|
موبايلي بخصوص رقمكم 1100 تستهبلون علينا مثلا السلام عليكم صراحة مالقيت مكان اشكي همي ير هذا المكان صراحة كنتو ياموبايلي معانا من احلي ما يكون وش الي غيركم علينا انا ابي خدمة ابي اكلم الموظف ولا تردون علي ليش ؟؟؟؟؟؟؟؟ ماني زبونكم ولي 5 سنوات معاكم :mad: ليه اذا طلبت مكالمة الموظف تحولوني علي التقييم علي طول تستهبلون اكيد صح كيف اقيمكم وانتو ما تردون طيب هذي مشيناها اوكاي طيب ليش اذا ارسلت رساله بتفعيل اي خدمة ما تتفعل ؟؟؟ وش سالفه ام امكم لا تصير شرايحكم صينية والي يقهر اتصل من جوال خويي يردون وش السالفة لازم اكون عضو تميز يعني وشكلي بحول علي شركة زين بس اذا استمر هذا الحال وقسم ودي افقع وجه فهد الكاف من حر مافيني شهرين يارجل محد يرد علي !!! انتو شكلكم نقلتو من بيتكم ونسيتو تنقلون الخط معكم مو مشكلة اعرف لكم واحد واسطة بقسم النقليات في STC يقدر يضبط وضعكم |
علي فكرة ترا هذي الحركة انا متاكد ما تصير معي لحالي لان فيه صديق لي صاير معه نفس المشكلة وكلنا قاطين بجوال الاخ العزيز الي تردون عليه ياموبايلي شوفو ترا اليوم الساعة 5 و 45 دقيقة بتصل ارفعو السماعة ولا عاد اشوف رقم 1100 داق علي ترا ازعجتو امنا بتقييمكم |
و صآرت معآي .. بصرآحة طفششنا من موبآيلي و من كل شركآت الاتصال عندنا لطخ فلووس على خدمات سيئة .. هي جات ع شركات الاتصالات بس ! كل الخدمات بجميع المجالات عندنا سيئة الله المستعان |
والله حتى انا وخوي مايردو علينا نجلس بالنص ساعه واكثر وبالاخير ينقطع بديت اندم اني حولت من االتصالات لموبايلي صارت خايسه كثير شكلي بالفي الرقم واروح لزين |
والله كنت عارف انه مو بس انا الي صارت له السالفة هذي وش طاعونهم شق بطونهم |
يارجال والنصبه الجديده لاحولت على حلا محلي ماتقدر تغيرها ابد .. شفتو انصب من كذا رفعنى موبايلي وطلعت نصابه مثل الاتصالات |
اآنا مثلك و عميل مفوتر بعد !! قبل يردون علي بدقيقة والحين لي 18 يوم اتصل ولا يردون و الا انتظر لين يطيح اآللي برآسي ثم اسكر .. وحاسبين علي مبآلغ مدري من وين جت !! لكن آبشرك ردوآ علي آليـوم !! |
يآعيآل آحب آوضح لكم مو دفآع عن موبآيلي لكن توضيح للي صآير آنآ عندي شريحتين كلهآ مفوتره وموبآيلي وحده مآتآخذ دقيقه ويردون يمكن لآني عميل قديم لكن الشريحه الآخرى قبل كنت آدق و30 ثآنيه ويردون آللحين آمسك خط 3 سآعآت ولآ آحد يرد رحت آستفسرت قآلوآ في شهر 7 من كل سنه نسوي تحديثآت ع النظآم وآغلب الآرقآم , لذلك آنتم حآليآ توآجهون المشكله وتبون الصصرآحه موبآيلي في الفتره الآخيره !!!!! |
تبون الصدق ما شفت انصب منهم نصاااابين لاخر شيء اهم شيء عندهم فلوووس وبس ،، واللي يرفع الضغط اذا صار رقمك شحن مافي امل يردون عليك ما ادري ليه هل انا خارج شبكة موبايلي ولا كيف ولا واللي يزود القهر تدري وشو ؟؟ اذا صار رقمك فاتوره وطلعت الفاتوره عليها مبالغ كثيره ، بكل برود يرد عليك الموظف ويقول اتصل بعد ماتصدر الفاتوره بسبع ايام ،، ما ادري ليه يبون العميل ينسى ولا كيف ؟؟ |
ههههههههههههههه اجل طلعنا كلنا بالهوا سوا انا بصبر عليهم لين نهاية شعبان اذا ما تعدلو بحول لشركة زين |
انا من امس مثلك اشتركت بالبلاك بيري قبل المغرب سحبو مني 99 العاده 5 دقايق و تتفعل احتري و احتري و صليت العشاء و ماجت دقيت عليه قالو الحين تتنزل البيانات باقي 5 دقايق و تتفعل ان شاء الله و اصبر و اصبر و تعشيت و ماجتني رسالة التفعيل دقيت عليهم و قال وقف عليك المدري وش قال اسمه قال خلاص بسوي لك تحديث و يزبط معك يوم صكو و اصبر و اصبر الين 11:30 و عقبها معد ردو الله يقطعهم من الرزق و دقيت من رقم خويي و ردو و قلت المشكلة و قلتله ليه مايردون و جاهم شوي من الكرش و مانفع معهم و الى الحين الساعة 6:22 دقيقة مساءً مااشتغلت وولله العظيم اني ناوي اغير رقمي لزين لان الاهل نصهم زين ولا احلى في البلاك بيري خاصة و ما اقول الا حسبي الله عليييهم من شركة |
اظن من كثرة الضغط ع موبايلي ,, ,, |
والله يافيهم نصب بس ابشرك ربي فكني منهم اخوي.. وعندي رقم واحد يشتغل بالشركه.. من 6 شهور واحنا نتعامل معاه.. ندق على جواله يرد..يفعل الكونكت واقفل.. وربي حتى هو يقول.. اذا بتنتظرين 1100 محد برد.. |
والله حتى انا وخوي مايردو علينا نجلس بالنص ساعه واكثر وبالاخير ينقطع بديت اندم اني حولت من الاتصالات لموبايلي صارت خايسه كثير شكلي بالفي الرقم وبرجع على الاتصالات السعوديه افضل منهم خدمه |
اجل شقول انا كل ماجيت احمل الواتس اب على البلاك ياكلوون دراهم مني ويفشل التحميل شيء يقهررر ... وتفعيل البي بي اقعد ساعتين ماوصلتني رسالة التفعيل وادق عليهم يقولون اللحين تبي تاصلك اصبري شوي قسم ساعتيين .. الشكوى لله ... بس برايي انا انها افضل شركة اتنصالات على الاقل اهون من stc |
| الوقت المعتمد في المنتدى بتوقيت جرينتش +3.
الوقت الان » 06:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd