^
^

يلعب جناح يمين وجناح يسار و راس حربه .. ولكن مع الدفاعات الإيطاليه مااتوقع انكم تستفيدون منه " كـ جناح " لأن بنيته الجسمانيه ضعيفه ومافي ذيك السرعه ، فـ يُفضل بأنه يلعب راس حربه امام " توتي " والله يوفقه معكم

إقتباس ابشر طآل عمرك , بس من خدعك وقآلك إننآ كآش ؟

ماعندك كاش؟ انطق مكانك ولا يكثر ولا تتحط كل فلوسك ع لاعب واحد

إقتباس

إقتباس الكلآم الي فوق كله كلآم تنظيري سآمج ! والجد هو أن رومآ بـ حآجة إلى هزه نوعية كبيرة ، إنسوآ أن هنآك مشروع وأمريكآن ، وتخيلوآ أن آل سينسي مآزآلوآ

شسمه بالعكس روما ماتحتاج لهزه أبدا روما كل اللي تحتاجه حارس سوبر مدافع لاعب وسط يعني تقريبا 3-4 لاعبين هذا اللي نحتاجه بس وش نقول عندنا سباك

إقتباس

إقتباس ساباتيني إذا وقع مع لاعب ما يسأل نفسه وش بيقدم الموسم القادم للفريق ؟! السؤال ماذا سيكون الاعب بعد موسمين و ثلاثة ! و طبعاً هذا التفكير السليم .. تبني فريق حبة حبة !

ياخي مااختلفنا نبي لاعبين للمستقبل بس نبي برظو لاعبين للحاضر! مينيز لاعب مستقبل ليه انت مع بيعته؟ ، مانختلف اننا نبيع يصنع فريق كبير بس بمبالغ مقعوله ويحط باقي الميركاتو في لاعبين جاهزين

إقتباس الاعب يبي يجلس بس هم يشوتونه ! أكويلاني مثلاً .. هنا الفرق الجوهري ..

رجعنا لسالفه هـ الزلابه؟ الا ابيض نقطه في تاريخ روزيلا هو بيعته هـ الزلابه شف الفرق اكويلاني اللي كل سنه يصاب وحالته حاله بعناه ب 20 مليون ومينيز اللي لعب أكثر من نص المباريات الموسم اللي راح بنبيعه ب 8 اللخ ياخذك ياسابا بس

إقتباس

إقتباس فوزي عليه تنافس .. اليوفي يبيه و توتنهام له سنة يلاحقه .. و فيه نادي أنجليزي ثاني يبيه .. يمديك تسوي عليه مزاد .. و شفنا وصل له عرض بـ18 مليون من توتنهام .. أما مينيز أصلاً باريس سان جرمان كان بيتعاقد مع لاعب رينجيرز اللي نزل مشعل الخبر حقه قبل يومين .. بس رينجيرز نزل بيان وقال الاعب ليس للبيع .. فرجعوا لمينيز .. يعني بالعربي مينيز خيار ثاني عندهم و هم الوحيدين اللي مهتمين بمينيز ! حتى إشاعات ما سمعنا أحد يبيه ! و هذا المنطق لاعب ما يلعب أساسي بفريقه كيف ترغب به الأندية !؟ يعني منطقياً لن يصل سعر مينيز لأكثر من 8 ملايين !

ياخي 18 وشي عند فوجي؟ محمد ان متأكد انك متابع معنا الجنون اللي يصير بالميركاتو؟ الزلابه نيمار بيباع ب50 مليون كابديفيا انباع ب 20 شنايدر سعره وصل 40 كونتراو ب 30 باستوري 50 من بقى بعد؟ فوجي على أقل تقدير وبعد التخفيض يجيبلك 25 بالراحه ، من قالك مينيز ماكان اساسي ؟ مع رانييري كنا كان بعض الاحيان يكون في مستوى سئ وفي أوقات ثانيه يبدع بس في كل الحالات سعره مايوصل 8 حتى لو كان عنده رباط

إقتباس 2- لاميلا << الصفقه المقصده ما ندري وش خفاياها << الولد حالياً مع منتخب شباب الأرجنتين عشان كأس العالم و للحين ماوصل لـ روما ولا تمرن ولا حكم عليه إنريكي فعلياً << و لا ننسى و ماراح أنسى إن إحتمال إنتقاله إلى باليرمو + مبلغ لجلب باستوري قائم و بشكل كبير حتى الآن .

شسمه مافيه احد ضد صفقه لاميلا بس 19 مليون كثيره جدا جدا جدا يعني الفاريز ماجبناه بسبب مليون او اثنين ورحنا ندفعا زياده عليها 7 مليون عشان لاميلا؟ ، شسمه بالنسبه للاميلا وباليرمو انسى زامباريني يقول ماارضى الا بالكاش

إقتباس

إقتباس 3- مينيز << هذا بيطلع و كلنا متفقين لأنه مايبي يجلس, من الخطأ الفادح يا مشعل إنه يجلس وهو بهالنفسيه الزفت و اللامُبالاه << فكرة إنه يلعب له كم مطش و نبيعه في يناير معقوله << بس صدقني الولد ماراح يتغير ولا راح يبدع و بيصير أخس من قبل و يمكن يطلع بسعر أقل << بإختصار مينيز لو جاب 10 مليون مايشوف شر و الصفقه ماهي خساره ولحد يندم و يتحسف عليه << هو خرب على نفسه بنفسه << قال إيش قال مشكلتي مع مونتيلا, هذا مونتيلا راح و جا إنريكي وين مشكلتك يابومشكله ... !!!

شسمه مافيه تأكيد انه مايبي يجلس كله كلام بس متى ماطلع الولد وقال مابي روما ماعندي مانع يروح ببلاش بس مثل ماقال الزلابه انس الولد موهوب + صغير في نادي مايطلع الا بمبلغ وقدره شسمه اذا تركناه الى يناير ولا قدم مستوى كم بنخسر؟ 2-3 مليون؟ خلاص هذي ماعاد تسوي شئ بالميركاتو هي ممكن نغامره بس نجربها ليه لا؟

إقتباس 4- الدفاع << مع إعتماد إنريكي على سيسينهو في الظهير + جلب هاينزه, أقدر أقولكم و بشكل كبيــر جدا ًهذا هو الدفاع الي بنلعب فيه الموسم الجاي << عندنا إثنين يلعبون كـ قلب و ظهير << كاسيتي و هاينزه واحد يمين و الثاني يسار << لو خارها أنخل أو سيسينهو . .

مستحيل مثل ماقال محمد اما كاير أو سيلفستر بيجون ويكون واحد منهم اساسي مع بورديسو وفي حال خرب واحد منهم موجود جوان

إقتباس تونا و باقي على الميركاتو شهر و أسبوع بالتمام << يعني حول الـ 40 يوم, تو الناس على الحكم على الأمور و ما ندري وش الي بيصير في قادم الأيام

إقتباس أنا أقول لا تستعجلون النتائج ، و الميركاتو باقي عليه أكثر من شهر .. أصبروا .. و بنشوف الخير إن شاء الله

شسمه يقولون لكم ليالي العيد تبان من عصاريها اذا من الان الكلام عن أزمه ماليه وعن بيع اثنين من اهم عناصر الفريق فما أظن بيكون ميركاتو قد الطموح الا في حاله بيع مينيز بمبلغ محترم وبقاء فوجي بالاضافه لشسمه محور+مدافع

إقتباس الرسالة الأصلية كتبت بواسطة الغرناطي أخوي دامك موجود وش رايك تعلمنا بويان يعلب جناح يمين و يسار و لابس يسار ؟!

بالتوفيق لكم بعيدا عن الانتر
كم أنا متشوق لمباراة القادمه بين الانتر وروما لنذيقكم المر
كم انت كبير ياالانتر

بـ النسبة بـ هآينزه ، وأنه من الممكن أنه يكون بديل لـ كلوه ، فـ هذآ خطأ كبير ،
من الممكن أقبل أن هآينزه بديل لـ خوزيه فِ الظهير الأيسر ، وكـ خيآر رآبع فِ القلب .

بعيداً عن إمكآنيآت هآينزه البديل ، رومآ بـ حآجة زي مآقآل محمد لـ مدآفع سوبر
مدآفع يكون قآئد فِ الدفآع ، ومصدر أمآن فِ الفريق مع نيكولآ ، وهذآ الأخير
نيكولآ من نوعية المدآفعين الي يتأثر مستوآه بـ المدآفع الي معه + مآتقدر تبني
عليه دفآعك كـ لآعب أول ، وهذآ طبعاً غير خطمآته الغريبه .

خلآصة الكلآم : رومآ محتآجه مدآفع بطل " أسآسي " ، مع نيكولآ .

أمممم ، مدري يآأخوآن هل رومآ بعد سنتين ، مُلزمه بـ دفع 28 مليون لـ البرشآ ؟
أو أن الموضوع ع حسب رغبتنآ ؟ يعني بغينآه دفعنآ ، مآبغينآه يذلف ، ونآخذ مليون

إن كآن على حسب رغبتنآ ، فـ هذآ شيء طيب ، يعني بإذن الله بعد مآتتحسن
ظروفنآ المآدية + مشآركآتنآ فِ دوري الأبطآل ، نقدر نجيب مهآجم سفآح ، وعليه
القيمة ، ونرجع هـ الأطخم لـ أهله .

بس مآتلآحظون أن لو تم هـ الشيء ، والي هو إعآدة بويآن لـ البرشآ ، فإن مشروع
رومآ الجديد الي يعتمد على " الشبآب " تلزيق أليـم !

^

الـ 28 ندفعهآ في حآلة إننآ نبيه يقعد وهم يبونه يرجع

إقتباس أما باريس سان جرمان و توتنهام مستحيل يدفعون مبالغ كبيرة

بآريس صآر مملوك بالكآمل لـ قطريين , يعني في كآش
وتوتنهآم أقل شي بيطلع 35 مليون من بيع مودريتش
يعني مآلهم عذر







أسآمة يقولكم الـ 14 لعيون هنري

فرانس فوتبول: مينيز يقترب من سان جيرمان ..



يستعد لاعب وسط نادي روما الإيطالي، الدولي الفرنسي جيريمي مينيز للسفر إلى العاصمة الفرنسية باريس حيث سيوقع عقداً لمدة ثلاث سنوات ينتقل بموجبه إلى باريس سان جيرمان بحسب ما كشفت صحيفة "فرانس فوتبول" على موقعها الالكتروني اليوم الأحد ..

وكان النادي الفرنسي الذي باتت تملكه مؤسسة قطر للاستثمارات دخل في مفاوضات مع اللاعب الذي قرر في وقت سابق الرحيل عن روما بعد خلافات مع المدرب البديل فيتشنزو مونتيلا في المراحل الأخيرة من الدوري الإيطالي ..

وكشفت "فرانس فوتبول" أن مينيز البالغ من العمر 24 عاماً والذي دافع عن ألوان سوشو وموناكو الفرنسيين سابقاً وافق على شروط الانتقال منذ عدة أيام وسيوقع على عرض لمدة ثلاثة أعوام وليس أربعة كما أشير في وقت سابق ..

وذكرت الصحيفة الفرنسية الشهيرة أن سان جيرمان وروما يناقشان بعض التفاصيل المتعلقة بموضوع الانتقال لإعلانه بشكل رسمي في وقت قريب جداً، ومن المتوقع أن تبلغ قيمة الصفقة ثمانية ملايين يورو يضاف إليها مليون يورو في حال تمكن سان جيرمان من التأهل إلى دوري أبطال أوروبا ..

وينتظر قدوم مينيز إلى باريس يوم غدٍ الاثنين لإجراء الفحوصات الطبية اللازمة وتوقيع العقد حيث سيشغل اللاعب مركز الجناح الأيمن في خطة 4-4-2 التي سيعتمدها المدرب أنطوان كومبواريه ..


شكله رايح رايح , بس والله السعر يغبن 8 بسس ! في لاعب دولي بمنتخب فرنسا + صغير ..

المصدر