السلام عليكم و رحمة الله وبركاته

ابدخل في الموضوع بدون مقدمات ..

اشوف ان اغلب النقد كان موجه لكالديرون والكل تقريبا موب راضي عنه في هالمباراة

انا اشوف بالعكس كالديرون سوى شي معقول .. يعني الرجل كانت خياراته قليلة جدا هجوميا ..

يعني انا لوني محله والقى عندي مهاجمين من نوعية (المحياني ، الجيزاني ، احمد علي )

كل واحد للاسف اسوأ من الثاني .. بحيث ان ياسر في ظل هبوط مستواه و ادائه السيء يكون افضل منهم ..


شفنا اليوم الهلال مسك الوسط بشكل حلو لكن كانت مشكلته في التهديف لان ما عندنا هداف كويس حتى (لاعب الصندوق ) ان بغيته بالصندوق ما لقيته وان بغيته برى الصندوق ما لقيته .. يعني لاعب غير سريع غير مهاري ما عنده كنترول .. يستلم خطا و يسلم خطا .. عجزت القى فيه ميزة وحدة


لكن الايجابي في الموضوع ان الخلل الواضح في مباراة اليوم في التهديف بالتأكيد سيؤثر على اختيارات اللاعبين الاجانب الموسم القادم لاختيار مهاجم يكون افضل من القحطاني منها نستفيد من مهاجم هداف و منها يحس ياسر انه فيه احد افضل منه ويبدا يركز اكثر ...


ختاماً انا ضد اي فكرة مؤامرة .. انه كالديرون صديق منصور البلوي ..الخ

يعني يا نفوز يا يصير فيه مؤامرة ؟؟

عموما انا متفاؤل باختيارات الموسم القادم .. ارجوكم تفاءلوا


و عذرا ع الاطالة ..

شكراً للإجازة .....................

هذا الجيل
حصيلة تجميع من عدة اندية
يفضل اعادتهم لمصدرهم الاصلي

للحفاظ على النسخة الاصلية
من العطب
او ننتظر الكارثه في قادم الايام

بصرآحة الفريق قدم مبآرآة حلوه الى ضربة الجزاء ،، كانت أقرب للـ 1-0 لكن قدر الله و ما شاء فعل ،،، على العموم موسم كآمل دوري و كأس الحمد لله يارب ،، تقييم الفريق على الموسم كامل وليس مباراه او مباراتين ،، بليييز لاتنسفون انجازات الفريق

يعني على كلامك ياسر افضل من عيسى حآليآ..!
اقووول كيف الحال
صدق عيسى اليوووم مستواه فاشل
لكن على الاقل مافيه الا هو يبرد الصدر من المهاجمين
على العموم الهلال يبغاله اعادة تصميييييم وتنسيق بعض الاعبين ووضع بعضهم في الدكه
والبعد عن المجاملات
بالتوفيق للزعيم

إقتباس الرسالة الأصلية كتبت بواسطة هلالي مضيع يعني على كلامك ياسر افضل من عيسى حآليآ..! اقووول كيف الحال صدق عيسى اليوووم مستواه فاشل لكن على الاقل مافيه الا هو يبرد الصدر من المهاجمين على العموم الهلال يبغاله اعادة تصميييييم وتنسيق بعض الاعبين ووضع بعضهم في الدكه والبعد عن المجاملات بالتوفيق للزعيم

نعم أقصد ان ياسر افضل عيسى حتى في ظل انخفاض او اختفى ياسر يظل افضل

لاعب يستلم صح و يسلم صح و مهاري .. لكن ما يسجل

عيسى : لا يستلم صح ولا يسلم صح وغير مهاري .. ويسجل امام فرق صغيرة ..


عموما وجهة نظر .. و بخصوص كيف الحال .. انا بخير و اتكلم بعيد عن العاطفة ..

كالديرون هو سبب الخسارة حسبي الله عليه

إقتباس الرسالة الأصلية كتبت بواسطة معشوق الهلال خالد كالديرون فاشل جدا جدا جدا الهلال يجب عليه الاستغناء عن جميع الاجانب والاستغناء عن العاهات الخالدي نامي الجيزاني البرقان والاستغناء عن المتخاذل خالد عزيز جلب ياسر الشهراني من القادسيه بديلا عن الكوووري جلب مولينا بديلا عن ويليهامسون جلب مهاجمين اثنين لايرحمون امام الباب الهلال موسم 2001/2002 جلب الكاتو وادميلسون مع ان عنده هجوووم محلي ضارب سامي الجابر حسين العلي عبدالله الجمعان الاتحاد يبدو لي انه سيصبح لنا عقده اذا ماصار عقده لنا الايام تعووود من جديد الهلال في عام 2005 اخرج الاتحاد من كاس ولي العهد واخرجه من الدوري في 2005 واخرجه في عام 2006 ايضا من الدوري في المربع الذهبي واخرجه من نهائي الدوري موسم 2008 غير البطووولات اللي الهلال اخرج فيها الاتحاد في مواسم 2000 و2001و2002 كل مافي الموضووووع ان الاتحاد جالس يسدد الفواتير للهلال الحين فالجيل هذا سمح لنووور ورفاقه يسددوون الفواتير القديمه

الفاشل اهل المنتخب لكاس العالم 2006 بدون خسارة

حقق مع الاتحاد بطولات .. جا في نصف الموسم و حقق بطولتين


الا اذا كان كل هذا يعتبر فشل .. هذا شي ثاني

كالديرون فآشل !

ثانيا \ فيه لاعبين مالهم فآيده في الفريق ! نامي , والخالدي , والبرقان , والجيزاني وش نبي فيهم ذولي

والله الهلال يحتاج لاعبين صغار اتمنى انا الاعبين الي ذكرت اسمأهم يروحون ونجيب غيره

كـ ياسر الشهراني , يحيى الشهري , نبي لاعبين في مستوى الهلال !

تكفوووووووون يكفي مجاملاتنا لنامي والجيزاني والبرقان والطقه خلاص هذولي مامنهم فآيده !

عيسى قادر يسجل بس امس ماكان في يومه
كالديرون المفروض
مايخرجه يلعب بمهاجمين لفترة من المباراه على الاقل
الفريق متأخر وهو عارف امكانيات احمد علي اللي ماعنده
ماعند جدتي يخليه لحاله هجوم مدري صراحة وشلون
تم اختياره هذا الكورة مايعرف يمسكها

يعطيك العافيه ~

من جاء كلديرون ما اضاف اي شي للهلال و كل اعلام الهلال طبل لهذا المدرب
وهو يتحمل 50% من الخساره و ال50% الاعبين

إقتباس الرسالة الأصلية كتبت بواسطة غرورهلالية عيسى قادر يسجل بس امس ماكان في يومه كالديرون المفروض مايخرجه يلعب بمهاجمين لفترة من المباراه على الاقل الفريق متأخر وهو عارف امكانيات احمد علي اللي ماعنده ماعند جدتي يخليه لحاله هجوم مدري صراحة وشلون تم اختياره هذا الكورة مايعرف يمسكها يعطيك العافيه ~

معليش ,, بس و ش فرق المحياني عن احمد علي ؟؟؟

نفس الامكانات .. حتى احيان احمد علي يحرث الملعب ورى الكورة ؟؟

والله ودي اصدق ان المحياني مهاجم خطير بس عجزت .. اقرا كلامكم واشوف لعبه الرجل ماعنده شي .. و فاقد الشي لا يعطيه

إقتباس الرسالة الأصلية كتبت بواسطة ولد رومـــا من جاء كلديرون ما اضاف اي شي للهلال و كل اعلام الهلال طبل لهذا المدرب وهو يتحمل 50% من الخساره و ال50% الاعبين

ماكان مطلوب منه يصنع فريق .. كان المطلوب يوصل النهاية بافضل طريقة ممكنة .. وبطولتين اتوقع كانت ممتازة مرة