انا اتفق مع فكره انتقال المحياني وبهذا الوقت الهلال ممكن يستفيد من انتقاله

لكن بعد 6 اشهر بيكون اللاعب حر وماراح يستفيد الهلال عند انتقاله ..

خصوصا ان هذه رغبة المحياني وهو اللي طلب الانتقال ..

ومع التعاقد مع مهاجمين اجانب ماراح تكون له الفرصه يكون اساسي

إقتباس ممكن سؤال وش فيك علي عيسي الرجال ماخذ فرصته باسر اخذ فرصته كامله وماقلتي خلوه يروح اي نادي وعيسي ماخذ الفرصه وتبغينه يروووح كل هذا حب واعجاب في ياسر مكن جد ناس غريبه صح عيسي ماقدر يفرض نفسه بوجود المدربين اللي راحو ليه كله لعيون باسر يمكن يرجع لمستواه اختي لاتكابرين كلنا نعرف ان ياسر مستواه نازل واكبر دليل راح الادراه جابت احمد علي ورايحه تجيب محترفين اجانب هجوم يمكن ياسر يحس اذا جلس بدكه الاحتياط

لاتكذبون الكذبه وتصدقونها ، عيسى أخذ فرصته العام ولعب مباريات كثيره اساسي بجانب ياسر

الموسم اللي فات اصيب ياسر 5 إصابات منها إصابته في بداية الدوري اللي لعب بداله عيسى اساسي وبنهاية الدوري اللي لعب فيها عيسى اساسي بكأس الملك

اللي في بداية الدوري لعب عيسى اساسي ضد فرق ضعيفه مثل نجران وماقدر يسجل وهذا اللي خلاني اعرف قيمة ياسر كأساسي وان عيسى ماتقدر تعوّل عليه الشي الكثير كأساسي

بخصوص كأس الملك تسجيله لهدفين في مباراتين في الفيصلي "الجريح" ليس دلييل ، ياسر يسجل هاتريك وسوبر هاتريك على هالفرق

وفي مباراة الذهاب مع الإتحاد جاته كورتين امام المرمى لو لاعب هاوي سددها ع الباب لكنه موّه وضاعت الفرص !!
مع العلم ان النتيجه وقتها 1-0 للإتحاد يعني لو سجّلها كان أنقلبت النتيجه .. تتوقع لو ياسر اللي ضيّع هالفرص وش بتقول الجماهير ؟

وبخصوص كلامك انه ما أخذ فرصته لعيون ياسر ،

بأيام ماكان ياسر بمستواه 2010 كان ياسر المهاجم رقم 1 وهذا شي طبيعي جداً ،

وفي 2011 برغم تذبذب مستوى ياسر وهبوطه نسبياً ،

إلا أن عيسى يفرض نفسه عليه !! مو بس كذا حتى ماقدر يتفوق عليه بالمعدل التهديفي

وهذا اللي يخلينا نتمسك بياسر ، لاعب بأقل مستوياته يحسم لك مباريات ويتفوق على جميع المهاجمين الهلاليين والسعوديين !!

والتعاقد مع مهاجمين اجانب افضل خطوه أقدمت عليها الإداره ، مهاجمين متميزين صح وقتها راح تشوف ياسر يقاتل ليضمن خانه اساسيه ..

واحيراً انا ماني ضد عيسى بس بوضح لك ان ياسر افضل .. وانا اتمنى عيسى يبقى لانه ممتاز كأحتياطي ويعتبر ورقه رابحه

باذن الله سوف يبقى المحياني في صفوف الهلال هذا الموسم

انا وجهه نظري انو الهلال اكبر من المحياني

لاعب عادي

الله يوفقه وين ماراح بس تحس مكانه اندية الوسط

والله يا خوك عجزنا

اذا الاداره ما سمعت كلامنا وش نسوي ..!!

اتمنى بقااااااااائه

والله ياخي انا متعاطف مع المحياني وقد ظلم كثيرا في الهلال ومن سوء حظه وجوده في الهلال في وقت يعتمد عى طريقة اللعب بمهاجم واحد وهو ياسر الكاسر ولم يجد فرصة حقيقية لابراز قدراته ولاحظوا عندما يلعب يكون هناك مهاجم ثاني معه المهم ان انتقاله في مصلحته شرط ان يلعب اساسي في النادي الجديد وغير ذلك سيتحطم اللاعب وستفقد الكره السعوديه لاعب مميز

إقتباس الرسالة الأصلية كتبت بواسطة زعيمه حايليه بالعكس صحيح 100% اولاً : اللاعب يبي يرحل لأنه يود اللعب اساسي ثانياً : الهلال الموسم القادم راح يلعب فيه بالهجوم العربي + الآسيوي + ياسر ( اللي بيضاعف جهوده ليضمن خانته ) + تصعيد مهاجمين الاولمبي المميزين ثالثاً : عيسى ماقدر يفرض نفسه اساسي طول هالسنتين حتى على احمد علي وبناءً على رغبته راح تبيعه الإداره ، عشان يستفيدون من عقده لأنه لو استمر لنهاية الموسم بينتهي عقده وماراح يستفيد النادي من بيعه .. ماقصر معنا وهو ممتاز كاحتياطي لكنه عارف انه ماراح يلعب اساسي الموسم القادم وإحتمال كبير يكون خارج التشكيله كامله وهذا اللي خلاه يرغب بالرحيل بالتوفيق له ، ولا راح يتأثر الهلال برحيله مدامه احضر وابقى اللي افضل منه راحوا سامي والنعيمه ، وش عاد عيسى ! لآهنت

جمهور الهلال الحقيقي يعلم ياعيسى انك نجم الهجوم الهلالي الان ويعلم انك انت المنقذ للهلال ويعلم ان اهدافك

لاتاتي الا على الفرق الكبيره فقط بعكس حبيب القلب

إقتباس بالعكس صحيح 100% اولاً : اللاعب يبي يرحل لأنه يود اللعب اساسي ثانياً : الهلال الموسم القادم راح يلعب فيه بالهجوم العربي + الآسيوي + ياسر ( اللي بيضاعف جهوده ليضمن خانته ) + تصعيد مهاجمين الاولمبي المميزين ثالثاً : عيسى ماقدر يفرض نفسه اساسي طول هالسنتين حتى على احمد علي وبناءً على رغبته راح تبيعه الإداره ، عشان يستفيدون من عقده لأنه لو استمر لنهاية الموسم بينتهي عقده وماراح يستفيد النادي من بيعه .. ماقصر معنا وهو ممتاز كاحتياطي لكنه عارف انه ماراح يلعب اساسي الموسم القادم وإحتمال كبير يكون خارج التشكيله كامله وهذا اللي خلاه يرغب بالرحيل بالتوفيق له ، ولا راح يتأثر الهلال برحيله مدامه احضر وابقى اللي افضل منه لآهنت

كل ابي اقووله قلته يعطيك ألف عاافيه ريحتني