عيد الثقيل و جاسم الحربي يستهزأون بلاعبي المنتخب السعودي و بخالد عزيز !! - نادي الهلال السعودي - شبكة الزعيم

ما هو عنوانك ؟ · #1 18/07/2011, 11:16 PM

السلام عليكم

قبل قليل في برنامج الطبعه الرابعه على قناة لاين سبورت
كان جاسم الحربي يتكلم عن إن رايكارد لازم يفهم طبيعة اللاعب السعودي و نط الثقيل قال يعني
تبي تقوله ترا ماهم لاعبين برشلونه اللي قدامك و جلسوا يضحكون بشكل غريب

هو صحيح ماهو مثل مستوى نجوم برشلونه أو غيره لكن إنت كإعلامي سعودي تستهزأ بلاعبينك
أجل لا تجي تلوم ابو ظبي و حبايبنا الخليجيين لما يستهزأون إذا هم شايفين السعوديين نفسهم ينتقصون من نجومهم

بعدين انتقل الاستهزاء لخالد عزيز حاطين عنوان إنه كابتن بالاستراحه و ضحك جاسم الحربي و قال عزيز بالاستراحه و ضحك معاه الثقيل

وش هالبرنامج كله استهزاء باستهزاء و الله عيب

و لا حول و لا قوة إلا بالله

ســري للغايــه · #2 18/07/2011, 11:21 PM

والله كلامهم مافية شي غلط ... وخالد عزيز الأدارة عارفة علتة ... وعلتة ... من الأستراحات وجسر الملك فهد ... والله يفك الهلال من شر هالاعب .. اللي للأسف الأدارة طيبة معه حتى الأن رغم أنه لا يستاهل كل الصبر هذا ...

مــــ هلالي ــــوج · #3 18/07/2011, 11:22 PM

مسسسرع !!

توه مآخلص البرنآمج , ع آلريحه

عمومآ لو يتهزءون بعزيز من هينآ لبكرهَ معهم حق , هو آللي نزل من قيمته بالوسط الريآضي , ثآنيآ بآلنسبه آنهم يتهزون بلآعبين المنتخب معآهم حق ! . وين برشآ ووين نآمي وعدنآن فلآته ض1

يا لبى الزعيم · #4 18/07/2011, 11:23 PM

طيب
بتزعل اذا قلت انا كل كلامهم صحيح
1_ وليد عبد ربه هذا بالله لاعب منتخب هو وزيلعي وسعود حمود وتبيهم ماضحكون عليهم
2_ عزيز ماذا تسمي تصرفه !!؟؟

خبير فني · #5 18/07/2011, 11:27 PM

صراحة من شاهد لاعبين المنتخب في مباراة الكويت لقال هؤلاء هواة ، ياخوان بعض الاعبين ماهم قادرين يثبتون الكورة؟!!!!!!

هذا غير التمريرات الغلط الكثيرة ، اضافة الى لاعبين المحور الذين لم يقوموا بابجديات دور لاعب المحور

صراحة أنا متشائم لكن الاهم نعدي هونج كونج وتنتهي على خير ، وان شاء الله نشوف موسم جديد اكثر احترافية

™ṂṒḤĂṂṂĂĐ · #6 19/07/2011, 12:17 AM

كلامه صحيح ..

لكن كـ إعلامي .. واجبه دعم اللاعبين ولو على خطأ .. يعلمهم اخطائهم .. اما لو كان مشجع ..

يقدر يقول اللي يبيه .. ما احد حوله

m7m7_89 · #7 19/07/2011, 02:43 AM

والله اشوف كللامهم سليم
خالد عزيز الله يهديه مخنبق ولا شايف احد

ولاعبين المنتخب زلايب ويرفعون الضغط

يعني اذا فازو نمدح فيهم
واذا صاروا مهزله نمدح فيهم بعد!!!

Carizma · #8 19/07/2011, 03:25 AM

خالد عزيز يستاهل كل الي يصير لــه وأكثـر ،،

الاداره الهلاليه صبرت عليـــه وتحملتـــه كثيرر

Maha` · #9 19/07/2011, 03:49 AM

يستآهل خآلد عزيز هو آللي جآب الكلآم لنفسه !
متى بنرتآح منه بس !!

الملكي الهلال · #10 19/07/2011, 04:54 AM

خالد عزيز يسستاهل كل الي يجيه ..
آلآدآره محترمينه هووو ماهو عآطي آحححححد ووجـــه ........../
يآرجآل خلآص مآنبيييه

آهـ24لي · #11 19/07/2011, 05:58 AM

والله المنتخب يا آخوان ششششوارع

بالعقل منتخب كامل مافيه مهاجمين صريحيين ..!!!!

سقى الله أيام ياسر ومالك وربي انواع الاهداف الخورافيه

ولا الوسط كل واحد يلعب مع نفسه

المنتخب يبي له إعادة هيكله من جديد

العناصر موجوده والمال موجود والمدرب موجود بس يبغى لنا شغل من جديد

عوافي

رسـ2006ـاوي · #12 19/07/2011, 06:01 AM

إقتباس

الرسالة الأصلية كتبت بواسطة m7m7_89


	والله اشوف كللامهم سليم خالد عزيز الله يهديه مخنبق ولا شايف احد ولاعبين المنتخب زلايب ويرفعون الضغط يعني اذا فازو نمدح فيهم واذا صاروا مهزله نمدح فيهم بعد!!!

ما ازيد على كلام اخوي شيء

منتخب يفشل ويجيب الهم

ولاعب معطى اكبر من حجمه

HiLaLy 4 EvA · #13 19/07/2011, 06:07 AM

يارجال وسع صدرك قاعدين يمزحون بعدين عزيز يستاهل الاستهزاء هو الي جابه لنفسه

لاهنت

يسووووووف · #14 19/07/2011, 08:50 AM

المنتخب السعودي بس يحتاج مدرب ينتشله من الي فيه وانا اشوف ريكارد كفؤ
بالنسبه للي يستهزئون ماهم الا شرذمه !!!

أبوخـــلـــودي · #15 19/07/2011, 01:29 PM

صحفي وصار مقدم برامج فعلا مهنه من لامهنه له