سبب فشل مدربي الزعيم ونجاح مدربي الجار .........
 

السلام عليكم اخواني واخواتي الزعماء

وكل عام وانتم بخير مقدما وان شاء الله يتقبل الله من الحجاج حجهم وسعيهم ومناسكهم

ونحن ان شاء الله يعيننا على صيام يوم عرفه الاثنين ( بعد بكره ) لما فيه من خير وفير


بالنسبه لعنوان الموضوع فهذي حقيقه واقيعية للأسف

فتجد نادي كبير وزعيم الانديه في اسياء لا ينجح فيه أي مدرب سواء كان عالمي مثل

ماتورانا أو بلاتشي ثلاث مرات

او مدرب ليس عالمي ولكنه ممتاز ..

ولا لاعبين اجانب حتى وهم مميزون كبشار عبدالله .

ولو رجعنا للسبب نجد ان اللاعبين هم من يتحكم في طرد هؤلا ء اللمدربين لاسباب شخصية

وبأتفاق بينهم متى ما اردوا اذا لم يعجبهم هذا المدرب .

وفي المقابل نجد ادارة النادي تسكت على هذه التصرفات ويمر الموضوع بشكل عادي وتستجيب

لمطالب هؤلاء اللاعبين ولكن بعد خراب مالطه حيث خسر الهلال النقاط و المستوى والسمعة ايضا

وتطرد المدرب وتتكبد خسائر ماديه ضخمة مقابل هذه التصرفات وبدون ما توفر مدرب بديل قبل طرد

الاول وتكون المصيبه الكبرى بجلب مدرب الناشئين او الشباب أو اقرب مدرب فاضي لكمل المهزله

هذا طبعا في نادي زعيم قارة اسيا وبطلها بلا منازع .


اما النادي الجار فنجد فيه العكس بحيث ان ادراة ناديهم هي من تفرض المدرب على اللاعبين وكذلك

تفرض على المدرب لاعبين اجانب هي من تختارهم وليس المدرب من يختارهم لكسب قيمة سمسره

واللي مو عاجبه يشرب من ميه البحر ولذلك تجد المدرب يعمل على حسب عقده وكذلك اللاعبين

يعلمون انه ليس لهم اي تأثير على القرارات وينصاعون للاوامر ويلتزمون بها في الاخير




وهذا هو الفرق باختصار :

في الهلال : اللاعبون هم من يفرض المدرب على الادارة .

في النصر : الادارة هي من تفرض المدرب على اللاعبين .



وآسف على الاطاله والله يعننا على البحث عن مدرب جديد بدلا من بلاتشئ لانه واضح بان اللاعبون

لا يرغبون فيه وستستجيب لهم الادارة لمطالبهم وتذكروا كلامي بعد فتره .

الله يسمع منك أخوي وجزاك الله خير على اللفته.........


بالنسبه للمدربين أعتقد أنه من الأسباب بلإضافه إلى الأسباب المذكوره أن المدرب لما يجي للهلال تجد الموضوع على رأس الجريده وتوقعات وامال بينما عند الجار يجي ويروح محد درى به .........

وبعدين إدارة النصر إداره قديمه وفاهمه بمواضيع السمسره ةالأمور هذي فتلقى صفقاتهم غالبا ناجحه وهذا شي لازم نعترف به .....

وما أنسى أذكر وجود المرعب بالنسبه للاعبين والمدرب والأداريين الرئيس عبدالرحمن بن سعود الي يعاقب لأي خطأ وأن كان بسيط وهذا يخلي لاعبينهم منضبطين دايم (( مب زي أبو جمعان ينفخ حتى على الرئيس)).......

بس المدرب الحالي بالهلال أعتقد أنه مب سيء , ولعلك قريت أعترافه بخطأه والأعتراف بالخطأ بداية التصحيح .........

الله يوفق الزعيـــــــــــــــــــــم في باقي الموسم

ومشكور على الموضوع ...

طيب وش جابوا مدربين النصر هم ورئيسهم من بطولات ووش جاب الهلال ومدربية ولاعبية من بطولات علشان نكون منصفين

المشكله عندنا ما فيه شده ولا بلاتشي درب الهلال ويرجع يدرب مره ثانيه ما يصير
كيف ينلغي عقده وترجعه
ولك مشاكل معه وترجه
وله مشاكل مع الاعبين وترجعه
ما ادري
لاكن خالد بن الوليد صادق يوم شاته
واتذكر تركي العواد قال قبل ما يجي بلاتشي

(بلاشي بلاتشي )

اما بالنسبه للجار
على ما قال اداره قديمه وقاهمه
وبلاتشي من عندهم جاي وارثر برضه

تحياتي لك واتمتى ان الامور تتحسن

انا اقول ليت الهلال يجيب مدربين زي الجار وشوفو نتايجهم بالدوري الحين اهداف ومستوى فوق العادة و رايكم

الكلام الله يسلمك انت وياه على البطولات شوف الفرق بين بطولات الهلال وبطولات الجار الى تقولون..............مافيه مقارنهويبيلهم عشرررررين سنه على بال مايحققون نصف ماحقق الزعيم .........بعدين لكل جواد كبوه وترى هذا الهلال ياجماعه ...الهلاااااااااااااااااال سبحانه الله عشان بطوله وحده لا واتستاهل بعد سويتم زحمه الهلال الان فى اشد حاجه لكم ياجمهورالهلال.............والعبره فى الى يضجك اخيرا ....وبالتوفيق للجميع

صح ان المدربين عندنا يفشلون بسسسسسس مع هذا ما تروووووووووح سنه الا واقل شي بطوله اما النثر استقرار اداري وفني ومعععععععععععع هذا الحصيله ولاااااااااااا بطوله وش الفااااااااايده؟؟؟؟ اهم شي الانجازات وبسسسسسسسسسسسسس

وهذا اللي خلى ماطر برى التشكيله وهو دولي لان مستواه منخفض وصدقني يعجبك يا قدم مستوى حلوو يا مكانك الاحتياط او برى التشكيله يعني والله لو الرمز عندنا كان سامي والدعيع وسليمان باالاحتياط حتى ترجع مستوياتهم وهذي ميزته الوحيده