحطاني وننتظرك تنزل الجزء الجديد من سلسلة مواضيع صور فطورك وسحورك والطشهم هوون

طبعا هذا اللي اتذكرهم الحين

طبعا لاتلوموني ع الموضوع اللي مافيه شي الوظيفة ماخذه كل همي وافكر باقرب وظيفة وانا واليوم راح يتم اعلان نتائج قوات الامن الخاصة ويارب انقبل لاني من جد تحطمت وتعبت من المطامر ورا التسجيل

اخوياي كلهم راحوا واللي منهم توظفوا واغلبهم مؤهلاتهم اقل من مؤهلاتي بس هاذي الدنيا ارزاق ونصيب من رب العالمين

طبعا حسب ماسمعت ان اغلب السعوديين طاقهم الملل الرهيب يعني حتى البي بي صايرين سامجين وانا مجدد خدمتي البارح واليوم يرسلون لي الدلوخ اللي عندي ممكن صورتك اخوي الصغير مزعجني وابي اخوفه
قاعدين يطقطون علي هالدلوخ مادروا اني بركان خامد ممكن انفجر باية لحظة

الا تعالوا وش رايكم بمناسبة الطفش كل واحد يكتب لنا تجاربه بهالعطلة وحركات الملل الي يسويها

طبعا انا ناوي اصوم لين قبل رمضان بكم يوم اغير روتين شووي طفشت من الاكل

طبعا انا طفشت من جد وطايح بالبربرة وكل الناس صايرة تقول لي اسكت فقعت روسنا كلامك واجد من وين تجيب هالكلام المشكلة انه مو واحد اغلب اخوياي يقولون هالكلام وامي وخواتي وواحد من اخوياي معروف اه مايسكت ذاك اليوم جااني الخرج وقعد يفضح بي عند العيال يقول هالادمي مايسكت صجني

اتذكر حتى ابو ريناد يو اقابله الفجر كان بيروح للدوام ومستعجل وانا ماسكه وبربرة مدري عاد ان كانه لاحظ او لا مع اني اول مرة اقابله وبالاخير اقول له اقلط وهو يذن الفجر وهو يقول لا مشغول وراي رحلة يعني لو اني اعرفه من زمان كان بخليه يسحب ع الدوام واحلى جزا باقرب دوام له والسبب انا خخخ

ودعواتكم لي بالقبول والوظيفة

وبانتظار تجاربكم مع الطفش ممكن القى شي يسليني

وسوري ع الاطالة