بخصوص آلرقم 7 لي بآكك , وخصوصاً عن اخر من حمله الاسطورة بيكهام ( السبب الرئيسي بعد الله في عشقي لليونايتد بهالشكل الجنوني )
’,
اما عن الفكرة الاخيرة ( اللي قالها ابو مالكك ) فـ كانت في بالي والله خصوصاً نقطة التشكيلة المتوقعة الصحيحة , بس ما جات الفرصة اللي اقولها او بمعنى اصح نسيت اقول هالفكرة !
وبما ان هالاقتراح ما طبق رسمياً , أرى وبوجهة نظري البسيطة جداً آن النقاط ك التالي نقطة للنتيجة الصحيحة ونقطة لـ التوقع الصحيح لمسجلو الاهداف اما عن التشكيلة فـ نقطة صحيحة لكل مركز مثلاً الحراسة والدفاع نقطة , والوسط نقطة والهجوم نقطة اما عن نجومية اللقاء اللي من السكاي فـ لآ آرى لها اي داعي وبكذآ يصير مجموع النقاط الكاملة 5 نقاط للجولة الواحدة لأنه اذا خليناها 10 ممكن يطلع رقم طويل جداً وصعب خصوصاً وان عندك موسم في 38 جولة في الدوري , واحتمال تتلخبط في احصاء النتائج وكذآ . .
عالعموم هذي وجهة نظري الشخصية بهالموضوع وبانتظآر آرآء الاخوان الباقين ايه صححح , آللي عاجبه هالرأي يسوي لي لآيك < متأثر باليوتيوب !
’,
بخصوص هاللاعب الظاهر امامكم فـ من زمان وانا اتكلم عنه واوقول انه من الحلول المميزة خصوصاً وان اللاعب صغير في السن , وصاحب لياقة عالية بـ آلآضآفة الى انه لاعب حماسي من الدرجة الاولى , وبكذآ تضمن لاعب يحرث لك الملعب طول عرض لمدة لا تقل عن الـ 10 سنوات اتمنى مجيئه بلا أدنى شكك !
’,
آبو مالكك , تروح وترجع لنا بالسلامة , واسال الله لكك التوفيق أينما رحلت وارتحلت لا تنساني واخوتي الاحبة من خالص دعائك . . وترآ منتظرين رجعتك يَ ملح الرابطة ! < دون قصور في الباقين . .
يا مراحب بـ الاعضاء الجدد و اللي رجعوا يشاركون من جديد و ان شاء الله تكملون معنا لـ اخر الموسم
هاردلكم التعادل ما تغير حالنا من الجوله الماضيه لان السيتي تعادل مع الليفر لكن توتينهام الفرق بيننا و بينهم نقطتين و عندهم مباراة مؤجله يعني راح يزيد الضغط علينا ما اشوف احد تطرق لـ النقطه هذي .
بعد المباراة ما شعرت بـ الاحباط لاني كنت مستمتع بـ المباراة و هـ الشيء ما يعني اني مهتم بـ الاداء اكثر من النتيجه لكن الفريق حرمنا من هذا الاداء فترة طويله ، يحق لي افرح بـ الأداء .
اعتب على السير بـ عدم اشراك سمالينج في وقت الضغط خصوصا ان في ربع او 10 دقايق لعبنا اكثر من 10 اوفرات لكن اغلب لاعبينا قصار القامه و ما تكون العرضيات فعاله الا بـ مشاركه فيديتش في الهجمه ، سمالينج طوله 194 و راح يكون اطول لاعب في المنطقه و اي عرضيه بـ المقاس فهي هدف .
إقتباس
مبآرآة متوقع مآدآر بهآ , الـ 1-1 لم تكن هي من حفزة الاعبين و شعروآ بالخطر و آوجسوآ من لدنهم خيفه , كل مآ في الامر طرد الارجنتيني اربك حسآبآت مدرب نيوكآسيل ضحى بالقوى اللي كآن يعتمد عليهآ [ في حآلة الهجوم ] , آركز على كلمة في حآلة .. لأن توجهه مآكآن هجومي .
اخالفك في ان الـ 1-1 ما كانت محفزه لـ اللاعبين و ان برادو ضحى بـ القوة الهجوميه بعد الطرد ، برادو كان ناوي التعادل و اللي وضح هـ الشيء استبداله لـ حاتم لان لو كان توجهه هجومي او كان يبحث عن هدف الفوز كان ما استبدل حاتم لانه لاعب سريع و راح يفيدك في المرتدات هو مع ديمبا با ، اي مدرب راح تجيه هـ الفكرة في باله ان اليونايتد على ارضه و يبي يقرب الفارق مع المتصدر و تحت ضغط و اندفاع هجومي كبير بـ معنا ان اي هجمه مرتده مع تواجد لاعب سريع و مهاجم هداف راح تكون هجمه قول لو كانت المرتده كورة طويله من الحارس راح تشكل خطوره كبيره ، ولا راح يحتاج غوتييريز كـ خيار هجومي اساسي لـ كل هجمه .
نفس اللي صار في مباراة بنفيكا صار بـ مباراة امس ما عدا ان بنفيكا ما انطرد منه لاعب ضغط مننا على مرماهم و بـ بشكل منظم اكثر من مباراة امس بنفيكا كان يحاول هجوميا لكن بـ طريقه غير فعاله حتى هدفهم كان غلطه و هجمه ميته تعتبر .
ما قدرت تكتم ذا ؟ هذا و انت متراجع ! ، اكثر من عرضيه خطيرة من جهته لكن الله ستر ما اسثمروها بـ الشكل المطلوب .
اشلي اول ما ارتبطنا فيه كنا نتخيل لو هو معنا وش راح يسوي و حسيت اننا راح نصير الفريق الخارق لكن بعد ما جانا انصدمت و من بعدها ما اتحمس مع اي لاعب نرتبط فيه لو كان ميسي
رودويل لاعب جيد ما اقول شيء لكن في لاعبين افضل منه و في نفس المركز ، اللي كان ساد الخانه هذي هو هاري و من بعد ما جاته الاصابه المفروض تجيب لاعب بـ مستواه يجمع ما بين : الخبره + المتسوى و اللي يخطر في بالي حاليا هو دي روسي لاعب عمره 28 و مستواه كبير و احتمال يطلع من روما ، لو كان السير حاط عينه على هذا اللاعب صحيح ياخذ له لاعب مستواه اعلى و طلعته اسهل اللي هو ساندرو لاعب حماسي و اغلاطه قليله و يحشرك و ضامن 100% انه راح يسد خانه هاري و هو حاليا بديل في تشكيله ريدناب ، جاته اصابه بدايه الموسم ولا ادري عن مستواه بعدها لكن الموسم الماضي كان موسم جبار له .
- يآلبى قلوبكم وحشتوني من زمان عنكم لاكن الظروف اجبرتني على الانقطاع على العموم ما آبي أطول عليكم.
هآردلك التعآدل المعفن يآخي ماقد شفت حظ زي كذا و الله و انا اتآبع المبآراة في المقهى وخاصه آخر الدقايق الهجمات الي مدري وشلون تضيع كنت اقول للمصري الي في المقهى مافيه امل يجي قول ولما سجل هرناندز الهدف نقزت وزعقت يقالك مستانس انبح حلقي من كثر الزعاق و أخر شي تسلل
ريكي ولفسوينكيل يشعر بالفخر لسماعة بإهتمام اليونايتد | ويؤكد انه سعيد حالياً .||
--
تحرير بلوبيست | الرابطة
ريكي ولفسوينكيل يشعر بفخر بعد ان تم ربطة مع مانشستر يونايتد، ولكن يصر على انه سعيد في سبورتنغ لشبونة البرتغالي.
انضم الهولندي الدولي للنادي البرتغالي في فصل الصيف على عقد مدته خمس سنوات من اوتريخت، ولكنه معجب بالنادي البرتغالي.
وقد كان كشافوا اليونايتد يشاهدونه في مناسبات عدة في الاسابيع الاخيرة وانضم تشيلسي الى منافسة بطل في الدوري الممتاز يتتبعون صاحب الـ 22 عاما.
يذكر ان النادي البرتغالي اشترط دفع 22 مليون يورو [18 مليون جنيه استرليني] للتخلي عنه .
على ايه حال فقد قل التوقع والتخمين بشأن انتقاله في يناير المقبل بعد اظهارة لسعادته في البرتغال.
"إنه لأمر جيد أن يرتبط اسمي بالاندية الكبيرة مثل مانشستر يونايتد في انكلترا وغيرها، لكنني سعيدة حقا في سبورتنج ،" قال فان ولفسوينكيل لإذاعة NOS الهولندية.
"الامور ممتازة بكل معنى الكلمة. ألعب لناد جيد وانا احرز الأهداف لأنني اشعر بالارتياح مع الفريق في الملعب."
واعترف وكيله لويس لاروس خلال عطلة الاسبوع انه لا يتوقع خروجة في يناير.
"تشلسي ومانشستر يونايتد يتبعون ريكي، مثل لاعبي كرة القدم الشباب الأخرى في أوروبا، ولكن لا أتوقع اي صفقة محتملة في يناير" ،ماقاله لاروس لوسائل الاعلام البرتغالية.
"لم يتحدث معي أحد مباشرة وسبورتينغ ليست مهتمة في التوصل الى اتفاق في الوقت الراهن.
"ولكن في عالم كرة القدم، فإنه من المستحيل أن أقول لا للبيع ."
19Likes
!
!
لاكن الظروف اجبرتني
الوضع العادي
