السلام عليكم ورحمة الله





اولا اخواني انا طالب الحمد لله تخرجت من الثانوي بمجموع جميل جدا

وكان الي يفصلني عن البترول فارق مدري وش اقول 82.95 والنسبه المطلوبه 83

فيه قهر اكثر من كذا ؟

لكن الحمد لله على كل حال وانا راضي بقسمتي ونصيبي

قدمت على العديد من الجامعات انقبلت في بعضها طب لكن ماحب اخش غمار الطب

بل هدفي الاول " هندسه برمجه " لحبي الشديد للبرمجه اضافه لدوره حضرتها بوجود شركات

كبيره وعديده وكان طلباتهم على هندسه البرمجه ضخمه جدا وهذا شجعني

اضافه الى اني انقبلت من الدفعه الاولى بجامعه الدمام والحمد لله



الغريب مع قرارات الملك الي قالو تخفيض النسب ومدري ايش

لكن فوجئت ان مافي طالب بمدرستي انقبل بتخصصات مرموقه الا انا و3 فقطططططط !!

الباقين جاهم رفض خصوصا لطلبات الجامعه ان المركبه لاتقل عن 81 وفوق والطب قفل 89

عموما هالمساكين بيتشتتون بين ابها والرياض ومدري وين

ادري من زرع حصد لكن مو لهدرجه يكون الحصاد قاسي وصعب

الله يوفق الجميع وكل من هو مقبل على ثالث نصيحه خاصه له

دراستك ماتفيدك ! ذاكر تحصيلي وقدرات اول باول وانسى المدرسه !

اكبر دليل مدرستنا معروفه باختبارات صعبه و صديق لي جاب 99 ماشاء الله
لكن القدرات جاب 67 تكفلت بتحطيمه ! وكمل عليه التحصيلي بـ 70 حسب ما اذكر

والي فرقني عنه اني فعلا ماهتميت بدراستي كثير اخر سنه الا بالمواد العلميه الباقي
ماعطيته ادنى اهميه وتفوقت بالقدرات والتحصيلي وجبت نسب ممتازه وهذا الي قوى موقفي
لذلك اكرر نصيحتي القدرات والتحصيلي اهم !




اخيرا كل ما اطلبه منكم الدعاء لي بالتوفيق في برنامج ارامكو سي بي سي

وهو برنامج ابتعاث داخلي او خارجي على حساب ارامكو

ويوم تخلص دراسه طبعا يمشي لك راتب من الشركه ويوم تخلص مكانك يكون موجود


اختبرت الحمد لله واحس اني قريب من النجاح وكله بيد رب العالمين كل ما اطلبه دعواتكم الصادقه ارجوكم


بالتوفيق للجميع بالوصول لما يريد والحصول على مجهوده




كتبت هذا الموضوع مع تحياتي سامي سينا - Raeed | X

الله يـــــــــــــــــــــوفقك اخوي

والله انو عندي 2من اخواني خريجي هذي السنه والثاني مغرز في الثانوي وتوه تخرج

لكن ماحصلو حاجه واحد نسبتوه حلوه وبيقول انو يبغي يكمل دراسه

والثاني ماعنده نسبه وحاول انو يسجل في العسكريه لكن برضو مافيـــــــه فايــــــــــــــــــده

بيصفون طابور جنب اخوي الثالث اللي متخرج قبل سنتين

بالله وين يروحون هذولا الشباب والله خايـــــــــــــفه عليهم من الانحــــــــــراف

الله يصـــــــــــــــــلح حال الجميــــــــــــــــــــع

هل تعلم أني صآرلي متخرج أكثر من سنتين من الثآنويه

و عندي خبرهـ في اللغة و فوق ذآلك مآقدر أخش جآمعه

الحل الوحيد هو الخروج لـ الدرآسه بـ الخآرج مآعآد في شئ هنآ

وآسطآت كلهآ

الله يوفقك ويحقق لك مرادك

لك ->

حكآيه نشآهده كل يوم،، آنت تتمنى آلدخول للجآمعه وغيرك تخرج من جآمعته ولم يزل ينتظر من يلتفت له
حتي يؤمن مستقبله آلبطآله تفشت في آلمجتمع ’(الغريب) هو من يعيش برغد خيرنآ آمآ نحن لآزلنآ نتظر فرج آلله
آذآ لآ تيأس فمآ آنت فيه هو مقدر ومكتوب لك
وآتمني لك ولكل متخرج آلتوفيق وآلنجآح

فتك بعآآفيه

مثلك
لي قريب دراسته كويسه حلوه بس بالقدرات جايب العيييييييييييد

وطاحت النسبه بسبب القدرات

الله يوفقك ولاتندم على الي راح ابد

ويارب نشوفك قد ماتتمنى واكثر

طيب مافي قبول دفعه ثانيه وثالثه زي باقي الجامعات ؟؟

الله يكتبلك الخير ولتضيق صدرك ماتدري الخيرة وين

معليش طيب م سئلت نفسك اللي دخلو البترول كيف جابو نسبهم المرتفعه ؟
لو نفرض انقبلت ب 83 ومشوها لك , تدري انك بتصير علميا اقل واحد بالجامعه ,
والمعروف ان البترول ياخذون الافرج , يعني سنه ويصفون نص الدفعه

بتكلم عن القدرات والتحصيلي لان الثنوي مب مقياس
يالغالي انا مدري عن وضعك لاكن اغلب الشعب م يفتح عينه ع الجامعه اللا بثالث ثنوي , والمعروف ان التحصيلي يختبرك باخر 3 سنوات
ويمكن م الومك لان اغلب المدراس نظام ملخصات , واذا اختبرو تحصيلي جابو العيد

بالنسبه للقدرات , برضو اسئل نفس ليه م جبت 90 مثلا ؟ قدرات من اسمها , ناس تقرا كتب وثقف نفسها من كل النواحي وتتعب وتنول التعب بنتايجها

المقصد من كلامي اتمنى م نبخس الناس مجهودهم ,, تتعب تتعب , وبالنهايه يجونك ناس يقولون صدفه او اختبار تعجيزي ومن ه الكلام

عموما الله يوقف ب ارامكو وتصير مهندس اد الدنياا

اخوك عبدالرحمن , طب بشري ق1

وعليكم السلام ورحمة الله وبركاتة
الله يوفقك وتحصل على التخصص اللي يوازي
طموحاتك
اخوووي الغالي بحكم أني مدرس صح ابتدائي
بس نجلس مع مشرفين المادة وهم على اطلاع على بعض القرارات
والتعاميم
يقووول لو يدري طلاب ثالث ثانوي ان نصيب شهادة الثانوي من النسب الموزعة
كان ما اعطى اي معلم اهتمام او دراسة الثانوية
ياعزيزي نسبة الثانوية 10٪
ونسبة القدرات30٪
ونسبة التحصيلي60٪
يعني الطالب مهما فعل في الثانوية
حتى لو جاب100٪
وكان عنده مشكلة في القدرات والتحصيلي
راح يقضب الباب
المفروض التحصيلي يعمل له اكثر من اختيار
بحيث يعطى للطالب الدرجة الافضل
مثل ماااا كان يعمل في اختبار القدرات
كان يعمل ثلاث اختبارات في السنة
بسبب اختبار واحد قد ينحرم الطالب المتفووق
وقد ينجرف في تيار الانحراف
اذا كان هالاختبار علية النسبة العليا من القبووول
لماذا لا يعطى الطالب اكثر من محاولة وخصوصا ان العميلة مادية لمركز قياس
وبعدها يختار الطالب الدرجة الافضل

اخووي له اكثر من اربع سنوووااات جالس بالبيت كلة بسبب نظام اختبار القدرات
على الرغم انه جاب نسبة86٪ عندما كانت أسئلة الثانوية تكتب من قبل الوزارة
اللي تشابة أسئلة مركز قياس من حيث الصعوبة
تحياتي لك

العادة ادخل الساحة اتفررج بس شفت موضوع اقدر افيد فيه فقلت خلن ادلو بدلوي << :

عالعمووم انا الله يسلمك متخرج من الثانوي السنة الماضية بنسبة كويسة والتحصيلي 62 !!
والقدرات 77

والحين قاعد انافس في وسط جامعة البترول وان شاء اللله 16 رمضان اخلص السنة التحضيرية والسسمستر الجاي ابدء بالتخصص << بدوون واسطة وبدوون شي ؟!!

السالفة ان نسبتي المركبة كانت 73 ولاكنت طاق خبر للبترول وكنت ابي ادخل عسكرية بس ماحصلت وجاني قبول بكلية المجتمع بالدمام التابعة للبترول فحطيت ملفي هناك على انها مسالة وقت وراح اسحبه من عندهم بس بدت الدراسة ولا جاني قبول الا بجامعة الامام والمجتمع وجامعة الدمام خدمة مجتمع فقلت بنفسي ولااني ساكن بالشرقية قلت خلن بهالمجتمع نقزر عليه كم شهر
ودخلت وبديت اشد حيلي بعد مرور نص الترم ولاماكان عندي نية احول << طبعا اللي مافهم تقدر تحول للبترول اذا جبت c بالماث والانجلش للترم الاول بس

وانا الحين اكلمك وانا طالب في الجامعة و تعتمد عليك وعلى طموحك << انا حولت بدون طموح وشلون لو كان عندي طموح

والله يكتبلك التوفيق وترا السي بي سي كوويسة اذا كان عندك انقلش حتى لو مانجحت معهم يحولونك على البترول بدون ماتدرس السنة التحضيرية < تاكد من المعلومة

وبالاخير حاول تبعد عن جامعة الدمام ((اتعب على شي تلقا نتايجه بعدين ولاتتعب على شي ماله نتائج )) << هذي قاعدتي من اول مابديت بالمجتمع