على طاري الملخص والكلام اللي ما ينفع
تذكرون كورة ناني اللي ضيعها يوم يضغط آشلي على الحارس و يتطول عليه الكورة
أحس إن ستوك كان ممكن ينقتل لو تسجل فيه هدفين في ظرف 10 دقائق فقط

وعلى طاري الدفاع ترى مهب كل مدافع فيديتش ياعمي كراوتش هذا ما تفلت إلا على فالنسيا وإلا وش كان يسوي قدام الكابيتانو ؟؟
فيديتش كان مهجد أم أم اللي خلفوه

مساعد والله إني من أمس ما أحس إني موجود بالرابطة بسبب الإنشغالات و المشورة وإلا النتايج كانت في بالي بس ما خلصت فرصة .. يا رب يمر يوم بكرة على خير بعد ما مرّ هذا اليوم على خير

نوم عوافي يا بو مالك

هاردلك منشستراويه
التعادل حلو في ظل هالظروف اللي بالفريق وخصوصا ان ملعب ستوك صعب ولا احد قدر يلقط الثري بوينت من هالملعب , السير لازم يلقط له لاعب وسط في الشتويه الوضع مايحتمل الصراحه يعني اندرسون بدع له كم مباراة ولا عاد شفناه هالخاله وفليتشر ماهو خوينا الاول بس نلتمس له العذر بس هل بيطول على هالشكل في المستوى , الفريق فورمته عاليه ومايبي الا لاعبين جاهزين للاسف عندنا كم لاعب منتهيه صلاحيتهم ليتهم يشوفون لهم مكان ثاني يلعبون فيه برباتوف واوين الصراحه مامنهم رجاء انا الوم السير ع تدخليته للاخير صعب اوين يجي منه شي عند هالبعارين حده كارلينق وابطال بعد مانتأهل ,روني غيابه مؤثر بس مو معناها ان الفريق ماراح يمشي بدونه بالعكس امس الفريق اشوف السوء اللي هو فيه بسبة الوسط اللي مو عارف يوصل كورة للهجوم ونفس الكلام ينطبق ع الهجوم يعني لو السير بادي بويلباك وشيشا شرط انهم يسدون جزء بسيط من اللي قاعد يسويه روني
اتوقع غيابه لعبه من السير عشان كابيلو مايضمه للمنتخب بعد اسبوعين قدامنا مباراة الانفيلد
فيه ميزه بطله اشوفها بجدولنا اللي هي ان حنا خلصنا ع الكبار ومابقى الا الصغار باستثناء الليفر والسيتي يعني يمدينا نجيب معدل من النقاط ممتاز يريحنا في الدور الثاني لان الدور الثاني كل المباريات الكبيره بتكون اواي باستثناء الليفر يعني يالسير ركز ع الفرق الصغيره والقط منهم الفوز سواء اواي ولا هوم, دي خيا امس اللي سواها يبين نظرة السير للاعب باين عليه خيا انه اكتسب الثقه اللي تخليه قادر ع انه يحرس بدون تخوف ولا يخطئ اخطاء ساذجه اللي حراس العالم يرتكبونها والولد توه صغير وقدامه المستقبل وارشحه انه افضل لاعب في المباراة رد كور خصوصا الكوره الاولى اللي تبين ردة الفعل السريعه ماشاء الله , فيل جونز من الصفقات اللي ماعمري توقعته بيثبت وجوده من اول المباريات قسم بالله مدافع مجنون ابد تيري الخالق الناطق سبحانه وتعالى نفس الانطلاقه لتيري وجرأه مانشوفها عند اغلب المدافعين وهو ابو 19 سنه مدري ليه سنتين والسير بيطير الكابيتانو لاقرب فريق اذا تمكن جونز من خطف المكان الاساسي له وهذا ملااتمناه >>وخر يالفصحى



سويت اللي عليك ولعبت باافضل تشكيله متاحه لك بس كان فيه عتب ع تدخيلتك لاوين
عموما السير ابخص



بغض النظر ع الاخطاء التحكيميه اللي اشوفها سبب رئيسي في خسارتنا نقطتين
بس مثل مااستفدنا امس قدام تشيلسي نتضرر اليوم والشكوى ع الله
وهذا الدوري الانقليزي
الجوله الماضيه استفدنا منها وطلعنا حنا الفايزين بين البيق فور كلهم
واليوم هم يفوزون كلهم وحنا نتعادل
احرقني يالبريمير