اليونايتد قدموو مباراة رائعه صراحه والحمد لله اخر مبارتين فزنا بالثلاثه وبالمناسبه الي قبلهم خسرنا بالثلاثه يعني اخر اربع مباريات خسر اليونايتد مرتين ثلاثه وفاز مرتين مفارقه غريبه
الف مبروك الفوز المهم ، مستوى جيد الشوط الاول سيطرنا ولعبنا بشكل ممتاز لولا التسجيل ،، كان بامكاننا نسجل بدري لكن الحمد لله على الفوز .. أكثر شي عجبني فالنسيا ونشاطه الدايم على الجهه اليمنى وذكرني بأول موسم له معنا .. وفالنسيا من اللاعبين المهمين قدام الفرق المتوسطه وسلاح قوي على الطرف الايمــن بعكس ناني تماماً .. ناني سيء اليوم وماهي غريبه عليه .. مباراه يبدع ومباراه ودك انه ماصار لاعب من الأساس .. الدفاع ماختبر كثير بحكم سيطرتنا على المباراه لكن الوضع مايطمن خصوصا مع الريو اللي صاير نكبه في بعض اللمحات
##
وش رايكم فيه ؟؟ عاجبني مره شجاع وواثق من نفسه وجِدي طول المباراه .. ذكرني بشمايكل هذا لو انه أخذ فرصة كوتشاك كان أثبت نفسه معنا .
آلف مبروك الفوز مانشستراوية , , المستوى والنتيجة تطمن والحمدلله ,, الفريق اليوم كان راائع بالاجمال ,,
ليندجارد : صحيح انه لم يختبر بشكل كبير ولكن وجودة مصدر آمان للدفاع والفريق بشكل عام يعطي ثقة للدفاع للتحرك للآمام ,,والاهم الخروج بالكلين شيت
رافائيل : منور ياقدع مستوى خورافي من الظهير العصري يمتلك المواصفات الكاملة المتطلبة في الظهير ,, ماشاء الله تبارك الله سرعة ولياقة ومهارة وقوة وارتقاء وقوة افتكاك للكرة ,, ماشاء الله تبارك الله , الله يبعده عن الاصابات ,, وايضاً مع عودته شاهدنا الجهة اليمنى نااار ياحبيبي ناار ,,
فرديناند : وحش بمعنى الكلمة قدم مستوى كبير للغاية وشراكته مع جوني ايفانز بصراحة رائعة وافضل من جونز لآنهم ماهو متفاهمين مع بعض على عكس جوني ,, الريو اليوم من الفسقة شطح قدام وقلب رونالدو لكن رعونة تشيشاريتو ضيعت فرصة هدف ,,
ايفانز ,: من تالي ذا النكبة صاير مبدع ماشاء الله تبارك الله , نقول ماتو حساده هو فيه آحد آصلن ههههههههههههههههه بس اليوم كان متألق جداً ابعد اكثر من كرة شارك في الجانب الهجومي اكثر من مرة استمر ياجوني استمر , ,
ايفرا : الكابيتانو الفنان ,, حتى لو كان سيء يبقى كبير قدم مستوى رائع اليوم مسك مكانه مضبوط ,, قفل عليهم تمام,, وفي الجانب الهجومي كان رااائع والخال الخلوق يملك من الفنيات مالا يملكها بعض المهاجمين في البريمر ,,
كاريك / ملك التكتيك ,, رائع يامايكل من زمان عن هذا المستوى ,, خورافي ياولد الباص الي عطاه لويلباك في الشوط الاول كان خورافي بالفعل ولو كملت بهدف كان ,, والهدف كان حكاية ثانية ,, ونقدر نقول كاريكو 2007 عاد وآفضل ان شاء الله ,,
سكولز : وينك من اول الموسم ياملك ,, وجودة في الملعب نقطة قوة اصلن ,, كلامي مايوفيه حقه , ,
فالنسيا : حدث ولاحرج ,, وش تبيني اقول بس نجم المباراة مع رافائيل بنظري وان كان يتفوق على البرازيلي بعض الشي ,, قدم مباراة ولا آروع انطلاقات راائعة مهارات عرضيات اليوم كان شعله من نشاط , ماشاء الله تبارك الله ,, ولكن عتبي الوحيد عليه هو اصرارة الشديد على لعب الكرة العرضية بشكل قوي وايضاً يحاول يجيب الكورة في منطقة السته وحتى لو كانت فارغة ,!! اتمنى يعدل الوضع ,,
ناني / انتى مو انتى وانتى على اليسار ,!! آخ بس لو فالنسيا يلعب بالقدمين ,, ونشوف ناني مرة يمين ومرة يسار كان حنا بخير ,, مشكلة ناني انه يبدع دايم اذا كان يمين مهارات , وتسديدات , وتمريرات , وكلش بس اذا راح لليسار شبه مختفي يكون .!!
روني / لن آقول سيء ولكن سوء الحظ , واضاعة ركلة الجزاء كانت سبب رئيسي في هبوط مستواه في المباراة ,, رغم هذا خرج لنا بآسيست ,,
ويلباك / كما قال السير فتى رائع , ودايم يكون رائع اذا شارك روني في الهجوم ,!!
\\
والشي الجميل هو عودة بعض الاعبين المصابين الى الفريق وعودة الاعبين الى مستوياتهم قبل مواجهة الارسنال ,, وعلى درب الثمنيات نلتقي
\ \
قلوب من هنا لبيتكم ياشيخ , ,
\ \
تصريحات السير : موجودة في تويتر الرابطة ,, النوم ذابحن , ,
مبروك الفوز والمستوى الحلو ..
بعض الاشياء تتسبب في هبوط مستوى الفريق بالفترة الاخيرة اهمها شغل بعض المراكز بـ غير المتخصصين ..
ومنها برضو بعض اللاعبين لما نشوفهم يلعبون بدون شهيّه ..!
انعدمت تقريبا هالعاملين اليوم وشفنا مستوى كويس ..
فالنسيا هذي فترته بالموسم .. يمكن هذي المباراة الرابعه او الخامسه على التوالي يقدم مستوى بطططل
صحيح طرريقته واسلوبه اعتيادي ومكشوف لكن رغم هذا مَ يتوقف .. الله يديمك ي خالي
ناني .. بالجهة اليسرى الاحظه مَ يظهر ابدا مثل مَ يكون ظهوره بالجهة اليمنى .. اغلب هجومنا من ناحية فالنسياا
واذا ساند ناني الجهة اليمنى نشوف منه عرضيات ممتازه واكثر فاعليّه ..
رافا هجوميا محد يختلف عليه .. لكن دفاعيا اشوفه يتطوّر كل بعد فترة .. صحيح منقطع فترة طويلة وما شفناه الا ضد البلاكبيرن
الا انه مع هذا مقدم مستوى بطل دفاعيا وهجوميا بالمباريتين .. مثل مَ قلت قبل اسبوع او اسبوعين بأن رجعته هو وسمالينغ
بتعطي السير خيارات اكثر وربما تتعدل بعض الاوضاع بالوسط لاننا بنشوف جونز محور في حال اكتمال خط الدفاع
كآريك الصمت في حرم الجمال جمآل .. افرح له اذا سجّل
ايفانز .. قايل مب حاط له قلب لين ينسيني حواقه ضد السيتي
لكن للأمانه الولد عنده امكانيات لكن دايم يفتقد للثقه ويتردد كثير .. ويتأخر بأخذ القرار احيان خصوصا بالتحرك في التغطيه
مستوياته الحالية افضل بكثير من من مستوياته بالسنه ونص اللي فاتت ..
سكولز بغض النظر اذا قدّم مستوى او لا , اذا سجل او لا ..
من قبل المباراة استبعدته وما توقعته ابدا يبدأ اساسي .. صحيح نحتاجه كثير ونحتاج نوعيته وصنفه بالملعب لكن حكم اللياقه
والوقت الطويل اللي ابتعد فيه عن الملاعب يخلينا نستبعده من التشكيل الاساسي على الاقل بالاسبوعين او الثلاثه الاولى برجعته
عموما مستوى حلو .. وروح مطمئنة
تمنيت بس تواجد اندي لو بديل , نبيه يكون حاضر بدنيا ضد الارسنال احس اننا بنحتاجه كثير ..
’،
سؤال طرحه ابو بيست قبل المباراة ..
الحين من بيكون حارسنا الاساسي في هالفترة .؟!
اكثر مركز يحيّر صرآحة .. اللي اتمناه بأن تعامل السير مع هالحارسين مَ يأثر على نفسية دي خيا بوجه التحديد
19Likes
,,
آخ بس لو فالنسيا يلعب بالقدمين ,, ونشوف ناني مرة يمين ومرة يسار كان حنا بخير ,,
..
، أنا ما اختلف معك انه ممتاز وانا من المؤمنين بقدراته 
الوضع العادي
