[poet font="Simplified Arabic,5,white,bold,normal" bkcolor="transparent" bkimage="backgrounds/13.gif" border="ridge,5,indigo" type=2 line=200% align=center use=sp length=0 char="" num="0,black" filter=""]
بعز البرد وجروم الغضا ترمس عليها النار!


لهبهـا كنه (بن مهيد )لاصــوت عــلى ضـيـفـه ؟؟



يدفي جمرها اللي باخرالمجلس من السمّار


عــلىفنجالٍ اشــقــر تــوّ ماســوي عـلى كــيفــه ؟



ذكرت اللي ليامني ذكرته فرخ جوفي طــار!!


وانا في (صيهد الســــاجي) وشــرقٍ مني منـيفـه



طرالي يوم هلت دمعة عيونه وقلت:مجـار؟


ورفع كفه يودعني؟؟ وذيـــك اخــر سـواليـفــه !!



معى ربعي ولاكني معى ربعي بذيك الدار!!


عيوني صوبهم والقلب في وادي معى طيـفـه!



ولانبهني إلا بــارقٍ خلـته شــمـال يســار؟!


بجس كبد السـما كنه كـريمٍ يقسـم رغـيـفــه !!



تغرشت مزنته (متن جلمي) همالها مدرار


على ذيك العفــاج اللي عسـاهـا دايــم مـريفــه



سناه اشبه بمبسم جادل ٍ منها العذارى تغار


(يا لبّا قـلبها )صفـت ثـمــانٍ ذبّل رهـيـفـه!!



عليها اشفق مثل مايشفق الخرمان لام بهار !؟


معى تمرة خلاصٍ يوم تصرم ..وقيت ليفه!



يدفي الجمر؟! والله مايدفي لو حطبه كثار؟


تقول إني بعرض البحر ووجاري على سيفه!



بطين المربعانية احسه في عظامي سار!


ولاظنيـت يدفى قـلـب مـن فــارق موالـيــفــه؟



شعبت النار والا ماشعبت الناريا مختار؟!


خـذ الفـنجال واكـرم..بس قـلبي خله بكيفـه!!



يرمد جمرها ماكنها شبت بليلي نار!!؟


ولا كن نورها (بن مهيد )لاصوت على ضيفه!


[/poet]