رسـمـيـاً : لويس إنريكي مدرباً جديداً لـ رومآ - نادي الهلال السعودي - شبكة الزعيم

عاشق s.ramos · #1 08/06/2011, 09:27 PM

أعلن نآدي رومآ الإيطآلي عبر موقعه الرسمي أن أتم التعآقد مع الإسبآني لويس إنريكي
مدرباً جديداً للفريق خلفاً لـ مونتيلآ بعقد يربطه مع الفريق لـ مدة موسمين قآدمين
مع إمكآنية التمديد لـ موسم ثآلث , و برآتب سنوي قدره 1.6 مليون يورو

يُذكر أن توقيع العقد تم قبل بضعة دقآئق عبر الفآكس ض1
و سـ يحضر إنريكي للعآصمة رفقة 4 من مسآعديه
أحدهم الإسبآني المعتزل حديثاً إيفآن دي لآ بينآ

UFFICIALE, LUIS ENRIQUE E' IL NUOVO ALLENATORE DELLA ROMA

غوتي الجنوب · #2 08/06/2011, 09:57 PM

أنت بسس شف الإبتسآمة تعرف ان ماعندك أحد هههههه

ألف مبروك المدرب , أخيراً سمعنا شيء رسمي

أتوقع نسبة نجاحه 45%

لكن ننتظر صفقات اللاعبين ونشوف وش بنسوي
بالمناسبة

... انريكي يحاول يآخذ معه بويان ويجيبه عندنا

شكرآ أنس

اليوفي و بس · #3 08/06/2011, 10:10 PM

روما أول الايطاليين الذين يريدون الخروج عن أفكار قناعات قديمة أصبحت باليه للأسف

ليس عندي فكره عن انريكيه المدرب و لكن الاتجاه لخارج ايطاليا في التدريب خطوة نحو التغيير

بالتوفيق للإسباني و روما

سعد الحسيني · #4 08/06/2011, 10:59 PM

خطوه حلـوه من رومــا جلـب مـدرب طموح
ويرغـب بحصد الألقــاب

بالتوفيــق لـرومـا

شكراً لك

Lover Inter 9 · #5 08/06/2011, 11:53 PM

مدرب جيد ,

واتمنى له التوفيق مع روما ودي يذكرنا روما على ايامهم 2009 ,

لكن اهم شي يجيبون مهاجمين بالصيف ولا روما راح يفشل لموسم اخر ,

وشسمه انس

Hala Madrid · #6 09/06/2011, 12:06 AM

مدرب ممتاز وبيفيد روما , كان يدرب شباب برشلونه واخذو المركز الثالث ,
عناده ابعده عن اتلتيكو مدريد لانهم اختلفو بالعقد , كان ودي يدربهم ويستمر مانزانو مع اشبيليه عشان يكون فيه تنافس .
انريكي يعتمد بشكل كبير على نفسيات الاعبين وبنشوف تغيير بلاعبين روما .
عوافي انوس ..

ابو الهش10 · #7 09/06/2011, 12:45 AM

ان شاء الله يصير كويس
واهم شي انه يصير صاروم وشخصيه قويه

ارسنالي القنفذة · #8 09/06/2011, 01:09 AM

كل التوفيق له مع الجالوروسي

s.Milandini · #9 09/06/2011, 02:07 AM

إقتباس

الرسالة الأصلية كتبت بواسطة غوتي الجنوب


	أتوقع نسبة نجاحه 45%

دقيقة دقيقة يا الرومانيستا

..
عشان نقيمه بآخر الموسم الجديد ونقول أنه نجح بنسبة كذا أو فشل بنسبة كذا لازم تعطونا أهداف روما
الطموح هو تحقيق كل الألقاب الممكنة والفوز في جميع المشاركات ، لكن أنا هنا أتكلم عن الأهداف وليس الطموح
يعني روما وش يبي أقل شيء من الموسم الجاي : دوري ، كاس ، دوري وكاس أبي أعرف وش يبي بالضبط
لأن الموسم الماضي كانوا " بعض " الرومانيستا يقولون بداية الموسم أنهم ناوين على الإسكوديتو ولما فاز به الميلان قالوا أصلاً حنا نفكر بالكوبا والدوري صارت لنا فيه ضروف ومن هالمخارج

خلوكم مثل غالياني بداية الموسم صرح وقال : " هدفنا الإسكوديتو وسنحاول الفوز بكل بطولات الموسم "

أنا الآن الآن بالضبط أبي أهداف روما في عيون الرومانيستا هنا وأخص بالذكر مشعل لاماجيكا ومحمد الغرناطي وأنس عاشق راموس وأبوكابيللو سابقاً وفيه بعد واحد بس ناسيه الحين

سآهـي · #10 09/06/2011, 04:39 AM

الله يطرح به البركه

دي لآ بينآ < الويل لك

،/

سعد

تونآ مآقلنآ بسم الله ، وأنت تبي أهدآف الموسم الجآي ؟

على الأدوآت الي يملكها إنريكي " حالياً " بيض الله وجهه إن
حقق أحد المرآكز الثلآثة المؤهلة لـ التشآمب .

لكن خل بـ بآلك الفقمة للحين مآدخل الميركآتو !!

+

مآندري عن شغل إنريكي

غير كذآ مآندري بعد

هل الموسم الجآي موسم إعدآد ، موسم بطولآت
موسم هبوط

.. مآندري يآصديقي

الوشسمه ضبآبي

Royal Lover · #11 09/06/2011, 05:00 AM

،

يعطيك العافية أنس

مدرب ممتاز صراحة عطفاً على اللي قدمه مع برشلونة الاحتياطي ..
أتمنى له التوفيق مع روما

musab-milan · #12 09/06/2011, 06:49 AM

روما طريقة لعبهم ممتعه شوي

عكس اغلب الاندية الايطالية

اتوقع المدرب ينجح بشكل بسيط معهم

وما ااتوقع مكانه في روما

روما كنت متوقع انشيلوتي يدربهم

إقتباس


	s.Milandini

ياحبك للتحجير

زعـيـم اسـيـأ · #13 09/06/2011, 10:28 AM

بالتوفيق لروما
وانا ماشوف ان خطاء تتعاقد مع مدرب مغمور
بالعكس اشوف افضل من ان روما تجيب انشيلوتي المتشبع
انا اتوقع نجاحة بنسبة 84%
المهم ان روما في حالة انشاء من جديد يعني نبي نلعب
على نار هادية نتعاقد مع لاعبين للمستقبل
والمهم يكون الاهداف واقعيه

مجنــ الانترـــون · #14 09/06/2011, 11:54 AM

مآآعتقد بيكون آفضل من مونتيلآ بصرآحه !

لو جلسو على فيشينزو احسن لآنه فآهم في آمور النآدي و غير ذآلك اللاعبين انسجمو معه بنصف الموسم !

والآخوآن بصراحه يقولون مدرب كويس بـ فريق مأدري وش , يعني معقول تقآرنون الانديه والمدربين بالسيري آ ! شي غريب فعلاً !

s.Milandini · #15 09/06/2011, 03:01 PM

إقتباس

الرسالة الأصلية كتبت بواسطة s.Milandini


	أنا الآن الآن بالضبط أبي أهداف روما في عيون الرومانيستا هنا وأخص بالذكر مشعل لاماجيكا ومحمد الغرناطي وأنس عاشق راموس وأبوكابيللو سابقاً وفيه بعد واحد بس ناسيه الحين

سبحان الله .. اللي نسيت اسمه هو اللي جاء ينط ورد

هلآ سآهي

طيب أوكي .. لكن يا ليت لو تحددونها بدري شوي .. يعني مع الجولة الآولى يمديكم

؟!
أهم شيء لا تجيني بالدور الثاني تحدد لي أهداف روما