|
مقايضة نجومنا بكومبارس الشباب ,, كلاكيت ثاني مره ,, لماذا موقفنا في المفاوضات دائما ضعيف ,, دعوه للنقاش الى من يقرا هذه الاسطر ابعث تحياتي له وشكري على الدقائق التي سيقضيها في قرائة موضوعي ولكم يسرني ان يكون هذا الموضوع مثالا للنقاش العلمي (( الازرق )) والازرق فقط في البداية احب ان اوضح بان ما يعاني منه الهلال في بعض المراكز هو ليس بسبب ضعف في شخص او في ادارة الامير عبدالرحمن بن مساعد ,, ولكن بكل بساطه هو في ضعف القاعده التي كان همها لسنين طويله حصد الالقاب بدون ان يكون هناك عمل على اللاعب نفسه ,, ولان الاندية الثانية لم تكن مهتمه كثيرا بهذا القطاع اما هذا العام بنادي الاهلي الذي يسير على الطريق الصحيح باكادمية ضخمه وعالميه ,, ونادي النصر الذي استقطب مدربين متميزين ,, ناهيك عن طريقة التعامل مع المواهب المستجده وتيسير وصولها وعرضها على المدربين وايضا عدم وجود الواسطات في تلك الاندية لا تجد لاعب اسمه فلان الحارثي عشان سعد ولا فلان معاذ عشان مالك والنتيجه ان الاهلي الان يملك 3 قلوب دفاع بالمنتخب يعني الاحتياطي في الاهلي احسن من (( سلطان الدعيع )) الاساسي في الهلال اللي مايملك بالمنتخب الشاب الا السديري اتى الامير عبدالرحمن وياليته بدا بداية صحيحه وتعاقد مع مدربين في الفئات السنية عشان مثل هالوقت بعد مرور 3 او حتى 4 سنوات يكون اللاعب اللي دخل النادي وعمره 16 وتمرن مع المدرب الجيد الي جابه الامير عبدالرحمن في الناشئين ثم انتقل لمدرب جيد في الشباب والان اين سيكون ؟؟ في الاولمبي وبرضوا مع مدرب متخصص في الاعداد ساعتها ماتحتاج لا تروح للقادسية ولا للوحده ولا للاتفاق ولا لغيرهم ولكن الامير فظل الصرف على المدربين واللاعبين الاجانب واهمل الفئات السنية وكان العذر انها بيد الامير بندر ماهي الاظافة التي اضافها الامير عبدالرحمن للفريق محليا ؟؟ يحيى الكعبي ؟؟ وليد الجيزاني ؟؟ فيصل الجمعان ؟؟ هل هؤلاء هم صفقات الهلال الحاسمة والمؤثره ؟؟ نجد ان لاعبين مثل عبدالرحمن القحطاني وكامل المر وكامل الموسى الهلال كان في حاجتهم وشروهم الاندية المنافسه واحنا نتفرج ,, نجد ان الامير يصرح بتاريح غريبه ويقول اذا دخلنا الصفقه يغالون بالسعر واقول للامير لو مانشستر قدم عرض لولي ب4 مليون يورو تقبله ؟؟ او حتى 6 او 7 مليون ,, هل هذا الرقم المتوقع من نادي مثل مانشسر يونايتد بعراقته ؟؟؟ من ناحية ثانيه (( تستاهل )) نعم تستاهل يالنادي اللي ماتتعب ولا تشتغل على المواهب انت ما تميزت كنادي الا بسبب الاجيال الي كانت تطلع من النادي اجيال ذهبيه ومواهب كنا محسودين عليها الي خلاني اكتب الموضوع اليوم هو مقايضة السلطان بخالد عزيز فبعد ان انتقل افضل محور سعودي في الهلال وربما بالسعودية كللها عمر الغامدي اللاعب اللي ابعدته الاصابه في الموسم الماضي اشترينا لاعب اقل مايقال عنه انه ليس لاعب كورة قدم فتاريخ وليد من يوم خلق على وجه الارض الى اليوم لا تجد فيه انجازات موسم واحد من مواسم عمر عمر + خالد = افضل ثنائي مر في تاريخ المحاور بالسعودية كللها فلما استغني عن واحد منهم اجيب نجم في مركز ثاني يعني عمر كان المفروض على اقل تقدير اننا نبادله بحسن معاذ حتى لو استلزم الامر زياده ماليه مايبغى الشباب بسلامته اما عشان البلطان اعطيه نجم واخذ لاعب مانفعهم بشي ؟؟؟؟؟ اليوم عزيز يبغون يودونه عشان يصير مركز المحور بالشباب افضل مركز عزيز الغامدي احمد عطيف انت وش بتسوي الحين قدام هالفريق معقوله انت تبني قوة الفريق المنافس لك بنفسك ؟؟؟؟ زي ما انت ميت على ظهير هو ميت على محور , ليه يوم نبادل عزيز مانطلب الشهيل حتى لو استلزم الامر زيادة في المبلغ المالي الشهيل احسن لاعب الان بالمملكه ويلعب يمين ويسار فكيف انا ادمر مكتسبات النادي واللاعبين اللي موجودين من اول ونجوم ,, ولا انا اللي اهتميت بالقاعده وطلعت نجوم ولا انا اللي بدلتهم بنجوم مثلهم ببساطه انت بتحل له مشكلة المحور ولكن لاعبه هل يحل لك مشكلة الهجوم؟؟؟ اكيد لا لاعبون مطلوبون بالهلال لدعم الفريق الالمبي ياسر الشهراني + عبدالعزيز فلاته + محمد السفري + عبدالله الحافض + ثنيان المطرفي + عبدالمجيد الرويلي لاعبون للفريق الاول يحيى الشهري + محمد مسعد + عبدالله شهيل كثير ؟؟؟؟ لا ماهوب كثير هذا مهر الاسيوية للي يبيها من يوم مامسك الامير واللاعبين اللي يشتريهم عاهات ولافيهم لاعب يسوى القميص اللي يلبسه ,, وتدهور في مستوى الفئات السنية وتميز للخصوم واحنا نبيع نجومنا ونستبدلهم بانصاف اللاعبين لاعبين بالهلال يمكن الاستفاده منهم في كمقايضات عبدالله الزوري + ماجد المرشدي + حسن خيرات + محمد نامي + سلمان العميري + خالد عزيز + عبدالطيف الغنام + سلطان البرقان + وليد الجيزاني + احمد الصويلح + محمد العنبر السؤال يوجه لكل قارئ ,, هل اهتم الامير بالقاعده لكي تغنيه عن منة الاندية الاخرى ؟؟ هل حسم الهلال صفقة محلية مؤثرة طوال فترة رئاسة الامير لسد الثغرات الواضحه والمبكية؟؟ لماذا لم نعد نستقطب النجوم ممن اظهروا المستويات في الفئات السنية وصارت الاندية الاخرى تخطفهم من قدام عيوننا ؟؟؟ اتمنى ان اجد الاجابة في قادم الايام وان تكون على شكل افعال ,, فقد ملينا من الكلااااااااااااااااااااااام في الاعلام |
اشكر الاشراف على الموضوع والله مادري متى نزل جلست يومين اشيك عليه ومانزل وسجيت منه للتصحيح نقطتين ,, المنتخب الشباب فيه 3 لاعبين هم سالم الدوسري والجهني والسديري وصفقة عيسى المحياني هي الصفقه الوحيده التي تحسب للاداره وغيرها فالله يخلف تحياتي للجميع |
موضوع جميل ويشرفني اكون اول رد لك بس اختلف في نقطة المقايضات يعني عبدالله الزوري ما اعجبك والمرشدي والغنام عطني الاسماء اللي افضل منهم يكفي انهم مع المنتخب واخالفك بيحي الشهري لاعب اقل من عادي وجسمه صغير وبالنسبه لقاعدة الهلال انتجت لاعبين مثل الشلهوب والعابد والدوسري والفرج والقرني والبيشي والسديري يعني كل ذولا ما عجبوك النتايج ما تجي الحين النتايج بعدين مولازم فريقنا الشاب يكون كويس لو كل موسم تصعد لنا لاعبين كويسين هذا يكفي فريقنا ماشي كويس وما نحتاج اي لاعب من فريق ثاني بس انا اخالف ادارتنا في تنازل عن لاعبين مجانا مثل البرقان كيف تسوي معه مخالصه والجيزاني ب800 الف ويوم كان مع الحزم سعره كان 8 مليون سبحان الله يعني بمعنى اخر ان الغامدي سعره 800 الف لانه كانت مقايضه |
إقتباس:
بختصار انت بنيت موضوع على مجرد كلام طيب انا سمعت ان الهلال بيقايض خالد عزيز مقابل حسن كله كلام لو اكده احد اذا ماصار شي رسمي لاتبني طرح لمجرد كلام انت مثل ايام ماكانو يقولون بيجينا دروقا واكد الكلام كثير بعد ماجا العربي جا واحد قال بعد دروقا تجيبون لنا العربي هذا دليل ان الادارة طفرانه!! إقتباس:
هذا شرط رأسه عبدالرحمن بن مساعد ان تكون الفئات السنيه للامير بندر وهو اللي يجيب المدربين ويتكفل الصفقات والمعسكرات وش اللي كان العذر!! موضوعك من الأساس مبني على خطأ لو كنت مؤيد لبعض الاشياء |
بــآآآك السؤال يوجه لكل قارئ إقتباس:
إقتباس:
لا,لان صراحة اي صفقه يدخل فيها الهلال يكون فيها مغالاة غير طبيعي ,والامثله كثييرة .,’:ba1: إقتباس:
.,’:smilie47:’,. * ملاحظة آي شِخـٍص عِـنـدُه مِـلاحٌظة علىً ـآ رديً يـٍظـَغـِطَ :ba: .. HeRe |
كلام سليــم والله يوفق الهلال وبانتظار ان تفعل الادراة الهلالية الفئات السنية لأجل ان تدعم الفريق الاول تحياتي |
كلام سليــم والله يوفق الهلال لا خلا ولا عدم |
إلله يكتب آلي فيه إلخير ل هلآلنآ , |
للأسف الهلال يعاني منذ سنوات بضعف القاعده لديه وحتى ولو أن القاعده تصعد للأولمبي ومن ثم للأول لاعبين لايتجاوزون أصابع اليد الواحده نجد أن ثلاثة منهم ينزلون للأولمبي لضعف مستواهم وإثنين يظلون محبوسين لدكة الإحتياط أضف إلى ذلك عدم إلتفات سمو الأمير للقاعده مثل ماكان في السابق . في السابق كان لايمر موسم إلا والهلال ممثله بسمو الأمير بندر المشرف على القطاعات السنيه يسجل من سبعه إلى عشرة لاعبين نقرأ عنها بالصحف والان يمر الموسم ولانسمع عن صفقات جديده للقاعده ولكني أخي أختلف معك في جزئيه ألا وهي المقايظات والأسماء الهلاليه اللتي ذكرتها مثل عبدالله الزوري وماجد المرشدي وعبداللطيف الغنام الأول وهو رأيي وأغلب الهلاليين يتفقون عليه لامن ناحية عرضياته ولا لصغر سنه ولاحتى لتكوينه البدنيه إضف إلى ذلك مهارته والثاني رأينا اخر الموسم كيف أبدع ماجد في قلب الدفاع ماجد فقط يريد الدعم المعنوي والنفسي وسترون وعبداللطيف محور جيد لولا تكالب الإصابات لديه وأجده أفضل إحتياط لعادل الهرماش ومحمد القرني فأعتقد جانبك الصواب . ولانحمل الأمير عبدالرحمن بن مساعد كل شيء الأمير كثر الله خيره فعل مابوسعه لإرضائكم وبودي مثل مانذكر أخطاء الأمير عبدالرحمن الوجوب ذكر إيجابياته ومحاسنه بالإداره الهلاليه . إضف إلى ذلك جميع الأنديه لن تفرط بنجومها سيظلون متمسكين بهم ولو دفعوا حتى أربعين مليون ريال للأسف هذه عقليات الأحتراف لدينا تجدنا دائما عاطفيون مثل ما الهلال متمسك بهوساوي الأنديه الأخرى متمسكه بنجومها ولايلام الأمير عبدالرحمن بعد إجتهاده . مني ومن أغلب الجماهير الهلاليه ألف وألف شكر لك ياسمو الأمير على النقله والفكر اللذي أتيت به إلى الهلال من قبلك لم نكن نسمع بمثل تلك التعاقدات اللتي تدفع بملايين الدولارات ولا الفكر اللذي أتيت به كل شخص له عمله الخاص به ولاتداخل ولاتضارب مصالح على حسالب النادي ولاحتى واسطات فشكرا كل الشكر لك أنت وسامي الجابر الإداري الناجح والفعال فلأول مره هذا الفكر يأتي إلى ملاعبنا كاإداري يتقن ثلاث لغات والفكر الأوروبي إضافه إلى تشجيعه للاعبين وهو من يعزز حماس اللاعبين في الملعب كما كان لاعبا وكابتن وشكرا أيضا حسن الناقور عضو الشرف الفعال . ودمتم بخير |
موضوع قيم اتمنى من الامير عبدالرحمن بن مساعد ومن اعضاء ادارته الكرام قراءته وتمعنه لان المووضوع زي ما يقولون على الجرح اخر صفقه عليها القيمه صفقه ياسر القحطاني واسامه هوساوي اما عيسى المحياني فلم يقدم للهلال ما كنا نتطلع اليه |
إقتباس:
اولا اعتذر للجميع فالموضوع ارفعه اليوم لاني كتبته عشية خبر مقايضة السلطان بعزيز ومر اكثر من يوم قبل ان يجاااز من الاشراف عزيزي هلالي غلا الكون ,, هلا والف مرحبا نورت الموضوع بمرورك الكريم اولا يعلم الله ان مافي قلوبنا على اي لاعب هلالي اي حقد ,, حقيقة يجب ان يعيها الجميع فاي لاعب ينتقد ينتقد لاخطاء سابقة حصلت ,, يا جماعة الخير ماعلينا من مستوى الاندية الاخرى ,, انا عندي خانة كان يلعب فيها نوعية معينه من اللاعبين يجب ان لا يقل مستوى اللاعب الحالي عن هذا المستوى ,, اما الزوري ياطويل العمر فهو لاعب ينقصه الكثير ,, ينقصة التغطيه الدفاعيه ,, الارتداد السريع ,, ايضا السرعه في مساندة الهجمة كان واضح لاكثر من مباراة وفي اكثر من بطوله ان اللاعب هو والمرشدي فرجة لاي نادي يريد ان يسجل على الهلال ارجع للمواسم الماضية تجد ان هلال جريتس قوي ,, ويعيبه الجهه اليسار دفاعيا ,, تجد هوساوي يغطي خانته وخانت المرشدي تجد امور كثيره الدنيا ماشية عندنا بالبركه هنا في الدوري ,, لانه دوري ضعيف ,, لايزعل احد دورينا ضعيف مقارنتا مع السنين الماضيه ,, ماكان لاعب زي الزوري والمرشدي يلعب في الهلال لو بنتكلم عن الماضي لان الاندية الاخرى قوية كللها لذلك ماتقدر تقول للاعب غط خويك ,, كل اللاعبين يجب ان يكونوا نجوم ويالله الخراج اتمنى ماتقول لي الشلهوب موهبة ,, لانه يلعب من قبل 1418 ,, ياصاحبي انا ماعلي من الماضي الان الاهلي عنده اكاديمية ويجب ان لايقل العمل بالهلال عن الاهلي وعن غيره بل يجب ان نسبق الجميع لا ان نكون في اخر الركب الفريق هش ,, لانتحدث بعموميات ,, يا هلالي لو الموضوع هذا كتب بعد هزيمتنا من الاتحاد الثانية ماكان قلت هالحكي كان تقول نبي مدافع نبي ظهير يسار نبي مهاجم محلي ,, الان هو الوقت للانتقاد والمطالبه لا نكابر على اخطائنا يا جماعة الخير ,, ينقصنا الكثيييييييييييييييير عندنا نجوم كويسين ومانقول فيهم شي لكن السؤال هل مدربنا اللي جبناه بيعطيهم فرصة ,؟ والا المرشدي بيرزها جنب هوساوي ويكمل نكباته ؟ انا استفيد من المرشدي والزوري والغنام واجيب مكانهم لاعبين ممتازين من الاندية الاخرى ,, الشهراني او عبدالله الحافض وغيرهم الكثير ,, باختصار منتخب الشباب والناشئين الحالي ,, اي لاعب مايلعب عندنا نحاول نجيبه ونقايضة بهاللاعبين اللي ماعاد منهم رجا ,, يصلحون حقين دوري اما اسيا وبطولات وعالمية ماهم بحولها ابدا تحياتي لك ولمرورك |
راعد الصوت كلامك فيه من المبالغة الشئ الكثير نجوم الهلال اللي تركوا النادي باعارة او انتقال كان يمثلون عبئ على الفريق ولم يشاركوا بانتظام في اخر مواسمهم بالعربي لعيبة احتياط و (خارج التشكيلة) يعني الفايده معدومة اما بالنسبة للشباب فعندهم حق لاعبهم حسن معاذ احسن ظهير ايمن وضع نفسك مكان البلطان هل ستقايض لاعب صغير في السن ومواظب في التمارين واساسي بفريقك بلاعب تعدى سن ال30 ولا يلعب بانتظام وكثير الاصابات (عمر الغامدي) او لاعب غير منظبط وبعيد عن مستواه ومتقلب المزاج (خالد عزيز) بكل صراحة ما حدث من مفاوضات هلالية اؤيدها واتمنى ان يتم بيع عيسى المحياني وعزيز مقابل الحصول على حسن معاذ وعندها ستكون صفقة مرضية لجميع الاطراف لا تنسى كل فريق يبحث عن مصلحته اولا مهما كان الود بين الاندية ورؤسائها |
كلام سليم .. والله يوفق الهلال يارب .. |
اخوي اولا عمر الغامدي طلع من الشباب اعتقد وراح لتعاون يمكن وكيف تقول محاور الشباب اقويا عزيز وعمر اصلن عمر الغامدي الموسم الي فات مالعب كثير اغلب المباريات مصاب وبعدين عزيز ماراح يعطونه الشباب بس عزيز يستاهل الي يطرده برا النادي لانه مااحترم الشعار وبعدين الفئات السنية وجه كلامك لبندر بن محمد لانه هو الي ماسكها ولما تكلم الامير عبدالله بن مساعد وانتقد العمل الي في الفئات السنيه زعل الامير بندر بن محمد وبالنسبه لصفقات المحليه اذا الهلال دخل فيها رفعو الاسعار والادله كثير لما الهلال طلب من نادي النجمه لاعبهم زامل السليم المهاجم طلبو مبلغ كبير الكلام هاذا العام والسنه هاذي الاعب نفسه وقع مخالصه مع ناديه وراح للاتفاق في المجان والهلال لما طلب من الفيصلي مدافع اعارة لمدة 6 شهور طلب الفيصلي 6 مليون سلامات والله لو بيجيب فردناند هاذا يدل ان الانديه تنظر للهلال في منظار ثاني ولما تقول الهلال يهتم في التعاقد مع اجنبي اكثر من المحلي اقولك ايه نعم يهتم بالاجنبيي لان الاجنبي لاعب محترف يقدر الشعار مو محلي يبدع مباراتين والباقي نايم والاجنبي يعطيك مثل ماتعطية بعكس المحلي ياخذ اكبر من حجمه وهو مايستاهل وجهة نظر تحتمل الخطاء والصواب ومشكور |
بكل بساطه عشانك هلالي ...! يعني اي مفاوضات يدخل فيها الهلال ابقصد المحليه خذها من عندي راح تكون نهايتها فاشله ... والسبب الهلال بطل ومحارب وزد على ذلك تطلب الانديه مبالغ كبيره جدا لا تساوي الاعب المحلي مع احترامي وتقديري للكثير من الاعبين ... :yes: فمن الصعب تجيب (مثلاً) شهيل او معاذ او الرهيب او ..... الخ . بمبالغ كبيره جدا ومبالغ فيها كثيراً ...!:cry: يعني خلونا نفكر في القاعده وصدقوني راح تنجب نجوم ... :ba::ba1: يعطيك العافيه ع طرحك يالغالي ... :rose: |
| الوقت المعتمد في المنتدى بتوقيت جرينتش +3.
الوقت الان » 01:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd