|
سبب اقصاء كالديرون !! تفاصيل اقالة كالديرون : اعطى كالديرون اجازه لـ 6 لاعبين اليوم .. هذا القرار اثار استغراب عبدالرحمن بن مساعد وسامي الجابر وخصوصا ان مبارة الاياب في يوم الاحد ... تاخر ماجد المرشدي عن التمرين لدقائق معدوده وبعدها اصر كالديرون ان لا يتدرب مع الفريق وبعد تدخل رئيس النادي وسامي الجابر وقالو له مافيه سنتر غير المرشدي !! اذا راح تستبعده من راح تلعبه سنتر . اما كالديرون جلس يتكلم عن الانضباط ومو مهمه المبارة وكانت تصرفات كالديرون تثير الاستغراب .. بعدها اطلع عبدالرحمن بن مساعد على تشكيلة مبارة الاياب بجده ووجد ان التشكيلة فضيحة وفيها مشاكل كثير .. واحس ان كالديرون لما عرف انهم ماراح يجددون معه ناوي يخربها وهو ماشي ويقدم الهلال للاتحادين باضعف صوره ممكنه .. تم الاجتماع بين عبدالرحمن بن مساعد وكالديرون لمدة 4 ساعات يحاول يقنع الرجال يغير تشكيلته ويرجع المرشدي لان مافيه غيره والرجل اصر على رايه .. بعدها احس الرئيس وبقوه ان كالديرون ربما يكون مرتشي مبلغ كبير من شخصية اتحادية .. لان التشكيلة اللي اطلع عليها الرئيس كانت اقل ما يقال عنها فضيحه وفيه تغيرات بمراكز الاعبين بشكل غير طبيعي !! بعدها قرر الرئيس اقالة المدرب وحاول اقناع جميع المدربين اللي بالنادي من الحسيني لمدرب الاولمبي والشباب رفضو يمسكون الفريق ويدربونه لانهم يخافون ينهزم وتطيح على روسهم .. ووقتها طلع سامي وقال انا لها وانا بتحمل المسؤلية وبدرب الفريق .. شكرا سامي على تحملك المسؤلية اشهد انك قدها وزياده .. اللي مثل سامي:smilie47: مايهرب من المسؤولية بل يتحملها وهذا هو الشرف .. والكبير كبير http://www.mobdi3ine.net/uploads/13083605111.jpg الله يووفقكـ يابوعبدالله .. جآبر عثرات الهلال سآمي روووح الهلال بمشيئة الله كلنآآ معكـ يآ آسطوورتنا وانت مو معكـ عصا سحررية آتمنى بس بعض الجمهور يستوعب اللي رآح تسوويه المطلووب من سآمي بث الرووح للآعبين و بصراحة سآمي بيض الله وجهه اللي قبل بالمهمه الفريق بوضع حررج نقص كبيرر جدآ من اصابات ياسر وهوساوي وطرد ويلي وضم البعض في المنتخب الأولمبي العابد والقرني والمبارة في جدة وخسران الهلال بـثلاثة يعني سآمي في موقف لا يحسد عليه لكن كلنآ ثقة في آبوعبدالله في بث الروح للأعبين والكرة لاتعررف المستحيييل ولنا عبرة في مبارة الغرافة ولنا عبرة في فريق الوحدة فريق بدون اجانب ويلعب بالرديف وهابط للدرجة الأولى والأهلي كامل بنجومه وقدم مبارة كبيرة بمشيئة الله يوم الأحد زرقاء بفضل الله ثم فضل سامي واللاعبين الله يووفقكـ ياسآمي وحتى لو خسرت لاتلام ابدا وبتظل آسطورتنآ |
حسسسبي الله عليييك يالاصلــع كفففـو ياشبيـه الريييح كففوووووووووو ....... وربي وربي ان الرججـال موب طبيعي مبين انه يبي يخرربهـا ومتمشكل مع المررشدي بعد هو وصلعـته !!! |
الله يوفقك يا ابو عبدالله ويوفق الفريق معك |
يارب توفقه في مهمته ويكون هو من يأهلنا للنهائي يارب |
كالديرون خائن ومرتشي من مباراة الاسيوية مثله مثل عزيز !! |
اخيراااا انتبهو ان كالدي بالمكان الخطأ الهلال أكبر منه قلتها من جاء .. أملنا بالله أولا ثم بجابر عثرات الهلال ولاعبين الهلال .. بالتوووووووفيق لهلالنااااااا .. |
احنا من اول قلنا مانبيه يجي االمدرب يمشي بالعافية وليالي العيد بانت من عصاريها لكن الحين وش يفيد ؟؟ |
في حين أكدت مصادر " مطلعة " على أن ( الرابح الأكبر ) له دور في ذلك وإستناداً على تاريخه " الأسود " يتبين لنا أنه عاد لممارسة هوايته المُحببه واللعب من " تحت " الطاوله حيث أن فريقه " كوبوليفا النيجيري" لا يستطيع مُقارعة الزعيم دون اللجوء إلى هذه الأساليب القذرة : ) |
إقتباس:
اللهم آمييين وفي الكرة كل شي يحصل ويالله يارب توفيقكـ |
الله يوفقك يا ابو عبدلله ,, دااائما تظهر وقت الشدائد !! ماشاء الله عليك مقدااااااااااااااام بالتوفيق لك ,, واعلم اننا معك حتى لو خسرت ,, اهم شيء نشوفك مدرب للفريق |
انا اشوووف ان ابو عبد الله لويخسر الفريق وبنتيجه كبيره الله لايقوووله انه يستاهل من يحب على راسه مسك الفريق وهو في اسواء الحالات وامام من الاتحاد فريق لايستهان فيه والله يوفق الهلال في المباراة وتكوون تدريب ابو عبدالله فاتحة خير ان شاء الله |
إقتباس:
اللي صار صار ومالنآ غيير الدعاء وان شاء الله ربي يكرمنآ بالفوز وبالتوفيييق لزعيمنآ يوم الأحد واستغفرر ربكـ كل ظالم فوقه رب يحاسبه |
احلى خبر سمعته كاليدرون فاشل هو وصلعته يالبى سامي الجابر كفو والله وان شاء الله قدها يابو عبدالله يالبى قلبك |
1-طلب مدرب اللياقة من ماجد المرشدي قبل تمرين امس الجمعة ان لا يدخل التمرين وان يلف حول الملعب وابلغه ان التمرين بالنسبة لماجد سيكون استرجاعي . 2- لبس ماجد الكاوتش ودخل الملعب ليلف حول الملعب كما طلب منه المدرب وما ان رآه كالديرون توجه اليه وابتدأ يقرعه بعصبية بالغة ويقول له لماذا انت لابس كاوتش ومن تحسب نفسك ميسي؟وطلب منه مغادرة التمرين. 3- حاول الاداريين افهام كالديرون ان ما جد لبس الكاوتش بناءا على طلب مدرب اللياقة لكنه كان في منتهى العصبية وبعد نقاش طويل وافق على ان يؤدي ماجد تمرين لياقي وان لا يدخل التمرين. 4-سأل الريس ونائبه وسامي الجابر المدرب ماهي التشكيلة التي سيلعب بها فاخبرهم انه ينوي اللعب بالغنام والخالدي كمدافعين وسيلعب ب3 مهاجمين عيسى واحمد والجيزاني وبمحور واحد. 4-اعترض سامي الجابر على ابعاد المرشدي بلا سبب مقنع وايضا على طريقة اللعب وحاول اقناع المدرب بان يغير قناعته ولكنه رفض رفضا قاطعا. 5-طلب ايضا سامي من المدرب ان يضم محمد قاسم محور الاولمبي ورائد الصويلح واللذان يتمرنان مع الفريق الاول من شهرين وذلك ليكتمل نصاب ال18 لاعب ولكنه رفض واصر على الذهاب لجدة ب16 لاعب فقط. 6-حصل اجتماع في بيت الرئيس بحضور نائبه نواف بن سعدوسامي الجابر وفهد بن محمد واحمد محجوب وتم الاتصال بجميع اعضاء مجلس الادارة وباعضاء الشرف وتحديدا بندر بن محمد وعبدالله بن مساعد ونواف بن محمد وفيصل بن سلطان وتركي بن سلطان وخالد بن محمد وسعود بن تركي قد اتفق الجميع على ان ما ينوي المدرب عمله غير مبرر ولا يمكن الموافقة عليه باي حال واتفق الجميع بعد سماع رأي سامي الجابر على ابعاد كالديرون واسناد المهة لسامي الجابر هذا الســبب |
|
| الوقت المعتمد في المنتدى بتوقيت جرينتش +3.
الوقت الان » 12:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd