| mansour95 | 17/07/2011 02:43 PM |
تصدقون إنه صادق، والسعودية في الوقت الحالي مافيه فرق بينها وبين الهند، اللهم إن الهند عندهم حماس وشفناهم في بطولة آسيا.
اللي شفته من السعودية خصوصا مع الكويت الأخيرة شيء يفقع المرارة، هجمة وحدة على الكويت مافيه، في المقابل المنتخب الكويتي كل شوي منفردين بالحارس، وكذلك مع الأردن، يلعن أم التخطيط ياشيخ، ليش ما اتفقوا مع المدرب يمسك الفريق من هالبطولة، ايش الفائدة منها إذا كان المدرب لم يحضرها ههههههههه، متعالي على المنتخب من بدري، هم يستاهلون اللي ما شافوا لهم مدرب طموح ومخلص، تجيب لي مدرب عالمي وعارف إن فريقك تصنيفه دوليا 82 وتبغاه يحترمك!!! تجيب لي مدرب تعامل مع ميسي ورونالدينهو وتشافي وإيتو وتحط قدامه النمري ومحمد نور والشمراني وسعود حمود ووليد عبدربه.
وهذا كله كوم وتخاذل اللاعبين كوم آخر، أقسم بالله في تمرين في حواري حماسهم أكثر من حماس لاعبي المنتخب السعودي، الكويت طول المباراة ضغط على حاملا الكرة وماخلونا نتنفس، ولعيبتنا يتمشون في الملعب كأنهم في حديقة، من شاف الأوغواي مع الإرجنتين كيف الضغط على حامل الكرة وهم ناقين لاعب ويلعبون اشواط إضافية مع أعظم لاعبي العالم، ومن شاف فورلان ورقم 9 كيف يحرثون الملعب وكل لاعب فيهم عن عشر لاعبين يعرف الفرق بين كرة القدم وقلة الحيا والتربية، اللاعبينا لسعوديين محتاجين للجلد، والله العظيم لو كنت مسئول عنهم غير ينفرش اللي مايقطع الزرع حق الملعب، وأحذرهم من بدري اللي ماعنده استعداد يجري اقل شيء 15 كيلو لأشوف وجهه في التشكيلة، المرحلة القادمة نحن بحاجة إلى تغيير بطريقة قاسية. | 