طيب الحبيب بكم ؟؟ وتعرف احد سوا فيه العمليه

يسلموا محمد لكن بالرياض وش رايك

الحبيب الأفضل ..
أو عيادة الحكماء عن الدكتور عثمان العمر .. ممتاز

هلا والله اخوي ..

امس الصباح صديقي مسوي العملية بمستشفى التامينات او رعاية الرياض ..
وطبعا هو بعد الفحوصات قرر ان ما تنفع له ليزر ولا ليزك سوا ليسك ..
والحين مركبين له عدسات لمدة 5 ايام وبعدها يقول له الدكتور نظره بيزين ..
وهو ما سواها الا بعد ما نصحوه اثنين من اخوياه مسوينها عند نفس الدكتور وتحسن نظرهم ..
واتوقع السعر تقريبا 7000 شامل كل شيء واذا تبي استفسر لك منه زيادة ما عندي مشكله ..
اتمنى اكون افدتك يالغالي , وما تشوف شر ان شاء الله ,,

يعافيك ربي ,,

عمليتي الاحد الجاي ان شاءالله
مستشفى الكحال بالدمام والكل نصحني به
عند الدكتور عادل الرشود

فحوصات طبعا قبلها يحدد لك تصلح العمليه او لا

سعرها حدود 9000 شامله الفحوصات والعمليه

اكيد فيه ناس قبل سووها بنفس المستشفى ونجحت معهم ويمارسون حياتهم طبيعي


الله يسهلها عليك وعلينا ..

حياك الله يا بعدي ...

بالنسبه للعمليات اول شي انتبه لشي مهم وهو ..

هل انت تحتاج عمليه فعلا والا لا ؟

و وش نوع العمليه اللي تحتاج ؟؟!


لأن قريب لي راح لمستشفى الحرس او الملك فيصل مو متأكد المهم انه قال بسوي العمليه وقالوا له سعرهـ 6000 تقريبا ... لكن قاله اللي بالاستقبال رح سو فحص بـ 500 ريال عند الدكتور اول عشان تتأكد و ما العب عليك ,,

بعد ماراح للدكتور قاله الدكتور انا لو اسوي العمليه استفيد 2000 ريال تقريبا ,, لكن نصيحه انك ما تسوي العمليه لأن نوع نظرك ما يصلح له ليزر او ليزك ..

لأن قاله فيه هالانواع من العمليات وكل نوع يكون لنظر معين .. ( بعد اذنك يا محمد )

• الليـزر ( القديمه )
• الليـــزك
  
• الآبـــي ليـــزك
• سوبر فيشن

وهو ما يصلح له اي نوع ذكر له نوع لكن توه جديد وقاله اصبر سنه او سنتين لين يتم التجارب عليه ,,,,


الزبده اذا بتسوي لا تسوي عند مركز خاص لأنه بيحاول يسوي لك اقرب شي لنظرك لأنه اهم شي يستفيد ماليا ..

وانت رح سولك اكثر من فحص عند كذا دكتور عشان تشوف وش تحتاج بالضبط و حاول تروح لأكثر من دكتور للفحص بس . ( هذولي عيون مهب لعبه )

من الدكاتره اللي اشوف كثير من العيال مسوين عنده وما يشكون شي ابد اللي له 5 سنين و اللي له سنه وكلهم يمدحونه هو الدكتور يوسف المقبل بالرياض .



اسف على الاطاله لكن حبيت اني انبه للفحص وهو شي مهم مهم مهم ....

اعتذر عن الاطاله للجميع

إقتباس الرسالة الأصلية كتبت بواسطة كرستي السلام عليكم ورحمه الله وبركاته مساء الخيرات يازعماء انا نضري ضعيف ولابس نضاره ودي اسوي عمليه ليزك بس تكفون الى عنده معلومات او احد سوا العمليه يقوللي .... ووش افضل المستشفيات بالرياض او الشرقيه او القصيم او اروح خارج السعوديه للاردن ..... واذا احد عنده خبره عن الاسعار يعني ابي معلومات كامله تكفوووون ...

وعليكم السلآم ورحمة الله وبركآآته

مسآآء الانوآر


شف آخوي آختي سوت عند دكتور مره ممتآز بالرياض
آسآل اختي وآرد لك خبر
سوت التشطيب عندهم ب 7000

بس ترى السعر مب شرط
يعني على حسب ضعف نظرك كيف
يعني آذآ نظرك ضعيف مره بتروح فيها لانه بيكون غالي

فيه عندك بعد مستشفى عبد العزيز الجامعي
ب4500

وفيه مستشفى الملك فهد اذا لك واسطه او انك تبعهم بيكون مره كويس
يسوونها ب 4000

وفيه مستشفى الملك خالد للعيون يسوونها بس 7000 او 8000

بس زي ماقلت لك على حسب نظرك كيف


وبالتوفيق لك يآآرب ..
وان شاء الله اسال اختي وارد لك خبر ..

إقتباس الرسالة الأصلية كتبت بواسطة كرستي السلام عليكم ورحمه الله وبركاته مساء الخيرات يازعماء انا نضري ضعيف ولابس نضاره ودي اسوي عمليه ليزك بس تكفون الى عنده معلومات او احد سوا العمليه يقوللي .... ووش افضل المستشفيات بالرياض او الشرقيه او القصيم او اروح خارج السعوديه للاردن ..... واذا احد عنده خبره عن الاسعار يعني ابي معلومات كامله تكفوووون ...

هلا اخووووي الافضل في الاردن وفيه دكتووور شااااااااطر اسمه خلف مهاااااوش
فحصت عنده وكذلك سوت عندة زوجتي العملية ولها الحين اكثر من ثلاث سنووواااات ونظرهاااا عاااال العال ماشاءالله
الدكتور له عياااااادة قريبة من مستشفى الامل عند دوار الداخلية
وعيادتة في عمارة اليوسف
والعميلة في مستشفى ابن الهيثم حتى بجنبه شقق العليا
اخوووي فيه ناااااااس عملوا عمليات في الاردن عند عدة دكاااااترة بس رجعوا لبسوا النظارات
انصحك بهذا الدكتووور والعملية مع الكشف والاشعة تكلف في حدود 4000 ريال
وكذلك فيه دكتووور مشهور بالبحرين والجميع يثني عليه
واعرف كذا واحد سوا عندة العملية
بس السعووووودية نصيحة لا تعمل فيهااااا العملية مكلفة وعلى غير سنع

بس اهم شيء قبل لاتسافر افحص
هل عيووونك تقبل العملية او لا اي انحراف قد يحرمك العملية

فيه دكتور اسمه عبدالعزيز الحواس بعيادات الحرس الوطني احد سوا عنده العمليه او لا

الاخوان الي فوق كل واحد له راي
انا انصحك تروح لكم مستشفى كويس وتسوي فحوصات لكم مستشفى
يعني سولك 3 الى 4 فحوصات عشان تضمن

ربي يوفقك

مركز النخبه في الرياض
الدكتور/ وليد الطويرقي
يمدحونه وثلاث من قريباتي مسوين عنده ونجحت العمليه والحمدلله يشوفون زين
ويسوي العمليه بتسع الاف
والله يدلك على اللي فيه خير وخيره

خلااااص اشتقت للبلآك بيري ابي افعل الخدمة

هااه وش قلتوا الخدمة صارت بـ 50 ولا لا (موبايلي)

طيب عطوني رقم موبايلي بتصل عليهم لي 3 ايام وانا بدون خدمة