سؤال لشبيه الريح اتمنى يجيب عليه يوم الاحد في الجولة
 

السلام عليكم ورحمة الله وبركاته

أولا .. أشكر الادارة على تعاقداتها اللي تبشر بالخير ان شاء الله .. واتمنى ان شاء الله تكملها وتعير ياسر للعين زي ما سمعنا يا رب

ثانيا .. عندي سؤال لشبيه الريح اتمنى يتطرق له في لقاءه مع وليد الفراج في الجولة .. كيف النادي يتعاقد مع لاعبين اجانب قبل لا يأتي المدرب الجديد؟ مثلا كلنا نعرف ان قيريتس اول ما جا غير في الاجانب على حسب ما يناسب طريقة لعبه .. طيب لو فرضنا ان المدرب الجديد قرر ان بعض اللاعبين لا يتناسبون مع طريقة لعبه .. كيف سيكون الوضع؟

اتمنى شبيه الريح يجاوب على هالسؤال .. واشكره على كل ما يقدمه لهلالنا .. واتمنى ان خبر تمديده للرئاسة يكون صحيح وهذي كانت امنيتي من اول ما استلم الهلال .. والله يوفقه في قيادة دفة الزعيم.

اتمنى اللي يقدر يوصل هالسؤال لسموه يوصله له واكون شاكر ومقدر.

والسلام عليكم ورحمة الله وبركاته

ارجو رفع الموضوع يا مشرفينا الاعزاء

مشكووورين

جــاوب علية نواف بن سعد وقال نعرف حنا احتياجات الفريق

واكبر مثال جيريتس جا والفريق فيه اجانب وكان مايبي ويلي وبالنهايه عجبه ويلي

طيب نفس المدرب اللي تتكلم عنه قال ما ابي التايب .. بعدين قيريتس قال ما ابي ويلي .. بعدين تفاهموا معه وقالوا له جربه وبعدين اعجبه .. طيب لنفرض انه ما اعجبه .. ادارة الهلال ادارة محترفة وما راح تفرض رايها على مدرب لانه هو ابخص في الامور الفنية .. لنفرض جدلا ان المدرب القادم ما يبي عادل مثلا .. معقولة يشيلون عادل قبل لا يلعب اي مباراة للفريق؟؟!!!

والله هالسوال مر في بااالي امس ...قلت اش لون يتعاقدون مع لاعبين ومافي مدرب يختاااار ..؟؟؟

ايه انا ابي شبيه الريح يقول لي كذا عشان ارتاح :d

بس ما اتوقع لانه قيريتس شارك بقرار التعاقد مع عادل معناته ما فيه مدرب .. ولا كان ما يتدخل قيريتس

سؤال نتمنى الاجابه عليه

ولكن ما استبعد انهم يكونو فآهمين رغبة المدرب القادم للنآدي

اتمنآه صارم في اختياراته

الهلال معروف وش ناقصه


واتمنى التوفيق في اختيار المهاجم الفذ الذي لا يرحم الشباك


تقبل مروري

والله ياخوي لو يجيبون مدرب ويقول لهم مايبي محور وهجوم لازم الاداره ماتوافقه

ماضيعنا في كثير من المياريات اللي سؤ الهجوم والمحور رادوي رايح يعني

لازم بداله لان المحاور عندنا مو بذيك المستوى ولايملكون البنيه الجسميه

احتياجات الفريق وآآضححه ]..

اشكر الجميع على الردود

انا ما اختلف معكم انه واضح انه الفريق يحتاج الى محور ومهاجم .. ولكن هذا لا يعني ان كل مدرب يرغب بهؤلاء اللاعبين بالذات .. يعني مو كل المهاجمين سوا .. كل مهاجم وله طريقته .. والمحور نفس الشي .. يعني مو شرط ان اي لاعب في هالمركزين يتناسب مع طريقة لعب المدرب القادم