|[ ..♥ الموضوع الرسمي للعبة FIFA 12 ♥ .. ]| - صفحة رقم 93 - نادي الهلال السعودي - شبكة الزعيم

عاشق الامير الشاعر · #1381 22/09/2011, 02:03 AM

إقتباس

الرسالة الأصلية كتبت بواسطة آدمنت حبك ~


	اخوي فيه شخص اعرفه بجده يوفر الشريط بسعر خاص .. وعندك بجده اذا حاب اكلمه لك مو مشكله

ياليت والله اذا ماعليك كلفا

maammo2009 · #1382 22/09/2011, 02:10 AM

إقتباس

الرسالة الأصلية كتبت بواسطة ازعـاج الـهـدوء


	اشدعوى ظبطنا تعرف محل بالدمام اسعاره اوكي

والله يا ليت بس للأسف انا من سكان الرياض

اااخ ي سامي · #1383 22/09/2011, 05:54 AM

إقتباس

الرسالة الأصلية كتبت بواسطة maammo2009


	والله يا ليت بس للأسف انا من سكان الرياض

طيب ضبطني آنـآ ..

MESSI- · #1384 22/09/2011, 08:21 AM

اخووي الي يقوول الشريط فيفا 12 بـ400 هل انت متاكد من الي تقوووله ياليت لوترد علي اخووي

R e b a l · #1385 22/09/2011, 09:50 AM

في نقاط حاب اتكلم عنهم

* بالنسبه للعبه والديمو اكيد في سلبيات وايجابيات
وهالشي ماتخلى منه لعبه ..
بالنسبه للسلبيات اللي لاحظتها نظام التسديد ماعجبني!
يعني اغلب الدوريات الي في العالم نشوف اهداف من خارج المنطقه
لكن في الديمو جربت مليون وخمسمية مباراة وماجبت هدف من خارج المنطقه عدا الفاولات
مادري من ويش المشكله! يعني اذا جيت اسدد اضغط مربع + السهم يمين او شمال عشان اتجاه الكوره .. والكوره وين والقول وين! ( مغير الأعدادات مخلي الي يشوت مربع والي يرفع دائره ).

ثاني شي من السلبيات صوت الجماهير ..
متى بنحس ان التشجيع صار واقعي اكثر ؟
يعني مثلاً لو اختار ميلان معروفه اهازيج الميلان ومشهورين بها
اذا اختار ميلان في فيفا 11 او في ديمو 12 ماسمع الاا زعاج !
في فرق بين التشجيع وبين الاهازيج .. في الديمو نفس فيفا 11 كله فوضى!!
يعني ودنا وسط المباراة الجمهور يشعللها خصوصاً اذا المباراه على ارضك.

ثالث شي سلبي الطاقات .. مادري إلى متى بعض الاعبين يجاملوهم!
في لاعبين 80 كثيره عليهم ونشوفه قريب الـ 90 !
ان شاء الله في تعديل في النسخه الاصليه ولا غير كذا بزيد الطاقات وبخليهم مثل بيس وسويتها في فيفا 11

الايجابيات اشياء كثيره وفيه تطور ملحوظ
واحسن شي ان الكارير والقوائم معربه
بما اني مدمن كارير مود احتاج حق هالتعريب

* في حال وطلعت الاسعار اكثر من 250 هذا شي نصب عيني عينك
واتمنى منكم تبلغوا عنهم مكافحة الغش التجاري وهالشي مجرب
الي يبي الرقم المجاني ارسلوا لي في الخاص وابشروا
اعرف واحد بلغ على محل ويوم ثاني طبوا عليه وسدحوا له غرامه ماليه بس مادري كم
اهم شي اذا طلع واحد بويمن او بوهنود لايقص عليكم.

ماحد فيكم حس ان هالمره انتظرنا فيفا اكثر من الاصدارات السابقه؟
هالسنه مجنوونه خصوصاً بعد التعريب .. متى بس!

هلال اسيآ · #1386 22/09/2011, 10:59 AM

.

للي جرب الديمو ..

طريقة الخطط ما تغيرت ؟
يعني اقدر اتحكم بخطتي
و احرك لاعبي يمين يسار فوق تحت ( مثل بيس )

و لا ما صار شي !

.

J.Ħeиdeгsoи · #1387 22/09/2011, 11:22 AM

إقتباس

الرسالة الأصلية كتبت بواسطة هلال اسيآ


	. للي جرب الديمو .. طريقة الخطط ما تغيرت ؟ يعني اقدر اتحكم بخطتي و احرك لاعبي يمين يسار فوق تحت ( مثل بيس ) و لا ما صار شي ! .

هالشي موجود في كل اجزاء فيفا !

يمكن ماتعرف الطريقه , اذا نزل الشريط ان شاءالله علمتك كيف

إقتباس

بالنسبه للسلبيات اللي لاحظتها نظام التسديد ماعجبني!

يعني اغلب الدوريات الي في العالم نشوف اهداف من خارج المنطقه

لكن في الديمو جربت مليون وخمسمية مباراة وماجبت هدف من خارج المنطقه عدا الفاولات

مادري من ويش المشكله! يعني اذا جيت اسدد اضغط مربع + السهم يمين او شمال عشان اتجاه الكوره .. والكوره وين والقول وين! ( مغير الأعدادات مخلي الي يشوت مربع والي يرفع دائره ).

بالنسبه لي كل مباراة قول من خارج المنطقه !

المشكله منك مهيب من الشريط

Blue Beast · #1388 22/09/2011, 11:35 AM

| |

اليوم ان شاء الله بمتر محلات الدمام.. واشوف الاسعار المناسبة | ..

\\

Fantastic × · #1389 22/09/2011, 11:50 AM

فعلاً أستغرب كَلام اخوي ريبآل بخصوص الشوت !
70% من اهدافي من تسديد , وكل النآس أكدت إن اهم خآصية طوّروها هي خاصية التسديد

R e b a l · #1390 22/09/2011, 12:36 PM

يمكن طريقتي في التسديد غلط!
اللهم في الارينا اذا اسدد بروني تضبط وياي
بس في المباراه ماذكر اني جبت من خارج المنطقه ..

ąψąҒח ĶĨňĢ · #1391 22/09/2011, 01:03 PM

إقتباس

الرسالة الأصلية كتبت بواسطة R e b a l


	* في حال وطلعت الاسعار اكثر من 250 هذا شي نصب عيني عينك واتمنى منكم تبلغوا عنهم مكافحة الغش التجاري وهالشي مجرب الي يبي الرقم المجاني ارسلوا لي في الخاص وابشروا اعرف واحد بلغ على محل ويوم ثاني طبوا عليه وسدحوا له غرامه ماليه بس مادري كم اهم شي اذا طلع واحد بويمن او بوهنود لايقص عليكم.

انا مريت محل

يقول ما اقدر احدد لك سعر الا اذا نزل الشريط

ويقول الاسعار رح تكون في حدود الـ 250

آدمنت حبك ~ · #1392 22/09/2011, 01:40 PM

إقتباس

الرسالة الأصلية كتبت بواسطة عاشق الامير الشاعر


	ياليت والله اذا ماعليك كلفا

ابشر ولا يهمك

خليك على تواصل معاي عشان اوافيك بكل المستجدات من ناحيه السعر وكذا

هلالي الملكي · #1393 22/09/2011, 02:31 PM

فيديو جديد عن الاكادمية في الكارير مود :

FIFA 12 Career Mode | Youth Academy - YouTube

maammo2009 · #1394 22/09/2011, 02:38 PM

لأهل الرياض
الي يبي الشريط يروح للبطحاء وراح يلقى الشريط بأقل الأسعار

وبالنسبة للمحلات فانه أشهر محل أسمه محل عمار أسال عنه هناك وهم بيدلونك

ازعـاج الـهـدوء · #1395 22/09/2011, 02:50 PM

^^^^^^^^^^^^^^^

مشكور هلالي ملكي يعطيك العافية