ياعزيزي يا هلالي.. وكونك انك هلالي هذا يكفيني.. مهما اختلفنا في باقي الأمور..
أنا كمشجع هلالي يكفيني من كالديرون إنه جا ونص الأعضاء مختلفين عليه..
صدقني لو غيرهـ ما يقدر يحقق أي شي وهو يدري ان نصف الإدارة ما يبونه.. ولكن رغم ذلك ساعد على تحقيق رقم قياسي في الفريق..
المشكلة مو في كالديرون.. المشكلة كانت في سياسة الإدارة اللي صرحت للإعلام ان هناك فيه انقسام على المدرب..
هالشي هذا ولد عند بعض اللاعبين شي من عدم الثقة بالمدرب.. وهذا شي طبيعي..
يعني سياسة خاطئة جدا اتبعتها إدارة الهلال..
حتى بعض الجماهير وكثير من اللي كانوا مقتنعين بقدرات كالديرون بعد هالإنقسام الإداري اللي طلعوهـ الإعلام صار الكثير عندهـ عدم قناعة بكالديرون بمجرد سماعه هالإنقسام..
طيب ليش؟؟ مو حنا عارفين المدرب زين والكل شاف وش سوا بالمنتخب.. والكل عارف ان كالديرون ما يحب الخربطة ولا التدخلات..
وبعدين هذا هو المدرب اللي أبيه.. لأنه يخلص للنادي اللي هو فيه..
مايخليني في نص الموسم ويقول انا بصراحة ما تأقلمت معكم.. وخويتي ما تقدر تجي عندكم.. وسلقتي ما تكفيني..
ياعزيزي إن كنت تريد مدرب قدير فكالديرون مدرب قدير.. وإن كنت تبحث عن مدرب ليس بذو الشهرة العالية وليس له صيت ضارب فهو كالديرون..
وفي كل الحالتين هذا هو المدرب اللي ينقصنا.. وش يفيدني بالله أونيل اذا جا وقعد فولهام كل شوي والثاني دازين له مسج..
(ياخوي وش الله حادك على جهنم اللي انت عايش فيها..)) ولا..
(ياخوي الدراهم اللي تبيها بنعطيك اياها) ولا..
(ترى إنجازاتك في منطقة الشرق الأوسط لا تساوي شي في رصيدك التدريبي مهما قدمت هاك)..
طيب ليش حنا نتعب أعمارنا ونلهث ورا ناس ما يبون يلعبون عندنا.. وحدتهم المادة لفترة لين يقدر يرفع راسه وبعدين يسحب علينا وعلى اللي جابونا..
والله قيرتس ذا لاعبها صح ياناس.. يوم حس ان المغاربة يبون يكرشونه قام يلمح انه يمكن يعود للهلال..
ويوم فازوا على الجزائر المنتخب المتهالك.. والمنتهي أساسا والغير مهيء للعب في تلك المباراة..
أخذت له الصور كماهي عادته وهو مبدي غرورهـ.. بل أخذت له الصور وقد أعطى ظهرهـ للكايمرات..
كل ما كان ينقص كالديرون ليصبح أفضل من قيرتس حقكم ذا إنه يجي بنفس الهاله الإعلامية التي حضر بها قيرتس..
وأنه مدرب أنضباطي وأنه لا يرحم وأنه لايجامل أحد وأنه لا ولا ولا ولا ولا..
وآخرتها قيرتس لعب عزيز أكثر مما لعبه كالديرون..
بل وحتى لولا إصرار بندر بن محمد وسامي الجابر على لعب عزيز المباراة الأخيرة أمام الإتحاد.. صدقوني بأنه لن يلعب.. بل والعلم عند الله أننا كنا قد تأهلنا على فريق تجاوز معدل أعمار لاعبيه الخمسون عام..
آسف على الإطالة ولكن هلالنا يستاهل مننا أكثر..
شكرا لك عزيزي الهلالي.. وشكرا لكل الهلاليين اللي شاركونا المرور على الموضوع.. شكرا لكم..