|
تقول الصحافة للادارة الهلالية : لماذا تتعاقدون مع لاعبين اجانب بدون رئي المدرب وحجتهم في هذا ..ان المدرب ربما لايلعبهم بحجة انه غير مقتنع فيهم .. لكن هناك قياس في التفكير غفلو عنه ..او ان ثقافتهم لاترقى له .. وهو اختيار الامر الاقل سوء .. فتجارب اعطاء الحرية للمدرب لاختيار الاجانب ..جرب كثيرا وفشل ...!! فجلب هؤلاء المدربين اشباه لاعبين ..بأموال طائلة ..لم يستفد منهم النادي وخسر ايضاً النادي اللقب .. اما اختيار الادارة للاعبين الاجانب فهو الاقل فشل ....وبكثيير .. ! والدلائل على ذلك كثيرة .. ولا اعتقد ان المدرب سوف يصل له الحال الى كبرياء حاقدة لدرجة ان يضحي بعلاقاته مع ادارة النادي و(( بتاريخه)) ايضاً لمجرد انه لم يختر اربعة لاعبين بنفسة .. او ان خطته لاتناسب مع هؤلاء اللاعبين ..؟؟ من قال ان مدربين الشرق الاوسط او حتى اسيا .. تتكون خطتهم من اللاعبين .. لانه اذا كانت كذلك حقا فلن يجد الا من اختاره من الاربعة الاجانب يصلح ان يلعب .. اما باقي الاعبين السعوديين فاياً منهم لايناسب .. لسبب بسيط ..لانه ليس هناك لاعب سعودي يجيد التعامل مع خطط المدربين ولو بنسبة 60 % ولذلك يجب ان يغير كل اللاعبين السعوديين ايضاً !!!؟؟... نتكلم وكأننا مثل اندية احترافية كبيرة كمانشستر والريال وبرشلونة والميلان...!! مدربين الشرق الاوسط وحتى اسيا لايصلون الى تلك المراحل من دقة التكتيك .. من يختار اللاعبين هم من يكونو كل لاعبيه على وعي كبير جدا في التكتيك..وعلى سمة احترافية فنية عالية جدا ..وثقافة فنية احترافية .. وهذا لاتجدها غالباً الا في اللاعب الاوربي .. لثقافتة الفنية الكبيرة ..اتتصورونها ياصحافة في اللاعب السعودي ؟؟؟!! |
وش يدري الصحافه يمكن المدرب له رأي باللاعبين وهم مايدرون عواااااافي |
والصحافه هي الي خربت صفقاتنا والادارة اخبر |
اللاعبين الي الاداره تعاقدت او بتتعاقد معاهم هذي مرااااااااكز اساسيه في الفريق يعني مستحيل المدرب يلعب من دووون محور ولا مهااااااجم شي غريب جدا |
ليست مشكلة الهلال فقط ..الأنديه الأخرى تعاني اللي يرفع الضغط.. جاهل بالكوره إلا أسمآ.. يتعاقد مع الأجانب.. المدرب ما دوره؟ |
الهلال بنى تعاقداته على النقص الحاصل وهذا مايحتاج فيه راي مدرب |
الصحافة هي ام الدمار نبغى نسمع ياشبيه الريح او سامي |
أغلب مدربي هذا الزمن سماسرة وكثيراً ما عانت منها الأندية السعودية وجارنا أقرب دليل |
الصحافة هي ام الدمار نبغى نسمع ياشبيه الريح او سامي |
يعني اللحين الصحافة عندهم اي خبرة فنية او تكتيكيه كل اللي همهم جرايدهم ومواقعهم الاكترونية ما تكون فاضية ويدورون اي موضوع عشان يمشون سوقهم . حتى لو جا المدرب واختار لاعبين قالوا عنه سمسار وجايب لاعبين عشان ياخذ نسبه من التعاقد . مراكز اللاعبين والتعاقد معهم عمل للادارة لان المدرب مهمته توظيف العناصر داخل الملعب الا اذا كان المدرب هو اللي بيدفع قيمة التعاقد مع اللاعبين فأهلا وسهلا . يعطيك العافية . |
أخوي اسمحلي أنآ أختلف معك إذآ كآن النآدي لآيثق في المدرب الذي اختآره , فلمآذآ يجلب مدرب ؟ أنآ أقول زي الأندية العآلمية 20% للإدآرة و 80% للمدرب . أضربلك مثآل مورينهو يطلب اللآعبين بالإسم كأوزيل ودي مآريآ وكارفالهو وإلخ.. والأمثلة كثيرة وأنآ أخوك نقطة أخيرة أنآ مع إن الإدآرة تجلب هرمآش لآعب رآئع ويتمنآه أي مدرب . أشكرك ع طرح الموضووع المهم :rose: |
كلام جرايد لا اقل ولا اكثر اذا الادارة جابت اللاعبين الأجانب قالوا المدرب ماراح يقتنع فيهم واذا اختارهم المدرب قالوا يجاملهم ويلعبهم اساسيين على حساب المحليين عموما الادارة اوعى وعارفه وش تسوي تحيتي |
بالتوفييييييييييييق للزعيييييييييييييييم |
الادارة ادري بالفريق وبالتوفيق لزعيم |
إلنآقصِ بآلفريقٍِ , مهآجمِ صآنعِ إلعآب , محوِر سآبقآ , لكن إلآن فيه عآدل , وإلله يكتب آلي فيه آلخيرِ , |
إقتباس:
المحور + الهجوم ........................................................ |
,’,’, الصراحة كلام سليم اختيار اللاعبين قبل مجئ المدرب نجح كثيرا في الهلال ولو نلاحظ كوزمين وجيرتس كلهم اتو للهلال دون ان يختارو لاعبين اجانب وهم نجحو بوجودهم |
فيه خانات يكون النقص فيها واضح ولا يحتاج رأي مدرب اصغر مشجع يعرف هالشي مثل المحور ومهاجم والاداره اشتغلت على هالمركزين وتصرفها صحيح واذكر تصريح سابق لعبدالله بن مساعد قال من الخطأ جعل التعاقد كله بيد المدرب حتى لا تدخل في امور السمسره ولكن الصحيح ان تطلب من المدرب تحديد المراكز اللي يحتاجها وبعدها تختار الاداره اكثر من اسم ( بنفسها ) ثم تعرض هالاسماء على المدرب ليختار منهم الانسب للفريق اعتقد هالطريقه رائعه ومضمونه بإذن الله |
يعطيك العافية والصحه . على الموضوع |
الصحافيين عندنا منظرين و القلبة عندهم بريال و اراءهم تتغير حسب المزاج .. اليوم اللي تسويه الادارة غلط و اول مباراة يفوز فيها الهلال تصير الادارة صح و احسن ادارة في العالم .. علة الهلال واضحة و اذا بيجينا مدرب و بيقول ابي لاعبين في غير المراكز اللي اختارتها الادارة هذا مدرب يسمع بالكورة .. 3 سنين و احنا نصيح من الهجوم .. و تبون الادارة تصبر لين تجيب مدرب و يحدد اذا يبي مهاجم ؟!! رادوي كان شايل خطين على ظهره .. من يسد مكانه ؟!! عزيز اللي يوم حاضر و 10 غياب و ا الغنام اللي يسمع بقطع الكور و البرقان ؟!!! ليتهم يروقونا بس !! |
الهلال بنى تعاقداته على النقص الحاصل <CENTER>وهذا مايحتاج فيه راي مدرب </CENTER> |
اوافقك الرأي خصوصا إذا كانت مكامن الخلل في الفريق واضحه لاصغرمشجع وادارتنا قادرة على استقطاب اجانب اصحاب مقدرة فنية عالية وفق احتياج الفريق |
: صباح الخير أنا مع إعلام الهلال ياليت الإدارة تهتم بأمور الهلال ومصلحته مو معقول إدارة جابت أحمد علي وسول يقبل منها أي اختيار فالإدارة فاشلة في صفقاتها اللي بنظام مسكت معهم بالغلط فأنا على كذا ما أؤيدك نهائي في أي حرف قلته وياليت تحدد اللاعبين الأجانب الفاشلين برأيي أفشل اثنين مروا على الهلال في فترة الإدارة الهلالية كانوا باختيار الإدارة الأول سول الكوري ولا شاوروا مدرب والثاني أحمد علي وكالدي كان يطالب بالاحتفاظ بنيفيز وهم أعاروه وقالوا وبكل صراحة مافيه بديل لنيفيز إلا بقيمته أما اختيار المدربين مع إني ما اشوفهم اختيارهم قد ماكانت أسماء طرحت ولاقت اعجاب المدربين فمن اللي فاشل حدده بس لأن معلوماتي المتواضعة رادوي وويلهامسون في فترة كوزمين ونيفيز ما أختاره مدرب ولو اختاره مدرب فياليت نروح لنفس المدرب يختار لنا واحد مثله ما أدري حسيتني جاي من زحل وإلا أتكلم عن موضوع مايعرفه إلا كائنات فضائية ترى الموضوع واضح وبسيط ومعروف واختيار الإدارة فاشل مع وافر احترامي وحبي وتقديري لذا جرى التنويه وشكرا لك . |
| الوقت المعتمد في المنتدى بتوقيت جرينتش +3.
الوقت الان » 10:33 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd