|
عندي تعقيب على أحد الردود إقتباس:
في 2010 وبوجود نيفيز سجل ياسر 19 هدف بمختلف البطولات كأثر لاعب سعودي من حيث عدد الأهداف ، وجود نيفيز ساهم بعودة ياسر في 2010 ، ولو إني أرى بنيفيز نوع من الأنانيه .. لو الفريدي واللي ذكرتهم مايعرفون يمررون ماكان تواجدوا بنادي الهلال ، وبهالموسم سجل ياسر تقريباً كل العرضيات اللي كانت بالمقاس .. لكن كل اللي ذكرتهم ماهم مثل صنع التايب أبد ! إقتباس:
كرات ياسر المنفرده .. لاعبين ومهاجمين كبآر عالميين ضيعوا فرص ماوقفت على ياسر ، أي نعم ضيع فرص كثيره في مباراة الغرافه بالذات لكنه عوض هالفرص بهدفه الحاسم .. بخصوص كلامك انه مايتحرك .. مادري كيف قدر يسجل دامه مايتحرك ؟ ( أرجع لأهدافه هالموسم وراح تشوفه يتحرك ) يمكن تقصد انه دايم بالصندوق مايطلع منه مثل أول ، لكن هالشي يعتمد على اسلوب المدرب ومهام ياسر اختلفت من مدرب لآخر ، وقد قالها ياسر بلقائه مع أعضاء موقعه بعد ما انسأل سؤال قريب للي ذكرته أنت ، قال : هالشي يعتمد على اسلوب المدرب بعضهم يقول ارجع ودافع وبعضهم يلعبك ع الجناح وبعضهم يقول خلك بالصندوق .. وبخصوص كلامك الأخير ، ياسر حتى إن هبط مستواه يبقى يسجل ويحسم ويصنع الفارق ، وماقد مر عليه موسم ماسجل فيه إلا 4 أهداف !! والثلاث مواسم اللي تتكلم عنها سجل فيها أكثر من 40 هدف برغم تواجده وحيد بالهجوم !! |
إقتباس:
للأسف ان في ناس عاطفيين لدرجة انهم جعلوا من (لاعب) هو الفريق وانه اذا ماتحبه وتمسك طبل وتقعد تصفق وتقول عاشوا عاشوا مايقولون عنك محب للزعيم . الحمدلله ان عندي اقرار ذاتي ان الهلال مايوقف عند لاعب وان اللاعب المقصر لابد ان يتم (ايقاضه) واذا (مااستيقظ ) فالهلال غني عنه ! رأينا راي سامي الجابر بخصوص ياسر ورأينا وضوحه ، على الهلال ان يضع حد ياسر اصبح عبأ على الهلال والاخوان اللي يذكرون بطولات وصولات وجولات لياسر فأنا اقولكم ( من الدناءة والغباء ) ان الواحد ينكرها !! ياسر بدأ لاعب فذ ورائع ومااحد ينكر هذا الشيء لكن ياسر اصبح في تدني من 3 مواسم وهذا الشيء يضر بالمصلحة العامه للنادي ، والمصلحة العامة تقدم على المصلحة الخاصة ( مصلحة اللاعب الشخصية ) . الأفضل له وللهلال ان يتم اعارته خارجياً (ان كان هناك اي عرض سيقدم رسمياً ! ) بالنسبة للأخوان اللي يقولوا وسط ومااوسط وصناع لعب فمع احترامي لكم (عذر اقبح من ذنب ) لن اتحدث عن وسط الهلال وامكانياته وصنعهم للفرص حتى الدفاع صار يسجل بسببهم ! ماباقي الا الحارس ! ياسر (عذراً ) لكن الهلال اصبح (كبير ) عليك ! |
إقتباس:
طيب انا نكي عااااشق ياسر وانت وش نكك عاشق الهلال مثلا .. كاتب عاشق الاسطورة يوم كان ياسر مع نيفيز بدأ يستعيد قوته وراح نيفيز ورجع كما كان ياسر وكل اللي عديتهم ايه ما ملوا عيني الكور من عندهم قليلة ولا تقارنهم بالكبير طارق التائب لان طارق من طراز اخر ويلي يعطيك كور صاروخ فوق ويبغاك تجيبها العابد يبحث عن التسجيل والدوسري كذلك ولا يبحثون عن الصناعة والشلهوب تسحيب وكور قليلة للهجوم ويبحث عن التسجيل كذلك وللمعلومية المدربين حاطين مهمة لياسر ممكن ماتعرفونها ياسر يتراجع قليلا للخلف ليسحب المدافعين ويتقدم الوسط للتسجيل وبلى يمكنني مقارنة ياسر بيوسف وسامي والشلهوب وانخفاض مستواه لاتنساااه |
- مع إحترامي لرأيك الشخصي أنا أخالفك ياسر يجب أن يعار إلى نادي آخر حتى يسترجع روحه التي عهدناها أعتقد إن ياسر يعاني من مشكلة نفسيه و العلم عند الله . . ياسر لاعب كبير و له تاريخه و إنجازته تشهد له لكن مستواه أنخفض و من موسم إلى موسم نقول لعل و عسى يتغير لكن الحقيقة تقول بـ إنه لن يرجع لمستواه ، ياسر كان لاعب من طراز رفيع لا يقف امامه 4 مدافيعين اما الان مدافع واحد و يخب عليه بعد . . و لا ننسى إن لياقته البدنيه ليست كالسابق .. تحياتي لكـ |
إقتباس:
2- كل اللي عداهم لك نجوم حققوا اهداف حسموا مبارايات صنعوا اهداف ، اذا ماملو عينك فما أدري اش اقول بصراحه ، لكن تدري صح كلهم مايفقهون بالكورة حاجة ولهذا السبب شفناهم يدخلون اهداف ويصنعون كور وتدري ايش كمان ؟ شفناهم يحقوون افضل لاعب بالمباراة اكثر من مرة ممم ولا تدري كمان ؟ شفناهم يحقوون جوائز على مستوى الدوري بأكمله اللي ينافس على لاعب صاعد واللي افضل وسط ..الخ ، ياشيخ اش نبغى فيهم ؟ خلهم يسرون كلهم مايملون العين ! 4- الكور من عندهم قليلة ؟ اهداف كان الزعيم يثقلها على الخصوم بالخمسة .. ممم يبغالي اعيد النظر تعرف انا افكر بحاجة نقدم اقتراح انا وانت لإدارة الهلال يشيلون كل الوسط ويجيبون التايب لعيونك ويقعد بس يمرر كورة يمين ويسار فوق وتحت ارض جو وجو ارض ، المهم ان ياسر يقدر يستثمر كورة والتايب ياويله لو شاف ان الهجوم مافيه فايدة وراح يحقق اهداف ! يااويله ! 5- ياااالهي لا لا بالفعل شكراً لك ، مهمة قوية . بس لحظة مو كأنه من شوي العلة كانت بالوسط ؟ الحين صارت بالمدربين ؟ مممم يبغالي اركز شوي ! 6 - الشلهوب بالرغم من وفاة اعز الناس عنده الا اننا شفناه لعب للهلال ورجع بالموسم التالي وحقق اهداف يمكن ابو مهمة سرية ماحقق ربعها ! الأن ايقنت انها مجرد (عاطفة ) وسأعيد (حدث العقل بما يعقل ) ، ياسر الله يوفقه (احترمه ) و (أعزه ) لكن عفواً ياسر ليس لان يصل الامر الى الضرر بـ (الهلال) |
مشكلة ياسر إننا كنا ناأمل النفس وأنا أولهم أن ياسر سيصبح أسطورة جديدة للكرة السعودية عطفا على بداياته التي كانت تنبي بذلك وامتلاكه لجميع المواصفات للاعب سوبرستار(مراوغ,سريع,العاب هوائية,هداف ,صانع لعب عندما يتراجع,قوي,سيطرة على الكرة ,,,,), وكنت اعده مكمل لأساطير الكرة السعودية (محمد الدعيع والثنيان وسامي وماجد والنعيمة) وحدث ماحدث من هبوط في مستواه, لذلك لم نتقبل ذلك من ياسر ,لاسيما أن فترة هبوط المستوى طولت شوي, تقريبا موسم ونصف . في نهاية الأمر عن نفسي أنا ,للأسف لم أعد انتظر ياسر أن يكون أسطوريا رغم إنني كنت أرى فيه ذلك,ولكن اتمنى ان يعود نجما تطرب له الأعين وتصفق له الأكف وهذا مااتوقعه. ملاحظة: هما اثنين لم يهبط مستواهما صالح النعيمة ومحمد الدعيع. ,,, تقبل مداخلتي,,, |
ترى ماجاب العيد فينا الا تطبيل الجمهور على اي اساس نوقف معه من 2007 وحنى واقفين معه ولا شفنى شي اتمنى انه يلازم دكه البدلاء الموسم القادم ولا يرحل من الفريق اذا انصكيت من الاتحاد ولا النصر قول لازم نوقف مع ياسر مصلحه النادي اكبر من اي لاعب فكونا تطبيل |
كلنا مع ياسر ولا وألف لا لإعارته لاي نادي حتى لو دفع فيه ملاييييييييين هذا ياسر وش فيكم ؟؟؟؟؟؟؟؟؟؟ |
كلنا نحب ياسر بس لازم يراجع نفسه وافضل وسط لعب وراه يعطيك العافيه |
تعليق بسيط للاخ صاحب الموضوع.. ولكل من يقرأ : اذا ماعندك استعداد تناقش الاعضاء باحترام وباسلوب جيد.. لا تتعب نفسك وتفتح موضوع جديد مصطلحات ( اطفال - مبزرة ) وغيرها من المصطلحات غير مسموح بها في منتدى الجمهور الهلالي وتعليق آخر لمن دخل الموضوع وأراد التعليق : اذا الموضوع ما اعجبك منت ملزوم ترد.. ولا فيه داعي انك تتهجم على صاحب الموضوع لتفرض رأيك بالقوة ... يغلق |
| الوقت المعتمد في المنتدى بتوقيت جرينتش +3.
الوقت الان » 12:32 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd