|
سـؤال واحـد .. ســوف يقتنع بعده الجمــهور بالــهزيـمـه ؟!! اولاً .. من باب الاخلاق الرياضيه أبارك للاتحاد الفوز .. وهارد للجمهور .. والهزيمه في مباراه او ثنتين ليست نهايه كل شي .. ثانياً .. والاهم .. الفريق ممتاز كحراسه .. وجيد جدا الى ممتاز كدفاع ... وأيضاً كذلك الوسط .. لكن الهجوم ؟!! سؤالي .. كيف تستطيع الفوز .. وانت لا تملك مهاجم يسجل اهداف ؟!! الجواب لكم .. لكن بستعرض مهاجمينا الافذاذ .. ياسر القحطاني .. الكاسر الساحر في اول موسم .. بعدها صرت ارى ياسر مبدع كثيراً في التصاريح واعلانات موبايلي .. ولم اجد ياسر داخل الملعب المرعب القناص .. اللي يسجل من نص فرصه مثل ما كان !! - عيسى المحياني .. مهاجم مجتهد ولا يلعب سوى بعض المباريات .. وبكل صراحه لا يصنع الفارق في مركز الهجوم !! - احمد علي .. لا عب مجتهد يعطي كل مجهوده .. ولكن مشكلته ما يملك الموهبه .. عكس ياسر !! - وليد الجيزاني .. وهنا اقف عاجزاً عن الكلام .. فالصمت افضل !! ** يا عالم فرق العالم كلها تبحث دايماً عن افضل المهاجمين الهدافين .. اذا الفريق كله ممتاز ولا في هداف كأنك (( يابو زيد ما غزيت )) .. لذلك الهدافين اسعارهم غاليه .. الهدافين وليس المهاجمين ؟!! |
اولآعسى ماهو مبروك فوزهم ثانيا المهاجم ثم المهاجم ليس في الهلال هجوووووووووووووووووم |
وربي صاااااااااااااادق هجومنا عقيييييييييييييم واكثر اهداف الهلال من لاعبين المنتصف |
إقتباس:
^_^ صادق يا خوي .. وهل تذكر هجوم الهلال مع سامي وسيرجوا والجمعان .. ماذا حقق الهلال !! |
اتمنى ان اشاهد لاعب الوحده مختار فلاة في الهلال لاعب له مستقبل وصغير في السن هل نظرتي في محلها |
اولا .. هارد لكل الهلاليين الخسارة والحروج من الكأس وانا لا اعرف كيف الادارة يرون الفريق يحتاج الى الكثير ونحن نوهم انفسنا ..انا جيدون وممتازون بالله عليكم بعد ذهاب جيرتس ماهي التغييرات التي حدثت بالهلال .. احمد علي مكان نيفيز وهو تغيير خاطيْ انا اتفق مع الجميع الهلال بلا هجوم كالشخص بلا اسنان واعجبني كلام الكابتن فيصل ابوثنين عندما قال : لو يلعب الهلال اسبوع مايهدف بهذه الطريقة .. فياسر لا ينفع واحمد علي لا يفهم والجيزاني منتهي الصلاحية وعيسى اصبح اكثر رعونة بالكرة .. والاهداف دائما تاتي من الوسط .. كما احب ان اشير الى متى والفريدي يلعب بهذه البرودة السلبية ..هل احد يتكلم معاه او كأنه يلعب في حارة .. والله قهرني قهر .. رغم سذاجة المدرب والتكتيكك .. لكن تعالوا الى كرسي الاحتياط بالله عليكم من البديل الي بيغير مجرى المباراة .. كانوا معانا الصويلح والعنبر رغم لياقتهم الغير الكافية لكن خروجهم ربع ساعة يسجلوا اهداف ويغيروا مباريات كذلك المنتخب الاولمبي ووقت المباراة .. فالعابد مؤثر في الوسط وخاصة القرينتا والتحدي لدى العابد ممكن كانت تغير شيء .. واخيرا انا مقهور ووممكن يصير في شيء لو هزمونا في جدة مرة اخرى وبنتيجة كبيرة فندى اخوي للامير عبدالرحمن .. اطردوا كالديرون وحطوا واحد ثاني من شان مباراة جدة تكون لكم ردة فعل للاعبين ولو حتى يحفظوا ماء الوجة .. |
كلامك صحيح وتخيل لو كان فيه مهاجم هداف يستثمر الضغط على الفريق المنافس بأهداف من نصف الفرص لكن للاسف الواقع ان الهلال يضغط من بعد الدقيقة الخامسة الى الدقيقة ثمانين ولا يجد من يستثمر هذا الضغط وبالفعل سؤالك يبيّن سبب الاخفاق المتكرر في اسيا وفي مباريات الكؤوس اللي تحتاج تسجّل من نصف الفرصه لان مباريات الكؤوس بالتأكيد تبي تكون مقفلة وأي فرصة يجب اسثمارها في الشباك على طول (ما عندك مهاجم تبي تفوز مثلا) |
شيلوه كالديرون بعدين فكرو كيف نشيل لاعبين لاهنت |
يسلمو يالغالي الظروف لا بد لها من تأثير والفريق رغم الاخطاء مؤخرا لم يقصر الحمدلله على كل حال ننتظر التصحيح تقديريى,,,, قدرا الله وما شاء فعل تقديري ,,,,, |
كلام حلو وبحول الله فالنا التاهل وصراحه فرق بين الهداف والمهاجم اتمنى نجد مهاجم هداف والهلال نادي رائع في كل الخطوط الا في الهجوم والدليل حتى من ابناء النادي مافيه مهاجم شباب وخانته الهجوم عندنا من ايام سامي ماشفنا فيها مهاجمين شباب ويعطون الفرصه في المعسكرات لابد من هذا الشي اضافه الى وجود مهاجم اجنبي هداف |
هجوم عقيم وش تترجوون بعد والله ودي ان الهلال يبيع كل مهاجمينه ويجيب هجوم جديد يسوي فورمات للهجوم |
جبتها على الجرح أنشهد ما فيه مهاجم قناص قول وفعل مو قول مثل اللي عندنا قناص الغفلة |
قبل الهجوم مافيه صانع العاب وانت شوف نور وش يسوي وشف الشلهوب وش يسوي نبي مهاجم هداف وصانع العاب ونبي المباراه الجايه نلعب بالاولمبي زي الوحده |
إقتباس:
صح .. الموسم اللي راح اعتقد كان الهداف هو الشلهوب .. واهداف لاعبي الوسط اكثر من اهداف المهاجمين بفرق شاسع !! |
إقتباس:
صح لاعب جيد .. لكن ما اختبر قدام دفاعات قويه .. وبعدين احس انه مايملك المهاره العاليه .. بصراحه نحن لا نريد لاعب فوره ويطفي .. نريد مهاجم مثل سامي يعطيك الى الاعتزال . |
| الوقت المعتمد في المنتدى بتوقيت جرينتش +3.
الوقت الان » 01:26 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd