لا تآكلين خيار مع الرز ولا ... أبصيح !! ض1 " سوآلف صغاريّة "
 

<TABLE border=1 width="100%" background=http://imgf.tw/494176620.jpg><TBODY><TR><TD align=middle>

السلام عليكم ورحمة الله جميعاً ..:d:d

مساء / صبآح .. الغبار والعج والجو الربيعي :s5s:

هالاسبوع عانيت أو بالاحرى عانينا أنا وأهلي من شخص به
حالة مدري وش أسميها ؟؟ تدخل في النفسية :d

هالشخص ولد اختي واسمه حمدآن

عمره سنتين ومابعد تكلم غير باسمي والباقي مشفر :s2:

لكن .. مع كذا نفهم عليه وش يبي يوصل له :to:


إلا انه في الآونه الاخيره طرأت عليه حالة غريبة عجيبة :s5s:
يبكي ويصارخ لأسباب خآرجة عن المألوف:re:


أترككم مع الصور لشرح أبلغ :d

- اليوم الاول كانوا جايين عندنا " جمعة العايلة " كالمعتاد ..

وفجأة :toot:
http://hh7.net/Jul1/hh7.net_13096725351.png

الوالدة : يا سته >> اسم شغالتنا :d
ودي الشاي المطبخ لا يلعبون فيه العيال الشغالة : جين ماما حمدآن : آآآآآآآآآآآآآآآ دع به يخيىبتياالمخوتلن > مشفر طبعا :d بس فهمنا
أنه يقولها حطي صحن الشاهي بالارض وعند المدخل والا بكمل صياح :s5s:

عساس الازعاج طاوعناه وخليناه والرايح والجاي يخطر الصحن :razz:

خارج النص : على طاري سته ,, مسكينه مابقى رقم الا ونادوها فيه :d

- الحالة رقم 2 :


بعدها بكمن يوم وفي وقت العشا طبعا لازم كل واحد بصحن
وهالصحن لازم ولابد وضروري يكون نفس الشكل واللون الطعم والرائحة :razz:
والا بتقوم هوشة بينهم تصل لحد تدخل الامن إن استدعى الامر :d:surprise:

وهم يآكلون ..


http://hh7.net/Jul1/hh7.net_13096730171.png

ومن غير سابق إنذار قام يصارخ s81s
وش السالفة ذا الحين !!

بعد مافكينا التشفير :d طلع يقولها لا تآكلين خيار مع الرز :shocking:
الكل مصدوم .. سلااااااامات وش يدخلك !!

وهو مواصل لا لا لا لا ,, خلوها مسكينه تبلع لقمتها
وبعدها قالوا لها لا عاد تاكلين خيار مع الرز :fh:


....................................................



وقتها انا انقهرت وشو له ترضخون له كذا بيتعود ..
أمه : خلينا نرتاح من صراخه " مدري من عيّبت عليه عشان ابتلي بواحد"ن " زيّه
الله يصبرنا بس ..

........................................



- الحالة رقم 3 :


أمه : يلله يا عيالي بنروح بيت جدكم الثاني " يعني بيت اهل ابوهم " :razz:
اخته : يمّه لازم كل اسبوع نروح لهم >> ماتحبهم :s2:
هو : بن دعه يرة مهيسا قف برا صر هنا > مشفّر < يعني خلصونا بس :laugh:

أمه : زين الله هدآه ما سوّآ جنازة زي كل مرة :surprised:

مسكينه ما امداه قالتها إلا ويصارخ الولد :re:

شالموضوع بعد !!!!


http://hh7.net/Jul1/hh7.net_13096736171.png


قال ايش : بعد معرفة معنى التشفيرة > ياتشيل الشباصة اللي بشعرها
وإلا بصيح ومانطلع :fun34:
بعد جهد جهيد عرفوا له وش يبي :to:


.............................................


هالولد حالة عجيبة تستحق الدراسة صراحة
كل يوم لنا موّال معه :s5s:
واللي يبط الكبد يرضخون له ...

الخوف لا كبر يجلس يصايح :s3s:

عـ قولة ابوه خوفي لا كبر ووديته معي المسجد
يقول للامام افصخ غترتك اول بعدين صل بالناس :s2: >> مااستبعدها عليه :s5s:





.........................................................


مايستفاد من القصة ::


- لا تستمعون لطلبات الصغار التعجيزية حتى مايتعودون وبعدها
صعب تغيرون طباعهم ..
- هالشي بيخلي أخوه أو اخته إذا كان عنده يحس انهم يفضلونه
عليهم حتى لو هو صغير ..
- لا عاد تاكلون خيار مع الرز :d:d:d


قبل الختام :


رجاااء .. لا احد يطلب لي ارسم له لأن ماعندي وقت
والطلبات فوق المتوقع :razz:


( الله يهديك بس يا هلالي ميلاني كبّرت راسي بعد الرسمة الاولى )

+


شاركونا بقصص غريبة لبعض بزارينكم الأفذاذ s121s




</TD></TR></TBODY></TABLE>

هههههههههههههههه

يــآويسي ربـــي يخليه لكم

هههههههههههههههههههههههههههههههههه

اجل لا تاكلين الخيار مع الرز

والله الحاله


عندنا وعندك خير

ولد اختي مقرود نفس الطينه

مع بنت اختي الثانيه حاطين لهم عشا لحالهم
وجلست بنت اختي قبله وجلس يصارخ ليش تقعد قبلي ههههههههههه

وبعد مشاورات وتهدئه للوضع الرجال حاطها في قلبه سلكنا وجلس ياكل وهو ساكت
وكان عنده كوب لبن ومسكه في غفله وصب اللبن على راس بنت اختي ههههههههههه

البنت انجنت منه وجلست تصيح

انا بيني وبين نفسي ميت ضحك لكن ماودي ابين له اني اضحك

قلت له ليش تسوي كذا بحده
رد علي من زين خشته بكلم مشفر هههههههههه الي فهمته بعلم ابابا عليك ههههههههه
بيني وبين نفسي والله يا ابوك عنتر بن شداد
ويجلس يبرطم ويهذر علي يقول ماني مخلي بابا يركبك سيارتنا ههههههههه
شاري ابوه سياره لنكن وازعجنا عندها ها اللنكن والله يا سياره الوليد الحين


ماودك ترسمين قصتي مع ولد اختي المقرود

:d











اهنيك على الخلفية والرسمات :d




ههههههههههههه حالته صعبة جداً جداً جداً وجدا ً



والبزارين هم حلا البيت وروعته وصراحه انا اذا ما سمعت لجتهم وصرااخهم وهواشهم احس ان البيت ماهوب طبيعي :d


وبالنسبة لسوالفهم والله كثيرة لكن مرة لقيتهم متعلقين على شجرة زينة حجمها وسط بوسط البيت حاطينها ومنتفين اوراقها وبعضهم يستطعم نوع الورق :d

ويعطيتس العافية على الموضوع وسلمي على ولد اختك هذا وعلميني اذا تبون رسيفر حق الشفرات يمكن ينفع معه :d


سلآم ،،

الله يصلح ولد خالتك وهيديه ويخليه لكم :D

الحمدلله ان ماعندنا بزارين :D

مافيه بزارين وسط :s2s: يا يجيك واحد مؤدب يا واحد عكسه :s2:

شطحه:


ي زين الولد الكبير , عشان مافي احد يطلع فضايحه يوم كان صغير عكس الولد الاخير :s2:

وعليكم السلام ورحمة الله وبركاتة
هلا بك \ سويـر s121s

من سلبيات التربية عند السعوديين بشكل عام ما يعترفون بكلمـة " لا " مع أطفالهم
كل شي يبيه وبخاطرة ينفذه حتى لو على حساب وراحـة غيرة ..

كل واحد يشوف طفله ملاك منزل من السماء وتصرفاته عسل على قلوب الناس
هالفئه من الناس ودك ترنعها بشاكوش على دمجتهـا :bangin:

انا شخصياً تعجبني تربية الاجانب العرب مع اطفالهم :yes:
لكِ -> :rose:

تسلمين ... نورتي :smilie47:




أوم الحالة :d
موب هيّن الولد مسكينة اتخيّل شعرها :s5s:

أها تبي رسمة انتظر دورك :s2: الاقبال شديد :s4s:






الخلفية لمصممنا الكبير { FAHAD } :rose:

أما بالنسبة للرسمات أدري انك تجامل بس أبصدقك :d


يستطعمون ورق شي طيّب ياما كلنا رمل وحشرات بصغرنا :s5s:
يبدو هذا اللي عطانا مناعة :s2:


:d:d


دآق لطمة شكراً لمرورك الجميل :smilie47:







الظاهر انك من هالنوع ولك سوابق s121s
أما احسن واحد يبطي عظم :ranting:


أسعدني مرورك يا ولد حايل :smilie47:

{ شكرا للتوضيح في موضوع التحطيم مشكور اخوي :d }

هلا بك دائما مبدعتنا سارة :rose:
والله يخلي حمدان لاهله ..
بس بصراحة اشوف انه مزودها حبتين :d
وشدخله بالخيار والا بالشباصه :s5s:

عموما عندي بنت اخوي رهف :smilie47:
عصبيه شوي بس عرفت لها ..
ما اروح عندها الا عند حلاو :d
عاد اول ما ادخل ما تعطيني وجه واذا طلعت الحلاو انواع التبويس :d:d

شكرا لك دائماً .

<< جملة الوالده المأثوره ,,

حتى انتو تقولونها << مهيب راكبه الا على امي .

وبالنسبه لحمدان _الله يحفظه_ فـ عندنا وعندتس خير وانا اوخيتس ..<<اذا مافهمتي قولي لي اووكي

عندتس مثلا اخوي الصغير ,,

تجيه حالات مثل كذا ,,

مثلا يسألني ابوي\امي تبين سللطه ,,نتمشى ,,نسافر ,,تصلحين شي خربان..

هو يتولى الاجابه عني ويقول رادويهـ ماتبي ..

وبرضووو عجبني شي وجيت ابشريه في السوق مثلا ..

لا رجعيه انتي ماتحبينه ..(انت وش دراك) ..

بس وش اسووي ..

يكسر خاطري , اخر العنقود ولا يتدلع عييييييييب وكبيره ..

لانو وفي حالات نادره (ماتجي الاببيتنا)اختي اللي اكبر منه على طول هي اللي تدلع وهو ياحياتي لا <<كني شطحت برا الموضوع

تشكرات مس ستاار..

وكثري من هالمواضيع اللي فيها حش وسب للناس وجزاتس الله خير

ياهلا والله فيك أختي سارة ..
أحلى رسمة وأروع رسمة ..

http://hh7.net/Jul1/hh7.net_13096730171.png

هي الاروع والامثل والاجمل / هههههههههههههههههههه

لاهنتي على الموضوع الترفيهي الجميل

قسم بالله نفسيات حمدان ...
انا اخوي الصغير يدلع والكل معطيه وجه لانه هو الولد الوحيد بس مو بزياده ...

يعطيك الف عافيه ....//

والله ياأنتي رايقة ترسمين بعد :d

وبالنسبة وشسمه كم عمره ؟؟ :to:

هو : بن دعه يرة مهيسا قف برا صر هنا > مشفّر < يعني خلصونا بس :laugh:

حسيت انه فارسي :d

والله عندي خمسة بزارين كل واحد اعند من الثاني :d والمشكلة اخوان :d

ان خلصتي من الأول جاك الثاني وهلم جرا ... << وش عنده :d

وشسمه الله يعينك عليه تحملي ولا تعطين وجه وخليه يصيح ليين يقول آآميييييييين ,,

:d

ذكرتيني بـ إبن عمي كان هو الكبير وعنده اخته اللي هي اصغر منه بـ سنة ونص ..

المهم هذا شسمه امه جابت بنت ,, يوم جاء بعد 4 ايام تقريبا اجتمعوا علشان يقررون الاسم .. وانحصرت الاسامي بين أمل و رسيل ..


مالت الكفة لـ أمل,, جاء قعد يصيح وجته هستيريا عصيبة جدا . وقعد يرفس العالم ويحوس وكل ما سألوه وش فيك قال رتيل ..!

قالوا من رتيل قال ابي اسم رتيل ما ابي أمل ..

وحاولوا يهدونه مار ماش .. ! الولد يبي رتيل يعني يبيها ..!

قعدوا يمكن اسبووعين وهم كذا إلى ما تعاطفوا الأجداد معه وضغطوا عـ الآباءوغيروا اسمها من أمل إلى رتيل / عمرها سنه هع

:rose:
أدري شطحت بس السموحة .. !