المكان: لا أنا أنا ولا الزمان هو الزمان .! ولا المكان هو المكان .!
مشاركات: 1,022
باتيستا اخبارك .؟
يعني وصلنا لقمة التوهج بالكوره وبعام 2011 يجي باتيستا ويحسب انه بالخمسينات ويبني خطته على لاعب واحد اللي هو ميسي
على اي اساس يابو .؟
اول لافيه تسلل ولا فيه قدرات دفاعيه ممتازه ولا فيه التنظيم الدفاعي والتكتل اللي نشوفه الان
تقوم تبني لي خطتك على لاعب فاقد الثقه .؟
غير التنظيم السيئ للدفاع والعمق كلهم لعيبة ثقال ولا ينفعون مع بعض
اقرب حل اذا انت بتلعب بهالتشكيله المخيسه حط زانتي باك يسار ودخل زباليتا يمين وبيكون لك حل بالاطراف
وعندك ثلاث محاور يعني مافيه خوف على مسألة تقدم الاظهره
اما الهجوم التحفه 3 مهاجمين مافيهم مهاجم واحد صريح كلهم مهاجمين مكملين وخذ لك انواع اللخبطه
مرات تشوف تيفز يتخبط بالـ 18 ومرات لافيتزي يتلفت وهناك ميسي يناوش يدور تشافي
اذا تبي تلعب بـ 3 جب لاعب قناص وحطه بالـ 18 ,, ميليتو مثلا او بدرجه اقل هقوين
وبما أن عندك لعيبة متحركين وممتازين حط واحد يمين وواحد يسار
حتى لو ماكان المهاجم القناص بيومه او عليه رقابه بتفرغ المهاجمين اللي على الاطراف
وبيتحررون اكثر وبما انهم مهاريين يا يسببون لك بلنتي او بفرديتهم يصنعون لك الفارق
بس السؤال اللي يسدح نفسه وين الزياده العدديه يابتيستا .؟
وش كل هالعشوائيه .؟
ياعيني على القائد ياناس
اظن موضوع الكابتنيه سخيف و اُسهلك بنفس الوقت
لاكن والله عيب لعيبة كبار موجود وهذا كابتن
يعني كابتن خشن ومتباكي وارعن ولا له التأثير النفسي بالمجموعه وهذا اهم شي
بوليفيا كان كل اهتمامها هو الا يسجل على المنتخب ولاهدف ولم تحقق المرغوب به وسجله ايضا هدف لكن سجل عليها ولكن كأول مباراه كان جيده بالنسبه لهم !!
دفاع الارجنتين سيئ وخاصه القلوب ماكانوا مظبوطين الي هم بورديسو وماسكي على ما اظن كان بورديسو
ماهو منظم يعني عادي تلاقي مارتنيز لحاله على العموم هاردلك الخساره مع اني متوقع خروج الارجنتين من الدور الاول
هاردلكم عشاق الأرجنتين , نقطة في ظل هالمستوى افضل من لاشي ! دامكم فتحتوا سالفة ميسي ندخل فيها شوي .. ميسي ما قدم مستوى وكان عكس ما توقعناه , وواضح عليه كان مضغوط مره لأن خروج الأرجنتين من البطولة جمهور التانغو بيحملون ميسي الخسارة .. وغير كذا وسط الأرجنتين مييت جداً ما فيه أحد يتقدم مع ميسي ويفتح له الملعب , وخصوصاً الهجوم تيفيز ولافيتزي ما شفت لاعب تمركز صح ألا مره او مرتين دخول دي ماريا شغل الجهة اليسرى وحرر ميسي شوي , ودخول اغويرو انعش خط المقدمة .. الأرجنتين ما لعبت ألا آخر ربع ساعة !
لافيتزي موب في مستواه اللي كنت مأمل عليه هو بالذات وكذلك تيفيز لم يكن في المستوى المطلوب , إذا كان هذا مستواهم اشوف باتيستا ينزل اغويرو ودييغو ميليتو افضل !.. سناتر الأرجنتين شوارع وهذا أمام بوليفيا كيف لما نقابل البرازيل أو الأورغواي ؟؟ باتيستا لازم يشوف له حل في الدفاع ومن رأيي يرجع ماسكيرانو بجانب ميليتو أو بورديسو حتى يكون اكثر أمان شوي وبانيغا وكامبياسو ما يقصرون ويتناوبون على المحور .. واشوف دخول باستوري مطلب ضروري حتى يكون فيه لاعبين يتحركون في النص ميسي وباستوري !
بوليفيا كان إعتمادهم وتركيزهم على المرتدات .. ما جتهم الا هجمة وحده وكانت خطيرة ولكن روميرو أنقذ الموقف , الهدف ما توقعته يجي بهذي الطريقة لكن غطلة الشاطر بعشرة يا بانيغا .. بوليفيا ياخذ نقطة من منتخب يلعب على أرضه ومرشح للبطولة بمثابة الثلاث نقاط .. وبتسهل عليهم المهم في البلوغ للدور ما بعد المجموعات !
المباراة هذي عدت بخيرها وشرها .. لكن لازم نعوض في مباراة كولمبيا .!
معقولة تأثير أبطآل أوروبا و الدوري مآ زآل مستمر
ترآ خلآص خلص كل شي ... حنّآ إلحين بــ بطولة ثآنية
بس تدري .. ينفع تشآرك في برنآمج خط السته
كذآ نظآمهم .. أي موضوع لآزم يدخل فيه الهلال .. و إنت لآزم ميسي <
إقتباس
يعني كابتن خشن ومتباكي وارعن ولا له التأثير النفسي بالمجموعه وهذا اهم شي
أنا مدري هل هو مُطالب يسجّل هاتريك ويسدح له 4 ، 5 لاعبين عشان نقول قدم ؟ ميسي حتى دخول دي ماريا وأغويرو كان الوحيد اللي مقدم مستوى بـ الهجوم
شكل ابطال اوروبا مأثره عليك والدوري بعد تذكر هدف ميسي عليكم يا فالنسيا قبل عشر طعش يوم شكلك الى الحين منقهر منه هههههههههههههههههههه هذا الرد بيجي لكل واحد ينتقد ميسي
( صوره دي ماريا )
بالله من جده المدرب السبيكه ذا حاط الدي احتياط ؟ من دخل وبوليفيا انحاست فوق تحت , لاعبينهم صارو يخترشون كل واحد مدري وش يزين , دخله دي ماريا امس ابسوي تشبيه عليها تخيل انك قاعد تطبخ لك أكله ولازم تحط ملح ويوم حطيته ما خلطته بالملعقه ويوم أكلت تلقاك تاكل لقمه زين طعمها ولقمه خايسه بدون ملح اللقمه الخايسه كانت قبل دخول الدي , لكن بعد دخوله تغيرت الطبخه وصارت حلوه , حرك الملح دي ماريا وضبط كل شيء , حرك وسط الارجنتين تحس الاعبين كانو مربطين قبله ومع دخوله تحررو , بالدقيقه 70 باتيستا وش يحتري ما يدخل البيبيتا او ميليتو مكان تيفيز ؟ واضح اصلا من بدايه المتش وهو ما عنده شيء يقدمه , خلاص طلعه ودخل مهاجم افضل منه , شكله خايف لا يتلاقط معه زي قبل ويلعن خيره ويكرشونه من المنتخب
بوليفيا منتخب يلعب بواقعيه , يلعب على امكانياته وقدر يحجر للارجنتين , كان ودي الدلخ مارتينيز يسجل الانفراده ويخلص المتش بالقول الثاني كانو يستاهلون الفوز بس الدرج درج .
منتخب يستحق ان نصفق له , احرج الاجنتين بل انه من وجهة نظري كان اقرب للفوز من الارجنتين , سنحت له الفرصه للتسجيل مره بالشوط الاول بالظبط مدري كم الدقيقه لكن هي بالدقايق الاولى اكثر من لاعب كان متواجد داخل منطقة الـ 18 للارجنتين لو واحد بس امتلك الشجاعه وسدد عالمرمى هالكوره انا اعتقد انها كانت بتكون هدف , الشوط الثاني كان افضل لـ منتخب بوليفيا , فيها كورتين كورات اهداف محققه , الاولى الانفراده اللي ماتعامل معها المهاجم بالشكل السليم والكوره الثانيه بعدها بدقيقه كانت بتكون نفس الوضع خرج الحارس من مرماه والكره وصلت الى منقطة الكورنر كان الافضل من لاعبي بوليفيا انه يعطي اوفر علطول لأي لاعب متواجد امام المرمى في ظل عدم وجود الحارس بعد مباراة الامس تذكرت الهزيمه القاسيه اللي تعرض لها المنتخب الارجنتيني على يد منتخب بوليفيا على ارضه وقالو ان سبب الهزيمه ارتفاع مدري وشو لكن بعد اللي حصل امس والتخبطات اللي شفناه امس الظاهر انه كان عذر من الارجنتينين وتبرير الخساره القاسيه عموماً موب محور حديثنا هالموضوع ..
المنتخب الارجنتيني بالشكل اللي بدأ فيه المتش مااتوقع بيسوي شي بالبطوله بابتسيتا يحتاج انه يعدل الاوضاع امام كولمبيا المتش الجاي والا بتروح عليه مثل ماردونا للامانه من قبل يبدأ المتش وانا متوقع هالمستوى من الارجنتين وقلت لأحد الاشخاص ان الارجنتين ان فازت بتفوز بصعوبه وذكرت بردي السابق ان صمود المنتخب البوليفي بستمر للدقايق الاخيره لأني كنت متوقع الارجنتين تفوز بهدف وحيد بأخر الدقائق منتخب يملك افضل الاسماء بالعالم حرام يظهر بالشكل المخزي اللي شفناه امس , عموماً ان نشوف التصحيح من بابتيستا في المتش القادم ..
نقطه اخيره بخصوص المنتخب الارجنتيني : على فكره ميسي موب سوبر مان يوم اننا ننتظر منه هاتريك ولا شي خورافي , ميسي لاعب من الـ 11 لاعب واذا بنتنقد انا اشوف اننا ننتقد المجموعه كامله موب هاللاعب لحاله , ولاننسى انه جاي من موسم مميز جداً , اللاعب بشر موب ماكينه كلامي موب معناه ان ميسي سوى كل شي , لا ميسي امس موب ميسي اللي نعرفه ولكن اللي علينا اننا نصبر عليه واتوقع اللي حاطه تحت هالظغوطات هو الاعلام اللي يطالبه بتكرار انجازات ماردونا وهالشي غلط , وامر اخر الاعلام قبل البطوله قالك ان المنافسه على افضل لاعب بتكون بين ميسي ونيمار !! طيب والبقيه وينهم !! سواريز وباتو وغيرهم الكثير انا اشوفهم مرشحين ايضاً لنيل الجائزه ..
بخصوص متش اليوم : اتوقعها مباراة الثلاث اهداف
اشتقنا يـ اورغواي اشتقنا يافورلان و لويزتو وللطقه كامله
بانتظار يوم الاثنين وموعدنا مع الابطال الحقيقين
اخبارك .؟
)
.. بوليفيا ياخذ نقطة من منتخب يلعب على أرضه ومرشح للبطولة بمثابة الثلاث نقاط .. وبتسهل عليهم المهم في البلوغ للدور ما بعد المجموعات !
مُحزن جداً 
الوضع العادي
