|[ ..♥ الموضوع الرسمي للعبة FIFA 12 ♥ .. ]| - صفحة رقم 96 - نادي الهلال السعودي - شبكة الزعيم

ازرق+ابيض=عشق الهلال · #1426 23/09/2011, 01:08 AM

اتمنى لاعبين بمانشستر يعطون حقهم من جونز وسمولينج وحبايبي رافا وفابيو
هم احق من طعوس امثال ديابي وجورو ولعيبه مضحكين

Z i Z O O . 7 · #1427 23/09/2011, 01:39 AM

سلآم عليكم *

اليوم و انا بالتحليه مريت من محلات بلاي ستيشن قلت خلني اسألهم عن فيفا 12

دخلت عالم بلاي ستيشن على ما اظن.. قال بعد 10 ايام .. و عن السعر قال بـ 270 ! !

و رحت لمحل ثاني اسمه جيم ماسه او ماسه جيم .. مو متأكد من اسمه

قال راح ينزل عنده يوم الاحد .. و راح يكون السعر بين 220 و 240 *

انا استغربت كيف هذا يقوم بعد 10 ايام و هذا يقول يوم الاحد !

و هذا يقول بـ 270 و هذا يقول 220 !

التلاعب بالاسعار واضح !

الله يصبرنا بس

يعطيكم العافيه *

Radoi Al-zhrani · #1428 23/09/2011, 02:09 AM

إقتباس

الرسالة الأصلية كتبت بواسطة ازعـاج الـهـدوء


	وعليكم السلام هذآ طور في الفيفا وكان في الاجزاء السابقه تحمله أنت في فيفا 12 راح يكون مع القرص (في اللعبة نفسها) يعني بدون ماتحمله هو طور ممتع تشتري وتبيع لاعبين عن طريق الكوينز الي هي نقاط الي تحصل عليها من فوزك في المباريات سواء اون لاين أو اوف لاين وعن طريق هذا الموقع يمديك تكوّن فريقك من بدري وراح يكون فيه هدايا يعني يمكن لاعبين او كوينز(نقاط) , يمكن الشرح يكون صعب شوي لاكن لو جربته تفهمه افضل والحمدلله فيفا12 معرّب يعني كل شي مترجم وسهل ومايحتاج تتعب نفسك

يعطيك العافيه يـ الغلا

بس الموقع الي اسجل منه ايش هو ..؟ و كيف اسجل ؟

Radoi Al-zhrani · #1429 23/09/2011, 02:11 AM

إقتباس

الرسالة الأصلية كتبت بواسطة Blue Beast


	\| \| اليوم رحت ادور في محلات الدمام على موعد نزول اللعبة الاسطورية فيفا12 المهم الهمني الله ورحت لمحل على شارع الملك سعود بعد تسجيلات القادسية الاسلامية والله اني ناسي اسمه المهم قالي بتنزل يوم السبت ان شاء الله تعالى .. قلت له بكم السعر قال مادري اذا نزلت يكون خير المهم قال تبيني احجز لك قلت ايه احجز وخذ رقم الجوال . \|\|

ايه المحل .. على شارع الملك سعود .. في حي المزورعيه

بعد تسجيلات القادسيه ( الدينيه ) .. في نفس شارع المطعم المشهور حق الشاورما (العربي )

اسم المحل ( ياسر ) اول ما ينزل الشريط في الدمام عنده
بس غالي

ازعـاج الـهـدوء · #1430 23/09/2011, 02:23 AM

^^^^^^^

مو موقع في النت تسجل فيه ذا شي موجود داخل اللعبه مثل الكارير مود واللعب في الدوريات واللعب في المباريات الودية تاخذ نقاط عاللعب

ازعـاج الـهـدوء · #1431 23/09/2011, 02:34 AM

إقتباس

الرسالة الأصلية كتبت بواسطة Radoi Al-zhrani


	ايه المحل .. على شارع الملك سعود .. في حي المزورعيه بعد تسجيلات القادسيه ( الدينيه ) .. في نفس شارع المطعم المشهور حق الشاورما (العربي ) اسم المحل ( ياسر ) اول ما ينزل الشريط في الدمام عنده بس غالي

شاورما العربي

طيب ماعندهم بيونق سو

مشكور الله يعطيك العافية لو غالي اكيد في ناس بيظبطون الوضع

Pepsi-Man · #1432 23/09/2011, 03:25 AM

شباب مين سوى التميت تيم واخذ 2 free packg

انا اختها حلوة يعني بس اعلى لاعب عندي 76

آحمدُوف · #1433 23/09/2011, 03:39 AM

^

أنا سويتها واعلى لاعب عندي جاتوزو

وفيه كذا لاعب ممتاز

J.Ħeиdeгsoи · #1434 23/09/2011, 03:41 AM

^

طيب الله لا يهينكم نبي شرح مفصل عنها
لاني اول مره العبها , مالعبتها لا في 10 ولا في 11 !
سجلت لعبت شوي ثم سحبت عليها

Pepsi-Man · #1435 23/09/2011, 03:52 AM

EA Sports Football | FIFA Ultimate Team | EA SPORTS Football

هذا الرابط بس القديم هم الي حصلو الهداية ام الجديد الله يعينه يكونه نفسه

Pepsi-Man · #1436 23/09/2011, 03:55 AM

إقتباس

الرسالة الأصلية كتبت بواسطة N.Đoković


	^ أنا سويتها واعلى لاعب عندي جاتوزو وفيه كذا لاعب ممتاز

هذا الي ناوي على العيبه

هواش وتكسير

آحمدُوف · #1437 23/09/2011, 04:11 AM

^

ههههههههههههههههههههه

ايه

تراني ماني محترف فيها بس مثلك جربتها شويات هع
هي عباره عن بطولات فيها بطولات اون لاين وأوف لاين
كل بطوله ولها شروطها على حسب الاعبين وطاقاتهم
يعني عند الي طاقته بين 45-55 هذا برونزي
و60 وفوق فضي و 80 وفوق ذهبي وكذا
كل مباراة تفوز فيها تاخذ نقاط وعن طريق هذي النقاط
تقدر تشتري لاعب تشتري مدرب وتشتري بطاقات تجديد للاعب وووو
حاجات كثيره فيها طبعا انصحك تكون فريق تحدد من اي دوري راح تجيب الاعبين
يعني من الانجليزي او الاسباني
هي اللعبة شرحة يمكن صعب تفهمه بس لو تجربها راح تفهم ومع التعريب
تبي تفهمها براحه

Z i Z O O . 7 · #1438 23/09/2011, 01:34 PM

سلآم عليكم

صراحه فيفا فيها ايجابيات كثيره و لعبه حلوه ز يمكن تكون افضل لعبه كرة قدم للبلاي ستيشن بعد التطور المستمر ... لكن اخطأت بعد ما اجبرتنا على نظام دفاع اقل ما يقال عنه نظام سخيف صراحه ! *

يعني تقعد تفحط الى ما توصل للمهاجم عشان تاخذ منه الكوره . . و اخر شي ما ادخل عليه الا بصعوبه و يعطيها اللاعب الثاني و تستمر المعاناه و ملاحق المهاجمين !

النظام العادي تعودنا عليه من فيفا 9 ... ليه الفلسفه و التغيير ؟ !!

و اللي يقول ان هذا النظام يبين مين المحترف و مين العادي او الهاوي !

يعني الاحتراف كله كيف تقطع الكوره ؟ !!!

يعني التسحيب و تسجيل الاهداف و الطقطقه و الباصات و و و .. هذا كله مو احتراف ؟ !!

لكن وش نسوي .. و نتمنى انهم يعدلونه باللعبه الكامله *

و مع هذا كله .. انظره على احر من الجمر

يعطيكم العافيــه *

ازعـاج الـهـدوء · #1439 23/09/2011, 02:15 PM

^^^^^^^^^^^^^^^^^^^^^^^^^^^^

وعليكم السلام ورحمة الله وبركاته

طيب ذا نظام الدفاع الجديد يمدينا نغيره من قائمة الكونترول او الاعدادات؟؟؟

أسيرالروح · #1440 23/09/2011, 02:19 PM

انا معجب بي فيفا

وان شاء الله يكون احسن من الي قبله

ومشكورين يا شباب ماتقصرون