|
جماهير الزعيم تحاصر الأمير عبدالرحمن بن مساعد بعد خروجه من الملعب السلاااام عليكم ورحمة الله قبل قليل في برنامج الجوولة ع قناة لاين سبورت لقطات لجماهير الهلال وهي تُحاصر الأمير عبدالرحمن بن مساعد أثناء خروجه من الملعب رغم إنه رفض التصريح للإعلام إلا إنه كآن يستمع لردود فعل الجماهير بعد الخسارة الفادحة تمنيت من لاين سبورت لو حطت المايكرفون الطويل ذالك اللي يستخدم أثنآء تصوير المسلسلات <والله من اللقافة :d:cry: من جد كآن وددي أسمع وش قالوله يآرب يكونون ألحّوا عليه بإقالة كالديرون وهذآ المتوقع منهم هاردلك الخسارة جماهير الزعيم:cry: اللي يبي يشوف اللقطة يتابع الإعادة |
نبي يشيلون اللامباله وعدم الروح بالفريق والله ليتهم يجيبون ابراهيم فقي والله يفجر طاقاتهم مزبوط |
ياربي ودي اعرف وش قالو له اذ احد من الأعضاء سمع ياليت يقولنا وش قال ووش قالو له!؟ |
اتمنى يقولون له عدم المثالية الزائدة مع بعض الاعبين الذين لايستحقون لبس الشعار الهلالي كلاعبين امثال وليد الجزاني محمد نامي احمد علي بيه نواف الخالدي الفريدي البارد الكوري مسوي حائط صد كرة طائرة والقائمة تطول وخالد عزيز منتهي الصلاحية اضحكو على الفرق الي تبية واعرضوه على قائمة الانتقال اتمنى ذلك |
كبير يابو مساعد ما اضن ان فيه رئيس نادي يخسر على ارضه هالخساره ويوقف ويناقش الجماهير .. بالتوفيق لزعيم |
كانوا جالسين يــعـــزمـــــونه |
شبيه الريح ماقصر مع الفريق عمل كل شي بس البلاء في الاعيبه اللي مايحسون نقطة مهمه جدا جدا جدا جدا جدا الهلال في المباريات الكبيره والحاسمه يحتااااج للامور النفسيه اكثر وهذا مالم تطبقه الاداره التي عاملت الاعبين على انهم لاعبين خبره ومتمرسين على المباريات اما غير كذا فاشبيح الريح وادارته ماقصر وبيض الله وجهك وإن شاء الله يستمر مع الهلال لسنوات طويله لانه بصراحه غير مفهوم الرياضه لدينا |
اكيد يناقشونه في احوال الفريق والتغيرات الموسم القادم |
نبي يشيلون اللامباله وعدم الروح بالفريق والله ليتهم يجيبون ابراهيم فقي والله يفجر طاقاتهم مزبوط |
الخسارة بشرف على اقل تقدير اهون من الخسارة بنتيجة كبيرة...... ولماذا لايكون هناك حسم على اللاعبين في حال التخاذل والتكاسل .... لويجيبون فريق الصم حقين المنتخب كان هزم الاتحاد .... بقوة عزيمتهم والروح القتالية .... ولكن مثالية بعض اللاعبين قتلت الفريق ............................ |
صرااحه حنا ماينفع معنا غير المدرب الاوربي يعرف يضبط الاعبين وغير كذا الادارة ماتعرف شي عن التهيئة النفسية ابدااا اما ويلي واضحه نويها يبي يطلع من الفريق يعني خلاص اوت |
كان فيه نقاش حاد من بعض الجماهير والامير تقبلة بصدر رحب وتناقش معهم وجاء الامن وابعد الجمااهير يسلمو ع الموضوع تحيااتي لك |
فريق متهالك متشبع , اتنمى تسريح اللاعب وليهامسون لاعب قدم كل الي عنده ويضيع قدام الفرق الكبيرة وخواف , ويلبو مساعد جيب لنا الياباني ( هوندا ) صانع العاب وهداف وخطير وهوضالة الهلال وعدو اللعب البطيء ... |
يعني هالدقايق اللي تكلموا فيها مع الأمير هي اللي بتغير شكـل الفريق بالموسم القادم .! ...... |
حالنآ يرثى له , بـ آرضنا وَ بين جمهورنآ , مدرب عديم الفائدة , لآعبين بلآ روح , دفآع متخآذل .. مَ آتوقع هالمحاصرة المصحوبه ببعض الدقايق القليلة رآح تغير شيء , الحزم في التعامل هو الحل .. تحيآتي لكم ـم |
| الوقت المعتمد في المنتدى بتوقيت جرينتش +3.
الوقت الان » 08:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd