اكتب هالرساله وأنا مصاب بذهول من جماهير الهلال

اول شيء ابدأ بكلام الاسطورة صالح النعيمه اللي كان على الجرح وواقعي ولا فيه مجامله وأصيب بعض والغريب يجي واحد يول ان النعيمه يبي منصب ياناس حدثوا الهاقل بما يعقل النعيمه يبي منصب عشانه قال رأيه بس ؟ ياناس هذا اسطوره وأن تكلم يكون تكلم من الحرقه اللي فيه والله طلعتنا كانت مخزية قدام الاتحاد تنهزم مرتين وبالثلاثة ووحده منها بالرياض والله شيء يقهر والله يستر من الجاي والله خوفي تاريخية اما سالفة لا حرام الاعبين يجرح مشاعرهم مساكين والله ما المسكين الا اللي يقول الكلام هذا

ثاني شيء اروح لرادوي الاعب مايبي الهلال واشوف كمية تعليقات هائلة عنه لاترحل.. ياناس هو مايبي الهلال ونسوي له تواقيع قويه صراحه والاغرب ان عمر الغامدي يوم يروح ماشفنا له حجم هالتوقيعات مع انه احد اساطير الهلال واللي قدم مع الهلال بطولات مايقدمها أي لاعب حتى الاسيوية كان له دور فعال فيها طبعًا انا اكلم هنا الهلاليين الحقيقيين اللي يعرفون قيمة عمر الغامدي وبالمناسبة رادوي أشوفه قادر الهلال يجيب واحد احسن منه لانه ما اعتبره لاعب خرافي لاعب مايبينا ونروح نسوي له تواقيع قوية شوي بحق الهلال والهلاليين ارجع واقول تراه مايبي الهلال يعني خلوا عننا شوي كرامة

الرسالة هذي للاعب ياسر القحطاني طبعا هالاعب هو اكثر لاعب سعودي اعطي فرصه واعتبره اكثر لاعب خذل فريقه خاصه الموسم هذا ياسر والله جمهو الهلال وقف معك وقفات ما وقفها اي جمهور بالعالم مع لاعب صا خذلانه لنا شيء طبيعي اوكي انت قدمت للهلال بس الى الان خذلانك للهلال اكثير من ماقدمت ومستواك اصبح من الطبيعي انه نازل وكل مباراة في نزول مستمر وتضمن انك اساسي وتضمن ان الجمهور بيصفق لك والله شيء يقهر انا اقول هالكلام ومقتنع ان ياسر القحطاني افضل مهاجم بالمملكة وقد يكون بتاريخ المملكة من ناحية الامكانيات ومع ذلك يخذلنا من يوم ماجاء ماقدر يوصل لنهائي الاسيوية والله شيء يقهر شوف المهاجمين اتمنى ان ياسر خلاص على دكة الاحتياط ويفكوننا وسالفة انه بعد كل اسيوية يصير مصاب هذا شيء يلفت النظر صراحه بس بقولك شيء اي لاعب جمهور الهلال ياقف معه هالوقفه المفروض يحس ولا تقولون ظروف ومادري وشو
واللي يقهر زياده انه لما تشوف عيسى يلعب ولا محمد علي تحس انهم ودهم يسوون شيء بس الامكانيات محدودة شوي وياسر بهالامكانيات بس تحس انه خلاص اصبح شخص واسمحولي على التعبير مثير للشفقة

الرساله الجاية الى الامير عبدالرحمن بن مساعد الذي اكون له المودة بصراحه جبنا الدوري بدون هزيمة جبنا كاس ولي العهد اوكي حلو بس لو بسال اي واحد من الجماهير الهلالية بيقول اي الدوري وولي العهد هي بطولات الهلال من الطبيعي انه يحصل عليها كل موسم طبعا مع احترامي للارقام اللي قدمت بس والله الهلال يبي اسيوية يبي اسيوية يبي اسيوية يعني لو بنتكلم عن البطولات الى الان الامير عبدالرحمن بن مساعد مايفرق عن رؤساء الهلال العاديين الا لو جاب اسيوية طبعا ما انكر مجهودات الامير بس قستها من حيث البطولات

من ناحية الفئات السنية عندي استفسار بسيط ياسر جاي من القادسية عيسى جاي من الوحدة الجيزاني من الحزم الجمعان من الفيصلي العنبر من فريق بالخرح والصويلح من الفتح بالمناسبة ابي اخر مهاجم لعب للهلال كان مع الفئات السنية تكفون لاتقولون لي عبدالله الجمعان ابي جواب ويارب اكون مخطي


اتمنى التفاعل