|
الدب الروسي ((عجوز)) .....و..... الاسد الكاميروني ((تقليد)) .......... يا قلب موت قهر لم اجد احدا يمدح اللاعبين الجدد بالهلال الروسي اندريه كل مواصفاته مخيفه ومثيره للجدل والواضح ان الفشل هو مصيره كبير بالسن وربما يكون ضعيف لياقيا ((لقلة مشاركاته)) في الفتره الاخيره قد يكون فنان ومهاراته عاليه ولكن((هل هذا مايريده الهلاليون )) عندنا يوسف الثنيان بنفس المواصفات وربما افضل . سوفو الكاميروني .. يخطر بالبال اذا ذكر اللاعب الكامروني عامه انه هداف واسد وقناص ولكن كل المعلومات تشير ان اللاعب المذكور ((بحب الصوم)) عن الاهداف طبعا . سوفوا ليس(( باتريك امبوما ولا اوتوا ولا الحاج ضيوف ولا باباياروا ولا اكوشا)) حتى نتوقع منه شيء مفيد للهلال فلو كان بالمستوى المأمول لرأيته زميلا لأحد المذكورين في الاندية الاوربيه بالمختصر المفيد ان سوفوا هو ((عبدالله الجمعان)) اخر وربما يمتاز عنه الجمعان بقوة القدم . سوفوا من الواضح انه من اللاعبين المصنفين في افريقيا من الدرجة ((الثانيه)) وربما الثالثه من حيث المستوى والحظور . لا شيء مشجع في الهلال للمستقبل فهو غير واضح ولا اريد ان اقول اسود ..... اتمنى من قلبي ان يكون كلامي غير صحيحا ((وان اكون مخطأ)) والله من قلبي سلامي ..... |
كلامك صحيح مليون بالميه وما عقب ليوناردو شي !!! |
اولا بالنسبة لاندريه فهو لاعب كبير واكيد افضل من يوسف الثنيان بكثير لانه اصغر ولانه تجاربه في اوروبا مو في الخليج ( لا وجه للمقارنة اصلا) غير هذا اللاعب العالمي خصوصا في منطقة الوسط ليس بحاجة للياقة كبيرة فهو بلمسة قادر ان يضع اللاعب وجها لوجه مع المرمى انت تقيس على تجربة بيبتيتو الاتحاد فهو قياس خاطىء بيبيتو لاعب هداف وليس موهوب والجميع يعرف هذا لذا عندما لم يقدم مستوى ولا سجل اهداف فشل غير هذا بيبيتو كان معتزل من موسمين من بعد كأس العالم يعني , انا اقول لك احضر كانتونا الملاعب السعودية وشوفه يصير هداف او لا حتى انه راح يحطم الرقم القياسي لانه الدوري السعودي بصراحة حاليا مستواه ضعيف ثانيا هل تعرف انه اندريه كان في ساوثهامبتون الذي يحتل مرتبة جيدة في الدوري الانجليزي ومن قبله في جلاسكو رينجرز هل تظن ان الاندية الاوروبية تحتفظ باللاعبين لو لم يكن اللاعب جيد ربما لا يشارك لان هناك لاعبين شباب لكنه بالنسبة للدوري السعودي يعتبر نجم لا يشق له غبار ولعلمك اللاعب اندريه سريع جدا وهداف ومهارته متميزة جدا جدا جدا , بالنسبة لسوفو لم اركز على اللاعب جيدا لا في كأس العالم ولا في امم افريقيا لا اعرف ما هي مميزاته لكن انا اتمنى ان يكون لاعبا متميزا على ان يكون هدافا حسين العلي هداف لكن امكانياته ضعيفة اذا ضاع الفريق ضاع هو كذلك لكن انظر الى سيرجيو ليس هداف لدرجة كبيرة لكنه لاعب مهاري حتى لو لم يسجل يصنع يشاغب يعطي فرصة يسحب مدافعين في الختام انا متفائل بالاجانب هذه السنة خصوصا اندريه |
؟؟؟؟؟؟؟؟؟؟؟؟؟؟؟؟؟؟؟؟؟ بدري |
والله ثم والله هالسنه يعني صرفنا على الاجانب مايقبل 30 مليو مو احسن اننا جبنا لاعب دواي معرف مثل:ناكاتا -مورينتس-باتستوتا-كرسبو-اندي كول-سنه يقبلون التعاقد بي8مليون دولار والله يقبلون ياليت تتطبق السنه الجايه والمشكله ان الاداره الع=هلاليه لا تاخذ كلامنا وما نكتبه بعين الجديه ولكم تحيياااااااتي وردد يليل ماطولك والسلام عليكم. |
اخوي taher911 : اتمنى ان يكون كلامك صحيح واكون مخطئ . ولكن عندي بس تعليق بسيط ....((اندريه))افضل من يوسف بمراحل!!!!! ((قويه شوي هذي ولا لا))!! اخوي فتى المدينه: بدري من عمرك يا الغالي.... وغدا لناظرة قريب ....واتمنى ان يكو كلامي كله خطئ ويبدعون اللاعبين ((شيء اهون من شيء)) اخوي abu9aqer : انا اوافقك جدا جدا جدا . سلامي.... |
كلامك كله .... عين الصواب كلامك كله .... مشكوك فيه |
اندريه لاعب في المانشستر يونايتد وفي كذا نادي اوروبي عريق ويعتبر من المع نجوم المان يونايتد اكيد وبدون جدال انه احسن من يوسف يوسف على العين والراس وهو لاعبي المفضل عربيا لكن هل تقارن نجم عالمي جاب دوريات العالم بلاعب في الدوري السعودي انا اقول يوسف افضل السعوديين ومن افضل الاسيويين لكن تبي تقارنه لي بلاعب عالمي اكيد العالمي افضل بمراااااااااااااااااااحل هذا على فكرة مو هجوم على يوسف بقدر ما هي حقيقة |
... لو الاداره الهلاليه تتعاقد مع لاعبين عرب معروفين بإمكانياتهم الجيده افضل ماتتعاقد مع لاعبين اجانب ماندري من وين الله جايبهم... انظر مثلا للاهلي السعودي بلاعبه الوسط محمد بركات او للمدافع الذي نظم خط دفاعهم.. خالد بدرا او للمهاجم ابو الشعيب المباركي كلهم نجحوا نجاح مذهل مع الاهلي.. وجميعهم عرب ومعروفين على المستوى العربي بإمكانياتهم الجيده... انا ارى لو الاداره الهلاليه تتعاقد مع لاعب عربي مستوياته نعرفها نحن كجمهور وادارين بمستواه افضل مايجي واحد سمسار يمدحلنا بلاعب مانعرف من وين الله جايبه ((بغض النظر عن التعاقدات الحاليه ..اندريه مايحتاج معروف لاكنه كبير في السن..يعني انظر لبيبتو ماذا فعل للإتحاد؟؟؟ لا شيء وهو معروف عالميا)) نرجع للاعبين العرب عندك مثلا لاعب عربي ممتاز ولو تبادر الاداره بالتعاقد معه وبأي ثمن يكون جيد...وهو الاعب طارق التايب..وهو لاعب خط وسط ولمساته للكره جميله جدا و قادر على ان ينظم خط وسط الهلال وهو لاعب يلعب بالافريقي التونسي وجنسيته ليبيه وعندك بعد..مهاجم رائع وفذ وهو صغير في السن..وهو مصري الجنسيه يلعب في فريق الاهلي المصري..لااذكر اسمه... على مااعتقد اسمه خالد ويلقبونه ب ((بيبو)) |
ناس ما يعجبها العجب ولا الصيام في رجب !!! الظاهر يبون زيدان ورونالدو !!!!! ------ اخوي لو ما استفدنا من انتقال كانشلسكس الا سمعه تكفي ! اقصد ان جماهير مانشستر صارت تعرف الهلال بسبب انتقال كانشلسكس لنا ,,, اخوي انكانك تعرف اتجليزي شف الموضوع هذا من احد منتديات مانشستر يونايتيد الأنجليزيه وشف وش يقولون عنه ,,, شف الحسره على رحيل كانشلسكس منهم !! http://www.redcafe.info/forum/ultima...c&f=1&t=011379 |
اخي الفاضل : صحن قلابه!! انا لا اريد زيدان ولا رونالدوا!!!!!!!!!!!!! بس بالذمه كان طموحك لاعب روسي بهذا السن الكبيره.؟؟؟ او كامروني ((صائم عن التهديف))!!! ارجع واقول اتمنى ان يكون كلامي غير صحيح ويكونوا اللاعبون مبدعون سلامي... |
الأيام بيننا يارب تجيب العواقب سليمة |
لااااااااااا تعليييييييييييييييق |
هلا...هلاهلالي اللاعب الروسي ان كانك شفت له لقطات الفيديو اللي عرضوها الاخوان في المنتدى وقرأت بعض ما كتبه الاخ صحن قلابة عنه... كان غيرت فكرتك عنه .... انا ما اضمنه لك لكن شيدريك يمكن يبدع هو والكاميروني ابداع غير طبيعي ... يمكن ...كل شي جايز... وحنا اكيد نتمنى شف مثلا اللاعب البرازيلي روني ... كنا نعرف عنه مثل ما نعرف عن سوفو الآن .... لكن عندما لعب تبين انه يمتلك سرعة ولياقة غير طبيعية ... ايضا لاعب مهاري وقناص للأهداف اللي ابي اوصله لك .... خلك متفائل يا اخي احس انك بتخليهم مقالب غصب لكم جميعا : تفائلوا بالخير تجدوه |
يابعد كبدي كلامك سليم بس البلا مو بالالجانب ذولا كم شهر ورايحين لكن البلااللي عندك اللي مستواهم صار يخوف |
ان شاالله انه في المستوى المطلوب واحسن لكن لو بدلا من هؤلاء الثلاثة نجيب يوردانيسكو والله احسن لان يوردانيسكو يفوز الفريق بدون لاعبين (( قوية ها؟؟؟؟ )) |
إقتباس:
استغربت كثيرا ممن يتغنون بأننا جمهور مانشستر يسمعون عن الهلال برأيكم ايهما افضل يسمعوا عن الاجانب او ان يجينا لاعب كويس يخدم الفريق بس غير مشهور :D وبعدين عمري ما سمعت عن لاعب روسي في مانشستر اسمه كلشناسكس مدري ايش لاعبين مانشستر مشهورين ومعروفين والنكتة الثانية جمهور مانشستر متحسررررررررين عليه من هو بيكهام لو جيجز ؟؟ |
وسام يبدولي انك جديد عهد بالرياضه العالميه والأوروبيه المهم ,, الظاهر انك ما تقدر تدخل على الوصله الي حطيت ( لازم تكون مسجل ) لذلك نسخت الزبده من كلامهم ,, وانكانك تعرف انجليزي شف وش يقولون عنه ولا ترجمه ,, إقتباس:
ولعلمك ,,, كانشلسكس اختير كثاني أفضل جناح ايمن مر على الفريق من 16 سنة |
اخي شاعر الزعيم: الايام ليست بيننا وانما الحب والثقه بالهلال ان شاء الله ((اتمنى ان يبدعون اللاعبين ولكن الخوف هو السبب الرئيسي الذي جعلني اكتب بهذه الطريقه)). اخوي ابو دقش:تعليقك يهمني يا رجل فلا تحرمنه منه. الاخ العزيز جدا:smart11:لا يلدغ المؤمن من جحر مرتين . المقاطع المعروضه ليست مقياس ((انا شخصيا شفت لصاموليا مبارتان على الهواء مباشره في بطوله ((لبرتدورس)) كوبا امريكا . وكان ممتاز للغايه ولكن بعد كذا وش صار ((حرقه دم ورفع ضغط وانخفاض نسبة السكر بالدم)).اما روني وتشبيهك له بسوفوا اسمحلي اخالفك ((سوفوا))انا شخصيل اعرفه جيدا ((لاعب من الدرجه الثانيه او الثالثه بأفريقيا ((والسبب انه جاء للهلال لأن اسواق اوربا للاعبين اقفلت ولم يجد احدا يشتريه)) وروني لاعب خسره الهلال جدا جدا جدا ((كان يعجبني شخصيا)). وانت ظلمتني اخي العزيز الغالي لما قلت اني مصر على ان اللاعبين مقالب.... بالله عليك الخوف على سمعة الهلال وتاريخه والقول اننا ننتظر الافضل من الاداره يفسر بهذه الطريقه ((عجبي)).. اما بالنسبه لتفائل ((فراجع ردودي على الاخوان والاخوات الاعضاء قلت بالحرف((اتمنى ان يكون كلامي خطء ويبدع اللاعبين ويطلع كلامي فشوش)) وانا قلت مجرد رأي يقبل الصحه ويقبل الخطء سلامي....... |
انا اقول ماراح ينجح اي لاعب اجنبي مع الهلال مادام هذا مستوي اللاعبين المحلين |
اخي اللماااع : انا معك جملة وتفصيلا ...((الوضع الهلالي الداخلي يحتاج لمراجعه سريعه)) سلامي.... |
والله كل محترفين الهلال بصراحه ما يسوووووووووووووووون ريااااااااااااااال وكثير عليهم الريال |
ياشباب لايش تتعبون انفسكم وان غدا لناظره قريب |
ياخي حنا عيبنا انا ندور الاسم قبل المستوى مو مثل نادي النصر اللي لاعيبتهم الاجانب شي ثاني ممكن لانهم بنادي النصر ميزانيتهم على قدهم مو مثلنا يوم يقول الرئيس عطوني تجيه الملايين؟؟؟؟؟؟؟؟؟؟؟؟؟؟؟؟؟؟؟؟؟ على العموم اتنمنى النجاح للكل من يحمل لقب الهلال اخوكم فهد |
والله الاجانب خلاص معد نتحمس لمواضيعهم طفح الكيل والاعصاب تلفت . |
اخوي هلالي ميه ميه: كلامك فيه كثير من الصحه ((بس الملايين المفروض تجيب لاعبين عليهم الكلام )) اتمنى ان يكون كلامي كله خطء بخطء ((يا رب)) ويبدعون اللاعبين وسلامي .... |
لازم تشوفون اللعيبه وهم يلعبون مع الهلال وبعدين تحكمون عليهم |
يا شباب ==== ليش حرق الاعصاب خلاص ما هي مشكلة يعني احنا تعودنا على السماسرة هذولي اكبر مثال عندك الطائي يروحون البلد اللي بغون فيه اللاعب ويشوفونة ويجيبونة واكبر مثال سيلسو كوستا من البرازيل على ما اظن شوف هداف ما شالله عليه وعندك حماد جي وانشالله يكونون عند حسن ظننا ويكون كلا م هلا هلالي غلط وينجحون |
اخوي راعي الكأس : انا معك والله بس انا خايف اننا ننصدم . اخوي التمياط 11: مثل ما قلت انا ((اتمنى ان يكون كلامي خطء)) وسأكون سعيدا اذا صار ما عندي سالفه. وفكرتك عن الطائي ((هي الطريقه الصحيحه لجلب اللاعبين)) فهنا انت احظرت شوف عينك سلامي .... |
ازيدكم من الشعر بيت الهلال جاب جاسم الهويدي هداف العالم كم هدف سجل ؟؟؟؟؟؟؟؟؟؟؟؟؟؟؟؟؟ يعني لو جبت لاعب مسجل لك مليون قول في سجله وفي الهلال ما سجل شنو بستفيد وعسى لو جبت لاعب عمره ما سجل في حياته الا قول واحد وبدع في الهلال وسجل المراد ما طولها عليكم لاعبينا كويسسسسسسسسسسسسسسسسسسسسسسسين خصوصا اندريه يا هو |
ليه الإستعجال ...... والله أنا أحضر التمارين يومياًُ ولم أشاهد ماتقول ..... من اللي قالك أنهم غير جيدين .... بالعكس سوفو متحمس جداً وسجل خلال الثلاث تمارين الماضية خمسة أهداف " ماشاء الله " ... وش تبي أكثر من كذا .... الحكم على المحترفين يكون من خلال المباريات وليس من قال فلان وقال علان .... ويجب أن نعطي اللاعب فرصة على الأقل ثلاث مباريات .... فيجب أن لاننسى إديملسون في العام الماضي....كيف أن الجمهور حكم عليه بسرعة ورد عليهم .. وسيرجيو قبل العام ....أول مشاركة كانت له ضد النصر وكانت مشاركته سلبية حتى يوردانيسكو هزأه وفي مشاركة سيرجيو الثانية انطرد قدام النجمة .....وبعد ذلك حسم بطولتين..... لاتستعجلون.......................... |
شرشبيل بس مين يسمع كذاا جمهورنا حكم بالفشل قبل ولا مباراه واتحدى حتى انه راح التدريبات يا ناس نبى مواضيع موضوعيه مبنيه غلى ادله ميدانيه المسأله مهب سلق بيض ولا مع الخيل يا شقرا عطوهم فرصه واحكموا والفرصه مهب من مباراه |
ياشباب مانقول الا الله يوفقهم ويكونوا عند حسن الظن بهم بآذن الله تعالى |
الشمس لا تغطى بغربال سلامي.... |
اقول واللي يرحم والديكم حاسبو لاعبينكم المحليين بعدين فكرو بالأجانب 00 |
انتظروا شوي يااخوان ذبحتونا عطوهم فرصه خمس مبارايات وبعدين احكموا خمس مبارايات كافيه لانهم لعيبة منتخبات . |
وربي يالسبله جبت المفيد حتى الشلهوب ماعندك احد وبعدين وشتبي بسوفو يسوي عشانك يجي ياخذ الكوره من الدعيع ويسوك كوره قدم امريكيه لين يوصل الهدف اتحدى اي واحد يعد كم كوره سلمت لسوفو سليمه وقريبه من منطقة الجزاء ياناس تكلمو بالعقل بسنى عجرفه على الفاضي انتو مبوسطين من الجمعان اول مانزل تقول وربي اترفع عن تشبيه اللاعب هذا بس شفتو وشلون هاج على تكر وبعدين ياليت انه يكون هذا اليوم اخر مباره للغامدي وربي انه غثنى لايقطع كور لايمرر صحيح وربي دجه في الملعب صلحو حال لاعبينكم المحليين وبعدين تكلمو عن الاجانب تعبنا كلام والمدرب ملعب سوفو لوحده مدري لاعب قدام الاارسنال |
اخواني نحن نتكلم عن جزء المشكله !!! طبعا احوال المحلين ما تسر ولكن الاجانب طرف مهم في المشكله . سلامي .... |
كانشلسكس فنان وبغى يجيب قول ومهاراته حلوة مع أنها أول مباراة له .. ولعبه ممتع ... وسوفو قدم مباراة كبيرة مع أنه لعب مهاجم بلحاله وذب كورة للجمعان ولا أجمل بس ضيعها .... فهم بالفعل ممتازين جدا وأعتقد أنهم أفضل الأجانب الذين جاؤوا للهلال باستثناء ريفالينو ونجيب الإمام وغيرهم ... وتذكروا هذه المباراة الأولى لهم .. |
ا لسلام عليكم يا أخوان اللاعبين أندريه وسوفو لهما سمعة كبيرة والجميع يعرف ذلك جيدا ويجب ألا نحكم بفشلهما من مباراة أو مباراتين أوخمس وحتى ولو لم يقدما المأمول منهما في اول مشاركة فيجب ألا ننسى أن الفريق كله غير مقنع ومشاركتنا في الخليجية جدا ضعيفة وكلنا غير راضين عن المستوى الحالي علينا الصبر ولانستعجل بالحكم عليهما فنخسرهما كما خسرنا البرزيلي دي سانتوس الذي جاء في الوقت الذي يغيب عن الهلال معظم نجومه مع المنتخب وتم تسريحه وأبدع في الدوري الكوري وندمنا في وقت لاينفع فيه الندم تذكرو أن هناك اجماع على نجومية اللاعبين فلا نستعجل |
والله سمعتهم ما تهم اهم شيء مستواهم .... شكله متهالك والله اعلم سلامي... |
الشمس لا تغطى بغربال ..... سلامي... |
وشي شمسه ..!!! اوين ,, |
وين مافي فرق بين يوسف وكانشلسكس؟ نواف احسن من الثنين كلهم:smilewink |
ذبحتوووووووووووووووووونا ولله السلام عليكم ولله يا شباب الله يهديكم ذبحتونا ما قد شفتكم الا وانتم حاكمين على اللاعب من المبارة الثانية ولا الثالثة الله يهديكم يعني تظنون انه اللاعب لازم يكون مية بالمية طول فترة عقده؟؟ الله يهديكم بس اندريه: لاعب يجيد التمركز و المناورة و التمريرات و التسديدات سوفو: لاعب انتظروا عليه كم مبارة بعد مو من اول مبارتين تحكمون عليه سيبي بدرا: لا تعليق بس لا تظلمون اللاعبين. |
| الوقت المعتمد في المنتدى بتوقيت جرينتش +3.
الوقت الان » 05:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd