|
هل تـــكافيء الادارة خـــالد عزيـــز .. وتجعل بقيــة اللاعبين يحذون حذوه ... ؟ مساكم الله بالخيـــــــــــــــــــــــــــــــر بصراحه خلال السنوات الاخيره وبعد الافعــال المتكرره من اللاعب الموهوب (( سابقا )) خالد عزيز اعتقـــد انه اصبح غير مطلوب في قائمة الهلال سواء الاساسيه او الاحتياطيه .. ** تغيرت الادارات وتغير المدربين وتغير مدراء الفريق واللاعب كما هو لم يتغير .. انا لن اتكلم على خالد عزيز اكثر وهو الذي اعتبرناااه من نجوم الفريق وهتفنا باسمه واحببناه ولكـن هل تعلمون ان الهلال حقق الدوري والكأس بدون خساره في ظل غياب خالد عزيز ..! وهل تعلمون ان الموسم الماضي حققنا ايضا الدوري والكاس وتأهلنا لدور الثمانيه اسيويا في ظل غياب خالد عزيز اغلب المباريات ..! اذا فريقنا بإذن الله لن يتاثر سواء لعب عزيز أو لم يلعب .. ولكـــــــــــــــــــــــــــــــــــــن ما يخيفني ان تكافيء الادارة خالد عزيز وتجعله ينتقل لنادي اخر او تقايضه بلاعب من نادي اخر فالنتيجه ليست وقتيه ولكن ستنعكس بالمستقبل على كل اللاعبين إذ ان كل من يريد ان ينتقل من الهلال ما عليه سواء ان يغيب عن التمارين ويتمرد شيئا فشيئا لكي تكافئه الادارة بالانتقـــال .. انتبــــــــــــــــــه يا شبيه الريح من هذه النقطه .. إذا كان خالد عزيز لا يريد اللعب ويغيب ويتحجج بالاصابات .. فالمدرج هو مكانه حتى ينتهي اللاعب فنيا ولياقيا ... وحتى يكون سعره بسوق الانتقالات اقل بقلييل ماهو حاليا انتبه انتبه انتبه يابوفيصـــل المسئلة ليست مسئلة خالد عزيز وانما هي مسئلة مستقبل الهلال ارجوك لا تجعل الباب مفتوح لكل من اراد الانتقال يبدا بالغيااااب ،،، |
خالد عزيز زووودها بقوووه وأعتقد إن الإداره تقدم عمل إحترافي في جميع النواحي وأكيد فيه لائحه داخليه للعقوبات في النادي تعمل الإداره عليها وهي الأعرف بما تتخذ من عقوبات تجاه اللاعب وأنا من وجهة نظري إن عزيز ماراح ينفع معاه شي أبو طبيع مايجوز عن طبعه يعطيك العافيه |
امنى من شبية الريح ان يوفى بعهده وهو جعل عزيز يحترق وينتهي بالمدرجات كما قال في اول موسم له سوف اجعل مصلحة الفريق فوق الكل ومن لا يحترق من اجل الشعار مكانه المدرجات ولن ينتقل لاي فريق |
اتفق معاك كلامك صحيح إذا كان عزيز ناوي يترك الهلال لأجل نادي اخر يجب على إدارة الهلال ان تخليه في النادي لين يخلص عقده بشرط ان تغيبه عن جميع المباريات ويتدرب مع الأولمبي عشان يتعلم الأحترام للهلال |
انتبه اذا لعب خسارة شنيعه او تعادل بس وقف عنده فتمين و قوي لازم يجلس عشان اذا احتجنا نخسر يلعبونه |
أتمنى تحويله إلى هاوي وينزلونه يتدرب مع الشباب وإذا انتهى عقدة مب لاقي أحد يضمه لأن اللاعب زودها بكثر غياباته |
وهل تعتقد ان إدارة بن مساعد واحترافية سامي ممكن تمر عليها هالنقطة بدون ما يفكرون فيها من كل الجهات أتمنى ما نحشر أنفسنا في كل صغيره وكبيرة ونترك أمور الإدارة لأهلها الا إذا ما عندك ثقة في إحترافية هالإدارة فهذا شي ثاني |
متى بنشوف الإدآره تعآقبه !!! |
الله يستر والله إني أعشق عشق موب هين ( لإدارة عبدالرحمن بن مساعد منذ قدومه ) >> أعشق فن الطاقم إدارياً وفنياً >> بس صرت أخاف من إحترافية هالطاقم الاداري (( يتحول إلى نظام الفقر والاتهاد )) في عدم الصرامه والانضباطيه بسبب لاعب >> مزووودها عن حدها |
اتمنى عدم فتح المجــال امامه ... واعتقد حنا ما تدخلنا بعمل الاداره مجرد للتذكير لأننا نشوف الاعلام والاراء انه فيه مقايضه فلابد من التنبيه والتذكير .. |
الله يعطيك العاااااااافيه وبالتووفيق لللزعيم |
اتمنى نجدد معه وبعدها نخليه يتكي في المدرجات والله حرام بعد كل حركاته هذي نكافئة بالانتقال الكلام ماهو عشان غيابه الكلام عشان التراكمات اللي صارت من عزيز دايم اي مباراة قدام الاتحاد يغيب وهذي وااااااااااااااضحة وضوح الشمس |
اخوي كاتب الموضوع انت محاسب من الله في الظلم ان اعنت عليه ومعظم ردود الاخوان المحترمين انا اول واحد يقول عاقبوا عزيز وفق النظام لكن اسلوب (انهه) ليه وين حنا وين الدين عزيز مايبي يلعب يجيب وكيل اعماله ويجيب عرض من الفريق اللي يبيه لو النصر ومع السلامه والله يوفقه الانديه لاتقف على لاعب ولا على شخص مع احترامي للاتحاد والبلوي او يقايضونه مع القميزي ظهير ايمن شباب الشباب اذا يبي الشباب او مع الراهب اذا يبي الاهلي اتمنى على سمو الامير عبدالرحمن ان يجتمع بجميع الاعبين ويقول بالحرف الواحد ياشباب اي لاعب لايريد الهلال يقولها الان ويجيب مندوب من الفريق اللي يبيه ومع السلامه ايا كان الفريق واذا ماهو مارتاح مع الفريق يبلغني اتمنى ان لايبقى لاعب بالهلال لايريد اللعب وانا اقول ان مكافات الفوز في الهلال اكثر من عقود بعض لاعبي الانديه الاخرى وعلى مسئوليتي هالكلام ارجوا ان تقبل وجهة نظري |
اخوي ثائر الهميجان نحن نفكر تفكير منطقي ولا نفكر تفكير همجي ... حنا نبحث عن مصلحة الفريق سواء عزيز ولا غيره .. لما اللاعب ياخذ ملايين وياخذ رواتب وياخذ مكافئات وهو مالعب ابدا .... ويسوي معنــا كذا عشان ينتقل .. بهالطريق كل لاعب يوقع مع الهلال ب 5ملايين بعدين يغيب وينتقل للاتحاد ويوقع 6 ملايين ويغيب ويروح للنصر ويغيب وبعدهــا يروح للشباب .. صارت مصخره ...؟ اللاعب وقع عقد مع الهلال وهذا العقد احترافي تغيب مره نمشيها مرتين نقول مو مشكلة لكن كل مره والثاني تغيب مره بالبحرين ومره مدري وين ... انا والله ما اتحامل على خالد عزيز ويعلم الله اني من عشاق فنه وابداعه ولكن انا ما حبيت خالد الا من الهلال ولو اني اشوفه بالشارع وهو مالعب بالهلال ما حبيته ... اذا تقول ان كاتب الموضوع يظلم ومدري ايش .. لو ان خالد عزيز موقع على بياض كان اقول ما يستاهل اخوي ثائر لو انت مدير وعندك موظفين اثنين واحد مجتهد ومثابر واحد مهمل هل من المعقول انك بترقي الاثنين سواء لمرتبه اعلى ..؟ ولا انك بترقي المجتهد وتخلي المهمل .. لان لكل مجتهد نصيب فهل من المعقول يجي احد ويقول ياخي انت انهيت الموظف ولا رقيته النـــــــــــــــــــظـــــــــــــــــــام والقانـــــــــــــــــــون اساس الطريق الصحيح واساس للتقدم والتطور اكثر لكن المجاملات وحب الخشوم هذا ألي بيضيعنـــا |
عزيز راح ينتقل للتشاد بعد مفاوضات البلوي لعزيز وهذا مادعى عزيز للغياب عن تدريبات الهلال لكي تعاقبه ادارة الهلال بالتنسيق والسماح له بالانتقال!! عزيز مصيرك مثل خميس العويران واحمد الدوخي رووووح ياخاين الزعيم اكبر منك وخل البلوي والتشاديه ينفعوك الى مزبلة التاريخ |
| الوقت المعتمد في المنتدى بتوقيت جرينتش +3.
الوقت الان » 04:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd