اشكر الاشراف على الموضوع والله مادري متى نزل جلست يومين اشيك عليه ومانزل وسجيت منه


للتصحيح نقطتين ,, المنتخب الشباب فيه 3 لاعبين هم سالم الدوسري والجهني والسديري


وصفقة عيسى المحياني هي الصفقه الوحيده التي تحسب للاداره وغيرها فالله يخلف




تحياتي للجميع

موضوع جميل ويشرفني اكون اول رد لك


بس اختلف في نقطة المقايضات يعني عبدالله الزوري ما اعجبك والمرشدي والغنام عطني الاسماء اللي افضل منهم يكفي انهم مع المنتخب واخالفك بيحي الشهري لاعب اقل من عادي وجسمه صغير


وبالنسبه لقاعدة الهلال انتجت لاعبين مثل الشلهوب والعابد والدوسري والفرج والقرني والبيشي والسديري
يعني كل ذولا ما عجبوك النتايج ما تجي الحين النتايج بعدين مولازم فريقنا الشاب يكون كويس لو كل موسم تصعد لنا لاعبين كويسين هذا يكفي فريقنا ماشي كويس وما نحتاج اي لاعب من فريق ثاني بس انا اخالف ادارتنا في تنازل عن لاعبين مجانا مثل البرقان كيف تسوي معه مخالصه والجيزاني ب800 الف ويوم كان مع الحزم سعره كان 8 مليون سبحان الله يعني بمعنى اخر ان الغامدي سعره 800 الف لانه كانت مقايضه

إقتباس الرسالة الأصلية كتبت بواسطة هلالي غلا الكون موضوع جميل ويشرفني اكون اول رد لك بس اختلف في نقطة المقايضات يعني عبدالله الزوري ما اعجبك والمرشدي والغنام عطني الاسماء اللي افضل منهم يكفي انهم مع المنتخب واخالفك بيحي الشهري لاعب اقل من عادي وجسمه صغير وبالنسبه لقاعدة الهلال انتجت لاعبين مثل الشلهوب والعابد والدوسري والفرج والقرني والبيشي والسديري يعني كل ذولا ما عجبوك النتايج ما تجي الحين النتايج بعدين مولازم فريقنا الشاب يكون كويس لو كل موسم تصعد لنا لاعبين كويسين هذا يكفي فريقنا ماشي كويس وما نحتاج اي لاعب من فريق ثاني بس انا اخالف ادارتنا في تنازل عن لاعبين مجانا مثل البرقان كيف تسوي معه مخالصه والجيزاني ب800 الف ويوم كان مع الحزم سعره كان 8 مليون سبحان الله يعني بمعنى اخر ان الغامدي سعره 800 الف لانه كانت مقايضه

اولا اعتذر للجميع فالموضوع ارفعه اليوم لاني كتبته عشية خبر مقايضة السلطان بعزيز ومر اكثر من يوم قبل ان يجاااز من الاشراف


عزيزي هلالي غلا الكون ,, هلا والف مرحبا نورت الموضوع بمرورك الكريم


اولا يعلم الله ان مافي قلوبنا على اي لاعب هلالي اي حقد ,, حقيقة يجب ان يعيها الجميع فاي لاعب ينتقد ينتقد لاخطاء سابقة حصلت ,, يا جماعة الخير ماعلينا من مستوى الاندية الاخرى ,, انا عندي خانة كان يلعب فيها نوعية معينه من اللاعبين يجب ان لا يقل مستوى اللاعب الحالي عن هذا المستوى ,, اما الزوري ياطويل العمر فهو لاعب ينقصه الكثير ,, ينقصة التغطيه الدفاعيه ,, الارتداد السريع ,, ايضا السرعه في مساندة الهجمة كان واضح لاكثر من مباراة وفي اكثر من بطوله ان اللاعب هو والمرشدي فرجة لاي نادي يريد ان يسجل على الهلال ارجع للمواسم الماضية تجد ان هلال جريتس قوي ,, ويعيبه الجهه اليسار دفاعيا ,, تجد هوساوي يغطي خانته وخانت المرشدي تجد امور كثيره الدنيا ماشية عندنا بالبركه هنا في الدوري ,, لانه دوري ضعيف ,, لايزعل احد دورينا ضعيف مقارنتا مع السنين الماضيه ,, ماكان لاعب زي الزوري والمرشدي يلعب في الهلال لو بنتكلم عن الماضي لان الاندية الاخرى قوية كللها لذلك ماتقدر تقول للاعب غط خويك ,, كل اللاعبين يجب ان يكونوا نجوم ويالله الخراج




اتمنى ماتقول لي الشلهوب موهبة ,, لانه يلعب من قبل 1418 ,, ياصاحبي انا ماعلي من الماضي الان الاهلي عنده اكاديمية ويجب ان لايقل العمل بالهلال عن الاهلي وعن غيره بل يجب ان نسبق الجميع لا ان نكون في اخر الركب




الفريق هش ,, لانتحدث بعموميات ,, يا هلالي لو الموضوع هذا كتب بعد هزيمتنا من الاتحاد الثانية ماكان قلت هالحكي كان تقول نبي مدافع نبي ظهير يسار نبي مهاجم محلي ,, الان هو الوقت للانتقاد والمطالبه لا نكابر على اخطائنا يا جماعة الخير ,, ينقصنا الكثيييييييييييييييير عندنا نجوم كويسين ومانقول فيهم شي لكن السؤال هل مدربنا اللي جبناه بيعطيهم فرصة ,؟ والا المرشدي بيرزها جنب هوساوي ويكمل نكباته ؟



انا استفيد من المرشدي والزوري والغنام واجيب مكانهم لاعبين ممتازين من الاندية الاخرى ,, الشهراني او عبدالله الحافض وغيرهم الكثير ,, باختصار منتخب الشباب والناشئين الحالي ,, اي لاعب مايلعب عندنا نحاول نجيبه ونقايضة بهاللاعبين اللي ماعاد منهم رجا ,, يصلحون حقين دوري اما اسيا وبطولات وعالمية ماهم بحولها ابدا



تحياتي لك ولمرورك

إقتباس الي خلاني اكتب الموضوع اليوم هو مقايضة السلطان بخالد عزيز

بختصار انت بنيت موضوع على مجرد كلام

طيب انا سمعت ان الهلال بيقايض خالد عزيز مقابل حسن

كله كلام لو اكده احد
اذا ماصار شي رسمي لاتبني طرح لمجرد كلام

انت مثل ايام ماكانو يقولون بيجينا دروقا واكد الكلام كثير

بعد ماجا العربي جا واحد قال بعد دروقا تجيبون لنا العربي هذا دليل ان الادارة طفرانه!!

إقتباس ولكن الامير فظل الصرف على المدربين واللاعبين الاجانب واهمل الفئات السنية وكان العذر انها بيد الامير بندر

عذر!!

هذا شرط رأسه عبدالرحمن بن مساعد ان تكون الفئات السنيه للامير بندر
وهو اللي يجيب المدربين ويتكفل الصفقات والمعسكرات

وش اللي كان العذر!!

موضوعك من الأساس مبني على خطأ لو كنت مؤيد لبعض الاشياء

إقتباس الرسالة الأصلية كتبت بواسطة موج الصحراء بختصار انت بنيت موضوع على مجرد كلام طيب انا سمعت ان الهلال بيقايض خالد عزيز مقابل حسن كله كلام لو اكده احد اذا ماصار شي رسمي لاتبني طرح لمجرد كلام انت مثل ايام ماكانو يقولون بيجينا دروقا واكد الكلام كثير بعد ماجا العربي جا واحد قال بعد دروقا تجيبون لنا العربي هذا دليل ان الادارة طفرانه!! مساء الخير اخوي موج الصحراء ,, طبعا مايحتاج اقول لك ان اخبار الجزيرة والرياض ماهي اخبار عادية ثاني شي يا طويل العمر المقايضة اللي تكلمت عنها حصلت وانتهت وهي مقايضة الجيزاني بعمر بعدين ياخي اللي يقولون دروقبا ماكانوا جريدة الرياضي مثلا ,, عشان نقول انهم لهم غرض من هالخبر لكن صحف هلالية واعضاء بالمنتديات الهلاليه ,, فلا تعتبروا تصديق الناس للصفقات والاسماء عباره عن قلة عقل لان الكلام كان عن اسماء كبيره في الملاعب الاوربية يعني وصلنا لفورلان وسواريز ودروغبا ولاعب موناكو الكوري بارك تشو وهوندا الياباني لاعب سسكا موسكو ,, يعني فلاتلوم الناس وتقول لها ليه صدقتم ليه صدقنا ؟؟؟ لانكم قلتم اننا نفاوضهم ,, هذا السبب الوحيد اللي خلا الناس تصدق ,, وايضا لان الامير جعل للتخطيط للموسم القادم هاله اعلامية كبيره وهو يذكره في كل مكان وفي كل تصريح بالاسابيع الاخيره من الموسم المنصرم ,, اذن لاتلوم الناس ,, ولا تلوم الجمهور اللي صحى على صفقات اقل من المتوقعه ,, ليست سيئة ولكنها اقل من المتوقع ,, عذر!! هذا شرط رأسه عبدالرحمن بن مساعد ان تكون الفئات السنيه للامير بندر وهو اللي يجيب المدربين ويتكفل الصفقات والمعسكرات وش اللي كان العذر!! موضوعك من الأساس مبني على خطأ لو كنت مؤيد لبعض الاشياء

اولا العمل بالنادي لا يشبه توزيع الفسحه في مدارس الابتدائي ,, ,, وخر عن سندويشتي



ماهيب كذى هي ياخوي ,, يعني لاجابت الاداره مثلا نيبوشا للناشئين ,, هل بيقول الامير بندر لا ؟؟
لو الاداره دعمت ,, المفاوضات ,, لو قالت يا امير بندر اي لاعب في الناشئين او الشباب تدخلون في مفاوضات معه
احنا نبي ندعم هالمفاوضات ,, يعني زي الدغريري الي خذه الاتحاد وحنا نتفرج ,, والرشيدي قلب الدفاع الي لنا سنه نفاوض على مليونين ,, وجا الاتحاد وزادها مليون واخذه ,, وعبدالفتاح عسيري اللي خذوه الاتحاد برضوا بمليونين ونص ,, يعني صفقات كللها كانت في متناول ايدينا ,, وهاللاعبين وغيرهم مثل محمد آل فتيل لاعب الاهلي الحالي وقلب دفاع منتخب الشباب هذا دخلوا في مفاوضته الاندية الكبيره كلها واخذه علينا الاهلي لانه زاد اللاعب فلوس واخذه ,, واحنا الحين جالسين على قاع الندامه ,, منتخب الشباب مافيه الا 3 لاعبين منا والاهلي عنده 3 مدافعين في المنتخب من ضمنهم محمد آل فتيل,, يعني مستقبل الاهلي بسبب اهتمامهم بالقاعده مطمئن جدا واحنا ماراح ينفعنا لا شاعر ولا قصايد ولا غيرها يا طويل العمر ,, لان الفئات السنية زرع تهتم به اليوم ليثمر بعد 4 سنوات ياليت يفهم الامير هالنقطه ,, ولا يتحجج بانها عند الامير نواف

* ملاحظة

.. HeRe

كلام سليــم

والله يوفق الهلال


وبانتظار ان تفعل الادراة الهلالية الفئات السنية

لأجل ان تدعم الفريق الاول

تحياتي

كلام سليــم

والله يوفق الهلال


لا خلا ولا عدم

إلله يكتب آلي فيه إلخير ل هلآلنآ ,

للأسف الهلال يعاني منذ سنوات بضعف القاعده لديه وحتى ولو أن القاعده تصعد للأولمبي ومن ثم للأول لاعبين لايتجاوزون أصابع اليد الواحده نجد أن ثلاثة منهم ينزلون للأولمبي لضعف مستواهم وإثنين يظلون محبوسين لدكة الإحتياط أضف إلى ذلك عدم إلتفات سمو الأمير للقاعده مثل ماكان في السابق .
في السابق كان لايمر موسم إلا والهلال ممثله بسمو الأمير بندر المشرف على القطاعات السنيه يسجل من سبعه إلى عشرة لاعبين نقرأ عنها بالصحف والان يمر الموسم ولانسمع عن صفقات جديده للقاعده ولكني أخي أختلف معك في جزئيه ألا وهي المقايظات والأسماء الهلاليه اللتي ذكرتها مثل عبدالله الزوري وماجد المرشدي وعبداللطيف الغنام الأول وهو رأيي وأغلب الهلاليين يتفقون عليه لامن ناحية عرضياته ولا لصغر سنه ولاحتى لتكوينه البدنيه إضف إلى ذلك مهارته والثاني رأينا اخر الموسم كيف أبدع ماجد في قلب الدفاع ماجد فقط يريد الدعم المعنوي والنفسي وسترون وعبداللطيف محور جيد لولا تكالب الإصابات لديه وأجده أفضل إحتياط لعادل الهرماش ومحمد القرني فأعتقد جانبك الصواب .
ولانحمل الأمير عبدالرحمن بن مساعد كل شيء الأمير كثر الله خيره فعل مابوسعه لإرضائكم وبودي مثل مانذكر أخطاء الأمير عبدالرحمن الوجوب ذكر إيجابياته ومحاسنه بالإداره الهلاليه .
إضف إلى ذلك جميع الأنديه لن تفرط بنجومها سيظلون متمسكين بهم ولو دفعوا حتى أربعين مليون ريال للأسف هذه عقليات الأحتراف لدينا تجدنا دائما عاطفيون مثل ما الهلال متمسك بهوساوي الأنديه الأخرى متمسكه بنجومها ولايلام الأمير عبدالرحمن بعد إجتهاده .
مني ومن أغلب الجماهير الهلاليه ألف وألف شكر لك ياسمو الأمير على النقله والفكر اللذي أتيت به إلى الهلال من قبلك لم نكن نسمع بمثل تلك التعاقدات اللتي تدفع بملايين الدولارات ولا الفكر اللذي أتيت به كل شخص له عمله الخاص به ولاتداخل ولاتضارب مصالح على حسالب النادي ولاحتى واسطات فشكرا كل الشكر لك أنت وسامي الجابر الإداري الناجح والفعال فلأول مره هذا الفكر يأتي إلى ملاعبنا كاإداري يتقن ثلاث لغات والفكر الأوروبي إضافه إلى تشجيعه للاعبين وهو من يعزز حماس اللاعبين في الملعب كما كان لاعبا وكابتن وشكرا أيضا حسن الناقور عضو الشرف الفعال .
ودمتم بخير

موضوع قيم اتمنى من الامير عبدالرحمن بن مساعد ومن اعضاء ادارته الكرام قراءته وتمعنه

لان المووضوع زي ما يقولون على الجرح

اخر صفقه عليها القيمه صفقه ياسر القحطاني واسامه هوساوي

اما عيسى المحياني فلم يقدم للهلال ما كنا نتطلع اليه

راعد الصوت كلامك فيه من المبالغة الشئ الكثير نجوم الهلال اللي تركوا النادي باعارة او انتقال كان يمثلون عبئ على الفريق ولم يشاركوا بانتظام في اخر مواسمهم بالعربي لعيبة احتياط و (خارج التشكيلة) يعني الفايده معدومة اما بالنسبة للشباب فعندهم حق لاعبهم حسن معاذ احسن ظهير ايمن وضع نفسك مكان البلطان هل ستقايض لاعب صغير في السن ومواظب في التمارين واساسي بفريقك بلاعب تعدى سن ال30 ولا يلعب بانتظام وكثير الاصابات (عمر الغامدي) او لاعب غير منظبط وبعيد عن مستواه ومتقلب المزاج (خالد عزيز) بكل صراحة ما حدث من مفاوضات هلالية اؤيدها واتمنى ان يتم بيع عيسى المحياني وعزيز مقابل الحصول على حسن معاذ وعندها ستكون صفقة مرضية لجميع الاطراف
لا تنسى كل فريق يبحث عن مصلحته اولا مهما كان الود بين الاندية ورؤسائها

كلام سليم ..
والله يوفق الهلال يارب ..

اخوي اولا عمر الغامدي طلع من الشباب اعتقد وراح لتعاون يمكن وكيف تقول محاور الشباب اقويا عزيز وعمر اصلن عمر الغامدي الموسم الي فات مالعب كثير اغلب المباريات مصاب
وبعدين عزيز ماراح يعطونه الشباب بس عزيز يستاهل الي يطرده برا النادي لانه مااحترم الشعار
وبعدين الفئات السنية وجه كلامك لبندر بن محمد لانه هو الي ماسكها ولما تكلم الامير عبدالله بن مساعد وانتقد العمل الي في الفئات السنيه زعل الامير بندر بن محمد
وبالنسبه لصفقات المحليه اذا الهلال دخل فيها رفعو الاسعار والادله كثير لما الهلال طلب من نادي النجمه لاعبهم زامل السليم المهاجم طلبو مبلغ كبير الكلام هاذا العام والسنه هاذي الاعب نفسه وقع مخالصه مع ناديه وراح للاتفاق في المجان
والهلال لما طلب من الفيصلي مدافع اعارة لمدة 6 شهور طلب الفيصلي 6 مليون سلامات والله لو بيجيب فردناند هاذا يدل ان الانديه تنظر للهلال في منظار ثاني
ولما تقول الهلال يهتم في التعاقد مع اجنبي اكثر من المحلي اقولك ايه نعم يهتم بالاجنبيي لان الاجنبي لاعب محترف يقدر الشعار مو محلي يبدع مباراتين والباقي نايم والاجنبي يعطيك مثل ماتعطية بعكس المحلي ياخذ اكبر من حجمه وهو مايستاهل

وجهة نظر تحتمل الخطاء والصواب ومشكور