يا حصة . وين المشكلة !! هذا هي يا يبا !! طيب عرفنا المشكلة !! وش بقي ؟؟ ووين الخلل ! - نادي الهلال السعودي - شبكة الزعيم

@@almoreb@@ · #1 02/07/2011, 06:19 PM

السلام عليكم ورحمة الله وبركاته

كيفكم يا أعضاء وعضوات المجلس الكريم

أنا أعرف أن العنوان مدري وش يبي

بس والله في عقلي دوامة من الأفكار والهواجس طبعا غير هواجس الطب والجامعة .. فخلوها ع ربكم

المهم

لا يخفى عليكم يا أخوة يا كرام المشاكل الجمة التي نعاني منها للأسف في السعودية أو في بلداننا العربية من

مشاكل اقتصادية
مشاكل إجتماعية
مشاكل الغزو الفكري
مشاكل مخرج 5 اللي ما انتهى من عشرطعشر قرن

مشاكل مسبح .. أ أ أ أقصد شارع الملك عبدالله في جدة
مشاكل شارع السيح في المدينة وتهوية الحرم والحفرة هذي اللي رجتنا من يوم ما أعرف نفسي

مشاكل الرواتب وانخفاضها مع مغالاة الأسعار !
مشاكل ساهر ورسايله اللي كنها رسايل مخطوبة لعريسها بعد الملكة

مشاكل الزواج وأبو مقبل اللي من أيام حرب الخليج وهو يبي يعرس

مشاكل المرأه الله يصلحها وقيادتها للسيارة
مشاكل بطالة وعطالة الشباب وبرنامج نطاقات المنقذ

مشاكل المستشفيات الحكومية والخاصة وغلاء العلاج
مشاكل استاد الملز وتفتيش العساكر للمشجعين كأنك داخل طيارة مو ملعب

مشاكل الشباب في أوقات الترفيه والكلمة اللي يكرهوها .. ممنوع ياخوي عوائل بس

مشاكل الحكم السعودي وتطفيشه من المحيط الرياضي

:
:
:
:
الخ ...

أكيد كلنا نعرف هذه المشاكل وشبعنا من اللت والعجن فيها وفي الكلام عليها وأظن أن الأصوات قد بحت والأقلام قد جف حبرها .. من كثر ما تطرقنا الى هذه المشاكل .. ولكن الشئ اللي محيرني واللي خلاني أترك كتاب الأناتومي وأهوجس في سلسلة كبيرة من الهواجيس اللامنتهية هو...

بما أن الكل عارف وش هي المشاكل والكل عارف طريقة حل هذه المشاكل أو على الأقل طريق يؤدي الى حلها أو حل بعض منها ... وكل ما تروح محل تلاقي العالم طفشانة وتصرخ وتولول وتطالب بحلول عاجلة ... ومافي أحد بالدنيا كلها حتى الطفل الرضيع ما تكلم في مشاكلنا ...!!

طيب وين المشكلة !! ليش إلى الان مافي حلول والحال زي ما هو وأردى

يعني المسؤولين عايشين بكوكب ثاني !!
والا وزير الطرق عنده مروحية تجيبه من بيته وما يمر من مخرج 5 ولا قد راح مره للمدينة ومر من طريق السيح !!
والا أمانة جده مش معترفه بطريق الملك عبدالله وناوية تقلبه مسبح !!

والا وزير الشباب والرياضة ما عنده قريب له راح لاستاد الملز وفتشوه العساكر الين لقى نفسه بالأخير بسروال بدون فانيلة !

والا وزير الصحة ما عنده قريب له يبي يعمل عملية استئصال مرارة لا سمح الله وقعد ينتظر دوره 3 شهور الين طفشت المرارة !!

والا وزارة الداخلية ما عندهم عيال ويبون يتزوجوا بس حادتهم ظروفهم ومو عارفين من وين يجيبوا ه ال100 ألف !! والا ممكن عيالهم عندهم ملاهي مخصصة لهم وما يطلعون للمنتزهات ويسمعون كلمة ...(عوائل) ..

يعني فهمووووني بالله . وين المشكلة

دامنا كلنا عارفين وش هي المشاكل وكلنا عارفين وش هي الطرق السليمة والصحيحة لحل هذه المشاكل ... وش بقي

جاوبوني تكفون واقطعوا عني ه الهواجيش وخلوني أكمل أحفظ ه الشرايين والأوردة في دمجة بني الإنسان

شطحة

اللي يقولي كم مرة ذكرت كلمة (مشكلة) في الموضوع له هدية مقدمة من ساهر

أحمد - برلين

حروف الغلا · #2 02/07/2011, 06:30 PM

يسعد مساك

الله يوفقك في دراستك

و ركز في حفظك و خل تحليل الامور للأعضاء

تحيــاااااتــي لــك

صوت الماضي · #3 02/07/2011, 06:49 PM

وعليكم السلام والرحمه
بخير ياعساك بخير

ياكثر مشاكلنا وياقل دبرتنا

المسؤولين على عيونهم غمامه وضعها بعض المستنفعين
والضحيه وطن ومواطن

والمشكله << منقوله من عندك

انك تشوف السعوديين في الخارج قمه في الانضباط والمهنيه العاليه
وفي داخل البلاد نعود للفوضى في كل شي

يمكن لان الواسطه لاعبه في كل شي في حياتنا

يعطيك العافيه وتسلم يمناك

الزعيمه منو · #4 02/07/2011, 07:01 PM

اهلييييين اخوي المريب

مشكووووور اخوي علي هذا الموضوع فتحت لنا الباب

علشان نفش خلقنا

ااااه انا عندي مشكله مع وزارة الصحه ومادراك مالصحه في بلادنا العزيزه

المستشفيات ثلاثة ارباعها اقل مايقال عنها انها معفنه(وانتوا بكرامه)كل يوم والثاني صحفنا الحبيبه تتحفنا بحالت مايسمونه بالخطاء الطبي ارواح ناس تروح وهما خطاء طبي مااقول الا(عذر البليد مسح السبور)اتكلم عن المراه اللي في جازان طفت عنها الكهرباء وماتت بسب انقطاع الاكسجين

والا عن الحرمه اللي في ينبع الصناعيه اللي كان موعد ولادتها واستقبال مولودها وقالولها مافيه سرير فاضي!!

الله واكبر مستشفي طول في عرض مافيلوه سرير فاضي طيب ليه اسمها مستشفي!المهم الحرمه ولدت في الممر وماتت طفلتها !في اي عصر احنا عاااااااااااايشين

طبعا الي يومك هذا ماسمعت محاسبتهم !!

والا كول يوم والثاني مره نسيو فوطه في بطن حرمه بعد عمليه قيصريه ومره نسيو مقص

والا الكهرباء كول يوم مفصوله عن الاوادم ولا وكمان يطالبونك بفتوره هذا واحنا اكبر دوله نفطيه !!!

يعني رسالتهم اذا معاك فلوس تعيش بكرامه مامعاك انسي؟!

يعني باختصار زيي ماقولت لو لقيوا وزير الصحه ووزير الكهرباء نص اللي لقيه المواطن كان خلو مستشفيتنا في مستوا المستشفيات العظماء وكهربتنا اقوي واسرع كهرباء في العالم!!

لكن اش اقول الضرب في الميت حرااااااام:surpised:

وياليت تعطي الامانه لمن يستحقها !!!

تقبل ودي واحترامي

الزعيم اولا واخيرا

معيض يمشي بين الزهور · #5 02/07/2011, 07:53 PM

حطيت يدك على الجرح

انا من رأيي , ان كل هذي المشاكل اللي قلتها ماراح تنحل الا بشئ واحد

بالـ( الاعلام ) , واخص بالاعلام , الاعلام المقروء

اذا تسنعت الصحف اللي في بلدنا وناقشت ونقدت القضايا المهمة

ابصم لك بالعشرة ان 90 % من مشاكلنا محلولة بأذن الله

ياجماعة والله الاعلام عندنا قوي وما يعلم بقوته الا الله

ولكن للاسف مانشوف قوته الا على الامور التافهة مثل المطالبة بقيادة المرأة
ونقد الهيئة العنيف

صدقني لو الجرايد تنتقد المستشفيات لمدة اسبوع واحد على الاقل
كان شفت الاصلاحات والتغييرات والشي اللي يسرك .

تحياتي لك

عاشق المسجد · #6 03/07/2011, 01:54 AM

انت اسمك المرعب ولا المريب
؟؟؟؟؟؟؟؟!!!!!!!!!!
بكرا ان شاء الله نشرشح الي بنشرحهم بكرا

**الـــــــــواوا** · #7 03/07/2011, 02:19 AM

إقتباس


	ولا قد راح مره للمدينة ومر من طريق السيح !!

آنت عآرف إن الآمآرة قريبة من موقع الحدث بس آعتقد والعلم عند الله
آن السيآرة مضلله كآآتم
والموكب يجييك طآير ومايشوفوآ الحفره طوآل هالسنوآت اللي رآحت

الله يهديهم بس
آخر خبر عن هالموضوع / الاسبوع المآضي هددوآ المقآول بسرعة إكمآل المشآريع المتآخره .

آحمد ، خليكـ فالآنسجه وخلينآ إحنا ننفخ بالقربة المشقوقه .

تمنيآتي لكـ بدوآم التوفيق

داق لطمة · #8 03/07/2011, 07:08 AM

اقول احمد وانا اخوك اترك عنك المشاكل وخلك بلحالك وانتبه لدراستك ابرك لك !!

وبعدين حنا وش علينا من المشاكل ان شاء الله بيلقون لها حل

بالتوفيق احمد وعلى فكرة الجائزة وشهي لا تكون مخالفة مقدمة من ساهر الراعي الرسمي ض1

Ms. Star · #9 03/07/2011, 07:27 AM

أغلب المشاكل اللي عندنا لها حلول لو فكروا شوي ..
لكن .. مابه عقول ولو فيه ماتبي تفكّر ...

خلك بدراستك ولاحق على هالاسئلة لا رجعت ..

بالتوفيق لك ..

][ هلـآلي للـآبد ][ · #10 03/07/2011, 11:37 AM

وعليكم السلام ورحمة الله وبركـآته

هلا بـك \ احمــد

يا رجــال وش نقـول وش نـخلي .. ؟
بأختصــار
" الشق أكبر من الرقعة "

لك ->

@@almoreb@@ · #11 03/07/2011, 10:53 PM

إقتباس

الرسالة الأصلية كتبت بواسطة حروف الغلا


	يسعد مساك الله يوفقك في دراستك و ركز في حفظك و خل تحليل الامور للأعضاء تحيــاااااتــي لــك

لو قدرت ما كنت نزلت موضوع

لكنك الله يهديك ما عطيتني حلول وشكل الدوامة ستستمر الى أن تنحل ه المشاكل أو أعرف السبب

لك مودتي

إقتباس

الرسالة الأصلية كتبت بواسطة صوت الماضي


	وعليكم السلام والرحمه بخير ياعساك بخير ياكثر مشاكلنا وياقل دبرتنا المسؤولين على عيونهم غمامه وضعها بعض المستنفعين والضحيه وطن ومواطن والمشكله << منقوله من عندك انك تشوف السعوديين في الخارج قمه في الانضباط والمهنيه العاليه وفي داخل البلاد نعود للفوضى في كل شي يمكن لان الواسطه لاعبه في كل شي في حياتنا يعطيك العافيه وتسلم يمناك

والله الواسطة مشكلتها مشكلة ويبيلها موضوع لوحده ....

بس كما قلت ممكن أن الوزراء عندنا عمتهم فلوسهم وأرصدتهم عن مشاكل الشعب !

مشكور أخوي

إقتباس

الرسالة الأصلية كتبت بواسطة الحجازيه بنت حرب


	اهلييييين اخوي المريب مشكووووور اخوي علي هذا الموضوع فتحت لنا الباب علشان نفش خلقنا ااااه انا عندي مشكله مع وزارة الصحه ومادراك مالصحه في بلادنا العزيزه المستشفيات ثلاثة ارباعها اقل مايقال عنها انها معفنه(وانتوا بكرامه)كل يوم والثاني صحفنا الحبيبه تتحفنا بحالت مايسمونه بالخطاء الطبي ارواح ناس تروح وهما خطاء طبي مااقول الا(عذر البليد مسح السبور)اتكلم عن المراه اللي في جازان طفت عنها الكهرباء وماتت بسب انقطاع الاكسجين والا عن الحرمه اللي في ينبع الصناعيه اللي كان موعد ولادتها واستقبال مولودها وقالولها مافيه سرير فاضي!!الله واكبر مستشفي طول في عرض مافيلوه سرير فاضي طيب ليه اسمها مستشفي!المهم الحرمه ولدت في الممر وماتت طفلتها !في اي عصر احنا عاااااااااااايشين طبعا الي يومك هذا ماسمعت محاسبتهم !! والا كول يوم والثاني مره نسيو فوطه في بطن حرمه بعد عمليه قيصريه ومره نسيو مقص والا الكهرباء كول يوم مفصوله عن الاوادم ولا وكمان يطالبونك بفتوره هذا واحنا اكبر دوله نفطيه !!! يعني رسالتهم اذا معاك فلوس تعيش بكرامه مامعاك انسي؟! يعني باختصار زيي ماقولت لو لقيوا وزير الصحه ووزير الكهرباء نص اللي لقيه المواطن كان خلو مستشفيتنا في مستوا المستشفيات العظماء وكهربتنا اقوي واسرع كهرباء في العالم!! لكن اش اقول الضرب في الميت حرااااااام:surpised: وياليت تعطي الامانه لمن يستحقها !!! تقبل ودي واحترامي الزعيم اولا واخيرا

امممممممما كهرباء وتنطفي على مستشفى

لا لا عز الله ذاكرت

يا عالم هنا في اوروبا الكهرباء حق المستشفيات معزولة تماما عن كهرباء المدن ولها مولداتها الخاصة ومولداتها الاحتياطية عشان يكون مضمون 10000000% ان الكهرباء لا تنقطع أبدا !!

طيب لو في مريض عنده فشل كلوي وموصلينه مع جهاز غسيل الدم .. وانقطعت الكهرباء .. وش حيصير !! يكملوا الغسيل كيف !!

لا ومشكلة النسيان تضحك والله وكل الغلط من وزارتنا ...والله لو في رقابة وتشديد في أمور المرضى مثل التشديد في مخالفات ساهر .. كان شفتوا الأطباء مفتحين عيونهم 10 على 10 .. بس وش نقول !!

لا حول ولا قوة الا بالله ... لك الله يا بلداننا العربية

مشكورة اختي على تعميق الجروح

الجني الازرق... · #12 04/07/2011, 01:23 AM

ووالله مشاكل في البيت في الشغل والخ...
خلاعلى ربك بس
والمسؤؤلين يعرفون بس ما قد حسوا

بلو كادي · #13 04/07/2011, 05:07 AM

وعليكم السلآآآم ورحمة الله
ههههههههههههههههههههههههه

يومــــك عآآآآرف ان مآآفيه امل ورآك تقلب الموآجع

~> دعآآآبه

اهم شي عندنآ انهم زينوآ طريق الملك عبدالله وحلو أزمة عقبآآل الوشسمة الثآنية

<<<ادري ردي مدري شيبي

مسّتريح البال · #14 05/07/2011, 01:33 AM

كل يوم نقول اليوم
ويجي بكرة ولا صار شيء
الأمور صعب تتعدل , ومثل ما قال أخوي هلالي للأبد الشق أكبر من الرقعة

لكن لا زلنا متفائلين

أحمد
يعطيك العافيه
موضوع جميل ولكن من يسمع !
دمت بود

سما هواها هلالي · #15 05/07/2011, 01:52 PM

اخوي احمد لاتتعب نفسك خليك في مذاكرتك احسن لك

يافيه مشاكل لين الليل ومن زمان بس عقول مقفلة كول مسؤول قبل لايمسك المنصب تشوفوه ينتقد ويسب ووو ومو جرد مايجلس ع الكرسي تعميه الملايين والاضواء وقبلها البشت << الحمدلله الله يصلح الحال بس

تحياتي لك والله يوفقك